လံာ်တၢ်ကဲထီၣ်အခီၣ်ထံး 12:16 - Sgaw Karen Common Bible

¹⁶ မ့ၢ်လၢနီၢ်စၤရဲအဃိစီၤပၤတူၢ်လိာ်မၤဘျုးစီၤအၤဘြၣ်ဂ့ၤဂ့ၤဘၣ်ဘၣ် ဒီးဟ့ၣ်အီၤလၢသိဒီးမဲာ်တဲးလဲး, ဂီၤဖံး, ကသ့ၣ်ယီၤ, ကုၢ်ဒီးကီၤလၤအူးသ့ၣ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 12:16 Iomraidhean Croise

လံာ်တၢ်ကဲထီၣ်အခီၣ်ထံး 13:2

စီၤအၤဘြၣ်မ့ၢ်ပှၤထူးဝဲတီၤဝဲဒိၣ်မးလၢအအိၣ်ဒီးသိ, မဲာ်တဲးလဲးဒီးဂီၤဘုၣ်ဂီၤဖံးဒီးထူဧိၤလွဲဧိၤ, ကျိၣ်ဧိၤစ့ဧိၤသ့ၣ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 13:6

မၤသးဒ်န့ၣ်ဒီး, တၢ်အီၣ်ဆၣ်အလီၢ်တအိၣ်လၢလၢလီၣ်လီၣ်လၢအဝဲသ့ၣ် ခံဂၤကအိၣ်ဒ်သိးသိးအဂီၢ်ဘၣ်န့ၣ်လီၤ. အဂ့ၢ်ဒ်အံၤ, အဝဲသ့ၣ်အိၣ်ဒီးဆၣ်ဖိကီၢ်ဖိအါအါကလဲာ်လီၤ.

လံာ်တၢ်ကဲထီၣ်အခီၣ်ထံး 16:1

စီၤအၤဘြၣ်အမါနီၢ်စၤရဲန့ၣ်တဆံးစၢ်န့ၢ်အဖိနီတဂၤလၢစီၤအၤဘြၣ်အဂီၢ်ဘၣ်. မ့မ့ၢ်အဝဲဒၣ်အိၣ်ဒီးအပှၤအဲၤကူပတူးဖိအကုၢ်ပိာ်မုၣ်တဂၤလၢအမံၤမ့ၢ်ဝဲ နီၢ်ဟၤကၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 20:14

ဒီးစီၤအဘံၤမ့လ့းဟ့ၣ်က့ၤနီၢ်စၤရါဆူစီၤအၤဘြၤဟၣ်အအိၣ် ဒီးဟ့ၣ်စ့ၢ်ကီးဝဲသိ, ဂီၤဘုၣ်ဂီၤဖံးဒီးကုၢ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 24:35

ယွၤဆိၣ်ဂ့ၤယကစၢ်ဒိၣ်မးဒီးဒုးကဲထီၣ်အီၤလၢပှၤထူးပှၤတီၤ တဂၤန့ၣ်လီၤ. ယွၤဟ့ၣ်အီၤလၢသိ, မဲာ်တဲးလဲးဒီးဂီၤဘုၣ်ဂီၤဖံးအဖုအဂီၢ် တဖၣ်, စ့, ထူဒီးကုၢ်ပိာ်မုၣ်ကုၢ်ပိာ်ခွါတဖၣ်, ကီၤလၤအူးဒီးကသ့ၣ် ယီၤတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 26:14

မ့ၢ်လၢအဝဲအိၣ်ဒီးအသိအဖုအဂီၢ်တဖၣ်, အဂီၤဘုၣ်ဂီၤဖံးအဖု အဂီၢ်တဖၣ်အါအါဂီၢ်ဂီၢ်ဒီးအကုၢ်အပှၤအါဒံအါဂၤအဃိဒီးပှၤ ဖလ့ၡသးဖိတဖၣ်သးက့ၣ်အီၤလီၤ.

လံာ်တၢ်ကဲထီၣ်အခီၣ်ထံး 30:43

လၢကျဲဒ်အံၤန့ၣ်, စီၤယၤကိာ်ထူးတီၤထီၣ်ဝဲအါအါကလဲာ်လီၤ. အဝဲအိၣ်ဒီးအသိအဖုတဖၣ်, အကုၢ်သ့ၣ်တဖၣ်, ကီၤလၤအူးတဖၣ်, ဒီးကသ့ၣ်ယီၤတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 32:5

ယအိၣ်ဒီးဂီၤဘုၣ်ဂီၤဖံး, ကသ့ၣ်ယီၤ, သိဒီးမဲာ်တဲးလဲးဒီး ကုၢ်သ့ၣ်တဖၣ်လီၤ. တၢ်ဒိၣ်ဧၢ, ယဆှၢလီၤတၢ်ကစီၣ်လၢတၢ်မုၢ်လၢ်အပူၤဒ်သိးယကဒိး န့ၢ်ဘၣ်နတၢ်သးကညီၤကွၢ်မဲာ်ယၤလီၤ.”

လံာ်စီၤယိၤဘး 1:3

ဒီးအတၢ်ဖိတၢ်လံၤမ့ၢ်သိနွံကထိ, ကီၤလၤအူးသၢကထိ, ဂီၤဖံးတကထိ, ဒီးကသ့ၣ်ယီၤမိၢ်ယဲၢ်ကယၤ, ဒီးအခ့အပှၤ အိၣ်ဝဲအါအါကလဲာ်န့ၣ်လီၤ. ပှၤတဂၤအံၤမ့ၢ်ပှၤအကဲဒိၣ် ကတၢၢ်လၢပှၤမုၢ်ထီၣ်ဖိခဲလၢာ်အကျါန့ၣ်လီၤ.

လံာ်စီၤယိၤဘး 42:12

ဒီးယွၤဆိၣ်ဂ့ၤစီၤယိၤဘးအတၢ်အိၣ်မူလၢခံတပတီၢ်အါန့ၢ် ဒံးအဆိၣ်ဂ့ၤတ့ၢ်အီၤလၢအခီၣ်ထံးန့ၣ်လီၤ. စီၤယိၤဘးအိၣ်ဝဲဒီးသိတကလးလွံၢ်ကထိ, ကီၤလၤအူးဃု ကထိ, ဂီၤဖံးအဆိတကထိဒီးကသ့ၣ်ယီၤမိၢ်တကထိလီၤ.

လံာ်လူၤကၣ် 12:45

ဘၣ်ဆၣ်ဒီးတၢ်ခ့တၢ်ပှၤအဝဲန့ၣ်မ့ၢ်စံးလီၤက့ၤအသး, ‘ယကစၢ်ကဟဲက့ၤအဆၢကတီၢ်ယံာ်ဒံးဝဲလီၤ. ဒီးဒိတီၢ်တၢ်ခ့တၢ်ပှၤပိာ်မုၣ်ပိာ်ခွါခဲလၢာ်, ဒီးအီၣ်တၢ်ဒီးအီတၢ်ဒီးအီမူၤအသးန့ၣ်,