လံာ်တၢ်ကဲထီၣ်အခီၣ်ထံး 12:1 - Sgaw Karen Common Bible

¹ ဒီးယွၤစံးဘၣ်စီၤအၤဘြၣ်, “ဟးထီၣ်နဲလၢနထံနကီၢ်, နဘူးနတံၢ်အအိၣ်, ဒီးနပၢ်အဟံၣ်, ဒီးလဲၤဆူထံကီၢ်တဘ့ၣ်လၢ ယကဒုးနဲၣ်နၤတက့ၢ်.

လံာ်တၢ်ကဲထီၣ်အခီၣ်ထံး 12:1 Iomraidhean Croise

လံာ်တၢ်ကဲထီၣ်အခီၣ်ထံး 15:7

ဒီးယွၤစံးဘၣ်အီၤ, “ယမ့ၢ်ယွၤလၢအဒုးဟးထီၣ်နၤလၢဝ့ၢ်အူၢ် လၢကီၢ်ဘၤဘူၤလိၣ်အပူၤဒ်သိးယကဟ့ၣ်လီၤနၤထံကီၢ်အံၤလၢနတၢ် ဒၣ်နဲအဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 20:13

မၤသးဒ်န့ၣ်ဒီးဖဲကစၢ်ယွၤဆှၢယၤလၢယပၢ်အဟံၣ်ဆူတခီ ထံတခီကီၢ်အပူၤန့ၣ်ယစံးတ့ၢ်အီၤ, “နပာ်ဖျါထီၣ်နတၢ်သးတီ ဒီးယၤသ့ခီဖျိနတၢ်စံးဘၣ်တဲဘၣ်ပှၤကိးဂၤဒဲးလၢယမ့ၢ်နဒီ ပုၢ်ဝဲၢ်ခွါန့ၣ်လီၤ.”

လံာ်တၢ်ကဲထီၣ်အခီၣ်ထံး 24:38

အခိၣ်တလိာ်, လဲၤဆူယပၢ်အပှၤဂီၢ်မုၢ်အအိၣ်, ဆူယဘူးယတံၢ်တဖၣ်အအိၣ်ဒီးဃုထၢန့ၢ်မါတဂၤလၢအဂီၢ်တက့ၢ်.’

လံာ်တၢ်ကဲထီၣ်အခီၣ်ထံး 24:4

နဘၣ်က့ၤဆူကီၢ်လၢယအိၣ်ဖျဲၣ်ထီၣ်ဝဲဒီးမၤန့ၢ်မါတဂၤလၢယဖိ ခွါစီၤအံၤစဲးအဂီၢ်လၢယဘူးယတံၢ်တဖၣ်အကျါန့ၣ်လီၤ.”

လံာ်တၢ်ကဲထီၣ်အခီၣ်ထံး 24:7

ယွၤ, မူခိၣ်အကစၢ်ယွၤ, စိာ်ထီၣ်ယၤလၢယပၢ်အဟံၣ်ဒီးယဘူးယတံၢ် သ့ၣ်တဖၣ်အထံအကီၢ်ဒီးအၢၣ်လီၤယၤသညူးသပှၢ်လၢကဟ့ၣ်ဝဲကီၢ်တဘ့ၣ် အံၤလၢယစၢၤယသွဲၣ်တဖၣ်န့ၣ်လီၤ. အဝဲကဆှၢလီၤအကလူးလၢနမဲာ်ညါဒ်သိးနကမၤန့ၢ်မါတဂၤဖဲန့ၣ်လၢ ယဖိခွါအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 26:2

ဒီးယွၤလီၣ်ဖျါထီၣ်အသးလၢစီၤအံၤစဲးအမဲာ်ညါဒီးစံးဝဲ ဒၣ်, “လဲၤဆူကီၢ်အဲၤကူပတူးအပူၤတဂ့ၤ. အိၣ်လၢကီၢ်လၢယစံးဘၣ် နၤအပူၤတက့ၢ်.

လံာ်စီၤနဃ့မယၤ 9:7

နဲဒၣ်ယွၤ, ကစၢ်ယွၤဧၢ, နဃုထၢစီၤအၤဘြၣ် ဒီးနကိးထီၣ်ကွံာ်အီၤလၢဝ့ၢ်အူၢ်လၢကီၢ်ဘၤဘူၤလိၣ် ဒီးနလဲလိာ်ကွံာ်အမံၤဆူစီၤအၤဘြၤဟၣ်လီၤ.

လံာ်ယၡါယၤ 37:12

ယမိၢ်ပၢ်ဖံဖုတဖၣ်မၤဟးဂီၤကွံာ်ဝ့ၢ်တဖၣ်လၢအမ့ၢ်ဝဲကိစၣ်, ဃရၣ်, ဒီးရ့စ့း, ဒီးမၤသံတ့ၢ်ပှၤဧ့ဒ့ၣ်ဖိလၢအအိၣ်လၢသလး စၢ်အပူၤ, ဒီးအကစၢ်တဖၣ်အုၣ်က့ၤခီၣ်က့ၤအဝဲသ့ၣ်တသ့ နီတဂၤဘၣ်.

လံာ်ယၡါယၤ 41:9

ယဟဲစိာ်သုလၢဟီၣ်ခိၣ်အကတၢၢ်တဖၣ်, ယကိးထီၣ်သုလၢအသနၢၣ်လၢအယံၤကတၢၢ်တဖၣ်ဒီးစံးဘၣ်သု, “သုမ့ၢ်ယခ့ယပှၤလီၤ. ယတညိကွံာ်သုဘၣ်. မ့မ့ၢ်ယဃုထၢသုလီၤ.”

လံာ်ယၡါယၤ 51:2

ဆိကမိၣ်ထီၣ်သုမိၢ်ပၢ်ဖးဒိၣ်လၢပျၢၤစီၤအၤဘြၤဟၣ် ဒီးနီၢ်စၤရါလၢသုဟဲလီၤစၢၤလီၤသွဲၣ်လၢအီၤန့ၣ်တက့ၢ်. ဖဲယကိးထီၣ်စီၤအၤဘြၤဟၣ်န့ၣ်အဖိတအိၣ်ဘၣ်. ဘၣ်ဆၣ်ယဆိၣ်ဂ့ၤတ့ၢ်အီၤဒီးဟ့ၣ်အီၤအဖိတဖၣ်လီၤ. ယဒုးအိၣ်ထီၣ်အစၢၤအသွဲၣ်တဖၣ် အါအါဂီၢ်ဂီၢ်န့ၣ်လီၤ.

လံာ်တၢ်ဂံၢ် 10:30

စီၤဃိဘးစံးဆၢဝဲဒၣ်, “တမ့ၢ်ဘၣ်. ယကဘၣ်က့ၤကဒါဆူ ယထံယကီၢ်ဒၣ်ယဲန့ၣ်လီၤ.”

၂ ကရံၣ်သူး 6:17

ဒီးလၢတၢ်န့ၣ်အဃိကစၢ်စံးဝဲ, “သုကဘၣ်ပာ်တီၢ်ကွံာ်အဝဲသ့ၣ် ဒီးမၤလီၤဖးကွံာ်သုသးလၢအီၤလီၤ. တဘၣ်မၤဘၣ်ဃးသုသးဒီး တၢ်လၢအတကဆှီန့ၣ်နီတမံၤတဂ့ၤ. ဒီးယကတူၢ်လိာ်သုလီၤ.

ဧ့ၤဘြံၤ 11:8

တၢ်စူၢ်တၢ်နာ်န့ၣ် ဒုးစူၢ်စီၤအၤဘြၤဟၣ်အတၢ်ဖဲကစၢ်ယွၤကိးထီၣ် အီၤဒ်သိးအကလဲၤဆူကီၢ်လၢကစၢ်ယွၤအၢၣ်လီၤတ့ၢ်အီၤလၢ ကဟ့ၣ်အီၤန့ၣ်လီၤ. အဝဲဟးထီၣ်လၢ အထံအကီၢ်ဒၣ်ဝဲအပူၤဒီးကလဲၤဖဲလဲၣ်ဖဲလဲၣ်န့ၣ် တသ့ၣ်ညါဝဲဘၣ်.

လံာ်လီၣ်ဖျါ 18:4

တုၤနုၤတစုယနၢ်ဟူတၢ်ကလုၢ်အဂၤတထံၣ်လၢမူခိၣ်န့ၣ်စံးဝဲ, “ဟးထီၣ်ကွံာ်တက့ၢ်, ယပှၤဂီၢ်မုၢ်သ့ၣ်ဧၢ, ဟးထီၣ်ကွံာ်လၢအဝဲဒၣ်အပူၤတက့ၢ်. သုတဘၣ်မၤဘၣ်ထွဲဃုာ်သုသးလၢ အဝဲအတၢ်ဒဲးဘးတဖၣ်ဘၣ်. သုတဘၣ်တူၢ်သကိးအဝဲအတၢ်စံၣ်ညီၣ်ဘၣ်.