လံာ်တၢ်ကဲထီၣ်အခီၣ်ထံး 11:7 - Sgaw Karen Common Bible

⁷ မ်ပလဲၤလီၤသကိးဒီးမၤဃါဃုာ်ကွံာ်အကျိာ်ဒ်သိးတဖုဒီးတဖု အသုတနၢ်ပၢၢ်လိာ်အသးတဂ့ၤန့ၣ်တက့ၢ်.”

လံာ်တၢ်ကဲထီၣ်အခီၣ်ထံး 11:7 Iomraidhean Croise

လံာ်တၢ်ကဲထီၣ်အခီၣ်ထံး 1:26

ဒီးကစၢ်ယွၤစံးဝဲဒၣ်, “ဒီးခဲကနံၣ်အံၤ ပကတ့လီၤပာ်လီၤပှၤကညီတဖၣ်, လၢအကလီၤဂာ်ဒီးပှၤ ဒီးဒ်သိးသိးလိာ်အသးဒီးပှၤလီၤ. အဝဲသ့ၣ်ကအိၣ်ဒီးတၢ်စိတၢ်ကမီၤ လၢဒ့ၣ်ဧိၤညၣ်ဧိၤ, ထိၣ်ဧိၤလံာ်ဧိၤဒီးကယဲၢ်ဆၣ်ဖိကီၢ်ဖိခဲလၢာ်, အဒၢဒီးအမံၤ, အဒိၣ်ဒီးအဆံးသ့ၣ်တဖၣ်အဖီခိၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 10:20

ပှၤသ့ၣ်တဖၣ်အံၤမ့ၢ်ပှၤလီၤစၢၤလၢစီၤဃၣ်ဒီးအိၣ်ဝဲဆိးဝဲ လၢအဒူၣ်ဖိထၢဖိဒၣ်ဝဲဒီးအထံအကီၢ်ဒၣ်ဝဲအပူၤလီၤဆီဆီ န့ၣ်လီၤ. တဖုစုာ်စုာ်န့ၣ်ကတိၤဒၣ်တၢ်လၢအကျိာ်ဒၣ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 10:32

ကယဲၢ်ပှၤဂီၢ်မုၢ်ခဲလၢာ်အံၤမ့ၢ်စီၤနိအၤအစၢၤအသွဲၣ်တဖၣ်, တကလုာ်ဘၣ်တကလုာ်ဒ်အတၢ်လီၤစၢၤလီၤဆီလိာ်အသးဒၣ်ဝဲအသိးန့ၣ်လီၤ. ထံလုၣ်ဘၢတၢ်ဝံၤအလီၢ်ခံကယဲၢ်ပှၤကလုာ်ခဲ လၢာ်လၢဟီၣ်ခိၣ်ချၢန့ၣ်မ့ၢ်ပှၤလီၤစၢၤလၢစီၤနိအၤအဖိခွါ တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 10:5

အဝဲသ့ၣ်တဖၣ်မ့ၢ်ပၢ်လၢပျၢၤတဖၣ်လၢပှၤဂီၢ်မုၢ်အိၣ်လၢပီၣ်လဲၣ် ကၢၢ်နံၤဒီးကီးသ့ၣ်တဖၣ်အဖီခိၣ်အဂီၢ်န့ၣ်လီၤ. ပှၤသ့ၣ်တဖၣ်အံၤမ့ၢ်ပှၤလီၤစၢၤလၢစီၤယ့းဖ့းသးဒီးအိၣ်ဝဲ ဆိးဝဲလၢအပှၤကလုာ်ဒၣ်ဝဲဒီးအထံအကီၢ်ဒၣ်ဝဲလီၤဆီဆီ, ဒီးတဖုစုာ်စုာ်န့ၣ်ကတိၤအကျိာ်ဒၣ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 11:5

တုၤနုၤတစုယွၤဟဲလီၤဒ်သိးအကကွၢ်ဝ့ၢ်ဒီးတၢးထီခၢၣ်သနၢၣ် န့ၣ်လၢပှၤတဖၣ်န့ၣ်ဘှီထီၣ်တ့ၢ်ဝဲ,

လံာ်တၢ်ကဲထီၣ်အခီၣ်ထံး 3:22

ဒီးယွၤ, ကစၢ်ယွၤစံးဝဲဒၣ်, “ဒီးခဲကနံၣ်အံၤပှၤကညီလီၤဂာ် ဒီးပှၤတဂၤလၢပသိးပကျါ, ဒီးအိၣ်ဒီးတၢ်သ့ၣ်ညါတၢ်ဂ့ၤဒီးတၢ်လၢအတဂ့ၤန့ၣ်လီၤ. မ်အသုတဘၣ်တၢ်ပျဲအီၤဒ်သိးအကဟံးန့ၢ်သ့ၣ်သၣ်လၢသ့ၣ်တထံးလၢ အဟ့ၣ်တၢ်မူဒီးအီၣ်အီၤဒီးအိၣ်မူလီၤထူလီၤယိာ်န့ၣ်တဂ့ၤ.

လံာ်တၢ်ကဲထီၣ်အခီၣ်ထံး 42:23

စီၤယိၤသးနၢ်ပၢၢ်တၢ်လၢအဝဲသ့ၣ်စံးတ့ၢ်ဝဲ, ဘၣ်ဆၣ်အဝဲသ့ၣ်တသ့ၣ်ညါဝဲဘၣ်. အဂ့ၢ်ဒ်အံၤ, အဝဲသ့ၣ်ကတိၤတၢ်ဒီးအီၤခီဖျိပှၤကတိၤကျိးထံတၢ်တဂၤန့ၣ် လီၤ.

လံာ်စီၤယိၤဘး 12:20

အဝဲဒုးအိၣ်ဘှီၣ်ကွံာ်ပှၤလၢအဘၣ်တၢ်နာ်န့ၢ်အီၤဒီးဟံးထီၣ် ကွံာ်ပှၤသးပှၢ်တဖၣ်အတၢ်ကူၣ်သ့န့ၣ်လီၤ.

စံးထီၣ်ပတြၢၤ 2:4

ယွၤအိၣ်လၢအလီၢ်ပစိာ်လၢမူခိၣ်န့ၣ်နံၤဝဲ ဒီးဒုၣ်ဒွဲၣ်အဝဲသ့ၣ်အတၢ်ကူၣ်ထီၣ်ဖးလီၤလၢ အတဂိာ်တသီၣ်တဖၣ်န့ၣ်လီၤ.

စံးထီၣ်ပတြၢၤ 33:10

ယွၤမၤဟးဂီၤပှၤကလုာ်အဂၤတဖၣ် အတၢ်ကူၣ်ထီၣ်ဖးလီၤ, မၤတံာ်တာ်အတၢ်ပာ်လီၤအသးတဖၣ်န့ၣ်လီၤ.

စံးထီၣ်ပတြၢၤ 55:9

ယွၤဧၢ, မၤဟးဂီၤအတၢ်တိာ်ပာ် ဒီးမၤသဘံၣ်ဘုၣ်အပျ့ၤတဖၣ်န့ၣ်တက့ၢ်. အဂ့ၢ်ဒ်အံၤ, ယထံၣ်တၢ်မၤအၢဒီး တၢ်အ့ၣ်လိာ်ဆိးက့လိာ်လၢဝ့ၢ်ပူၤလီၤ.”

လံာ်တၢ်ဟးထီၣ်ကွံာ် 4:11

ဒီးယွၤစံးဘၣ်အီၤ, “မ့ၢ်မတၤတ့ပှၤကညီအထးခိၣ်လဲၣ်. ပှၤတအုၣ်, ပှၤနၢ်တအၢ, ပှၤထံၣ်တၢ်သ့ဒီးပှၤမဲာ်ဘျီၣ်န့ၣ်မ့ၢ် မတၤဒုးကဲထီၣ်အီၤတဂၤလဲၣ်. ယၤ, ယွၤတမ့ၢ်ဘၣ်ဧါ.

လံာ်ယၡါယၤ 33:19

သုတထံၣ်ဘၣ်လၢၤပှၤတခီဘီမုၢ်ဖိလၢအပာ်ထီၣ်ထီ အသးဒီးကတိၤကျိာ်လၢသုတနၢ်ပၢၢ်အီၤန့ၣ်နီတစုလၢၤဘၣ်.

လံာ်ယၡါယၤ 6:8

အန့ၣ်ဒီးယနၢ်ဟူယွၤစံးဝဲဒၣ်, “ယကမၢလီၤမတၤတဂၤလဲၣ်. ဒီးမ့ၢ်မတၤကကဲထီၣ်ပပှၤစိာ် တၢ်ကစီၣ်တဂၤလဲၣ်.” ဒီးယစံး, “ယကလဲၤလီၤ. ဆှၢလီၤယၤတက့ၢ်.”

လံာ်ယံးရမံယၤ 5:15

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ယွၤမၢလီၤပှၤတကလုာ်လၢ အဟဲလၢကီၢ်အယံၤလၢကဒုးသုးအဂီၢ်လီၤ. မ့ၢ်ပှၤတကလုာ်လၢအဂံၢ် ဆူၣ်ဘါဆူၣ်ဒီးအိၣ်တ့ၢ်ဝဲလၢပျၢၤလံၤလံၤ, ပှၤတကလုာ် လၢသုတသ့ၣ်ညါနၢ်ပၢၢ်အကျိာ်ဘၣ်န့ၣ်လီၤ.

1 ကရံၣ်သူး 14:23

မ့မ့ၢ်ဒ်န့ၣ်ဒီး, တၢ်အိၣ်ဖှိၣ်ဒီဖုညါမ့ၢ်ထံၣ်လိာ်ပာ်ဖှိၣ်သကိး အသးဒီးပှၤကိးဂၤဒဲးဒီးစးထီၣ်ကတိၤတၢ်လၢပျ့ၤလီၤဆီတဖၣ်, ဒီးပှၤမုၢ်ဆ့ၣ်မုၢ်ဂီၤတနီၤမ့တမ့ၢ်ပှၤတစူၢ်တနာ်တၢ်တဖၣ်ဟဲနုာ် လီၤန့ၣ်, အဝဲသ့ၣ်ကစံးလၢသုပျုၢ်ကိးဂၤဒဲးလီၤတမ့ၢ်ဘၣ်ဧါ.

လံာ်သိၣ်လီၤသီလီၤတၢ် 28:49

ယွၤကဟဲစိာ်ပှၤကလုာ်တကလုာ်လၢဟီၣ်ခိၣ်အကတၢၢ်တခီလၢကထီဒါသု, ပှၤကလုာ်တကလုာ်လၢသုတသ့ၣ်ညါဘၣ်အကျိာ်န့ၣ်လီၤ. ဒ်လံာ်ကြီကြာ်တဘ့ၣ်အသိး, အဝဲသ့ၣ်ကဟဲသဖှိဃီၤဖီၣ်စှီၤန့ၢ်သုန့ၣ်လီၤ.