လံာ်တၢ်ကဲထီၣ်အခီၣ်ထံး 11:6 - Sgaw Karen Common Bible

⁶ ဒီးစံးဝဲဒၣ်, “ခဲကနံၣ်အံၤပှၤသ့ၣ်တဖၣ်အံၤမ့ၢ်ပှၤတဖုဃီ ဒီးစံးကတိၤကျိာ်တကျိာ်ဃီန့ၣ်လီၤ. တၢ်အံၤမ့ၢ်ဒံးထဲတၢ်အခီၣ်ထံးဖိလၢတၢ်လၢအဝဲသ့ၣ်သါကမၤဝဲ တယံာ်ဘၣ်ဒီးတၢ်တမံၤဂ့ၤတမံၤဂ့ၤလၢအသးအိၣ်မၤဝဲန့ၣ်အဝဲ သ့ၣ်မၤဝဲကသ့ကန့ၢ်လီၤ.

လံာ်တၢ်ကဲထီၣ်အခီၣ်ထံး 11:6 Iomraidhean Croise

လံာ်တၢ်ကဲထီၣ်အခီၣ်ထံး 11:1

လၢအခီၣ်ထံးန့ၣ်ပှၤဟီၣ်ခိၣ်ဖိခဲလၢာ်အိၣ်ဒီးအကျိာ်ထဲတခါ ဧိၤဒီးသူတၢ်ကတိၤတဖၣ်တမံၤဃီန့ၣ်လီၤ.

လံာ်တၢ်ကဲထီၣ်အခီၣ်ထံး 3:22

ဒီးယွၤ, ကစၢ်ယွၤစံးဝဲဒၣ်, “ဒီးခဲကနံၣ်အံၤပှၤကညီလီၤဂာ် ဒီးပှၤတဂၤလၢပသိးပကျါ, ဒီးအိၣ်ဒီးတၢ်သ့ၣ်ညါတၢ်ဂ့ၤဒီးတၢ်လၢအတဂ့ၤန့ၣ်လီၤ. မ်အသုတဘၣ်တၢ်ပျဲအီၤဒ်သိးအကဟံးန့ၢ်သ့ၣ်သၣ်လၢသ့ၣ်တထံးလၢ အဟ့ၣ်တၢ်မူဒီးအီၣ်အီၤဒီးအိၣ်မူလီၤထူလီၤယိာ်န့ၣ်တဂ့ၤ.

လံာ်တၢ်ကဲထီၣ်အခီၣ်ထံး 6:5

ဒီးတုၤယွၤထံၣ်ဝဲလၢပှၤကိးဂၤဒဲးလၢဟီၣ်ခိၣ်ချၢသ့ၣ်တဖၣ် အံၤတတီတလိၤနးမး, ဒီးအတၢ်ဆိကမိၣ်ဆိကမးလၢအသးပူၤတမံၤလၢ်လၢ်မ့ၢ်ထဲတၢ်အၢတၢ် သီန့ၣ်,

လံာ်တၢ်ကဲထီၣ်အခီၣ်ထံး 8:21

တၢ်လုၢ်ထီၣ်အတၢ်နၢမူမၤမုာ်ယွၤအသး, ဒီးစံးလီၤက့ၤအသးဒၣ် ဝဲ, “ယတပာ်ကဒီးဟီၣ်ခိၣ်လၢတၢ်ဆိၣ်အၢအဖီလာ်လၢတၢ်လၢပှၤကညီမၤ ဝဲအဃိန့ၣ်နီတစုလၢၤဘၣ်. စးထီၣ်လၢအသးစၢ်ဒံးအကတီၢ်န့ၣ်အတၢ်ဆိကမိၣ်မ့ၢ်တၢ်အၢန့ၣ် ယသ့ၣ်ညါယဲလီၤ. ဒ်ယမၤတ့ၢ်တၢ်တဘျီ အံၤအသိးန့ၣ်ယတမၤဟးဂီၤကဒီးကယဲၢ်တၢ်လၢအမူ အသါအိၣ်တဖၣ်နီတစုလၢၤဘၣ်.

လံာ်တၢ်ကဲထီၣ်အခီၣ်ထံး 9:19

စီၤနိအၤအဖိခွါသၢဂၤအံၤမ့ၢ်ကယဲၢ်ပှၤဟီၣ်ခိၣ်ဖိခဲလၢာ် အပၢ်လၢပျၢၤတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 18:27

တုၤလီၤလၢမုၢ်ထူၣ်အကတီၢ်န့ၣ်, စီၤအ့ၤလံယၤစးထီၣ်မၤလီၤ နံၤဘၣ်ဖၣ်လဲအဝဲသ့ၣ်ဒီးစံးဝဲ, “ဘါထုကဖၣ်ဒိၣ်ထီၣ်တက့ၢ်. အဝဲမ့ၢ်ကစၢ်တဂၤလီၤ. ဘၣ်သ့ၣ်သ့ၣ်ကမ့ၢ်အဝဲအိၣ်လၢတၢ်ဆိကမိၣ်ယိာ်ပူၤမ့ၢ်ဂ့ၤ, အတၢ်ဖံးတၢ်မၤအါမ့ၢ်ဂ့ၤလီၤ. မ့တမ့ၢ်ဘၣ်ဒီးဘၣ်သ့ၣ်သ့ၣ်အဝဲ ကအိၣ်ဒီးတၢ်လဲၤတၢ်က့ၤတပူၤပူၤလီၤ. မ့တမ့ၢ်ဘၣ်န့ၣ်ကမ့ၢ်အဝဲမံဘၣ်အသးဒီးသုကဘၣ်ထိၣ်ဂဲၤထီၣ်အီၤ လီၤ.”

လံာ်ပှၤစံၣ်တဲၤတဲလီၤတၢ် 11:9

ပှၤသးစၢ်သ့ၣ်ဧၢ, မုာ်လၤလၢနတၢ်မ့ၢ်ပှၤသးစၢ်အဃိတက့ၢ်. ဖဲနသးစၢ်ဒံးအခါအံၤန့ၣ်, သူၣ်ဖှံသးညီတက့ၢ်. မၤတၢ်လၢနအဲၣ်ဒိးမၤဒီးလူၤထွဲနသးအတၢ်ဆၢန့ၢ်ဘၣ်တက့ၢ်. ဘၣ်ဆၣ်သ့ၣ်နီၣ်ထီၣ်က့ၤလၢကစၢ်ယွၤကစံၣ်ညီၣ်နၤလၢတၢ်လၢနမၤ အီၤတမံၤဂ့ၤတမံၤဂ့ၤအဃိတက့ၢ်.

လံာ်ဧၤမိၣ် 4:7

ယတြီဃာ်တၢ်ဟဲစူၤဖဲသုတၢ်မုၢ်တၢ်ဘိတဖၣ်လိၣ်ဘၣ်အီၤ အဒိၣ်ကတၢၢ်အကတီၢ်န့ၣ်လီၤ. ယဒုးဟဲစူၤလီၤတၢ်လၢဝ့ၢ်တ ဖျၢၣ်အဖီခိၣ်ဘၣ်ဆၣ်တြီဃာ်တၢ်စူၤလၢဝ့ၢ်အဂၤတဖျၢၣ်အဖီခိၣ် လီၤ. တၢ်ဟဲစူၤလီၤလၢဟီၣ်ခိၣ်တကဝီၤအဖီခိၣ်ဘၣ်ဆၣ်ဟီၣ်ခိၣ်အဂၤ တကဝီၤလၢတၢ်တဟဲစူၤဘၣ်န့ၣ်ဃ့ထီကွံာ်ဝဲလီၤ.

လံာ်လူၤကၣ် 1:51

အဝဲဒၣ်ယူာ်ထီၣ်အစုလၢအဂံၢ်ဆူၣ်ဘါဆူၣ် ဒီးမၤလီၤပြံလီၤပြါပှၤပာ်ထီၣ်ထီအသးလၢ ကယဲၢ်အတၢ်ကူၣ်ထီၣ်ဖးလီၤအပူၤတဖၣ်လီၤ.

မၤတၢ် 17:26

ယွၤတ့လီၤဆိပှၤကညီတဂၤဒီးဒုးအိၣ်ထီၣ်ပှၤဟီၣ်ခိၣ်ဖိကိး ကလုာ်ဒဲးဒီးဒုးအိၣ်ဝဲဆိးဝဲလၢဟီၣ်ခိၣ်ဒီဘ့ၣ်အပူၤန့ၣ်လီၤ. အဝဲအနီၢ်ကစၢ်ဒၣ်ဝဲသုးကျဲၤဆိပာ်စၢၤတၢ်အဆၢအကတီၢ် လီၤတံၢ်လီၤဆဲးဒီးတၢ်အလီၢ်အကျဲဖဲအဝဲသ့ၣ်ကအိၣ်ကဆိးဝဲ အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 10:14

လဲၤဒီးကိးထီၣ်တၢ်ဆူကစၢ်အဂၤတဖၣ်လၢသုဃုထၢတ့ၢ်အီၤန့ၣ် တက့ၢ်. မ်အဝဲသ့ၣ်အုၣ်က့ၤခီၣ်က့ၤသုဖဲသုဘၣ်တၢ်ကိၢ်တၢ်ဂီၤန့ၣ် တက့ၢ်.”