လံာ်တၢ်ကဲထီၣ်အခီၣ်ထံး 11:30 - Sgaw Karen Common Bible

³⁰ ဒီးနီၢ်စၤရဲန့ၣ်အဖိအိၣ်ဝဲတသ့တန့ၢ်ဘၣ်.

လံာ်တၢ်ကဲထီၣ်အခီၣ်ထံး 11:30 Iomraidhean Croise

လံာ်တၢ်ကဲထီၣ်အခီၣ်ထံး 11:31

ဒီးစီၤတ့ရၤဟံးန့ၢ်အဖိခွါစီၤအၤဘြၣ်, ဒီးအလံၤစီၤလိာ်လၢအမ့ၢ်စီၤဟၤရၣ်အဖိခွါ, ဒီးအဒဲၣ်နီၢ်စၤရဲလၢအမ့ၢ်စီၤအၤဘြၣ်အမါ, ဒီးဟးထီၣ်ဃုာ်ဒီးအဝဲသ့ၣ်လၢဝ့ၢ်အူၢ်လၢအအိၣ်လၢကီၢ်ဘၤဘူၤ လိၣ်အပူၤ, ဒ်သိးအကလဲၤဝဲဆူကီၢ်ကနၤဧၣ်န့ၣ်လီၤ. ဒီးလဲၤဝဲပၢၢ်လၢဝ့ၢ်ဟၤရၣ်ဒီးသူၣ်လီၤဆီလီၤအတၢ်အိၣ်တၢ် ဆိးအလီၢ်ဖဲန့ၣ်လီၤ.

လံာ်တၢ်ကဲထီၣ်အခီၣ်ထံး 25:21

ဒီးမ့ၢ်လၢနီၢ်ရံးဘကၤအဖိတအိၣ်ဘၣ်အဃိစီၤအံၤစဲးဘါထုကဖၣ် လၢအဂီၢ်န့ၣ်လီၤ. ဒီးယွၤစံးဆၢအတၢ်ထုကဖၣ်ဒီးနီၢ်ရံးဘကၤဒၢထီၣ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 29:31

ဒီးတုၤယွၤထံၣ်ဝဲဒၣ်လၢနီၢ်လ့ၤအၤဘၣ်တၢ်အဲၣ်အီၤစှၤန့ၢ် နီၢ်ရၤဃ့လးန့ၣ်မၤဝဲဒ်သိးနီၢ်လ့ၤအၤအိၣ်ဒီးအဖိကသ့ဝဲ အဂီၢ်န့ၣ်လီၤ. မ့မ့ၢ်, နီၢ်ရၤဃ့လးအိၣ်ဒံးဝဲဒ်ပှၤတူာ်ဖိအသိးန့ၣ်လီၤ.

စံးထီၣ်ပတြၢၤ 113:9

အဝဲမၤလၤကပီၤပိာ်မုၣ်တူာ်ဖိတဖၣ် လၢအဟံၣ်ပူၤ, ဒုးသးခုအဝဲသ့ၣ်ခီဖျိဟ့ၣ်အီၤဖိတဖၣ်န့ၣ်လီၤ. စံးထီၣ်ပတြၢၤယွၤတက့ၢ်.

လံာ်လူၤကၣ် 1:36

သ့ၣ်နီၣ်ထီၣ်နဘူးနတံၢ်နီၢ်အ့းလံၤစါဘ့းတက့ၢ်. တၢ်စံးတ့ၢ်ဝဲလၢအဝဲဒၣ်အဖိအိၣ်တသ့ဘၣ်. ဘၣ်ဆၣ်ဒီး, ခဲကနံၣ်အံၤအဝဲအသးပှၢ်ဒိၣ်မးသနာ်က့ အနီၢ်ကစၢ်ဒၣ်ဝဲအိၣ်ဒီးအဟုးအသးန့ၣ်အိၣ်လံဃုလါလံ.

လံာ်လူၤကၣ် 1:7

အဝဲသ့ၣ်အဖိတအိၣ်နီတဂၤဘၣ်. အဂ့ၢ်မ့ၢ်လၢ နီၢ်အ့းလံၤစါဘ့းမ့ၢ်ပှၤတူာ်ဖိဒီးအဝဲဒၣ်ဒီးစီၤစဃၤရံခံဂၤလၢာ် အသးပှၢ်ထီၣ်ဖးဒိၣ်လံအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 13:2

အကတီၢ်ဖဲန့ၣ်ပှၤအိၣ်ဝဲတဂၤအမံၤလၢစီၤမၤနိလီၤ. အဝဲဒၣ်အိၣ်လၢဝ့ၢ်စိးရၤလီၤ. အဝဲဒၣ်မ့ၢ်ဝဲစီၤဒၣ်အဒူၣ်ဖိထၢဖိအကျါတဂၤလီၤ. အဝဲအမါန့ၣ်အိၣ်ဒံၣ်အိၣ်ဖိတန့ၢ်ဝဲနီတစုဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 1:2

စီၤအ့လကါနၤအိၣ်ဒီးအမါခံဂၤ, နီၢ်ဃးနၤဒီးနီၢ်ပနံးနၤလီၤ. နီၢ်ပနံးနၤအိၣ်ဒီးအဖိတဖၣ်ဘၣ်ဆၣ်ဒီးနီၢ်ဃးနၤအဖိတအိၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 1:5

ဒီးအဝဲမ့ၢ်အဲၣ်ဝဲနီၢ်ဃးနၤဒိၣ်မးဒၣ်လဲာ်န့ၣ်ဟ့ၣ်ဒၣ်ဝဲထဲတပူဧိၤလီၤ. အဂ့ၢ်ဒ်အံၤ, ယွၤတြီဃာ်အီၤဒ်သိးအသုတအိၣ်ဒံၣ်အိၣ်ဖိတဂ့ၤအဂီၢ်လီၤ.