လံာ်တၢ်ကဲထီၣ်အခီၣ်ထံး 11:2 - Sgaw Karen Common Bible

² ဒီးဖဲအဝဲသ့ၣ်ဟးဝ့ၤဝီၤလၢမုၢ်ထီၣ်အဖၢမုၢ်န့ၣ်လဲၤတုၤလၢ ပျီအိၣ်လၢကီၢ်ဘၤဘူၤလိၣ်ဒီးသူၣ်လီၤဆီလီၤအတၢ်အိၣ်တၢ်ဆိးအလီၢ် ဖဲန့ၣ်လီၤ.

လံာ်တၢ်ကဲထီၣ်အခီၣ်ထံး 11:2 Iomraidhean Croise

လံာ်တၢ်ကဲထီၣ်အခီၣ်ထံး 10:10

လၢအခီၣ်ထံးန့ၣ်ဝ့ၢ်ဘၤဘူၤလိၣ်, ဝ့ၢ်အ့ရ့း, ဝ့ၢ်အးကး, ဝ့ၢ်သၢဖျၢၣ်လိာ်အိၣ်တပူၤဃီလၢကီၢ်ဘၤဘူၤလိၣ်အပူၤဒီးမ့ၢ် အဝဲအဘီအမုၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 11:1

လၢအခီၣ်ထံးန့ၣ်ပှၤဟီၣ်ခိၣ်ဖိခဲလၢာ်အိၣ်ဒီးအကျိာ်ထဲတခါ ဧိၤဒီးသူတၢ်ကတိၤတဖၣ်တမံၤဃီန့ၣ်လီၤ.

လံာ်တၢ်ကဲထီၣ်အခီၣ်ထံး 11:9

ဝ့ၢ်အံၤဘၣ်တၢ်ကိးအီၤလၢဝ့ၢ်ဘၤဘူၤလိၣ်လီၤ. အဂ့ၢ်ဒ်အံၤ, ဖဲန့ၣ်န့ၣ်, ယွၤမၤဃါဃုာ်ပှၤဟီၣ်ခိၣ်ဖိခဲလၢာ် အကျိာ်ဒီးစးထီၣ်ဖဲတၢ်လီၢ်န့ၣ်ယွၤမၤလီၤပြံလီၤပြါအဝဲ သ့ၣ်ဆူဟီၣ်ခိၣ်ဒီဘ့ၣ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 13:11

မၤသးဒ်န့ၣ်ဒီးစီၤလိာ်ဃုထၢထီၣ်ဝဲထံကျိယၢ်ဒ့ၣ်အတၢ်ပၢၤ ခိၣ်ဒီဘ့ၣ်ညါလၢအဂီၢ်ဒၣ်ဝဲဒီးသုးကွံာ်အသးဆူမုၢ်ထီၣ်တကပၤ န့ၣ်လီၤ. တၢ်န့ၣ်မ့ၢ်ပှၤခံဂၤအတၢ်အိၣ်လီၤဖးလိာ်အသးဒ်လဲၣ်အဂ့ၢ်န့ၣ် လီၤ.

လံာ်တၢ်ကဲထီၣ်အခီၣ်ထံး 14:1

ဒီးတၢ်မၤအသးလၢစီၤပၤလွံၢ်ဂၤလၢအမ့ၢ်ကီၢ်ဘၤဘူၤလိၣ်အစီၤ ပၤစီၤအးမရၤဖ့လး, ပှၤအ့းလးစၢ်အစီၤပၤစီၤအၤရယိာ်, ပှၤဧ့ၤလၣ်အစီၤပၤစီၤကဒၢ်လဧိမ့ၢ်ဒီးပှၤကလုာ်တဖၣ်အစီၤပၤ စီၤတံးဒၤလးသ့ၣ်တဖၣ်န့ၣ်,

လံာ်ယၡါယၤ 11:11

ဖဲမုၢ်နံၤန့ၣ်ဟဲတုၤဝဲဒီး, ယွၤကသူကဒီးအစိကမီၤတဘျီ ဒီးဟဲက့ၤစိာ်က့ၤအပှၤဂီၢ်မုၢ်ဆူဟံၣ်အပှၤဂီၢ်မုၢ်လၢအအိၣ် လီၤတဲာ်လၢကီၢ်အၤၡူၢ်ဒီးကီၢ်အဲၤကူပတူးကလံၤထံး, ဒီးလၢကီၢ်အဲၤကူပတူးကလံၤစိးပၤသြိၣ်, ကီၢ်ကူၤၡး, ကီၢ်အံၣ်ရး, ကီၢ်ဘၤဘူလိၣ်, ကီၢ်ဆၣ်ဃမါသး, ဒီးလၢပီၣ်လဲၣ်ကၢၢ် နံၤတဖၣ်ဒီးလၢပီၣ်လဲၣ်အကီးတဖၣ်အပူၤန့ၣ်လီၤ.

လံာ်ဒၤနံးယ့လး 1:2

ဒီးယွၤဟ့ၣ်လီၤကွံာ်ကီၢ်ယူဒၤအစီၤပၤစီၤယဟိၤယါကံၣ်ဆူအစု ပူၤဃုာ်ဒီးတၢ်လုၢ်ဒိၣ်ပှ့ၤဒိၣ်တနီၤလၢယွၤအတၢ်လုၢ်ဟံၣ်အပူၤ န့ၣ်လီၤ. ဒီးက့ၤဖီၣ်န့ၢ်ဝဲပှၤယူဒၤဖိတနီၤဆူကီၢ်ၡံနၢ်ဒီးပာ်ဝဲလီခီ ထူလီခီစ့တဖၣ်န့ၣ်, လၢအကစၢ်တဖၣ်အဟံၣ်အတၢ်ပာ်ဖှိၣ် အလီၢ်ပူၤန့ၣ်လီၤ.

လံာ်စကၤရယၤ 5:11

အဝဲစံးဆၢယၤ, “ဆူကီၢ်ဘၤဘူၤလိၣ်, ဖဲအကဘှီထီၣ်တၢ်လုၢ်ဟံၣ် တဖျၢၣ်လၢအဂီၢ်လီၤ. ဖဲတၢ်လုၢ်ဟံၣ်ဝံၤဝဲဒီးဃၤန့ၣ်ကဘၣ်တၢ်ပာ်အီၤဖဲန့ၣ်လၢတၢ်က ဘူၣ်ထီၣ်ဘါထီၣ်အီၤအဂီၢ်လီၤ.”