လံာ်တၢ်ကဲထီၣ်အခီၣ်ထံး 10:6 - Sgaw Karen Common Bible

⁶ ဒီးစီၤဃၣ်အဖိခွါန့ၣ်မ့ၢ်ဝဲစီၤကူၤၡး, စီၤအဲၤကူပတူး, စီၤဖူးဒီးစီၤကနၤဧၣ်တဖၣ်န့ၣ်လီၤ. အဝဲသ့ၣ်တဖၣ်န့ၣ်မ့ၢ်ပၢ်လၢပျၢၤတဖၣ်လၢအပှၤဂီၢ်မုၢ်စိာ်အဝဲ သ့ၣ်တဖၣ်အမံၤန့ၣ်လီၤ.

လံာ်တၢ်ကဲထီၣ်အခီၣ်ထံး 10:6 Iomraidhean Croise

လံာ်တၢ်ကဲထီၣ်အခီၣ်ထံး 10:5

အဝဲသ့ၣ်တဖၣ်မ့ၢ်ပၢ်လၢပျၢၤတဖၣ်လၢပှၤဂီၢ်မုၢ်အိၣ်လၢပီၣ်လဲၣ် ကၢၢ်နံၤဒီးကီးသ့ၣ်တဖၣ်အဖီခိၣ်အဂီၢ်န့ၣ်လီၤ. ပှၤသ့ၣ်တဖၣ်အံၤမ့ၢ်ပှၤလီၤစၢၤလၢစီၤယ့းဖ့းသးဒီးအိၣ်ဝဲ ဆိးဝဲလၢအပှၤကလုာ်ဒၣ်ဝဲဒီးအထံအကီၢ်ဒၣ်ဝဲလီၤဆီဆီ, ဒီးတဖုစုာ်စုာ်န့ၣ်ကတိၤအကျိာ်ဒၣ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 2:13

ထံကျိခံဘိတဘိန့ၣ်မ့ၢ်ဝဲထံကျိကံဃိၣ်ဒီးယွၤလီၤတရံးကီၢ်ကူၤၡးဒီဘ့ၣ်ညါလီၤ.

လံာ်တၢ်ကဲထီၣ်အခီၣ်ထံး 5:32

စီၤနိအၤအိၣ်မူဝဲအနံၣ်ယဲၢ်ကယၤဝံၤအလီၢ်ခံထီၣ်ဖိအဖိခွါ သၢဂၤလၢအမ့ၢ်စီၤၡ့ၣ်, စီၤဃၣ်ဒီးစီၤယ့ဖ့းသးတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 9:18

စီၤနိအၤအဖိခွါတဖၣ်လၢအဟးထီၣ်လၢကဘီပူၤန့ၣ်မ့ၢ်ဝဲ စီၤၡ့ၣ်, စီၤဃၣ်ဒီးစီၤယ့ဖ့းသးတဖၣ်လီၤ. (စီၤဃၣ်န့ၣ်မ့ၢ်စီၤကနၤဧၣ်အပၢ်န့ၣ်လီၤ.)

လံာ်တၢ်ကဲထီၣ်အခီၣ်ထံး 9:22

ဖဲစီၤကနၤဧၣ်အပၢ်စီၤဃၣ်ထံၣ်ဝဲလၢအပၢ်အိၣ်ဘ့ၣ်ဆ့န့ၣ်အဝဲဟး ထီၣ်ကွံာ်ဝဲဒီးတဲဘၣ်အဒီပုၢ်ဝဲၢ်ခံဂၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:40

ဖဲန့ၣ်, အဝဲသ့ၣ်ထံၣ်န့ၢ်တၢ်လီၢ်ဖးလဲၢ်လၢဂ့ၤဝဲ, ဒီးမ့ၢ်တၢ်လီၢ်လီၤပျီဖးဒိၣ်တတီၤလၢအဘှ့ၣ်အဘှီၣ်ဒီးမုာ်ခုၣ်န့ၣ်လီၤ. ပှၤဂီၢ်မုၢ်လၢအအိၣ်ဆိးတ့ၢ်လၢညါဖဲန့ၣ်မ့ၢ်ပှၤဃၣ်ဖိတဖၣ်လီၤ.

စံးထီၣ်ပတြၢၤ 105:23

တုၤစီၤယၤကိာ်လဲၤဆူ ကီၢ်အဲၤကူပတူး ဒီးအိၣ်ဝဲဆိးဝဲဖဲ ကီၢ်န့ၣ်အပူၤလီၤ.

စံးထီၣ်ပတြၢၤ 105:27

အဝဲသ့ၣ်မၤတ့ၢ်ကစၢ်ယွၤအတၢ်မၤဖးဒိၣ်တဖၣ် ဒီးမၤတၢ်လီၤလးတဖၣ်လၢ ကီၢ်အဲၤကူပတူးအပူၤလီၤ.

စံးထီၣ်ပတြၢၤ 106:22

တၢ်လၢအဝဲမၤတ့ၢ်ဝဲဖဲန့ၣ်တဖၣ်လီၤလးဒိၣ်မးလဲၣ်. လၢပီၣ်လဲၣ်ဂီၤန့ၣ်မၤတၢ်လီၤကမၢကမၣ်ဒိၣ်မးလဲၣ်.

စံးထီၣ်ပတြၢၤ 78:51

အဝဲမၤသံကယဲၢ်ဖိခွါဝဲၢ်ကိတဖၣ်လၢ ကီၢ်အဲၤကူပတူးအဟံၣ်ဖိဃီဖိအကျါန့ၣ်လီၤ.

လံာ်ယၡါယၤ 11:11

ဖဲမုၢ်နံၤန့ၣ်ဟဲတုၤဝဲဒီး, ယွၤကသူကဒီးအစိကမီၤတဘျီ ဒီးဟဲက့ၤစိာ်က့ၤအပှၤဂီၢ်မုၢ်ဆူဟံၣ်အပှၤဂီၢ်မုၢ်လၢအအိၣ် လီၤတဲာ်လၢကီၢ်အၤၡူၢ်ဒီးကီၢ်အဲၤကူပတူးကလံၤထံး, ဒီးလၢကီၢ်အဲၤကူပတူးကလံၤစိးပၤသြိၣ်, ကီၢ်ကူၤၡး, ကီၢ်အံၣ်ရး, ကီၢ်ဘၤဘူလိၣ်, ကီၢ်ဆၣ်ဃမါသး, ဒီးလၢပီၣ်လဲၣ်ကၢၢ် နံၤတဖၣ်ဒီးလၢပီၣ်လဲၣ်အကီးတဖၣ်အပူၤန့ၣ်လီၤ.

လံာ်ယံးရမံယၤ 46:9

ဟ့ၣ်လီၤတၢ်ကလုၢ်လၢ ကသ့ၣ်တဖၣ်လၢ ကလဲၤတၢ်ဒီး ပှၤနီၣ်လ့ၣ်ကဟၣ်ကနီၣ်တၢ်ဆူၣ်ဆူၣ် အဂီၢ်တက့ၢ်. ဆှၢထီၣ်သုးဖိတဖၣ် လၢအစိာ်ကတီၤတဖၣ်လၢ ကီၢ်ကူၤၡးဒီး လံးဘယၢ် ဃုာ်ဒီး ပှၤခးချံၣ်စဲၣ်နီးတဖၣ်လၢ ကီၢ်လူၤဒံန့ၣ်တက့ၢ်.’ ”

လံာ်ယဃ့းစက့လး 27:10

ပှၤသုးဖိတဖၣ်လၢ ကီၢ်ပၤရၣ်, ကီၢ်လူၤဒံဒီးကီၢ်လံးဘယၣ်မၤနၢ်နတၢ်လၢသုးမုၢ်အပူၤန့ၣ်လီၤ. အဝဲသ့ၣ်ဘျးထီၣ်အကတီၤတဖၣ်ဒီးခိၣ်ကုာ်သုးတဖၣ်လၢ နသုးဖိအိၣ်အဟံၣ်တဖၣ်အပူၤန့ၣ်လီၤ. အဝဲသ့ၣ်မ့ၢ် ပှၤတဖၣ်လၢအမၤနၢၤတၢ်လၢနလၤကပီၤအဂီၢ်န့ၣ်လီၤ.

လံာ်ယဃ့းစက့လး 38:5

ပှၤပိာ်ခွါတဖၣ်လၢကီၢ်ပၤရၣ်, ကီၢ်ကူၤၡးဒီးကီၢ်လံးဘယၣ်အိၣ် ဒီးအီၤဒီးအဝဲသ့ၣ်ခဲလၢာ်အိၣ်ဒီးကတီၤတဖၣ်ဒီးခိၣ်ကုာ်သုးတဖၣ် န့ၣ်လီၤ.