လံာ်တၢ်ကဲထီၣ်အခီၣ်ထံး 10:32 - Sgaw Karen Common Bible

³² ကယဲၢ်ပှၤဂီၢ်မုၢ်ခဲလၢာ်အံၤမ့ၢ်စီၤနိအၤအစၢၤအသွဲၣ်တဖၣ်, တကလုာ်ဘၣ်တကလုာ်ဒ်အတၢ်လီၤစၢၤလီၤဆီလိာ်အသးဒၣ်ဝဲအသိးန့ၣ်လီၤ. ထံလုၣ်ဘၢတၢ်ဝံၤအလီၢ်ခံကယဲၢ်ပှၤကလုာ်ခဲ လၢာ်လၢဟီၣ်ခိၣ်ချၢန့ၣ်မ့ၢ်ပှၤလီၤစၢၤလၢစီၤနိအၤအဖိခွါ တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 10:32 Iomraidhean Croise

လံာ်တၢ်ကဲထီၣ်အခီၣ်ထံး 10:1

ဒီးအအံၤမ့ၢ်စီၤနိအၤအဖိခွါ, စီၤၡ့ၣ်, စီၤဃၣ်ဒီးစီၤယ့း ဖ့းသးသ့ၣ်တဖၣ်အစၢၤအသွဲၣ်န့ၣ်လီၤ. အဖိခွါသၢဂၤအံၤထီၣ်ဖိ အဖိခွါတဖၣ်ဖဲထံလုၣ်ဘၢတၢ်ဝံၤအလီၢ်ခံန့ၣ်လီၤ.

လံာ်တၢ်ကဲထီၣ်အခီၣ်ထံး 10:20

ပှၤသ့ၣ်တဖၣ်အံၤမ့ၢ်ပှၤလီၤစၢၤလၢစီၤဃၣ်ဒီးအိၣ်ဝဲဆိးဝဲ လၢအဒူၣ်ဖိထၢဖိဒၣ်ဝဲဒီးအထံအကီၢ်ဒၣ်ဝဲအပူၤလီၤဆီဆီ န့ၣ်လီၤ. တဖုစုာ်စုာ်န့ၣ်ကတိၤဒၣ်တၢ်လၢအကျိာ်ဒၣ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 10:25

ဒီးစီၤဧ့ၤဘ့ၢ်အိၣ်ဒီးအဖိခွါခံဂၤလီၤ. တဂၤအမံၤမ့ၢ်ဝဲ စီၤပ့ၤလ့းမ့ၢ်လၢ, ဖဲအကတီၢ်န့ၣ်ပှၤဂီၢ်မုၢ်လၢဟီၣ်ခိၣ်ချၢ တဖၣ်လီၤဖးလိာ်အသးအဃိန့ၣ်လီၤ. ဒီးအဂၤတဂၤအမံၤမ့ၢ်ဝဲစီၤယးကတၣ်လီၤ.

လံာ်တၢ်ကဲထီၣ်အခီၣ်ထံး 10:31

အဝဲသ့ၣ်တဖၣ်န့ၢ်မ့ၢ်စီၤၡ့ၣ်အစၢၤအသွဲၣ်တဖၣ်လၢအအိၣ်ဝဲ ဆိးဝဲလၢအဒူၣ်ဖိထၢဖိဒၣ်ဝဲ, ဒီးအကီၢ်ဒၣ်ဝဲလီၤဆီဆီဒီး တဖုဘၣ်တဖုကတိၤအကျိာ်ဒၣ်ဝဲစုာ်စုာ်န့ၣ်လီၤ.

လံာ်တၢ်ကဲထီၣ်အခီၣ်ထံး 10:5

အဝဲသ့ၣ်တဖၣ်မ့ၢ်ပၢ်လၢပျၢၤတဖၣ်လၢပှၤဂီၢ်မုၢ်အိၣ်လၢပီၣ်လဲၣ် ကၢၢ်နံၤဒီးကီးသ့ၣ်တဖၣ်အဖီခိၣ်အဂီၢ်န့ၣ်လီၤ. ပှၤသ့ၣ်တဖၣ်အံၤမ့ၢ်ပှၤလီၤစၢၤလၢစီၤယ့းဖ့းသးဒီးအိၣ်ဝဲ ဆိးဝဲလၢအပှၤကလုာ်ဒၣ်ဝဲဒီးအထံအကီၢ်ဒၣ်ဝဲလီၤဆီဆီ, ဒီးတဖုစုာ်စုာ်န့ၣ်ကတိၤအကျိာ်ဒၣ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 11:1

လၢအခီၣ်ထံးန့ၣ်ပှၤဟီၣ်ခိၣ်ဖိခဲလၢာ်အိၣ်ဒီးအကျိာ်ထဲတခါ ဧိၤဒီးသူတၢ်ကတိၤတဖၣ်တမံၤဃီန့ၣ်လီၤ.

လံာ်တၢ်ကဲထီၣ်အခီၣ်ထံး 9:1

ကစၢ်ယွၤဆိၣ်ဂ့ၤစီၤနိအၤဒီးအဖိခွါတဖၣ်ဒီးစံးဝဲ, “အိၣ်ဒီးသုဖိသုလံၤအါဂၤဒ်သိးသုစၢၤသုသွဲၣ်တဖၣ်ကအိၣ် မူအိၣ်ဂဲၤလၢဟီၣ်ခိၣ်ဒီဘ့ၣ်ညါန့ၣ်တက့ၢ်.

လံာ်တၢ်ကဲထီၣ်အခီၣ်ထံး 9:19

စီၤနိအၤအဖိခွါသၢဂၤအံၤမ့ၢ်ကယဲၢ်ပှၤဟီၣ်ခိၣ်ဖိခဲလၢာ် အပၢ်လၢပျၢၤတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 9:7

သုကဘၣ်အိၣ်ဒီးသုဖိသုလံၤအါအါဂီၢ်ဂီၢ်ဒ်သိးသုစၢၤသု သွဲၣ်တဖၣ်ကအိၣ်မူလၢဟီၣ်ခိၣ်ဒီဘ့ၣ်ညါန့ၣ်လီၤ.”

လံာ်စီၤယိၤဘး 15:19

အထံအကီၢ်ပူၤဖျဲးဝဲဒီးပှၤတခီဘီမုၢ်ဖိသ့ၣ်တဖၣ်အတၢ်မၤတံာ် တာ်, ဒီးပှၤကဆှၢယံၤကွံာ်အဝဲသ့ၣ်လၢကစၢ်ယွၤတအိၣ်ဘၣ်နီ တဂၤဘၣ်.

မၤတၢ် 17:26

ယွၤတ့လီၤဆိပှၤကညီတဂၤဒီးဒုးအိၣ်ထီၣ်ပှၤဟီၣ်ခိၣ်ဖိကိး ကလုာ်ဒဲးဒီးဒုးအိၣ်ဝဲဆိးဝဲလၢဟီၣ်ခိၣ်ဒီဘ့ၣ်အပူၤန့ၣ်လီၤ. အဝဲအနီၢ်ကစၢ်ဒၣ်ဝဲသုးကျဲၤဆိပာ်စၢၤတၢ်အဆၢအကတီၢ် လီၤတံၢ်လီၤဆဲးဒီးတၢ်အလီၢ်အကျဲဖဲအဝဲသ့ၣ်ကအိၣ်ကဆိးဝဲ အဂီၢ်န့ၣ်လီၤ.