လံာ်တၢ်ကဲထီၣ်အခီၣ်ထံး 10:2 - Sgaw Karen Common Bible

² ဒီးစီၤယ့းဖ့းသးအစၢၤအသွဲၣ်တဖၣ်န့ၣ်မ့ၢ်ဝဲ စီၤကိမၢၤ, စီၤမါကူး, စီၤမၤဒဲ, စီၤယၤဝၣ်, စီၤတူၤဘလး, စီၤမ့ၤၡ့းဒီးစီၤတံရ့းန့ၣ်လီၤ. အဝဲသ့ၣ်တဖၣ်န့ၣ်မ့ၢ်ပၢ် လၢပျၢၤတဖၣ်လၢအပှၤဂီၢ်မုၢ်စိာ်အဝဲသ့ၣ်အမံၤန့ၣ်လီၤ.

လံာ်တၢ်ကဲထီၣ်အခီၣ်ထံး 10:2 Iomraidhean Croise

လံာ်တၢ်ကဲထီၣ်အခီၣ်ထံး 10:1

ဒီးအအံၤမ့ၢ်စီၤနိအၤအဖိခွါ, စီၤၡ့ၣ်, စီၤဃၣ်ဒီးစီၤယ့း ဖ့းသးသ့ၣ်တဖၣ်အစၢၤအသွဲၣ်န့ၣ်လီၤ. အဖိခွါသၢဂၤအံၤထီၣ်ဖိ အဖိခွါတဖၣ်ဖဲထံလုၣ်ဘၢတၢ်ဝံၤအလီၢ်ခံန့ၣ်လီၤ.

လံာ်တၢ်ကဲထီၣ်အခီၣ်ထံး 10:21

စီၤၡ့ၣ်လၢအမ့ၢ်စီၤယ့းဖ့းသးအဝဲၢ်အံၤမ့ၢ်ဝဲကယဲၢ်ပှၤဧ့ၤဘြံၤဖိခဲလၢာ်အပၢ်လၢပျၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 9:27

မ်ကစၢ်ယွၤဒုးအိၣ်ထီၣ်တၢ်ဘၣ်ဘျုးအါထီၣ်လၢစီၤယ့ဖ့းသး အဂီၢ်တက့ၢ်. မ်အစၢၤအသွဲၣ်ကအိၣ်မူသကိးဒီးစီၤၡ့ၣ်အပှၤဂီၢ်မုၢ်န့ၣ်တက့ၢ်. စီၤကနၤဧၣ်ကမ့ၢ်စီၤယ့ဖ့းသးအကုၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 17:6

လၢအမ့ၢ်စီၤဟိၤၡ့ပၢတၢ်ခွံနံၣ်တနံၣ်န့ၣ်, ကီၢ်အၤၡူၢ်အစီၤပၤဖးဒိၣ်မၤန့ၢ်ၡၤမရံဒီးစိာ်ထီၣ်ကွံာ်ပှၤ အံၣ်စရ့လးဖိတဖၣ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤအဝဲသ့ၣ်ပှၤတနီၤလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကီၢ်ဆၣ်ကိစၣ်အပူၤ, ဒီးတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

စံးထီၣ်ပတြၢၤ 120:5

တၢ်အိၣ်ဆိးလၢသုကျါန့ၣ် အၢဝဲဒ်သိးဒၣ် တၢ်အိၣ်ဆိးလၢပှၤမ့ၤၡးဖိ မ့တမ့ၢ် ပှၤက့ဒၢ်ဖိအသိးအကျါန့ၣ်လီၤ.

လံာ်ယၡါယၤ 66:19

ဒီးကသ့ၣ်ညါဝဲလၢယမ့ၢ်ပှၤတဂၤလၢအစံၣ်ညီၣ်အဝဲသ့ၣ်န့ၣ်လီၤ. ဘၣ်ဆၣ်ယကပျဲဖျဲးကွံာ်အဝဲသ့ၣ်တနီၤ, ဒီးဆှၢအဝဲသ့ၣ်ဆူပှၤကလုာ်တဖၣ်အအိၣ်ဒီးဆူထံကီၢ်အယံၤ တဖၣ်လၢအတနၢ်ဟူတ့ၢ်ဘၣ်ယတၢ်မံၤဟူသၣ်ဖျါမ့ၢ်ဂ့ၤ တထံၣ်တ့ၢ်ဘၣ်ယတၢ်ဒိၣ်တၢ်မုၢ်ဒီးယတၢ်စိတၢ်ကမီၤမ့ၢ်ဂ့ၤ ဒ်, ကီၢ်စပၤနံ, ကီၢ်လံးဘယၣ်, ဒီးကီၢ်လူၤဒံ, လၢအအိၣ်ဒီးအပှၤခးချံၣ်သ့တဖၣ်, ဒီးဆူကီၢ်တူၤဘလးဒီးကီၢ်ကြံး(စ်) န့ၣ်လီၤ. လၢပှၤကလုာ်တဖၣ်အံၤအကျါန့ၣ်, အဝဲသ့ၣ်ကစံးဘၣ်တဲဘၣ် ယတၢ်ဒိၣ်တၢ်မုၢ်န့ၣ်လီၤ.

လံာ်ယဃ့းစက့လး 27:19

အဝဲသ့ၣ်လဲလိာ်ထးလၢ တၢ်ပိာ်အီၤဝံၤဒီးတၢ်နၢမူတဖၣ်ဒီး နတၢ်ပနံာ်တၢ်ကၤတၢ် အတၢ်ပီးတၢ်လီတဖၣ်န့ၣ်လီၤ.

လံာ်ယဃ့းစက့လး 27:7

နယၢ်လၣ်တဖၣ်ဘၣ်တၢ်မၤအီၤလၢဖှီဝါကဆှၣ်, ဖှီဝါကဆှၣ်ဆးဒဲးကံၣ်ဒဲးဝ့ၤအသးဟဲလၢ ကီၢ်အဲၤကူပတူးတခီ, လၢအဘၣ်တၢ်သ့ၣ်ညါအီၤညီကဒၣ်လၢ အယံၤန့ၣ်လီၤ. နတၢ်ပနီၣ်တဖၣ်ဘၣ်တၢ်မၤအီၤလၢ တၢ်ကံးယာ်အဂ့ၤကတၢၢ်အိၣ်ဒီးအလွဲၢ်လုးတကုာ်ဟဲလၢ ကီးကူပြူးတခီန့ၣ်လီၤ.

လံာ်ယဃ့းစက့လး 32:26

ဝ့ၢ်မ့ၤၡးဒီးဝ့ၢ်တူၤဘလးတဖၣ်အိၣ်ဖဲန့ၣ်, ဃုာ်ဒီးအသုးဖိတဖၣ် အသွၣ်ခိၣ်လၢအိၣ်ဝးတရံးအဝဲသ့ၣ်န့ၣ်လီၤ. အဝဲသ့ၣ်တဖၣ် ခဲလၢာ်တဒိးဘၣ်တၢ်ကူးတရံးအီၤဘၣ်, ခဲလၢာ်ဘၣ်တၢ်မၤသံအီၤ တၢ်ဒုးအပူၤန့ၣ်လီၤ. တဘျီန့ၣ်အဝဲသ့ၣ်မၤပျံၤမၤဖုးဒၣ်လဲာ် ပှၤလၢအမူတဖၣ်လီၤ.

လံာ်ယဃ့းစက့လး 38:15

ဒီးဟဲထီၣ်လၢတၢ်လီၢ်အိၣ်လီၢ်ဆိးလၢကလံၤစိးတခီ, ဆှၢထီၣ် သုးမုၢ်ဖးဒိၣ်တဖုလၢအဂံၢ်ဆူၣ်ဘါဆူၣ်, အိၣ်ဒီးသုးဖိတဖၣ် လၢထံကီၢ်အါဘ့ၣ်လၢကိးဂၤဒဲးဒိးကသ့ၣ်န့ၣ်တက့ၢ်.

လံာ်ယဃ့းစက့လး 38:6

ကယဲၢ်ပှၤဒုးတၢ်ဖိအပိာ်ခွါတဖၣ်လၢအအိၣ်ဒီးကီၢ်ကိမၢၤဒီး အပှၤဟံၣ်ဖိလၢကလံၤစိးတခီဒီးဒ်န့ၣ်အသိးပှၤပိာ်ခွါတဖၣ်လၢထံကီၢ် အဂၤအါဘ့ၣ်စ့ၢ်ကီးအိၣ်ဒီးအီၤန့ၣ်လီၤ.

လံာ်ယဃ့းစက့လး 39:1

ယွၤပၢဘၣ်တၢ်ခဲလၢာ်ကစၢ်စံးဝဲ, “ပှၤကညီလၢအသံသ့ဧၢ, စံးလၢစီၤကိးလၢအမ့ၢ်ပှၤမ့ၤၡးဖိဒီးပှၤတူၤဘလးဖိအပှၤကလုာ် တဖၣ်အပှၤပၢတၢ်အဒိၣ်ကတၢၢ်ကြၢးဘၣ်တၢ်စံၣ်ညီၣ်ဒီးတဲဘၣ်အီၤ လၢယမ့ၢ်အဒုၣ်အဒါန့ၣ်တက့ၢ်.

လံာ်လီၣ်ဖျါ 20:8

ဒီးအဝဲဒၣ်ကဟးထီၣ်ဒ်သိးအကလီန့ၢ်ပှၤကလုာ်လၢ ထံဧိၤကီၢ်ဧိၤလၢအအိၣ်ရၤလီၤအသးသကုၤဟီၣ်ခိၣ်ဒီဘ့ၣ်ညါလၢ အမ့ၢ်ပှၤကိးဖိဒီးပှၤမကိးဖိလီၤ. မုၣ်ကီၤလံၢ်ကပာ်ဖှိၣ်အဝဲသ့ၣ်တပူၤဃီလၢတၢ်ဒုးသုးအဂီၢ်, အနီၣ်ဂံၢ်ကအါဝဲဒ်မဲးဧိၤဟီၣ်ဧိၤလၢပီၣ်လဲၣ်ကၢၢ်နံၤအသိး န့ၣ်လီၤ.