လံာ်တၢ်ကဲထီၣ်အခီၣ်ထံး 10:15 - Sgaw Karen Common Bible

¹⁵ ဒီးစီၤကနၤဧၣ်အဖိခွါတဖၣ်, စီၤစံဒိၣ်ပှၤအဝဲၢ်ကိဒီးစီၤဃ့ၤသး, မ့ၢ်ဝဲပၢ်လၢပျၢၤတဖၣ်လၢအပှၤဂီၢ်မုၢ်စိာ်အဝဲသ့ၣ်အမံၤန့ၣ် လီၤ.

လံာ်တၢ်ကဲထီၣ်အခီၣ်ထံး 10:15 Iomraidhean Croise

လံာ်တၢ်ကဲထီၣ်အခီၣ်ထံး 23:3

ဒီးစီၤအၤဘြၤဟၣ်ဟးထီၣ်ကွံာ်လၢတၢ်လီၢ်ဖဲအမါအစိၣ်အိၣ်မံ နီၤဝဲ, ဒီးလဲၤဝဲဆူပှၤဃ့ၤသးဖိတဖၣ်အအိၣ်ဒီးစံးဝဲဒၣ်,

လံာ်တၢ်ကဲထီၣ်အခီၣ်ထံး 24:3

ယအဲၣ်ဒိးလၢနကမၤတၢ်ဆိၣ်တမံၤလၢယွၤ, မူခိၣ်ဒီးဟီၣ်ခိၣ်အကစၢ်ယွၤအမံၤအပူၤလၢနတဃုထၢန့ၢ်ဘၣ်ယဖိ ခွါအမါတဂၤလၢပှၤဂီၢ်မုၢ်ဖဲအံၤလၢကီၢ်ကနၤဧၣ်အပူၤဘၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 49:13

စီၤစဘူလိၣ်ကအိၣ်ကဆိးလၢပီၣ်လဲၣ်နံၤလီၤ. အထံကၢၢ်ခိၣ်ကမ့ၢ်သန့တခါလၢကဘီတဖၣ်အဂီၢ်လီၤ. အတၢ်န့ၢ်သါအကီၢ်န့ၣ်ကလဲၤဝဲယံၤတုၤလၢဝ့ၢ်စံဒိၣ်ဒၣ်လဲာ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:3

လၢတၢ်န့ၣ်အဃိ, အဝဲပျဲလီၤပှၤစိာ်တၢ်ကစီၣ်တဂၤဒ်သိးကလဲၤဃုသ့ၣ်ညါပိာ်မုၣ်န့ၣ်မ့ၢ်မတၤလဲၣ် ဒီးသ့ၣ်ညါဘၣ်ဝဲလၢပိာ်မုၣ်န့ၣ်မ့ၢ် စီၤအလံဧၣ်အဖိမုၣ်, ဒီးပှၤဃ့ၤသးဖိစီၤအူၤရံယၤအမါနီၢ်ဘၤသၡ့ဘၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:6

ဒီးလဲၤကဒီးဝဲဆူဝ့ၢ်ကံးလဧး ဒီးဆူဝ့ၢ်ကၤဒ့ၣ်လၢပှၤဃ့ၤသးဖိအလီၢ်ကဝီၤအပူၤန့ၣ်လီၤ. အန့ၣ်ဝံၤဒီးအဝဲသ့ၣ်လဲၤဆူဝ့ၢ်ဒၣ်, ဒီးလၢဝ့ၢ်ဒၣ်န့ၣ်အဝဲသ့ၣ်လဲၤဆူမုၢ်နုာ်ဆူဝ့ၢ်စံဒိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 1:13

စီၤကနၤဧၣ်အဖိခွါတဖၣ်န့ၣ်မ့ၢ်ဝဲစီၤစံဒိၣ်လၢအမ့ၢ်ဖိဝဲၢ် ကိ, ဒီးစီၤဃ့ၤသး, ဒီးအဝဲသ့ၣ်မ့ၢ်ပှၤတဖၣ်လၢအပှၤဂီၢ်မုၢ်ဟံး န့ၢ်အမံၤတဖၣ်ဒ်အပၢ်ဖးဒိၣ်လၢပျၢၤတဖၣ်န့ၣ်လီၤ.

လံာ်တၢ်ဟးထီၣ်ကွံာ် 3:8

ဒီးယဟဲလီၤဒ်သိးယကမၤပူၤမၤဖျဲးက့ၤအဝဲသ့ၣ်လၢပှၤအဲၤကူ ပတူးဖိအစုပူၤ, ဒီးထုးထီၣ်ကွံာ်အဝဲသ့ၣ်လၢကီၢ်အဲၤကူပတူး အပူၤဒီးဆှၢအဝဲသ့ၣ်ဆူကီၢ်တဘ့ၣ်လၢဟီၣ်ခိၣ်ညၣ်ထ့ၣ်ဂ့ၤဒီးလဲၢ်ဝဲ, ကီၢ်လၢတၢ်နုၢ်ထံဒီးကနဲစီယွၤလီၤဝဲ, ဒီးမ့ၢ်ကီၢ်တဘ့ၣ်ဖဲပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အိၣ်ဝဲအလီၢ်န့ၣ်လီၤ.

လံာ်တၢ်ဟးထီၣ်ကွံာ် 34:11

စူၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယကဟ့ၣ်လီၤသုတနံၤအံၤန့ၣ်တက့ၢ်. ယကဟီထီၣ်ကွံာ်ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီးပှၤယဘူၣ်ဖိတဖၣ်ဖဲသုလဲၤထီၣ်ဒုးတၢ်န့ၣ်လီၤ.

လံာ်ယၡါယၤ 23:4

ဝ့ၢ်စံဒိၣ်ဧၢ, နဘၣ်တၢ်မဲာ်ဆှးလီၤ. ပီၣ်လဲၣ်ဒီးပီၣ်လဲၣ်ဖးဒိၣ် အထံယိာ်တဖၣ်ညိကွံာ်နၤဒီးစံးဝဲ, “ယဖိတအိၣ်နီတဂၤ, နီတစုဘၣ်. ယတလုၢ်ဒိၣ်ထီၣ်ဘၣ်ဖိခွါတဖၣ်ဒီးဖိမုၣ်တဖၣ်နီ တဘျီဘၣ်.”

လံာ်ယံးရမံယၤ 47:4

တၢ်ဆၢကတီၢ်တုၤလံဝဲလၢ တၢ်ကမၤဟးဂီၤကီၢ်ဖလ့ၡသးအဂီၢ် ဒီးလၢတၢ်ဒီၣ်တဲာ်ကွံာ် တၢ်မၤစၢၤလၢ အအိၣ်လီၤတဲာ်ဒံး ခဲလၢာ်လၢ ဝ့ၢ်ထါယၢၣ်ဒီး စံဒိၣ်အဂီၢ်န့ၣ်လီၤ. ယၤ, ယွၤအံၤ, ယကမၤဟးဂီၤ ကယဲၢ်ပှၤဖလ့ၡသးဖိးတဖၣ်ခဲလၢာ်လၢအဟဲလၢ အထံကၢၢ်နံၤတဖၣ်န့ၣ်လီၤ.

လံာ်ယဃ့းစက့လး 27:8

နပှၤဝၢ်နီၣ်ဝၢ်ဖိတဖၣ် ဟဲဝဲလၢဝ့ၢ်တဖၣ်လၢ အမ့ၢ်ဝ့ၢ်စံဒိၣ်ဒီးဝ့ၢ်အၢ်ဝးန့ၣ်လီၤ. နပှၤဒၣ်နဲအသ့အဘၣ်တဖၣ် မ့ၢ်ပှၤကဘီဖိတဖၣ်န့ၣ်လီၤ.

လံာ်ယဃ့းစက့လး 28:21

“ပှၤကညီလၢသံသ့ဧၢ, စံးလၢဝ့ၢ်စံဒိၣ်ကြၢးဘၣ်တၢ်စံၣ်ညီၣ်တက့ၢ်. တဲဘၣ်ပှၤဂီၢ်မုၢ်ဖဲန့ၣ်တဖၣ်လၢ, တၢ်လၢယၤ, ယွၤပၢဘၣ်တၢ် ခဲလၢာ်ကစၢ်တဲဝဲဘၣ်ဃးဒီးအဝဲသ့ၣ်အဂ့ၢ်န့ၣ်တက့ၢ်. ဝ့ၢ်စံဒိၣ်ဧၢ, ယမ့ၢ်နဒုၣ်နဒါလီၤ. ပှၤဂီၢ်မုၢ်ကစံးထီၣ်ပတြၢၤယၤလၢတၢ်လၢယမၤနၤသ့ၣ်တဖၣ်အဃိလီၤ. အဝဲသ့ၣ်ကသ့ၣ်ညါဝဲလၢယမ့ၢ်ယွၤ, ဖဲယပာ်ဖျါထီၣ်ယသးလၢ, ယစီဝဲဆှံဝဲထဲလဲၣ်ခီဖျိယစံၣ်ညီၣ်ပှၤလၢအအိၣ်ဆိးလၢ နပူၤတဖၣ်အဃိန့ၣ်လီၤ.

လံာ်စီၤယိၤၡူ 11:8

ဒီးယွၤဟ့ၣ်လီၤအဝဲသ့ၣ်လၢအံၣ်စရ့လးဖိအစုပူၤဒီးဘၣ်တၢ်ကျီ သံကွံာ်အီၤဒီးလူၤအီၤပၢၢ်တုၤလၢဝ့ၢ်စံဒိၣ်ဖးဒိၣ်ဒီး ဝ့ၢ်မံးစြဖိးမၤယံၣ်လၢကလံၤစိးတကပၤ, ဒီးပၢၢ်တုၤလၢမံးစပၤ တၢ်ပၢၤခိၣ်ကစၢၢ်ကဆူးလၢမုၢ်ထီၣ်တကပၤန့ၣ်လီၤ. တၢ်ဒုးမၤအသးတုၤလၢဒုၣ်ဒါတအိၣ်မူလၢၤနီတဂၤဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:6

အန့ၣ်ဝံၤဒီးစီၤဒၤဝံးသံကွၢ်ပှၤဃ့ၤသးဖိစီၤအဃံၤမ့လ့း, ဒီးစီၤယိၤအာ်အဒီပုၢ်ဝဲၢ်စီၤအဘံၡဲၤ (အဝဲသ့ၣ်အမိၢ်မ့ၢ်နီၢ်စရူၤယၤလီၤ), “သုဝဲခံဂၤအကျါမ့ၢ်မတၤကလဲၤဃုာ်ဒီးယၤဆူစီၤစီလူးအဒဲ လဲၣ်.” စီၤအဘံၡဲၤစံးဆၢဝဲ, “ယကလဲၤလီၤ.”