လံာ်တၢ်ကဲထီၣ်အခီၣ်ထံး 10:14 - Sgaw Karen Common Bible

¹⁴ ပှၤပသြူစံၣ်ဖိ, ပှၤကၤစလူဃံၣ်ဖိဒီးပှၤကၤပတိရံၣ်ဖိလၢပှၤ ဖလ့ၡသးဖိဟဲလီၤစၢၤလီၤသွဲၣ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 10:14 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 1:12

ပှၤပသြုစံၣ်, ပှၤကၤစလူဃံၣ်, ဒီးပှၤကြ့တ့ၤလၢပှၤဖလ့ၡသးဖိ တဖၣ်လီၤစၢၤလီၤသွဲၣ်လၢအီၤန့ၣ်လီၤ.

လံာ်ယၡါယၤ 11:11

ဖဲမုၢ်နံၤန့ၣ်ဟဲတုၤဝဲဒီး, ယွၤကသူကဒီးအစိကမီၤတဘျီ ဒီးဟဲက့ၤစိာ်က့ၤအပှၤဂီၢ်မုၢ်ဆူဟံၣ်အပှၤဂီၢ်မုၢ်လၢအအိၣ် လီၤတဲာ်လၢကီၢ်အၤၡူၢ်ဒီးကီၢ်အဲၤကူပတူးကလံၤထံး, ဒီးလၢကီၢ်အဲၤကူပတူးကလံၤစိးပၤသြိၣ်, ကီၢ်ကူၤၡး, ကီၢ်အံၣ်ရး, ကီၢ်ဘၤဘူလိၣ်, ကီၢ်ဆၣ်ဃမါသး, ဒီးလၢပီၣ်လဲၣ်ကၢၢ် နံၤတဖၣ်ဒီးလၢပီၣ်လဲၣ်အကီးတဖၣ်အပူၤန့ၣ်လီၤ.

လံာ်ယံးရမံယၤ 44:1

ယွၤကတိၤတၢ်ဒီး ယၤဘၣ်ဃးဒီးပှၤအံၣ်စရ့လး ဖိခဲလၢာ်လၢ အအိၣ်အဆိးလၢ ကီၢ်အဲၤကူပတူးအပူၤအဂ့ၢ်, လၢဝ့ၢ်တဖၣ် လၢအမ့ၢ်ဝဲမံးကဒိးလး, တၤပါန့ၤဒီး မဲဖံးအပူၤ, ဒီးလၢကီၢ်အကလံၤထံးတကပၤအဂ့ၢ်န့ၣ်လီၤ.

လံာ်ယံးရမံယၤ 47:4

တၢ်ဆၢကတီၢ်တုၤလံဝဲလၢ တၢ်ကမၤဟးဂီၤကီၢ်ဖလ့ၡသးအဂီၢ် ဒီးလၢတၢ်ဒီၣ်တဲာ်ကွံာ် တၢ်မၤစၢၤလၢ အအိၣ်လီၤတဲာ်ဒံး ခဲလၢာ်လၢ ဝ့ၢ်ထါယၢၣ်ဒီး စံဒိၣ်အဂီၢ်န့ၣ်လီၤ. ယၤ, ယွၤအံၤ, ယကမၤဟးဂီၤ ကယဲၢ်ပှၤဖလ့ၡသးဖိးတဖၣ်ခဲလၢာ်လၢအဟဲလၢ အထံကၢၢ်နံၤတဖၣ်န့ၣ်လီၤ.

လံာ်ဧၤမိၣ် 9:7

ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်ဧၢ, သုလီၤဂာ်ဒီးပှၤကူၤၡးဖိလၢယဂီၢ်တမ့ၢ်ဘၣ်ဧါ. ဒ်ယဒုးဟးထီၣ်သုလၢကီၢ်အဲၤကူပတူးအပူၤအသိး, ယဒုးဟးထီၣ်ပှၤဖလ့ၡသးဖိလၢကီးကြ့တ့ၤဒီးပှၤစူၤရံဖိလၢ ကီၢ်ကံၢ်န့ၣ်တမ့ၢ်ဘၣ်ဧါ.

လံာ်သိၣ်လီၤသီလီၤတၢ် 2:23

ဖဲကီၢ်လၢအအိၣ်လၢ ပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အကၢၢ် ခိၣ်တရဲာ်န့ၣ်ပှၤဂီၢ်မုၢ်လၢကီးကြ့တ့ၤတဖၣ် သူၣ်လီၤဆီလီၤအတၢ်အိၣ်တၢ်ဆိးအလီၢ်န့ၣ်လီၤ. အဝဲသ့ၣ်မၤဟးဂီၤကွံာ် ပှၤဧ့ၤဝံဖိလၢအအိၣ်ဆိးတ့ၢ်လၢပျၢၤလံၤ လံၤဖဲန့ၣ်တဖၣ်ဒီးဟံးန့ၢ်ကွံာ်အဝဲသ့ၣ်အကီၢ်ယံၤဝဲလၢ ကလံၤထံးတကပၤတုၤလၢဝ့ၢ်ဧးစၤန့ၣ်လီၤ.)