လံာ်တၢ်ကဲထီၣ်အခီၣ်ထံး 1:9 - Sgaw Karen Common Bible

⁹ ဒီးကစၢ်ယွၤခါလီၤအကလုၢ်, “မ်ထံလၢမူခိၣ်အဖီလာ်ပာ်ဖှိၣ် အသးလၢအလီၢ်တပူၤဃီဒ်သိးခိကအိၣ်ဖျါတက့ၢ်.” ဒီးတၢ်မၤအသးဒ်န့ၣ်လီၤ.

လံာ်တၢ်ကဲထီၣ်အခီၣ်ထံး 1:9 Iomraidhean Croise

လံာ်တၢ်ကဲထီၣ်အခီၣ်ထံး 1:8

ကစၢ်ယွၤယုၢ်ဝဲမူကပိာ်လိၤအမံၤလၢ “မူခိၣ်” လီၤ. မုၢ်ဟါပူၤကွံာ်ဝဲဒီးမုၢ်ဂီၤဟဲဝဲဒီး တၢ်န့ၣ်မ့ၢ်မုၢ်ခံနံၤတနံၤန့ၣ်လီၤ.

လံာ်စီၤနဃ့မယၤ 9:6

ဒီးကီၢ်အံၣ်စရ့လးအပှၤဂီၢ်မုၢ်ဘါထုကဖၣ်ဝဲ, “နဲဒၣ်ယွၤဧၢ, နမ့ၢ်ယွၤထဲတဂၤဧိၤလီၤ. နတ့လီၤမူခိၣ်အလီၢ်တဖၣ်ဒီးဆၣ်တဖၣ်လၢမူခိၣ်ကပိၤလိၤန့ၣ်လီၤ. နတ့လီၤဟီၣ်ခိၣ်ဒီးပီၣ်လဲၣ်, ဒီးကယဲၢ်တၢ်လၢအအိၣ်လၢအပူၤခဲ လၢာ် ဒီးနဟ့ၣ်အဝဲသ့ၣ်ခဲလၢာ်လၢတၢ်မူန့ၣ်လီၤ. ဒီးမူခိၣ်အသုးမုၢ်ဂီၢ်မုၢ်တီၤလီၤဒီးဘူၣ်ထီၣ် ဘါထီၣ်နၤလီၤ.

လံာ်စီၤယိၤဘး 26:10

အဝဲပာ်လီၤတၢ်ပနီၣ်လၢမူထံးအိၣ်ဝဲလၢပီၣ်လဲၣ်အထံဖံးခိၣ် ဒ်သိးအကနီၤဖးတၢ်ကပီၤဒီးတၢ်ခံးအဆၢန့ၣ်လီၤ.

လံာ်စီၤယိၤဘး 26:7

ကစၢ်ယွၤထုးထီထီၣ်မူခိၣ်လၢကလံၤစိးတကပၤဒီးထိၣ်လီၤ စဲၤဟီၣ်ခိၣ်လၢမူပျီပူၤန့ၣ်လီၤ.

စံးထီၣ်ပတြၢၤ 104:3

ဒီးနသူၣ်ထီၣ်နဟံၣ်လၢ ထံဖီခိၣ်လီၤ နသူတၢ်အၢၣ်တဖၣ်ဒ် နလ့ၣ်ကဟၣ်အသိး ဒီးလဲၤတၢ်လၢကလံၤအဒံးဆ့အဖီခိၣ်လီၤ.

စံးထီၣ်ပတြၢၤ 33:7

ပာ်ဖှိၣ်ပီၣ်လဲၣ်အထံခဲလၢာ်လၢတၢ်လီၢ်တပူၤဃီ ဒီးပာ်ပီၣ်လဲၣ်အထံယိာ်လၢ တၢ်ပာ်ဖှိၣ်အလီၢ်တဖၣ်န့ၣ်လီၤ.

စံးထီၣ်ပတြၢၤ 95:5

ပီၣ်လဲၣ်န့ၣ် မ့ၢ်အတၢ်, အဂ့ၢ်ဒ်အံၤမၤတ့ၢ်လံဝဲ, ဒီးဟီၣ်ခိၣ်လၢအဃ့ထီၣ်န့ၣ်တ့ဝဲလၢအစုန့ၣ်လီၤ.

လံာ်ပှၤစံၣ်တဲၤတဲလီၤတၢ် 1:7

ထံကျိကိးဘိဒဲးယွၤနုာ်လီၤဆူပီၣ်လဲၣ်ပူၤ, ဘၣ်ဆၣ်ဒီးပီၣ်လဲၣ်တပှဲၤဒံးဒၣ်လဲာ်ဘၣ်. ထံက့ၤကဒါက့ၤဆူထံ ကျိတဖၣ်အိၣ်ထီၣ်အခီၣ်ထံး, ဒီးစးထီၣ်က့ၤအသးတဘျီကဒီးန့ၣ်လီၤ.

လံာ်ယံးရမံယၤ 5:22

ယမ့ၢ်ယွၤလီၤ. သုတပျံၤယၤဘၣ်မနုၤအဃိလဲၣ်. ဘၣ်မနုၤအဃိသုကကနိးကစုာ်လၢယမဲာ်ညါန့ၣ်လဲၣ်. ယပာ်လီၤတ့ၢ်မဲးဧိၤဟီၣ်ဧိၤဒ်ပီၣ်လဲၣ်အဆၢအသိး, တၢ်အဆၢအဂၢၢ်အကျၢၤလၢတၢ်ခီဂာ်အီၤတသ့ဘၣ်လီၤ. ပီၣ်လဲၣ်မ့ၢ်စံၣ်ပီပုဘၣ်ဆၣ်, လဲၤပျံကွံာ်အီၤတသ့ဘၣ်. လပီတဖၣ်မ့ၢ်သီၣ်ထီၣ်ရူၢ်ရူၢ်ဘၣ်ဆၣ်, လဲၤခီပတာ်အီၤတသ့ဘၣ်.

လံာ်ယိၤနါ 1:9

စီၤယိၤနါစံးဆၢဝဲ, “ယမ့ၢ်ပှၤဧ့ၤဘြံၤဖိလီၤ. ယဘူၣ်ထီၣ်ဘါထီၣ်ယွၤ, မူခိၣ်အကစၢ်ယွၤလၢအတ့လီၤပီၣ်လဲၣ်ဒီးခိန့ၣ်လီၤ.”

၂ ပ့းတရူး 3:5

အဝဲသ့ၣ်ပာ်သးပ့ၤနီၣ်စဲဃဲၤဒၣ်အသးလၢတၢ်မ့ၢ်တၢ်တီ တမံၤလၢအမ့ၢ်ဝဲလၢထံးလၢသီလံၤလံၤကစၢ်ယွၤခါလီၤ အကလုၢ်ဒီးမူခိၣ်ဒီးဟီၣ်ခိၣ်ကဲထီၣ်ဝဲန့ၣ်လီၤ. ဟီၣ်ခိၣ်ဟဲကဲထီၣ်လၢထံကျါဒီးခီဖျိထံအံၤ,

လံာ်လီၣ်ဖျါ 10:6

ဒီးဆိၣ်လီၤအသးလၢကစၢ်ယွၤအမံၤ, ကစၢ်ယွၤလၢအမူဝဲ လီၤထူလီၤယိာ်, လၢအတ့လီၤမူခိၣ်ဟီၣ်ခိၣ်, ဒီးပီၣ်လဲၣ်ဒီးတၢ်ခဲလၢာ်ခဲဆ့လၢအအိၣ်လၢအပူၤန့ၣ်လီၤ. ကလူးန့ၣ်စံးဝဲ, “တၢ်တမၤယံာ်မၤနီၢ်တၢ်လၢၤဘၣ်.