လံာ်တၢ်ကဲထီၣ်အခီၣ်ထံး 1:7 - Sgaw Karen Common Bible

⁷ မၤသးဒ်န့ၣ်ဒီး, ကစၢ်ယွၤဒုးကဲထီၣ်မူကပိာ်လိၤ, ဒီးမူကပိာ်လိၤန့ၣ်နီၤဖးကွံာ်ဝဲ ထံလၢအဖီလာ်လၢထံလၢအဖီခိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 1:7 Iomraidhean Croise

လံာ်တၢ်ကဲထီၣ်အခီၣ်ထံး 1:11

ဒီးအဝဲခါလီၤအကလုၢ်, “မ်ဟီၣ်ခိၣ်ဒုးမဲထီၣ်ကယဲၢ်တၢ်မုၢ်တၢ် ဘိအကလုာ်ကလုာ်လၢအဟ့ၣ်ထီၣ်ဘုဧိၤဟုဧိၤဒီးတၤသူတၤသၣ်န့ၣ်တက့ၢ်.” ဒီးတၢ်မၤအသးဒ်န့ၣ်လီၤ.

လံာ်တၢ်ကဲထီၣ်အခီၣ်ထံး 1:15

ဒီးကကပီၤထီၣ်လၢမူခိၣ်ဒ်သိးကဟ့ၣ်ထီၣ်တၢ်ကပီၤဆူဟီၣ်ခိၣ် န့ၣ်လီၤ.” ဒီးတၢ်မၤအသးဒ်န့ၣ်လီၤ.

လံာ်တၢ်ကဲထီၣ်အခီၣ်ထံး 1:24

ဒီးကစၢ်ယွၤခါလီၤအကလုၢ်, “မ်ဟီၣ်ခိၣ်ဒုးအိၣ်ထီၣ်ကယဲၢ်ဆၣ်ဖိကီၢ်ဖိ အကလုာ်ကလုာ်, အဒၢဒီးအမံၤ, အဒိၣ်ဒီးအဆံးတက့ၢ်.” ဒီးတၢ်မၤအသးဒ်န့ၣ်လီၤ.

လံာ်တၢ်ကဲထီၣ်အခီၣ်ထံး 1:8

ကစၢ်ယွၤယုၢ်ဝဲမူကပိာ်လိၤအမံၤလၢ “မူခိၣ်” လီၤ. မုၢ်ဟါပူၤကွံာ်ဝဲဒီးမုၢ်ဂီၤဟဲဝဲဒီး တၢ်န့ၣ်မ့ၢ်မုၢ်ခံနံၤတနံၤန့ၣ်လီၤ.

လံာ်တၢ်ကဲထီၣ်အခီၣ်ထံး 1:9

ဒီးကစၢ်ယွၤခါလီၤအကလုၢ်, “မ်ထံလၢမူခိၣ်အဖီလာ်ပာ်ဖှိၣ် အသးလၢအလီၢ်တပူၤဃီဒ်သိးခိကအိၣ်ဖျါတက့ၢ်.” ဒီးတၢ်မၤအသးဒ်န့ၣ်လီၤ.

လံာ်စီၤယိၤဘး 26:8

ကစၢ်ယွၤမ့ၢ်ပှၤလၢအမၤပှဲၤတၢ်အၢၣ်လၢထံဒီးပၢၤဃးဝဲဒ် သိးအသုတပိၢ်ဖးကွံာ်လၢအတယၢၢ်အဃိအဂီၢ်န့ၣ်လီၤ.

စံးထီၣ်ပတြၢၤ 104:10

နဒုးယွၤလီၤထံထီၣ်ပၢၢ်တဖၣ်လၢ တၢ်တြီၤတဖၣ်အပူၤ ဒီးထံကျိတဖၣ် ယွၤလီၤလၢ တၢ်လူၢ်တဖၣ်အကဆူးန့ၣ်လီၤ.

စံးထီၣ်ပတြၢၤ 136:5

အဝဲတ့လီၤဝဲမူခိၣ်လၢအတၢ်ကူၣ်သ့ကူၣ်ဘၣ်လီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 148:4

မူခိၣ်အထီကတၢၢ်ဒီးထံဧိၤနိဧိၤအိၣ်လၢ မူခိၣ်အဖီခိၣ်သ့ၣ်ဧၢ, စံးထီၣ်ပတြၢၤအီၤတက့ၢ်.

စံးထီၣ်ပတြၢၤ 19:1

မူခိၣ်လီၣ်ဖျါထီၣ်ကစၢ်ယွၤအလၤကပီၤ, ဒီးမူကပိာ်လိၤပာ်ဖျါ အစုအတၢ်ဖံးတၢ်မၤန့ၣ်လီၤ.

စံးထီၣ်ပတြၢၤ 19:2

မုၢ်တနံၤစံးဘၣ်မုၢ်တနံၤဒၣ် ဒီးမုၢ်တနၤ ဒုးနဲၣ်တၢ်သ့ၣ်ညါလၢမုၢ်တနၤဒၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 11:3

သ့ၣ်တထူၣ်မ့ၢ်လီၤတကူၢ်ဆူလဲၣ်ဂ့ၤဆူလဲၣ်ဂ့ၤန့ၣ်တမ့ၢ်တၢ်အမိၢ် ပှၢ်ဘၣ်. ကအိၣ်မံလီၤဒၣ်ဖဲအလီၤတကူၢ်ဝဲအလီၢ်လီၤ. တုၤတၢ်အၢၣ်တဖၣ်ပှဲၤဝဲဒီး, တၢ်ဟဲစူၤလီၤလီၤ.

လံာ်မးသဲ 8:27

ပှၤကိးဂၤဒဲးကမၢကမၣ်ဝဲဒီးစံး, “ပှၤအံၤမ့ၢ်ပှၤဒ်လဲၣ်တဂၤလဲၣ်. ကလံၤဒီးလပီတဖၣ်ဒၣ်လဲာ် စူၢ်အကလုၢ်လီၤ.”