လံာ်တၢ်ကဲထီၣ်အခီၣ်ထံး 1:31 - Sgaw Karen Common Bible

³¹ ကစၢ်ယွၤကွၢ်တၢ်လၢအမၤတ့ၢ်ဝဲခဲလၢာ်ဒီးအဝဲအသးခုသးမုာ်ဒိၣ်မးလီၤ. မုၢ်ဟါပူၤကွံာ်ဒီးမုၢ်ဂီၤဟဲဝဲ, ဒီးတၢ်န့ၣ်မ့ၢ်မုၢ်ဃုနံၤတနံၤန့ၣ်လီၤ.

လံာ်တၢ်ကဲထီၣ်အခီၣ်ထံး 1:31 Iomraidhean Croise

လံာ်တၢ်ကဲထီၣ်အခီၣ်ထံး 1:13

မုၢ်ဟါပူၤကွံာ်ဝဲဒီးမုၢ်ဂီၤဟဲဝဲ, ဒီးတၢ်န့ၣ်မ့ၢ်မုၢ်သၢနံၤတနံၤန့ၣ်လီၤ.

လံာ်တၢ်ကဲထီၣ်အခီၣ်ထံး 1:19

မုၢ်ဟါပူၤကွံာ်ဝဲဒီးမုၢ်ဂီၤဟဲဝဲ, ဒီးတၢ်န့ၣ်မ့ၢ်မုၢ်လွံၢ်နံၤတနံၤန့ၣ်လီၤ.

လံာ်တၢ်ကဲထီၣ်အခီၣ်ထံး 1:23

မုၢ်ဟါပူၤကွံာ်ဝဲဒီးမုၢ်ဂီၤဟဲဝဲ, ဒီးတၢ်န့ၣ်မ့ၢ်မုၢ်ယဲၢ်နံၤတနံၤန့ၣ်လီၤ.

လံာ်တၢ်ကဲထီၣ်အခီၣ်ထံး 1:5

ဒီးတၢ်ကပီၤန့ၣ်ယုၢ်ဝဲအမံၤလၢမုၢ်နံၤ, ဒီးတၢ်ခံးန့ၣ်ယုၢ်ဝဲအမံၤလၢမုၢ်နၤန့ၣ်လီၤ. မုၢ်ဟါပူၤကွံာ်ဝဲ ဒီးမုၢ်ဂီၤဟဲဝဲ, တၢ်န့ၣ်မ့ၢ်မုၢ်နံၤအခီၣ်ထံးကတၢၢ်တနံၤလီၤ.

လံာ်တၢ်ကဲထီၣ်အခီၣ်ထံး 1:8

ကစၢ်ယွၤယုၢ်ဝဲမူကပိာ်လိၤအမံၤလၢ “မူခိၣ်” လီၤ. မုၢ်ဟါပူၤကွံာ်ဝဲဒီးမုၢ်ဂီၤဟဲဝဲဒီး တၢ်န့ၣ်မ့ၢ်မုၢ်ခံနံၤတနံၤန့ၣ်လီၤ.

လံာ်တၢ်ကဲထီၣ်အခီၣ်ထံး 2:2

ဒီးလၢမုၢ်နွံနံၤတနံၤန့ၣ်ကစၢ်ယွၤမၤဝံၤတၢ်လၢအမၤတ့ၢ်ဝဲဒီးဆိကတီၢ်လၢအတၢ်မၤန့ၣ်လီၤ.

လံာ်တၢ်ကဲထီၣ်အခီၣ်ထံး 2:3

အဝဲဆိၣ်ဂ့ၤတ့ၢ်မုၢ်နွံနံၤတနံၤဒီးပာ်လီၤဆီဝဲဒ်အမ့ၢ်မုၢ်နံၤလီၤဆီတနံၤအသိးလီၤ. အဂ့ၢ်ဒ်အံၤ, တုၤမုၢ်နံၤအဝဲန့ၣ်န့ၣ်, အဝဲမၤဝံၤကွံာ်အတၢ်တ့လီၤပာ်လီၤဒီးဆိကတီၢ်လၢအတၢ်မၤန့ၣ်လီၤ.

လံာ်စီၤယိၤဘး 38:7

လၢမုၢ်နံၤအဝဲန့ၣ်ဖဲမုၢ်ဆ့ၣ်ထီၣ်ဂီၤဂီၤ, တၢ်ခံးဒံးဝဲအကတီၢ်န့ၣ် ဆၣ်တဖၣ်သးဝံၣ်သကိးတၢ်ဒီးယွၤကလူးတဖၣ်ကိးသတြီ ထီၣ်လၢတၢ်သးခုလီၤ.

စံးထီၣ်ပတြၢၤ 104:24

ယွၤဧၢ, နမၤတၢ်အါမံၤလီၤ. နမၤတၢ်ခဲလၢာ်န့ၣ် ပှဲၤမးဒီး တၢ်ကူၣ်သ့မးလဲၣ်. ဟီၣ်ခိၣ်ပှဲၤဝဲဒီး နတၢ်ဘၣ်တ့တဖၣ်လီၤ.

စံးထီၣ်ပတြၢၤ 104:28

တၢ်လၢနဟ့ၣ်လီၤအီၤန့ၣ်အဝဲသ့ၣ်ထၢထီၣ်ဝဲ ဒီးဖဲနသလၣ်ထီၣ်နစုန့ၣ် အဝဲသ့ၣ်ဘျဲးအီၣ်ဘျဲးအီလၢတၢ်ဂ့ၤလီၤ.

စံးထီၣ်ပတြၢၤ 104:31

မ်ယွၤအလၤကပီၤအိၣ်ဝဲလီၤထူလီၤယိာ်, မ်ယွၤသးခုလၢအတၢ်မၤအပူၤန့ၣ်တက့ၢ်.

စံးထီၣ်ပတြၢၤ 119:68

နမ့ၢ်တၢ်ဂ့ၤဒီးနမၤဂ့ၤတၢ်လီၤ. သိၣ်လိယၤလၢ နတၢ်သိၣ်တၢ်သီတဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 20:11

လၢဃုနံၤဃုသီအတီၢ်ပူၤန့ၣ်, ယၤ, ယွၤတ့လီၤဟီၣ်ခိၣ်, မူကပိၤလိၤ, ပီၣ်လဲၣ်ဒီးကယဲၢ်တၢ်အိၣ်လၢအဝဲသ့ၣ်တဖၣ်အပူၤခဲလၢာ်န့ၣ်လီၤ. ဘၣ်ဆၣ်ဒီးနွံသီတသီန့ၣ်ယအိၣ်ဘှံးယဲလီၤ. မၤသးဒ်န့ၣ်ဒီးယၤ, ယွၤ, ဆိၣ်ဂ့ၤမုၢ်အိၣ်ဘှံးအနံၤဒီးမၤစီဆှံအီၤလီၤ.

လံာ်တၢ်ဟးထီၣ်ကွံာ် 31:17

အဝဲအံၤမ့ၢ်တၢ်ပနီၣ်အဂၢၢ်အကျၢၤတမံၤလၢကီၢ်အံၣ်စရ့လးအပှၤ ဂီၢ်မုၢ်ဒီးယၤအဘၢၣ်စၢၤန့ၣ်လီၤ. အဂ့ၢ်ဒ်အံၤယၤ, ယွၤအံၤတ့လီၤမူခိၣ်ဒီးဟီၣ်ခိၣ်လၢဃုနံၤဃုသီ အတီၢ်ပူၤ, ဒီးလၢနွံသီတသီန့ၣ်ယဆိကတီၢ်တၢ်မၤဒီးအိၣ်ဘှံးယဲ ဒၣ်လီၤ.”

တၢ်ကတိၤဒိ. 16:4

ကယဲၢ်တၢ်ကိးမံၤဒဲးလၢယွၤမၤအီၤန့ၣ်အိၣ်ဒီးအတၢ်အကတၢၢ်လီၤ. ဒီးတၢ်အကတၢၢ်လၢပှၤတတီတလိၤအဂီၢ်န့ၣ်မ့ၢ်တၢ်မၤဟးဂီၤကွံာ် အီၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 3:11

အဝဲပာ်လီၤတၢ်အကတီၢ်အဘၣ်လၢတၢ်ကိးမံၤဒဲးအဂီၢ်လီၤ. အဝဲဟ့ၣ်ပှၤတၢ်သးအိၣ်သ့ၣ်ညါတၢ်လၢအကမၤအသး, ဘၣ်ဆၣ်တၢ်လၢအမၤဝဲန့ၣ်, တဟ့ၣ်ပှၤတၢ်သးမံဒီးတၢ်နၢ်ပၢၢ်အလၢ အပှဲၤနီတစုဘၣ်.

လံာ်သးသယုၢ်တၢ် 3:38

တၢ်ဂ့ၤမ့ၢ်ဂ့ၤတၢ်အၢမ့ၢ်ဂ့ၤန့ၣ်ကဲထီၣ်လိၣ်ထီၣ်ဝဲဒ်အမၤလိာ် တၢ်အသိးန့ၣ်လီၤ.

လံာ်သိၣ်လီၤသီလီၤတၢ် 32:4

ယွၤမ့ၢ်သုပှၤကဟုကယာ်သုလၢအဂံၢ်ဆူၣ်ဘါဆူၣ်, လၢဝဲပှဲၤဝဲဒီးတီဝဲလိၤဝဲလၢကယဲၢ်အကျဲခဲလၢာ်အပူၤန့ၣ်လီၤ. သုကစၢ်ယွၤမ့ၢ်ပှၤလၢအသူၣ်တီသးရၤဒီးမ့ၢ်ဝဲတီဝဲ, အဝဲမၤတၢ်လၢအဘၣ်ဒီးအတီန့ၣ်လီၤ.

၁ တံၤမသ့း 4:4

တၢ်ကိးမံၤဒဲးလၢကစၢ်ယွၤတ့လီၤပာ်လီၤန့ၣ်ဂ့ၤဝဲဒၣ်လီၤ. တၢ်တဂ့ၤညိကွံာ်အီၤနီတမံၤဘၣ်. တၢ်ကိးမံၤဒဲးန့ၣ်ကြၢးဘၣ်တၢ်တူၢ်လိာ်အီၤလၢတၢ် စံးထီၣ်ပတြၢၤတၢ်အဘျုးအဖှိၣ်အပူၤ,

၁ တံၤမသ့း 4:5

အဂ့ၢ်မ့ၢ်လၢကစၢ်ယွၤအကလုၢ်ကထါဒီးတၢ်ထုကဖၣ် ဒုးကဲထီၣ်အီၤတၢ်လၢယွၤတူၢ်လိာ်အီၤသ့ဝဲအဃိန့ၣ်လီၤ.