လံာ်တၢ်ကဲထီၣ်အခီၣ်ထံး 1:22 - Sgaw Karen Common Bible

²² ဒီးကစၢ်ယွၤဆိၣ်ဂ့ၤအဝဲသ့ၣ်ခဲလၢာ်ဒီးတဲဘၣ်တၢ်ဘၣ်တ့တဖၣ်လၢအမူဟူးဂဲၤ လၢထံကျါဒ်သိးကဖှံလီၤဖးထီၣ်အါထီၣ်လၢကမၤပှဲၤပီၣ်လဲၣ်, ဒီးတဲဘၣ်ထိၣ်ဧိၤလံာ်ဧိၤလၢကအါထီၣ်လၢအနီၣ်ဂံၢ်အဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 1:22 Iomraidhean Croise

လံာ်တၢ်ကဲထီၣ်အခီၣ်ထံး 1:21

မၤသးဒ်န့ၣ်ဒီးကစၢ်ယွၤတ့လီၤပီၣ်လဲၣ်အတၢ်မုၢ်ဃၢ်ဖးဒိၣ်တဖၣ်, ကယဲၢ်တၢ်ဘၣ်တ့လၢအအိၣ်လၢထံကျါဒီးကယဲၢ်ထိၣ်ဧိၤလံာ်ဧိၤတဖၣ် န့ၣ်လီၤ. ဒီးကစၢ်ယွၤအသးမုာ်သးခုဝဲလၢတၢ်လၢအထံၣ်ဝဲဘၣ်ဝဲအဃိလီၤ.

လံာ်တၢ်ကဲထီၣ်အခီၣ်ထံး 1:23

မုၢ်ဟါပူၤကွံာ်ဝဲဒီးမုၢ်ဂီၤဟဲဝဲ, ဒီးတၢ်န့ၣ်မ့ၢ်မုၢ်ယဲၢ်နံၤတနံၤန့ၣ်လီၤ.

လံာ်တၢ်ကဲထီၣ်အခီၣ်ထံး 1:28

ဆိၣ်ဂ့ၤအဝဲသ့ၣ်, ဒီးစံးဝဲဒၣ်, “မ်သုထီၣ်ဖိအါအါဂီၢ်ဂီၢ်, ဒ်သိးသုစၢၤသုသွဲၣ်တဖၣ် ကအိၣ်မူလၢဟီၣ်ခိၣ်ဒီဖျၢၣ်ညါအချၢဒီး ပၢဘၣ်အီၤတက့ၢ်. ယပာ်သုဒ်ပှၤလၢအကပၢဘၣ်ဒ့ၣ်ဧိၤညၣ်ဧိၤ, ထိၣ်ဧိၤလံာ်ဧိၤဒီးဆၣ်ဖိကီၢ်ဖိအမံၤခဲလၢာ်န့ၣ်လီၤ.

လံာ်တၢ်ကဲထီၣ်အခီၣ်ထံး 30:27

စီၤလၤဘၣ်စံးဘၣ်အီၤ, “ပျဲယစံးတၢ်အံၤတက့ၢ်. ယမၤလိန့ၢ်တၢ်ခီဖျိတၢ်ဖးပှၤကညီအဘူၣ်အတီၤဒီးယနၢ်ပၢၢ်လၢ ယွၤဆိၣ်ဂ့ၤတ့ၢ်ယၤလၢနဃိလီၤ.

လံာ်တၢ်ကဲထီၣ်အခီၣ်ထံး 30:30

တၢ်ဆံးကိာ်ဖိလၢအအိၣ်ဒီးနၤဖဲတချုးယဟဲန့ၣ်, ဒိၣ်ထီၣ်အါထီၣ်ဒိၣ်ဒိၣ်ကလဲာ်လီၤ. ဒီးကစၢ်ယွၤဆိၣ်ဂ့ၤတ့ၢ်နၤ ဖဲယလဲၤတၢ်တပူၤလၢ်လၢ်န့ၣ်လီၤ. ဒီးခဲကနံၣ်အံၤတၢ်ဆၢကတီၢ်တုၤဝဲလၢယဂီၢ်လၢယကဃုယတၢ်ဘၣ် ဘျုးဘၣ်ဖှိၣ်ဒၣ်ယဲအဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 35:11

ဒီးကစၢ်ယွၤစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. ထီၣ်ဖိအါအါဂီၢ်ဂီၢ်တက့ၢ်. ပှၤကလုာ်တဖၣ်ကလီၤစၢၤလီၤသွဲၣ် လၢနၤဒီးနကမ့ၢ်ပှၤလၢစီၤပၤတဖၣ်ဟဲလီၤစၢၤလီၤသွဲၣ်လၢအီၤ န့ၣ်လီၤ.

လံာ်တၢ်ကဲထီၣ်အခီၣ်ထံး 8:17

ဟံးထီၣ်ကယဲၢ်ထိၣ်ဧိၤလံာ်ဧိၤဒီးဆၣ်ဖိကီၢ်ဖိခဲလၢာ်ဃုာ်ဒီး နၤဒ်သိးကလိၣ်ထီၣ်ဖးထီၣ်ဒီးရၤလီၤအသးလၢဟီၣ်ခိၣ်ဒီဘ့ၣ် န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 9:1

ကစၢ်ယွၤဆိၣ်ဂ့ၤစီၤနိအၤဒီးအဖိခွါတဖၣ်ဒီးစံးဝဲ, “အိၣ်ဒီးသုဖိသုလံၤအါဂၤဒ်သိးသုစၢၤသုသွဲၣ်တဖၣ်ကအိၣ် မူအိၣ်ဂဲၤလၢဟီၣ်ခိၣ်ဒီဘ့ၣ်ညါန့ၣ်တက့ၢ်.

လံာ်စီၤယိၤဘး 40:15

ကွၢ်ကသ့ၣ်ထံလၢယတ့အီၤဒ်ယတ့နၤအသိးတက့ၢ်. အီၣ်ဝဲတပံၢ်တမါဒ်ဂီၤဖံးအသိး,

လံာ်စီၤယိၤဘး 42:12

ဒီးယွၤဆိၣ်ဂ့ၤစီၤယိၤဘးအတၢ်အိၣ်မူလၢခံတပတီၢ်အါန့ၢ် ဒံးအဆိၣ်ဂ့ၤတ့ၢ်အီၤလၢအခီၣ်ထံးန့ၣ်လီၤ. စီၤယိၤဘးအိၣ်ဝဲဒီးသိတကလးလွံၢ်ကထိ, ကီၤလၤအူးဃု ကထိ, ဂီၤဖံးအဆိတကထိဒီးကသ့ၣ်ယီၤမိၢ်တကထိလီၤ.

စံးထီၣ်ပတြၢၤ 107:31

မ်အဝဲသ့ၣ်စံးဘျုးစံးဖှိၣ်ယွၤလၢ အတၢ်အဲၣ်ဂၢၢ်ကျၢၤအဃိ, ဒီးလၢအတၢ်မၤလီၤလးတဖၣ်လၢ ပှၤကညီဖိခဲလၢာ်အဂီၢ်အဃိန့ၣ်တက့ၢ်

စံးထီၣ်ပတြၢၤ 107:38

မ့ၢ်လၢအတၢ်ဆိၣ်ဂ့ၤဆိၣ်ဝါအဃိ, အပှၤဂီၢ်မုၢ်အါထီၣ်ဂီၢ်ထီၣ်ဒိၣ်မး, ဒီးအဝဲတပျဲအဝဲသ့ၣ်အဆၣ်ဖိကီၢ်ဖိ ဆံးလီၤစှၤလီၤန့ၣ်ဘၣ်.

စံးထီၣ်ပတြၢၤ 128:3

နမါကမၤအသးဒ်စပံးမုၢ်လၢအသၣ်ထီၣ်တမုၢ်လၢ နဟံၣ်ပူၤအသိး, ဒီးနဖိနလံၤကမၤအသးဒ် သ့ၣ်စၤယံးအထံးသ့ၣ်တဖၣ် အိၣ်ဝးတရံးနစီၢ်နီၤခိၣ်အသိးန့ၣ်လီၤ.

တၢ်ကတိၤဒိ. 10:22

ယွၤအတၢ်ဆိၣ်ဂ့ၤန့ၣ်, ဒုးထူးတီၤထီၣ်နၤလီၤ. ဒီးအဝဲတပာ်ဖှိၣ်တၢ်သူၣ်အုးသးအုးဆူနတၢ်ထူးတၢ်တီၤန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 26:9

ဒီးယကဆိၣ်ဂ့ၤသုဒီးဟ့ၣ်သုလၢဖိတဖၣ်အါအါဂီၢ်ဂီၢ်လီၤ. ယကဟံးဃာ်ယတၢ်အၢၣ်လီၤအီလီၤလၢယမၤဒီးသုန့ၣ်လီၤ.