လံာ်တၢ်ကဲထီၣ်အခီၣ်ထံး 1:21 - Sgaw Karen Common Bible

²¹ မၤသးဒ်န့ၣ်ဒီးကစၢ်ယွၤတ့လီၤပီၣ်လဲၣ်အတၢ်မုၢ်ဃၢ်ဖးဒိၣ်တဖၣ်, ကယဲၢ်တၢ်ဘၣ်တ့လၢအအိၣ်လၢထံကျါဒီးကယဲၢ်ထိၣ်ဧိၤလံာ်ဧိၤတဖၣ် န့ၣ်လီၤ. ဒီးကစၢ်ယွၤအသးမုာ်သးခုဝဲလၢတၢ်လၢအထံၣ်ဝဲဘၣ်ဝဲအဃိလီၤ.

လံာ်တၢ်ကဲထီၣ်အခီၣ်ထံး 1:21 Iomraidhean Croise

လံာ်တၢ်ကဲထီၣ်အခီၣ်ထံး 1:18

လၢကပၢမုၢ်နံၤဒီးမုၢ်နၤဒီးဒ်သိးအကနီၤဖးတၢ်ကပီၤလၢတၢ် ခံးတၢ်နၤန့ၣ်လီၤ. ဒီးကစၢ်ယွၤအသးမုာ်သးခုဝဲလၢတၢ်လၢအထံၣ်ဘၣ်ဝဲအဃိလီၤ.

လံာ်တၢ်ကဲထီၣ်အခီၣ်ထံး 1:20

ဒီးကစၢ်ယွၤခါလီၤအကလုၢ်, “မ်ထံဘၣ်တၢ်မၤပှဲၤအီၤဒီးတၢ်ဘၣ်တ့ လၢအမူဟူးဂဲၤလၢထံကျါသ့အကလုာ်ကလုာ်ဒီးမူကပိာ်လိၤ ဘၣ်တၢ်မၤပှဲၤအီၤဒီးထိၣ်ဧိၤလံာ်ဧိၤတဖၣ်တက့ၢ်.”

လံာ်တၢ်ကဲထီၣ်အခီၣ်ထံး 1:22

ဒီးကစၢ်ယွၤဆိၣ်ဂ့ၤအဝဲသ့ၣ်ခဲလၢာ်ဒီးတဲဘၣ်တၢ်ဘၣ်တ့တဖၣ်လၢအမူဟူးဂဲၤ လၢထံကျါဒ်သိးကဖှံလီၤဖးထီၣ်အါထီၣ်လၢကမၤပှဲၤပီၣ်လဲၣ်, ဒီးတဲဘၣ်ထိၣ်ဧိၤလံာ်ဧိၤလၢကအါထီၣ်လၢအနီၣ်ဂံၢ်အဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 1:25

မၤသးဒ်န့ၣ်ဒီးကစၢ်ယွၤတ့လီၤအဝဲသ့ၣ်ခဲလၢာ်ဒီးအဝဲအသးခု သးမုာ်လၢတၢ်လၢအထံၣ်ဘၣ်ဝဲအဃိန့ၣ်လီၤ.

လံာ်တၢ်ကဲထီၣ်အခီၣ်ထံး 1:31

ကစၢ်ယွၤကွၢ်တၢ်လၢအမၤတ့ၢ်ဝဲခဲလၢာ်ဒီးအဝဲအသးခုသးမုာ်ဒိၣ်မးလီၤ. မုၢ်ဟါပူၤကွံာ်ဒီးမုၢ်ဂီၤဟဲဝဲ, ဒီးတၢ်န့ၣ်မ့ၢ်မုၢ်ဃုနံၤတနံၤန့ၣ်လီၤ.

လံာ်တၢ်ကဲထီၣ်အခီၣ်ထံး 2:19

ဒီးကစၢ်ယွၤဟံးန့ၢ်ဟီၣ်ခိၣ်ကပံာ်လၢဟီၣ်ခိၣ်ဒီးတ့လီၤကယဲၢ်ဆၣ်ဧိၤကီၢ်ဧိၤဒီးထိၣ်ဧိၤလံာ်ဧိၤခဲလၢာ်န့ၣ်လီၤ. ဒီးအဝဲဟဲစိာ်အဝဲသ့ၣ်ဆူပှၤကညီအအိၣ်ဒ်သိးအကထံၣ်ဘၣ်လၢအဝဲဒၣ်ကယုၢ်အမံၤဒ်လဲၣ်ဒ်လဲၣ်န့ၣ်လီၤ. ဒီးတၢ်န့ၣ်မ့ၢ်အဝဲသ့ၣ်ခဲလၢာ်မၤန့ၢ်အမံၤတဖၣ်ဒ်လဲၣ်ဒ်လဲၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 6:20

ထိၣ်ဖိလံာ်ဖိဒ်အကလုာ်ဒၣ်ဝဲအသိး, ဒီးဆၣ်ဖိကီၢ်ဖိဒ်အကလုာ်ဒၣ်ဝဲအသိး, ဒ်သိးဒီးအဝဲသ့ၣ်ကမူဒံးအဂီၢ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 7:14

ကယဲၢ်ဆၣ်ဖိကီၢ်ဖိကိးကလုာ်ဒဲးလၢအမံၤဒီးအဒၢ, အဒိၣ်ဒီးအဆံးဒီးကယဲၢ်ထိၣ်ကိးအကလုာ်ဒဲးလဲၤနုာ်ဃုာ်ဒီးအဝဲ သ့ၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 8:17

ဟံးထီၣ်ကယဲၢ်ထိၣ်ဧိၤလံာ်ဧိၤဒီးဆၣ်ဖိကီၢ်ဖိခဲလၢာ်ဃုာ်ဒီး နၤဒ်သိးကလိၣ်ထီၣ်ဖးထီၣ်ဒီးရၤလီၤအသးလၢဟီၣ်ခိၣ်ဒီဘ့ၣ် န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 8:19

ဒီးကယဲၢ်ဆၣ်ဖိကီၢ်ဖိဒီးထိၣ်ဧိၤလံာ်ဧိၤခဲလၢာ်ဟးထီၣ်လၢ ကဘီလိၤလၢအကရူၢ်ဒၣ်ဝဲဒီးအကလုာ်ဒၣ်ဝဲစုာ်စုာ်န့ၣ်လီၤ.

လံာ်တၢ်ကဲထီၣ်အခီၣ်ထံး 9:2

ကယဲၢ်ဆၣ်ဖိကီၢ်ဖိခဲလၢာ်, ထိၣ်ဖိလံာ်ဖိဒီးဒ့ၣ်ဖိညၣ်ဖိတဖၣ် ကအိၣ်မူလၢတၢ်ပျံၤတၢ်ဖုးသုန့ၣ်လီၤ. အဝဲသ့ၣ်ဘၣ်တၢ်ပာ်အီၤလၢသုတၢ်စိတၢ်ကမီၤအဖီလာ်န့ၣ်လီၤ.

လံာ်တၢ်ကဲထီၣ်အခီၣ်ထံး 9:7

သုကဘၣ်အိၣ်ဒီးသုဖိသုလံၤအါအါဂီၢ်ဂီၢ်ဒ်သိးသုစၢၤသု သွဲၣ်တဖၣ်ကအိၣ်မူလၢဟီၣ်ခိၣ်ဒီဘ့ၣ်ညါန့ၣ်လီၤ.”

လံာ်စီၤယိၤဘး 12:7

ထိၣ်တဖၣ်ဒီးဆၣ်ဖိကီၢ်ဖိတဖၣ်ဒၣ်လဲာ်အိၣ်ဒီးတၢ်အါမံၤလၢ ကသိၣ်လိနၤန့ၣ်လီၤ.

လံာ်စီၤယိၤဘး 26:5

စီၤဘံးလဒၤစံးဝဲ, လၢပျူၤပူၤလၢထံအိၣ်လၢဟီၣ်ခိၣ်လာ်အပူၤန့ၣ်, ပှၤသံတဖၣ်အကလၤပျံၤတၢ်ဖုးတၢ်ဒီးကနိးကစုာ်ဝဲန့ၣ်လီၤ.

လံာ်စီၤယိၤဘး 7:12

ဘၣ်မနုၤအဃိနကွၢ်ဟုၣ်ကွၢ်စုာ်ယၤန့ၣ်လဲၣ်. မ့ၢ်နဆိကမိၢ်လၢယမ့ၢ်ပီၣ်လဲၣ်ပယိၤန့ၣ်ဧါ.

စံးထီၣ်ပတြၢၤ 148:7

မ်တၢ်အိၣ်လၢဟီၣ်ခိၣ်ခဲလၢာ် ပီၣ်လဲၣ်အပယိၤဒီးထံယိာ် ပူၤခဲလၢာ်, စံးထီၣ်ပတြၢၤယွၤတက့ၢ်.

လံာ်တၢ်ဟးထီၣ်ကွံာ် 1:7

မ့မ့ၢ်အဝဲသ့ၣ်အစၢၤအသွဲၣ်လၢအမ့ၢ်ဝဲပှၤအံၣ်စရ့လးဖိတဖၣ် န့ၣ်, အိၣ်ဒီးအဖိအလံၤအါဂၤ, ဒီးအါထီၣ်ဂီၢ်ထီၣ်ဝဲဒီးဆူၣ်ထီၣ်ဝဲ တုၤကီၢ်အဲၤကူပတူးအိၣ်ပှဲၤဒီးအဝဲသ့ၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 8:3

ထံကျိနံၤလါကပှဲၤဒီးဒ့ၣ်ဧိၤကွီၣ်ဧိၤတုၤဒၣ်လဲာ်ကလဲၤဆူ နနူၢ်ပူၤစီၤပူၤ, နလီၢ်မံဒၢးပူၤ, နလီၢ်မံခးအလိၤ, နပဒိၣ် ပပှၢ်ဒီးနပှၤဂီၢ်မုၢ်အဟံၣ်ပူၤဒီးတုၤဒၣ်လဲာ်လၢနဖၣ်ကပူၤ, ဒီးနစံၢ်ကိၣ်အသပၢၤပူၤန့ၣ်လီၤ.

လံာ်ယဃ့းစက့လး 32:2

အဝဲစံးဝဲဒၣ်, “ပှၤကညီလၢအသံသ့ဧၢ, ဟ့ၣ်ကီၢ်အဲၤကူပတူး အစီၤပၤလၢတၢ်ဟ့ၣ်ပလီၢ်သမှံၤသပှၢ်တမံၤအံၤတက့ၢ်. ဟ့ၣ်အီၤ လၢယတၢ်ကစီၣ်အံၤန့ၣ်တက့ၢ်. နမၤနသးဒ်ခ့ယုၢ်တဒုလၢပှၤ ကလုာ်တဖၣ်အကျါအသိး, ဘၣ်ဆၣ်နလီၤဂာ်ဒိၣ်ဒၣ်တၢ်တက့ၢ်ဒီး သမၣ်တဘိလၢအလဲၤတၢ်သီၣ်ပြူၤပြူၤလၢထံကျိပူၤအသိး န့ၣ်လီၤ. နမၤဒုထီၣ်ထံလၢနခိၣ်ဒီးမၤဘၣ်အၢထံကျိတဖၣ်န့ၣ်လီၤ.

လံာ်ယိၤနါ 1:17

ဒီးယွၤမၤလိာ်ညၣ်ဖးဒိၣ်တဘ့ၣ်လၢကယူၢ်လီၤကွံာ်စီၤ ယိၤနါလီၤ. ဒီးစီၤယိၤနါအိၣ်ဝဲလၢညၣ်ဖးဒိၣ်အဟၢဖၢပူၤ န့ၣ်သၢနံၤဒီးသၢနၤလီၤ.

လံာ်ယိၤနါ 2:10

တုၤနုၤတစု, ယွၤမၤလိာ်ညၣ်, ဒီးညၣ်န့ၣ်ဘှိးထီၣ်ကွံာ်စီၤယိၤနါဆူ ထံကၢၢ်ခိၣ်န့ၣ်လီၤ.

လံာ်မးသဲ 12:40

အဂ့ၢ်ဒ်အံၤ, ဒ်စီၤယိၤနါအိၣ်လၢညၣ်ဖးဒိၣ်အဟၢဖၢပူၤသၢနံၤသၢနၤ အသိးန့ၣ်, ပှၤကညီဖိခွါအံၤကအိၣ်လၢဟီၣ်ခိၣ်အသးကံၢ်ပူၤသၢနံၤသၢနၤ စ့ၢ်ကီးလီၤ.