လံာ်တၢ်ကဲထီၣ်အခီၣ်ထံး 1:2 - Sgaw Karen Common Bible

² ဟီၣ်ခိၣ်အက့ၢ်အဂီၤတအိၣ်ဘၣ်, ဒီးအိၣ်ကလီအိၣ်လီၤပျီဝဲလီၤ. ဒီးတၢ်ခံးသူအိၣ်ဝဲလၢပီၣ်လဲၣ်လၢအကးဘၢတၢ်ခဲလၢာ်အထံ ဖံးခိၣ်, ဒီးကစၢ်ယွၤအသးစီဆှံဟူးဂဲၤဝဲလၢထံဖံးခိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 1:2 Iomraidhean Croise

လံာ်စီၤယိၤဘး 26:14

ဘၣ်ဆၣ်တၢ်အံၤမ့ၢ်ဒၣ်ထဲတၢ်တဲတရူာ်အတၢ်စိတၢ်ကမီၤတဒိၣ် တဆံးဧိၤ, မ့ၢ်ဒၣ်ထဲတၢ်ကတိၤကသွံဒံလၢပနၢ်ဟူတ့ၢ်လံန့ၣ်လီၤ. ကစၢ်ယွၤဒိၣ်ဝဲနီၢ်နီၢ်ထဲလဲၣ်န့ၣ်မ့ၢ်မတၤသ့ၣ်ညါကသ့ဝဲတဂၤလဲၣ်.

လံာ်စီၤယိၤဘး 26:7

ကစၢ်ယွၤထုးထီထီၣ်မူခိၣ်လၢကလံၤစိးတကပၤဒီးထိၣ်လီၤ စဲၤဟီၣ်ခိၣ်လၢမူပျီပူၤန့ၣ်လီၤ.

လံာ်စီၤယိၤဘး 38:9

ယမ့ၢ်တ့ၢ်ပှၤလၢအလုၣ်ဘၢတ့ၢ်ပီၣ်လဲၣ်ဒီးတၢ်အၢၣ်တဖၣ် ဒီးဘိၣ်ဘံတ့ၢ်အီၤလၢတၢ်ခံးသူအပူၤလီၤ.

လံာ်စီၤယိၤဘး 41:32

ပာ်လီၤတဲာ်ဝဲအကျိၤကဲၤကျိာ်ကလာ်ဒီးဒုးကဲထီၣ်ပီၣ်လဲၣ် ဖိဆူထံသဘှဲဝါလီၤ.

စံးထီၣ်ပတြၢၤ 104:30

ဘၣ်ဆၣ်ဖဲနဟ့ၣ်လီၤအီၤတၢ်သါန့ၣ်ဒီး အဝဲသ့ၣ်ဘၣ်တၢ်တ့အီၤ, ဒီးနဟ့ၣ်က့ၤတၢ်မူအသီလၢဟီၣ်ခိၣ်လီၤ.

စံးထီၣ်ပတြၢၤ 104:6

နမၤဘၢအီၤဒီးပီၣ်လဲၣ် ဒ်ဆ့ကၤဖးဒိၣ်တဘ့ၣ်အသိး ဒီးထံအိၣ်ထီၣ်ထီလၢဝဲလၢကစၢၢ်ကလိတဖၣ် အဖီခိၣ်လီၤ.

စံးထီၣ်ပတြၢၤ 136:6

အဝဲဒါလီၤဟီၣ်ခိၣ်လၢထံယိာ်ပူၤလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 148:7

မ်တၢ်အိၣ်လၢဟီၣ်ခိၣ်ခဲလၢာ် ပီၣ်လဲၣ်အပယိၤဒီးထံယိာ် ပူၤခဲလၢာ်, စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 33:6

ယွၤတ့လီၤမူခိၣ်ခီဖျိအကလုၢ်, မုၢ်, လါ, ဒီးဆၣ်တဖၣ်လၢအတၢ်ကတိၤန့ၣ်လီၤ.

တၢ်ကတိၤဒိ. 8:24

ယအိၣ်ဖျဲၣ်ထီၣ်တ့ၢ်လၢပီၣ်လဲၣ်တဖၣ်အမဲာ်ညါ, ဖဲထံမူထီၣ်ပၢၢ်တအိၣ်ဒံးဘၣ်ဒၣ်လဲာ်န့ၣ်လီၤ.

လံာ်ယၡါယၤ 31:5

ဒ်ထိၣ်တဘ့ၣ်ယူၤဝ့ၤဝီၤလၢအသွံအဖီခိၣ်လၢတၢ်ဒီဒၣ်အိၣ်ပှိၤ အဖိတဖၣ်အဂီၢ်အသိး, ယၤ, ယွၤသ့တၢ်လၢာ်ကဒီဒၣ်အိၣ်ပှိၤ ဝ့ၢ်ယရူၤၡလ့ၣ်ဒီးခီၣ်ဆၢတၢ်လၢအဂီၢ်လီၤ.”

လံာ်ယၡါယၤ 45:18

ယွၤတ့လီၤပာ်လီၤမူခိၣ်မူကပိာ်လိၤ ဒီးအဝဲမ့ၢ်ပှၤတဂၤလၢအမ့ၢ်ကစၢ်ယွၤန့ၣ်လီၤ. အဝဲဒၣ်မၤအိၣ်ထီၣ်ဟီၣ်ခိၣ်အက့ၢ်အဂီၤ ဒီးတ့လီၤပာ်လီၤဝဲဒီးမၤအီၤခၢၣ်သနၢၣ် လီၤထူလီၤယိာ်လီၤ. တတ့လီၤဝဲလၢဟီၣ်ခိၣ်ကအိၣ်သယုၢ် အိၣ်ကလီအဂီၢ်ဘၣ်. မ့မ့ၢ်ဒ်သိးကကဲထီၣ်တၢ်လီၢ်လၢပှၤကအိၣ်လၢအပူၤအဂီၢ်လီၤ. အဝဲမ့ၢ်ပှၤလၢအစံးဝဲ, “ယဲဒၣ်အံၤယမ့ၢ်ယွၤဒီးကစၢ်အ ဂၤတအိၣ်ဘၣ်,” န့ၣ်လီၤ.

လံာ်ယံးရမံယၤ 4:23

ယကွၢ်တၢ်ဆူဟီၣ်ခိၣ်, ဒီးကွၢ်ကွၢ်, အိၣ်သယုၢ်ဒီးအိၣ်ကလီဝဲ, ဒီးဆူမူကပိာ်လိၤဒီးတၢ်ကပီၤတအိၣ်ဘၣ်.

လံာ်နၤဃူၣ် 2:10

ဝ့ၢ်နံၤနဝ့ဘၣ်တၢ်မၤဟးဂီၤကွံာ်, ဘၣ်တၢ်လဲၤကပာ်ကွံာ်ဒီးအိၣ် သယုၢ်လံဝဲလံ. ပှၤအသးတဖၣ်ပှံၢ်လီၤဝဲလၢတၢ်ပျံၤတၢ်ဖုးအဃိ, အခီၣ်လ့ၣ်ခိၣ်တဖၣ်ကနိးကစုာ်ဝဲ, အဂံၢ်အဘါလၢာ်ကွံာ်ဝဲဒီးအမဲာ်သၣ်တဖၣ်လီၤဝါကွံာ်ဝဲလံန့ၣ်လီၤ.

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

လံာ်သိၣ်လီၤသီလီၤတၢ် 32:11

ဒ်လံာ်ကြီကြာ်တဘ့ၣ်သိၣ်လိအဖိဆံးလၢကယူၤဝဲ, ဖီၣ်န့ၢ်အဝဲသ့ၣ်ပူၤပူၤဖျဲးဖျဲးလၢအဒံးဆ့လၢအသလၣ်ထီၣ်အသး တဖၣ်အလိၤအသးန့ၣ်, ယွၤဟံးဃာ်ဂၢၢ်ကျၢၤကီၢ်အံၣ်စရ့လးလၢအသုတလီၤတဲာ်ကွံာ်တဂ့ၤ အဂီၢ်န့ၣ်လီၤ.