လံာ်တၢ်ကဲထီၣ်အခီၣ်ထံး 1:12 - Sgaw Karen Common Bible

¹² မၤသးဒ်န့ၣ်ဒီးဟီၣ်ခိၣ်ဒုးအိၣ်ထီၣ်ကယဲၢ်တၢ်မုၢ်တၢ်ဘိအကလုာ်ကလုာ်, ဒီးကစၢ်ယွၤအသးမုာ်သးခုဝဲလၢတၢ်လၢအထံၣ်ဘၣ်ဝဲအဃိလီၤ.

လံာ်တၢ်ကဲထီၣ်အခီၣ်ထံး 1:12 Iomraidhean Croise

လံာ်တၢ်ကဲထီၣ်အခီၣ်ထံး 1:11

ဒီးအဝဲခါလီၤအကလုၢ်, “မ်ဟီၣ်ခိၣ်ဒုးမဲထီၣ်ကယဲၢ်တၢ်မုၢ်တၢ် ဘိအကလုာ်ကလုာ်လၢအဟ့ၣ်ထီၣ်ဘုဧိၤဟုဧိၤဒီးတၤသူတၤသၣ်န့ၣ်တက့ၢ်.” ဒီးတၢ်မၤအသးဒ်န့ၣ်လီၤ.

လံာ်တၢ်ကဲထီၣ်အခီၣ်ထံး 1:13

မုၢ်ဟါပူၤကွံာ်ဝဲဒီးမုၢ်ဂီၤဟဲဝဲ, ဒီးတၢ်န့ၣ်မ့ၢ်မုၢ်သၢနံၤတနံၤန့ၣ်လီၤ.

စံးထီၣ်ပတြၢၤ 104:14

နဒုးမဲထီၣ်နီၣ်ဧိၤမံၤဧိၤလၢဆၣ်ဖိကီၢ်ဖိအဂီၢ် ဒီးတၢ်မုၢ်တၢ်ဘိတဖၣ်လၢ ပှၤကညီကသူၣ်လီၤဖျးလီၤဝဲ ဒ်သိးကဒုးဟဲထီၣ်တၢ်အီၣ်တၢ်အီလၢ ဟီၣ်ခိၣ်အဂီၢ်,

လံာ်ယၡါယၤ 61:11

ဒ်တၢ်ချံတဖၣ်မဲထီၣ်ဒီးဒိၣ်ထီၣ်သပှၢ်ကတၢၢ်အသိး, ယွၤပၢဘၣ်တၢ်ခဲလၢာ်ကစၢ်ကအုၣ်က့ၤခီၣ်က့ၤ အပှၤဂီၢ်မုၢ်, ဒီးပှၤကလုာ်တဖၣ်ခဲလၢာ်ကစံးထီၣ်ပတြၢၤအီၤလီၤ.

လံာ်မၢ်ကူး 4:28

တၢ်အမုၢ်ဖိတဖၣ်န့ၣ်ဟီၣ်ခိၣ်ဒုးမဲထီၣ်ဒီးဒုးသၣ်ထီၣ်ဒၣ်အတၢ်လီၤ. အဆိန့ၣ်အပျိာ်ဟဲထီၣ်, အန့ၣ်ဝံၤအစဲၤ, ဒီးလၢခံကတၢၢ်အသၣ်အိၣ်ပှဲၤ အစဲၤလိၤလီၤ.

လံာ်လူၤကၣ် 6:44

သ့ၣ်ကိးထူၣ်ဒဲးဘၣ်တၢ်သ့ၣ်ညါအီၤခီဖျိတၤသၣ်လၢအသၣ်ထီၣ်ဝဲန့ၣ်လီၤ. ပှၤတဒဲးချၢၣ်ဒၢသၣ်လၢတၤဆှုၣ် အမုၢ်အဘိတဖၣ်အလိၤဒီး ပှၤတဒဲးစပံးသၣ်လၢတၤဆှုၣ်တပှီာ်အလိၤဘၣ်.

၂ ကရံၣ်သူး 9:10

ဒီးကစၢ်ယွၤလၢအဟ့ၣ်တၢ်ချံလၢတၢ်ကဖှံလီၤအီၤအဂီၢ်, ဒီးကိၣ်လၢတၢ်ကအီၣ်အီၤအဂီၢ်န့ၣ်, ကဟ့ၣ်စ့ၢ်ကီးသုတၢ်ချံလၢသုလိၣ်ဘၣ်အီၤခဲလၢာ်ဒီးကဒုးမဲ ထီၣ်အီၤဒီးဒုးအိၣ်ထီၣ်အသူအသၣ်အါအါဂီၢ်ဂီၢ်ခီဖျိတၢ်ဟ့ၣ် တၢ်အါအါဂီၢ်ဂီၢ်လၢတၢ်သးအိၣ်အပူၤန့ၣ်လီၤ.

ကလၤတံ 6:7

သုတလီလီၤသုသးတဂ့ၤ, ပှၤလီကစၢ်ယွၤတန့ၢ်နီတဂၤဘၣ်. ပှၤတဂၤကကူးဘၣ်က့ၤတၢ်ဒ်အဖှံဝဲအသိးလီၤ.

ဧ့ၤဘြံၤ 6:7

ဟီၣ်ခိၣ်လၢအဆူးနုာ်တၢ်စူၤထံလၢအလီၤဘၣ်လၢအလိၤ တလီၢ်လီၢ်တလီၢ်လီၢ်ဒီးဒုးမဲထီၣ်တၢ်မုၢ်တၢ်ဘိလၢအကဲထီၣ် တၢ်ဘျုးတၢ်ဖှိၣ်လၢပှၤလၢတၢ်သူၣ်န့ၢ်တၢ်လၢအဂီၢ်န့ၣ်, ကစၢ်ယွၤဆိၣ်ဂ့ၤဝဲလီၤ.