လံာ်တၢ်ကဲထီၣ်အခီၣ်ထံး 1:11 - Sgaw Karen Common Bible

¹¹ ဒီးအဝဲခါလီၤအကလုၢ်, “မ်ဟီၣ်ခိၣ်ဒုးမဲထီၣ်ကယဲၢ်တၢ်မုၢ်တၢ် ဘိအကလုာ်ကလုာ်လၢအဟ့ၣ်ထီၣ်ဘုဧိၤဟုဧိၤဒီးတၤသူတၤသၣ်န့ၣ်တက့ၢ်.” ဒီးတၢ်မၤအသးဒ်န့ၣ်လီၤ.

လံာ်တၢ်ကဲထီၣ်အခီၣ်ထံး 1:11 Iomraidhean Croise

လံာ်တၢ်ကဲထီၣ်အခီၣ်ထံး 1:12

မၤသးဒ်န့ၣ်ဒီးဟီၣ်ခိၣ်ဒုးအိၣ်ထီၣ်ကယဲၢ်တၢ်မုၢ်တၢ်ဘိအကလုာ်ကလုာ်, ဒီးကစၢ်ယွၤအသးမုာ်သးခုဝဲလၢတၢ်လၢအထံၣ်ဘၣ်ဝဲအဃိလီၤ.

လံာ်တၢ်ကဲထီၣ်အခီၣ်ထံး 1:29

ယလုၢ်အီၣ်တ့ၢ်သုလၢဘုဧိၤဟုဧိၤအကလုာ်ကလုာ်ဒီး တၤသူတၤသၣ်အကလုာ်ကလုာ်လၢသုကအီၣ်ဘၣ်အီဘၣ်အဂီၢ်လီၤ.

လံာ်တၢ်ကဲထီၣ်အခီၣ်ထံး 2:16

ဒီးစံးဘၣ်တဲဘၣ်အီၤ, “ကယဲၢ်သ့ၣ်တထူၣ်လၢ်လၢ် လၢအအိၣ်လၢတၤသၣ်အလီၢ်ပူၤအံၤ နအီၣ်အသၣ်သ့လီၤ.

လံာ်တၢ်ကဲထီၣ်အခီၣ်ထံး 2:5

ဖဲယွၤ, ကစၢ်ယွၤတ့လီၤပာ်လီၤမူခိၣ်ဟီၣ်ခိၣ်န့ၣ်, တၢ်မုၢ်တၢ်ဘိတအိၣ်ဘၣ်လၢဟီၣ်ခိၣ်အလိၤဒီးတၢ်ချံတဖၣ်တမဲထီၣ်ဘၣ်. အဂ့ၢ်ဒ်အံၤ, အဝဲတဟ့ၣ်လီၤဒံးတၢ်စူၤထံနီတစဲး, ဒီးပှၤလၢအကသူၣ်လီၤဖျးလီၤဟီၣ်ခိၣ်တအိၣ်ဘၣ်နီတဂၤဘၣ်.

လံာ်တၢ်ကဲထီၣ်အခီၣ်ထံး 2:9

ဒီးအဝဲဒုးမဲထီၣ်ကယဲၢ်သ့ၣ်အဃံအလၤအကလုာ်ကလုာ်ဒီးဒုးသၣ်ထီၣ် တၤသၣ်အဂ့ၤန့ၣ်လီၤ. လၢတၤသၣ်လီၢ်အခၢၣ်သးန့ၣ်အိၣ်ဒီးသ့ၣ်လၢအဟ့ၣ်တၢ်မူတထူၣ်, ဒီးသ့ၣ်လၢအဟ့ၣ်တၢ်သ့ၣ်ညါသ့နီၤဖးတၢ်ဂ့ၤဒီးတၢ်အၢတထူၣ်န့ၣ်လီၤ.

လံာ်စီၤယိၤဘး 28:5

တၢ်အီၣ်တၢ်အီမဲထီၣ်လၢဟီၣ်ခိၣ်, မ့မ့ၢ်လၢဟီၣ်ခိၣ်အံၤအဖီလာ် န့ၣ်တၢ်ခဲလၢာ်ဘၣ်တၢ်မၤတချဲထီၣ်အီၤဒီးမၤသဘှံးကွံာ်အီၤ န့ၣ်လီၤ.

စံးထီၣ်ပတြၢၤ 1:3

ဒီးကလီၤဂာ်ဒ်သ့ၣ်သူၣ်လီၤအသးလၢ ထံဖိကျိအနံၤ, လၢအသၣ်ထီၣ်လၢအကတီၢ်ဒၣ်ဝဲ, ဒီးအလၣ်တလီၤညွံးဘၣ်အသိးန့ၣ်လီၤ. တၢ်မၤတမံၤလၢ်လၢ်လၢအမၤဝဲန့ၣ် ကကဲထီၣ်လိၣ်ထီၣ်ဝဲလီၤ.

စံးထီၣ်ပတြၢၤ 147:8

အဝဲဒၣ်မၤဘၢမူခိၣ်လၢတၢ်အၢၣ်, ကတဲာ်ကတီၤတၢ်စူၤလၢဟီၣ်ခိၣ်အဂီၢ်, ဒီးဒုးမဲထီၣ်နီၣ်ဧိၤမံၤဧိၤလၢ ကစၢၢ်ကလိအလိၤန့ၣ်လီၤ.

လံာ်ယၡါယၤ 61:11

ဒ်တၢ်ချံတဖၣ်မဲထီၣ်ဒီးဒိၣ်ထီၣ်သပှၢ်ကတၢၢ်အသိး, ယွၤပၢဘၣ်တၢ်ခဲလၢာ်ကစၢ်ကအုၣ်က့ၤခီၣ်က့ၤ အပှၤဂီၢ်မုၢ်, ဒီးပှၤကလုာ်တဖၣ်ခဲလၢာ်ကစံးထီၣ်ပတြၢၤအီၤလီၤ.

လံာ်ယံးရမံယၤ 17:8

အဝဲဒၣ်လီၤဂာ်ဒ်သ့ၣ်တထူၣ်လၢအမဲထီၣ်လၢထံကျိဖိအကပၤအသိး လၢအစဲၤလီၤအဂံၢ်တဖၣ်ဆူထံကျါန့ၣ်လီၤ. ဖဲတၢ်ကိၢ်အကတီၢ်ဟဲဝဲန့ၣ်အဝဲတပျံၤတၢ်ဘၣ်. အဂ့ၢ်ဒ်အံၤ, အလၣ်တဖၣ်အိၣ်လါဟ့ဝဲထီဘိန့ၣ်လီၤ. တၢ်မ့ၢ်တဟဲစူၤဘၣ်ဆၣ်ဒီးအတၢ်ကိၢ်တၢ်ဂီၤတအိၣ်ဘၣ်, ဒီးသၣ်ထီၣ်ဒၣ်ဆူညါကွ့ၢ်ကွ့ၢ်န့ၣ်လီၤ.

လံာ်မးသဲ 3:10

အခဲအံၤဒၣ်လဲာ်ကွါအိၣ်ပာ်လီၤအသးလၢသ့ၣ်အဂံၢ်တဖၣ်အခီၣ်ထံးလံ. သ့ၣ်တထံးလၢ်လၢ်လၢအတသူထီၣ်သၣ်ထီၣ်တၤသၣ်လၢအဂ့ၤန့ၣ် ကဘၣ်တၢ်ကူာ်လီၤဒီးတ့ၢ်လီၤကွံာ်အီၤဆူမ့ၣ်အူအပူၤလီၤ.

လံာ်မးသဲ 6:30

ကစၢ်ယွၤမ့ၢ်ဒုးကူဒုးသိးနီၣ်ဧိၤမံၤဧိၤလၢအမူဝဲတနံၤ အံၤဒီးလၢခံတနံၤဘၣ်တၢ်ဆူးကဲၤကွံာ်အီၤလၢဖၣ်ကပူၤန့ၣ်ဒီး, ပှၤနာ်တၢ်စှၤသ့ၣ်ဧၢ, မ့ၢ်ယွၤအံၤတဒုးကူဒုးသိးသုအါန့ၢ်အဝဲသ့ၣ်ဘၣ်ဧါ.

လံာ်မၢ်ကူး 4:28

တၢ်အမုၢ်ဖိတဖၣ်န့ၣ်ဟီၣ်ခိၣ်ဒုးမဲထီၣ်ဒီးဒုးသၣ်ထီၣ်ဒၣ်အတၢ်လီၤ. အဆိန့ၣ်အပျိာ်ဟဲထီၣ်, အန့ၣ်ဝံၤအစဲၤ, ဒီးလၢခံကတၢၢ်အသၣ်အိၣ်ပှဲၤ အစဲၤလိၤလီၤ.

1 ကရံၣ်သူး 15:38

ကစၢ်ယွၤဟ့ၣ်တၢ်ချံအဝဲန့ၣ်လၢအနီၢ်ခိဒ်အဆၢဟ့ၣ်ဝဲအသိး လီၤ. အဝဲဒၣ်ဟ့ၣ်တၢ်ချံတဖျၢၣ်လၢအနီၢ်ခိဒၣ်ဝဲဒ်အကြၢးဒီး အီၤအသိးလီၤ.

ဧ့ၤဘြံၤ 6:7

ဟီၣ်ခိၣ်လၢအဆူးနုာ်တၢ်စူၤထံလၢအလီၤဘၣ်လၢအလိၤ တလီၢ်လီၢ်တလီၢ်လီၢ်ဒီးဒုးမဲထီၣ်တၢ်မုၢ်တၢ်ဘိလၢအကဲထီၣ် တၢ်ဘျုးတၢ်ဖှိၣ်လၢပှၤလၢတၢ်သူၣ်န့ၢ်တၢ်လၢအဂီၢ်န့ၣ်, ကစၢ်ယွၤဆိၣ်ဂ့ၤဝဲလီၤ.

ယၤကိာ် 3:12

ယဒီပုၢ်ဝဲၢ်သ့ၣ်ဧၢ, ချၢၣ်ဒၢတထူၣ်န့ၣ်သၣ်ထီၣ်သ့ၣ်စၤယံးအသၣ် တသ့ဘၣ်. စပံးမုၢ်တမုၢ်န့ၣ်သၣ်ထီၣ်ချၢၣ်ဒၢအသၣ် တသ့ဘၣ်. ဒီးထံဟီထီၣ်ပၢၢ်တပူၤန့ၣ်ဟ့ၣ်ထီၣ်ထံအဆၢ တသ့ဘၣ်.