ကလၤတံ 6:8 - Sgaw Karen Common Bible

⁸ အဂ့ၢ်ဒ်အံၤ, အဝဲဒၣ်မ့ၢ်သူၣ်လီၤဖျးလီၤတၢ်လၢအတၢ်သူၣ်လီ သးကွံတဖၣ်အပူၤန့ၣ်, တၢ်လၢအကကူးဘၣ်က့ၤဝဲမ့ၢ်တၢ်သံ န့ၣ်လီၤ. မ့မ့ၢ်အဝဲဒၣ်မ့ၢ်သူၣ်လီၤဖျးလီၤတၢ်လၢယွၤအသး အပူၤဒီး, ယွၤအသးကမၤစၢၤအီၤဒ်သိးအကကူးဘၣ်က့ၤဝဲတၢ်မူ အထူအယိာ်န့ၣ်လီၤ.

ကလၤတံ 6:8 Iomraidhean Croise

လံာ်စီၤယိၤဘး 4:8

ဒ်ယထံၣ်တ့ၢ်ယဲအသိး, ပှၤလၢအထဲၣ်တၢ်အၢဒီးသူၣ်လီၤ တၢ်ကိၢ်တၢ်ဂီၤန့ၣ်ကူးဘၣ်က့ၤဝဲတၢ်န့ၣ်တမံၤဃီလီၤ.

တၢ်ကတိၤဒိ. 11:18

ပှၤတတီတလိၤတဖၣ်န့ၣ်တမၤန့ၣ်စဲဃဲၤတၢ်နီတမံၤဘၣ်. ဘၣ်ဆၣ်ဒီးနမ့ၢ်မၤတၢ်အဘၣ်န့ၣ်, နကဘၣ်ဘျုးဘၣ်ဖှိၣ်သ ပှၢ်ကတၢၢ်လီၤ.

တၢ်ကတိၤဒိ. 22:8

နမ့ၢ်သူၣ်လီၤဖျးလီၤတၢ်စံၣ်ညီၣ်တတီအချံတဖၣ်ဒီးတၢ်နးတၢ် ဖှီၣ်ကမဲထီၣ်ဒိးထီၣ်ဝဲ, ဒီးနတၢ်မၤနးမၤဖှီၣ်ပှၤအဂၤတဖၣ်ကလီၤဘၣ်က့ၤလၢနဖီခိၣ်လီၤ.

လံာ်ပှၤစံၣ်တဲၤတဲလီၤတၢ် 11:6

သူၣ်လီၤဖျးလီၤတၢ်လၢမုၢ်ဂီၤဒီးလၢမုၢ်ဟါစ့ၢ်ကီးတက့ၢ်. အဂ့ၢ်ဒ်အံၤ, ကဒိၣ်ထီၣ်ဂ့ၤဂ့ၤခဲလၢာ်ဧါ, မ့တမ့ၢ်, ကဂ့ၤတနီၤ, တဂ့ၤတနီၤဧါန့ၣ်, နတသ့ၣ်ညါနီတစုဘၣ်.

လံာ်ယၡါယၤ 32:20

မ့ၢ်လၢထံအါအါဂီၢ်ဂီၢ်အိၣ်ဝဲလၢတၢ်မုၢ်တၢ်ဘိတဖၣ်အဂီၢ်, ဒီးအီၣ်ဆၣ်အလီၢ်မုာ်အိၣ်ဝဲလၢတၢ်လီၢ်ကိးပူၤဒဲးလၢကသ့ၣ် ယီၤတဖၣ်ဒီးဂီၤဘုၣ်ဂီၤဖံးတဖၣ်အဂီၢ်အဃိန့ၣ်ပှၤကိးဂၤဒဲး ကသးခုဝဲထဲလဲၣ်.

လံာ်ယံးရမံယၤ 12:13

ယပှၤဂီၢ်မုၢ်သူၣ်လီၤတ့ၢ်ဘုကၠူၣ်ဘၣ်ဆၣ်ကူး က့ၤနီၣ်ဧိၤမံၤဧိၤလီၤ. အဝဲသ့ၣ်မၤတၢ်ဆူၣ်မးဘၣ်ဆၣ်တမၤန့ၢ် တၢ်နီတမံၤဘၣ်. လၢယတၢ်သးကဲၤထီၣ်အဃိ, အဝဲသ့ၣ်အတၤသူတၤသၣ် တကဲထီၣ်လိၣ်ထီၣ်ဝဲဘၣ်.”

လံာ်ဟိၤၡ့ 10:13

ဘၣ်ဆၣ်လၢတၢ်န့ၣ်အလီၢ်, နသူၣ်လီၤတၢ်အၢတၢ်သီဒီးနကူးက့ၤ အတၤသၣ်န့ၣ်လီၤ. နအီၣ်တၤသၣ်လၢနတၢ်လီတၢ်ဝ့ၤတဖၣ်ဟ့ၣ်ထီၣ်ဝဲန့ၣ်လီၤ. မ့ၢ်လၢ, နနာ်န့ၢ်တ့ၢ်နလ့ၣ်ကဟၣ်ဒုးတၢ်တဖၣ်ဒီးနသုးဖိသံၣ်ဖိတဖၣ်လၢ အအိၣ်ဝဲအါအါဂီၢ်ဂီၢ်အဃိ.

လံာ်ဟိၤၡ့ 8:7

ဖဲအဝဲသ့ၣ်သူၣ်လီၤကလံၤန့ၣ်အဝဲသ့ၣ်ကကူးဘၣ်ဝဲကလံၤမုၢ်န့ၣ်လီၤ. ဘုခ့အလီၢ်တလီၢ်လၢတၢ်ကူးအီၤတသ့န့ၣ်ဟ့ၣ်ထီၣ်ကိၣ်တမံၤမံၤ တသ့ဝဲဘၣ်. ဘၣ်ဆၣ်မ့ၢ်မံဒၣ်လဲာ်န့ၣ်ပှၤတခီဘီမုၢ်ဖိသ့ၣ်တဖၣ် ကအီၣ်လၢာ်ကွံာ်အီၤန့ၣ်လီၤ.

လံာ်မးသဲ 19:29

ဒီးပှၤတဂၤလၢ်လၢ်လၢအပာ်တ့ၢ်အဟံၣ်တဖၣ်မ့ၢ်ဂ့ၤ, အဒီပုၢ်ဝဲၢ်ခွါမ့ၢ်ဂ့ၤ, အဒီပုၢ်ဝဲၢ်မုၣ်မ့ၢ်ဂ့ၤ, အပၢ်မ့ၢ်ဂ့ၤ, အမိၢ်မ့ၢ်ဂ့ၤ, အဖိအလံၤမ့ၢ်ဂ့ၤ, အဟီၣ်ခိၣ်မ့ၢ်ဂ့ၤ, လၢယမံၤအဃိန့ၣ်, ကဒိးန့ၢ်အါထီၣ်က့ၤဝဲအစးတကယၤဒီးကန့ၢ်သါဘၣ်တၢ်မူအထူ အယိာ်လီၤ.

လံာ်မးသဲ 25:46

တုၤနုၤတစု, ပှၤတဖၣ်အံၤကလဲၤနုာ်ဆူတၢ်စံၣ်ညီၣ်အထူ အယိာ်အပူၤ, မ့မ့ၢ်ပှၤအတီအလိၤတဖၣ်ကလဲၤနုာ်ဆူ တၢ်မူအထူအယိာ်အပူၤလီၤ.”

လံာ်လူၤကၣ် 18:30

ကဒိးန့ၢ်ဘၣ်တၢ်အါန့ၢ်အလီၢ်အစးတဖၣ်အစးလၢစိၤအခဲအံၤ, ဒီးတၢ်မူအထူအယိာ်လၢစိၤလၢအကဟဲန့ၣ်လီၤ.”

လံာ်ယိၤဟၣ် 4:14

မ့မ့ၢ်ပှၤတဂၤလၢ်လၢ်လၢအအီထံလၢယကဟ့ၣ်အီအီၤန့ၣ်, အသးတသူထံနီတဘျီလၢၤဘၣ်. ထံလၢယကဟ့ၣ်အီၤန့ၣ်, ကကဲထီၣ်ထံထီၣ်ပၢၢ်လၢအပူၤလၢကဟ့ၣ်ထီၣ်တၢ်မူ အထံဒီးတၢ်မူအထူအယိာ်န့ၣ်လီၤ.”

လံာ်ယိၤဟၣ် 4:36

ပှၤလၢအကူးဘုတဂၤန့ၣ်, န့ၢ်ဘၣ်တၢ်အဘူးအလဲဒီးပာ်ဖှိၣ်တၤသူတၤသၣ်တဖၣ် လၢတၢ်မူအထူအယိာ်အဂီၢ်, ဒ်သိးပှၤလၢအဖှံတၢ်ဒီးပှၤလၢအကူးက့ၤတၢ်ခံဂၤလၢာ် ကသးခုသကိးဝဲအဂီၢ်လီၤ.

လံာ်ယိၤဟၣ် 6:27

တဘၣ်မၤတၢ်လၢတၢ်အီၣ်လၢအဟးဂီၤသ့အဂီၢ် တဂ့ၤ. မ့မ့ၢ်မၤတၢ်လၢတၢ်အီၣ်လၢအအိၣ်ဂၢၢ်ကျၢၤ လၢတၢ်မူအထူအယိာ်အဂီၢ်န့ၣ်တက့ၢ်. တၢ်အံၤမ့ၢ်တၢ်အီၣ်လၢပှၤကညီဖိခွါကဟ့ၣ်သု, မ့ၢ်လၢပၢ်ကစၢ်ယွၤစဲပနီၣ်ဃာ်အီၤလၢတၢ်ပနီၣ်လၢ အပာ်ဖျါအတၢ်ဘၣ်အသးလၢအီၤအဃိန့ၣ်လီၤ.”

ရိမ့ၤ 13:14

မ့မ့ၢ်ဟံးထီၣ်ကစၢ်ယ့ၣ်ၡူးခရံာ်အစုကဝဲၤတဖၣ်ဒီးဆိ ကတီၢ်သုတၢ်မၤမံသူၣ်မံသးလီၤက့ၤသုနီၢ်ခိဒီးအတၢ် မိၣ်န့ၢ်သးလီတဖၣ်န့ၣ်တက့ၢ်.

ရိမ့ၤ 6:13

တဘၣ်ဟ့ၣ်လီၤသုနီၢ်ခိအက့ၢ်အဂီၤတဖၣ်ဆူတၢ်ဒဲးဘး အစုပူၤလၢတၢ်ကသူအီၤလၢတၢ်အၢတၢ်သီအဂီၢ်နီတမံၤ တဂ့ၤ. မ့မ့ၢ်, ဟ့ၣ်လီၤသုသးဆူကစၢ်ယွၤအစုပူၤဒ်ပှၤသ့ၣ် တဖၣ်လၢအဘၣ်တၢ်မၤမူထီၣ်က့ၤအီၤလၢတၢ်သံ, ဒီးဟ့ၣ်လီၤသုသးဒီးနီၢ်ခိဒီဂၤညါဆူအစုပူၤဒ် သိးတၢ်ကသူအီၤလၢတၢ်တီတၢ်လိၤအဂီၢ်န့ၣ်တက့ၢ်.

ရိမ့ၤ 6:23

အဂ့ၢ်ဒ်လဲၣ်န့ၣ်, တၢ်ဒဲးဘးအဘူးအလဲမ့ၢ်တၢ်သံလီၤ. မ့မ့ၢ်ကစၢ်ယွၤအတၢ်ဟ့ၣ်ကလီမ့ၢ်တၢ်မူအထူအယိာ် လၢပကစၢ်ယ့ၣ်ၡူးခရံာ်အပူၤန့ၣ်လီၤ.

ရိမ့ၤ 8:11

ကစၢ်ယွၤအသးလၢအဒုးဂဲၤဆၢထၢၣ်သမူထီၣ်က့ၤယ့ၣ်ၡူး လၢတၢ်သံန့ၣ်, မ့ၢ်မူလၢသုပူၤဒီး, ပှၤလၢအဒုးဂဲၤဆၢထၢၣ် သမူထီၣ်က့ၤခရံာ်လၢတၢ်သံန့ၣ်ကဟ့ၣ်လီၤစ့ၢ်ကီးသုနီၢ်ခိလၢ အသံသ့တဖၣ်အံၤလၢတၢ်မူခီဖျိယွၤအသးလၢအအိၣ် ဝဲဆိးဝဲလၢသုပူၤန့ၣ်လီၤ.

ရိမ့ၤ 8:13

အဂ့ၢ်ဒ်အံၤ, သုမ့ၢ်အိၣ်မူဒ်ဟီၣ်ခိၣ်ဖိအန့ဆၢၣ်မၢသု အသိးဒီးသုကသံလီၤ. ဘၣ်ဆၣ်ဒီးခီဖျိလၢယွၤအသးန့ၣ် သုမ့ၢ်မၤသံကွံာ်သုတၢ်ဒဲးဘးအတၢ်ဖံးတၢ်မၤတဖၣ်န့ၣ် ဒီးသုကမူလီၤ.

ရိမ့ၤ 8:6

အဂ့ၢ်ဒ်အံၤ, တၢ်ဒိးပၢပသးလၢဟီၣ်ခိၣ်ဖိအန့ဆၢၣ် န့ၣ်အကတၢၢ်မ့ၢ်တၢ်သံန့ၣ်လီၤ. မ့မ့ၢ်, တၢ်ပျဲကစၢ်ယွၤအသးပၢပှၤန့ၣ်အကတၢၢ်မ့ၢ်တၢ်မူဒီး တၢ်ဃူတၢ်ဖိးန့ၣ်လီၤ.

1 ကရံၣ်သူး 15:42

ဖဲပှၤသံတဖၣ်ဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤအကတီၢ် န့ၣ်, တၢ်ကမၤအသးဒ်အံၤလီၤ. အနီၢ်ခိလၢအဘၣ်တၢ်ခူၣ်လီၤဘါလီၤ အီၤန့ၣ်, မ့ၢ်တၢ်သံသ့လီၤ. မ့မ့ၢ်ဖဲအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤန့ၣ်, မ့ၢ်တၢ်သံတသ့ဘၣ်န့ၣ်လီၤ.

ကလၤတံ 6:7

သုတလီလီၤသုသးတဂ့ၤ, ပှၤလီကစၢ်ယွၤတန့ၢ်နီတဂၤဘၣ်. ပှၤတဂၤကကူးဘၣ်က့ၤတၢ်ဒ်အဖှံဝဲအသိးလီၤ.

၁ တံၤမသ့း 1:16

ဘၣ်ဆၣ်ဒီးကစၢ်ယွၤသးကညီၤယၤ, မ့ၢ်ဒ်သိးယ့ၣ်ၡူးခရံာ်ကဒုးနဲၣ်အတၢ်ဝံသးစူၤအလၢ အပှဲၤလၢယၤ, ပှၤတၢ်ဒဲးဘးဖိအအၢကတၢၢ်တဂၤ, ဒ်သိးကကဲထီၣ်တၢ်အဒိအတဲာ်လၢပှၤလၢအကနာ် က့ၤအီၤလၢခံဒီးဒိးန့ၢ်ဘၣ်တၢ်မူအထူအယိာ်တဖၣ် အဂီၢ်န့ၣ်လီၤ.

တံတူး 3:7

ဒ်သိးပကန့ၢ်ဘၣ်တၢ်ပာ်တီပာ်လိၤပှၤခီဖျိအဝဲအဘျုးအဖှိၣ် ဒီးပကန့ၢ်ဘၣ်သါတၢ်မူအထူအယိာ်လၢပမုၢ်လၢ်အီၤန့ၣ်လီၤ.

ယၤကိာ် 3:18

ဒီးတၢ်ဂ့ၤတၢ်ဝါမ့ၢ်တၤသၣ်လၢအဟဲကဲထီၣ်ဝဲလၢတၢ်အချံ တဖၣ်လၢပှၤမၤဃူမၤဖိးတၢ်တဖၣ်သူၣ်လီၤဖျးလီၤဝဲလၢ တၢ်ဃူတၢ်ဖိးအပူၤန့ၣ်လီၤ.

၂ ပ့းတရူး 2:12

မ့မ့ၢ်ပှၤသ့ၣ်တဖၣ်အံၤမၤတၢ်လၢတၢ်တဆိကမိၣ်ဆိကမး အပူၤဒ်ဆၣ်ဖိကီၢ်ဖိအရၢၢ်တဖၣ်လၢအဘၣ်တၢ်ဖှံလီၤအီၤလၢ တၢ်ကဖီၣ်န့ၢ်ဒီးမၤသံအီၤအဂီၢ်အသိးန့ၣ်လီၤ. အဝဲသ့ၣ်ကတိၤဒုၣ်ဒွဲၣ်စံးအၢတၢ်လၢအတနၢ်ပၢၢ်ဝဲတဖၣ်န့ၣ်လီၤ. အဝဲသ့ၣ်ကဘၣ်တၢ်မၤဟးဂီၤအီၤဒ်ဆၣ်ဖိကီၢ်ဖိအရၢၢ်တဖၣ် အသိး,

၂ ပ့းတရူး 2:19

သရၣ်အဘျၣ်တဖၣ်အံၤအၢၣ်လီၤအဝဲသ့ၣ်လၢကဟ့ၣ် အီၤတၢ်သဘျ့, မ့မ့ၢ်အဝဲသ့ၣ်အကစၢ်ဒၣ်ဝဲတခီကဲကုၢ်လၢလုၢ်လၢ် အၢသီလၢအမၤဟးဂီၤတၢ်တဖၣ်အဖီလာ်, အဂ့ၢ်ဒ်လဲၣ်န့ၣ်, ပှၤတဂၤဂၤမ့ၢ်ဒိးမၢအသးလၢတၢ်တမံၤမံၤဒီးအဝဲဒၣ် ကဲထီၣ်တၢ်တမံၤန့ၣ်အကုၢ်လီၤ.

ယူဒၤ 1:21

ဒီးဟံးဃာ်ပၢၤဃာ်သုသးလၢကစၢ်ယွၤအတၢ်အဲၣ်တၢ်ကွံ အပူၤ, ဖဲသုအိၣ်ခိးပကစၢ်ယ့ၣ်ၡူးခရံာ်ကဟ့ၣ်လီၤသုတၢ်မူ အထူအယိာ်လၢအတၢ်သးကညီၤဒၣ်ဝဲအပူၤအခါန့ၣ်တက့ၢ်.

လံာ်လီၣ်ဖျါ 22:11

ပှၤလၢအအၢအသီဝဲတဂၤလၢ်လၢ်န့ၣ်, ကအၢကသီဒၣ်ဝဲ, ဒီးပှၤလၢအဘၣ်အၢဘၣ်သီဝဲတဂၤလၢ်လၢ်န့ၣ်ကဘၣ်အၢဘၣ်သီ ဒၣ်ဝဲ, ပှၤလၢအဂ့ၤဝဲဝါဝဲတဂၤလၢ်လၢ်န့ၣ်, ကမၤဒၣ်ဝဲတၢ်ဂ့ၤတၢ်ဝါဒီးပှၤလၢအစီဝဲဆှံဝဲတဂၤလၢ်လၢ်န့ၣ်, ကစီဆှံဒၣ်ဝဲတက့ၢ်.