ကလၤတံ 6:7 - Sgaw Karen Common Bible

⁷ သုတလီလီၤသုသးတဂ့ၤ, ပှၤလီကစၢ်ယွၤတန့ၢ်နီတဂၤဘၣ်. ပှၤတဂၤကကူးဘၣ်က့ၤတၢ်ဒ်အဖှံဝဲအသိးလီၤ.

ကလၤတံ 6:7 Iomraidhean Croise

လံာ်စီၤယိၤဘး 15:31

အသးမ့ၢ်တဆးတုၤဒၣ်လဲာ်ကသန့ၤအသးလၢတၢ်အၢတၢ် သီန့ၣ်ဒီးတၢ်အၢတၢ်သီကမ့ၢ်အဘူးအလဲန့ၣ်လီၤ.

လံာ်စီၤယိၤဘး 4:8

ဒ်ယထံၣ်တ့ၢ်ယဲအသိး, ပှၤလၢအထဲၣ်တၢ်အၢဒီးသူၣ်လီၤ တၢ်ကိၢ်တၢ်ဂီၤန့ၣ်ကူးဘၣ်က့ၤဝဲတၢ်န့ၣ်တမံၤဃီလီၤ.

တၢ်ကတိၤဒိ. 1:31

သတးဒီး, သုကဒိးန့ၢ်တၢ်လၢအကြၢးဒီးသု, ဒီးသုတၢ်မၤဒၣ်ဝဲတဖၣ်ကမၤဆူးမၤဆါသုလီၤ.

တၢ်ကတိၤဒိ. 11:18

ပှၤတတီတလိၤတဖၣ်န့ၣ်တမၤန့ၣ်စဲဃဲၤတၢ်နီတမံၤဘၣ်. ဘၣ်ဆၣ်ဒီးနမ့ၢ်မၤတၢ်အဘၣ်န့ၣ်, နကဘၣ်ဘျုးဘၣ်ဖှိၣ်သ ပှၢ်ကတၢၢ်လီၤ.

တၢ်ကတိၤဒိ. 6:14

ကူၣ်တၢ်အၢတထံၣ်ဃီလၢသးလၢအတမ့ၢ်တတီအပူၤ, ဒီးထိၣ်ဂဲၤထီၣ်တၢ်ကီတၢ်ခဲသကုၤဆးဒးလီၤ.

တၢ်ကတိၤဒိ. 6:19

ပှၤအုၣ်အသးလၢကတိၤလီတၢ်တခါဝံၤတခါ, ဒီးပှၤလၢအထိၣ်ဂဲၤ ထီၣ်တၢ်ကီတၢ်ခဲလၢတံၤသကိးတဖၣ်အကျါန့ၣ်လီၤ.

လံာ်ယံးရမံယၤ 37:9

ယၤ, ယွၤအံၤ, ယဟ့ၣ်ပလီၢ်သုလၢ သုသုတလီလီၤ သုသးခီဖျိတၢ်ဆိကမိၣ်လၢ ပှၤဘၤဘူၤလိၣ်ဖိတဖၣ် တဟဲကဒါက့ၤ လၢၤဘၣ်န့ၣ်တဂ့ၤ. အဂ့ၢ်ဒ်အံၤ, အဝဲသ့ၣ် ကဟဲဝဲလီၤ.

လံာ်ယဃ့းစက့လး 14:5

တၢ်ဂီၤတၢ်ဖီၣ်တဖၣ်န့ၣ်ဃၣ်ကွံာ်လံပှၤအံၣ်စရ့လးဖိလၢ ယအိၣ်လံဘၣ်ဆၣ်ခီဖျိယတၢ်စံးဆၢန့ၣ်, ယမုၢ်လၢ်လၢယကမၤန့ၢ်က့ၤအဝဲသ့ၣ်အတၢ်သးတီဒီးယၤန့ၣ်လီၤ.

လံာ်ဟိၤၡ့ 10:12

ယစံးယဲ, ထဲၣ်ဟီၣ်ခိၣ်အသီလၢနကစၢ်ဒၣ်နဲအဂီၢ်, သူၣ်လီၤတၢ်မ့ၢ်တၢ်တီ, ဒီးကူးက့ၤတၢ်ဆိၣ်ဂ့ၤတဖၣ်လၢနတၢ်ဟ့ၣ်လီၤနသးဆူယၤ, ကဟ့ၣ်ထီၣ်ဝဲန့ၣ်တက့ၢ်. အအံၤမ့ၢ်တၢ်ဆၢကတီၢ်လၢနဂီၢ်လၢနဘၣ်ဃၣ်ကဒါက့ၤနသးဆူယၤ, နယွၤအအိၣ်ဒီးယကဟဲဒီးလူလီၤဂၢ်လီၤတၢ်ဆိၣ်ဂ့ၤတဖၣ်လၢနလိၤ န့ၣ်လီၤ.

လံာ်ဟိၤၡ့ 10:13

ဘၣ်ဆၣ်လၢတၢ်န့ၣ်အလီၢ်, နသူၣ်လီၤတၢ်အၢတၢ်သီဒီးနကူးက့ၤ အတၤသၣ်န့ၣ်လီၤ. နအီၣ်တၤသၣ်လၢနတၢ်လီတၢ်ဝ့ၤတဖၣ်ဟ့ၣ်ထီၣ်ဝဲန့ၣ်လီၤ. မ့ၢ်လၢ, နနာ်န့ၢ်တ့ၢ်နလ့ၣ်ကဟၣ်ဒုးတၢ်တဖၣ်ဒီးနသုးဖိသံၣ်ဖိတဖၣ်လၢ အအိၣ်ဝဲအါအါဂီၢ်ဂီၢ်အဃိ.

လံာ်ဟိၤၡ့ 8:7

ဖဲအဝဲသ့ၣ်သူၣ်လီၤကလံၤန့ၣ်အဝဲသ့ၣ်ကကူးဘၣ်ဝဲကလံၤမုၢ်န့ၣ်လီၤ. ဘုခ့အလီၢ်တလီၢ်လၢတၢ်ကူးအီၤတသ့န့ၣ်ဟ့ၣ်ထီၣ်ကိၣ်တမံၤမံၤ တသ့ဝဲဘၣ်. ဘၣ်ဆၣ်မ့ၢ်မံဒၣ်လဲာ်န့ၣ်ပှၤတခီဘီမုၢ်ဖိသ့ၣ်တဖၣ် ကအီၣ်လၢာ်ကွံာ်အီၤန့ၣ်လီၤ.

လံာ်ဧိၤဘါဒယၤ 1:3

နတၢ်သးထီၣ်ထီန့ၣ်လီန့ၢ်လံနၤလံ. နဝ့ၢ်ခိၣ်မ့ၢ်တိာ်ခၢၣ်သနၢၣ်လၢတၢ်မၤကျၢၤအီၤဒီးလၢၢ် နအိၣ်နဆိးအလီၢ်လၢတၢ်လီၢ်ထီၣ်ထီ ဒီးနစံးလၢအသးကံၢ်ပူၤ, “မ့ၢ်မတၤထုးလီၤယၤကန့ၢ်တဂၤလဲၣ်.”

လံာ်လူၤကၣ် 16:25

ဘၣ်ဆၣ်ဒီးစီၤအၤဘြၤဟၣ်စံးဝဲ, ‘ယဖိခွါဧၢ, သ့ၣ်နီၣ်ထီၣ်တက့ၢ်. လၢနတၢ်အိၣ်မူအဆၢကတီၢ်န့ၣ်, နဘၣ်တၢ်ဟ့ၣ်နၤလၢကယဲၢ်တၢ် အဂ့ၤတဖၣ်, မ့မ့ၢ်စီၤလါစရူးတခီဒိးန့ၢ်ဘၣ်ကယဲၢ်မ့ၢ်တၢ်အအၢ တဖၣ်လီၤ. ဘၣ်ဆၣ်ဒီးခဲကနံၣ်အံၤ, အဝဲအနီၢ်ကစၢ်ဒၣ်ဝဲအိၣ်မုာ်အိၣ်ပၢၤဖဲတၢ်လီၢ်တပူၤအံၤ, မ့မ့ၢ်နၤတခီနအိၣ်လၢတၢ်ဘၣ်တူၢ်တၢ်အပူၤလီၤ.

လံာ်လူၤကၣ် 21:8

ယ့ၣ်ၡူးစံးဝဲ, “အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲပှၤလီန့ၢ်သုတဂ့ၤ. အဂ့ၢ်ဒ်အံၤ, ပှၤအါဒံအါဂၤကဟဲလၢယမံၤဒီးစံးဝဲ, ‘ယမ့ၢ်အဝဲဒၣ်လီၤ.’ ဒီး ‘တၢ်ဆၢကတီၢ်ဟဲတုၤလံ’ န့ၣ်လီၤ. ဘၣ်ဆၣ်ဒီးတဘၣ်ပိာ်အဝဲသ့ၣ်အခံတဂ့ၤ.

1 ကရံၣ်သူး 15:33

သုတဘၣ်တၢ်လီန့ၢ်သုတဂ့ၤ. “တံၤသကိးအအၢအသီတဖၣ်န့ၣ်မၤဟးဂီၤလုၢ်လၢ်သကဲာ်ပဝး အဂ့ၤအဝါလီၤ.”

1 ကရံၣ်သူး 3:18

မတၤတဂၤမးတကြၢးလီလီၤက့ၤအသးဒၣ်ဝဲဘၣ်. ပှၤလၢသုကျါတဂၤဂၤမ့ၢ်ဆိကမိၣ်လီၤအသးလၢအမ့ၢ် ပှၤကူၣ်ဘၣ်ကူၣ်သ့ခီဖျိဟီၣ်ခိၣ်တဘ့ၣ်အံၤအနီၣ်ထိၣ်ဒီး, အဝဲဒၣ်ကြၢးကဲထီၣ်ပှၤအသးတဆးတဂၤ, ဒ်သိးအဝဲဒၣ်ကကဲထီၣ်ပှၤကူၣ်ဘၣ်ကူၣ်သ့နီၢ်နီၢ်တဂၤအဂီၢ်န့ၣ်လီၤ.

1 ကရံၣ်သူး 6:9

သပှၢ်ကတၢၢ်, သုသ့ၣ်ညါသုဝဲလၢပှၤအၢပှၤသီတဖၣ်တဒိး န့ၢ်ဘၣ်ယွၤအဘီအမုၢ်ဘၣ်န့ၣ်လီၤ. သုတလီလီၤက့ၤသုသး တဂ့ၤ. ပှၤလၢအမၤကမၣ်မုၣ်ကမၣ်ခွါတဖၣ်, မ့တမ့ၢ်ဘါတၢ်ဂီၤ တၢ်ဖီၣ်တဖၣ်, မ့တမ့ၢ်အဲၣ်ဘၢတၢ်, မ့တမ့ၢ်အဲၣ်ပကၢၤတၢ်,

၂ ကရံၣ်သူး 9:6

သ့ၣ်နီၣ်ထီၣ်သုဝဲလၢပှၤလၢအဖှံတၢ်ချံစှၤဖျၢၣ်န့ၣ်ကကူး ဘၣ်တၢ်စှၤ, မ့မ့ၢ်ပှၤလၢအဖှံတၢ်ချံအါဖျၢၣ်ကကူးဘၣ် တၢ်အါအါဂီၢ်ဂီၢ်န့ၣ်တက့ၢ်.

ကလၤတံ 6:3

ပှၤတဂၤဂၤမ့ၢ်ဆိကမိၣ်လီၤအသးလၢအမ့ၢ်တၢ်တမံၤမံၤဖဲ အဝဲနီၢ်နီၢ်တမ့ၢ်တၢ်နီတမံၤဘၣ်န့ၣ်, အဝဲလီလီၤဒၣ်အသးဒၣ်ဝဲန့ၣ်လီၤ.

အ့းဖ့းစူး 5:6

တဘၣ်ပျဲပှၤနီတဂၤလီန့ၢ်သုလၢတၢ်ကတိၤဟးဂူာ်ဟးဂီၤ တဖၣ်တဂ့ၤ. မ့ၢ်လၢတၢ်တဖၣ်အံၤအဃိ, ကစၢ်ယွၤအတၢ်သးဒိၣ်လီၤဘၣ်ပှၤလၢအတစူၢ်အကလုၢ် တဖၣ်န့ၣ်လီၤ.

၂ သ့းစၤလနံ 2:3

သုတပျဲပှၤလီန့ၢ်သုနီတဂၤလၢကျဲနီတဘိတဂ့ၤ. အဂ့ၢ်ဒ်အံၤမုၢ်နံၤအဝဲန့ၣ်ကဟဲဒၣ်ဝဲဖဲတၢ်ပူထီၣ်လၢခံ ကတၢၢ်မၤအသးဒီးတၢ်အၢတၢ်သီတဂၤ, လရာ်ဆၣ်န့ၣ်ဟဲပၢၢ်ထီၣ်ဝဲဒၣ်ဝံၤအလီၢ်ခံန့ၣ်လီၤ.

ယၤကိာ် 1:22

တဘၣ်လီလီၤသုသးခီဖျိထဲလၢတၢ်ဒိကနၣ်တၢ်ကလုၢ် ကထါဧိၤန့ၣ်တဂ့ၤ. မ့မ့ၢ်, အိၣ်မူမၤထွဲတၢ်ကလုၢ်ကထါအံၤတက့ၢ်.

ယၤကိာ် 1:26

ပှၤတဂၤဂၤဆိကမိၣ်လီၤအသးလၢအမ့ၢ်ပှၤအဲၣ်ထူအဲၣ်ယွၤ န့ၣ်ဧါ. အဝဲမ့ၢ်တပၢၤအပျ့ၤဘၣ်ဒီးအတၢ်ဘူၣ်တၢ်ဘါမ့ၢ်တၢ်လၢ အလုၢ်အပှ့ၤတအိၣ်ဘၣ်ဒီးအဝဲဒၣ်လီလီၤအသးလီၤ.

၁ ယိၤဟၣ် 1:8

ပမ့ၢ်စံးလၢပတၢ်ဒဲးဘးတအိၣ်နီတမံၤဘၣ်ဒီး, မ့ၢ်ပလီလီၤပသးဒီးတၢ်မ့ၢ်တၢ်တီတအိၣ်လၢပပူၤဘၣ်.

၁ ယိၤဟၣ် 3:7

ဖိသ့ၣ်လံၤသ့ၣ်ဧၢ, မ်ပှၤသုတလီန့ၢ်သုနီတဂၤတဂ့ၤ. မတၤတဂၤဂ့ၤတဂၤဂ့ၤလၢအမၤတၢ်မ့ၢ်တၢ်တီန့ၣ်, မ့ၢ်ပှၤအတီအလိၤဒ်ခရံာ်တီဝဲလိၤဝဲအသိးန့ၣ်လီၤ.

ယူဒၤ 1:18

အဝဲသ့ၣ်စံးဘၣ်သု, “တုၤမုၢ်နံၤခံကတၢၢ်တဖၣ်ဟဲတုၤဝဲန့ၣ်, ပှၤလၢအကဒုၣ်ဒွဲၣ်နံၤဘၣ်ဖၣ်လဲသုတဖၣ်ကဟဲပၢၢ်ထီၣ်ဝဲ, လၢအမ့ၢ်ပှၤပိာ်ထွဲအကစၢ်ဒၣ်ဝဲအတၢ်တယူးတယီၣ် ယွၤအတၢ်သူၣ်လီသးကွံအခံန့ၣ်လီၤ.”