ကလၤတံ 6:15 - Sgaw Karen Common Bible

¹⁵ ပှၤတဂၤဒိးတၢ်ကူးတရံးမ့ၢ်ဂ့ၤ, တဒိးဝဲမ့ၢ်ဂ့ၤတမ့ၢ်တၢ်လၢ အကါဒိၣ်ဘၣ်. တၢ်လၢအကါဒိၣ်တခီမ့ၢ်ဝဲတၢ်ကဲထီၣ် တၢ်ဘၣ်တ့အသီန့ၣ်လီၤ.

ကလၤတံ 6:15 Iomraidhean Croise

ရိမ့ၤ 2:26

ပှၤကလုာ်ဂၤလၢအတဒိးဘၣ်တၢ်ကူးတရံးအီၤန့ၣ်, မ့ၢ်စူၢ်တၢ်သိၣ်တၢ်သီအတၢ်မၤလိာ်တဖၣ်ဒီး, မ့ၢ်ကစၢ်ယွၤတပာ်ကဲအီၤဒ်ပှၤလၢအဒိးဘၣ်တၢ်ကူးတရံးအီၤ အသိးန့ၣ်ဘၣ်ဧါ.

ရိမ့ၤ 2:28

မ့မ့ၢ်ဒ်န့ၣ်ဒီး, ပှၤယူဒၤဖိနီၢ်နီၢ်တဂၤလၢအဒိးဘၣ်တၢ်ကူးတရံး အီၤန့ၣ်, မ့ၢ်မတၤတဂၤလဲၣ်. တမ့ၢ်ပှၤတဂၤလၢအမ့ၢ်ပှၤယူဒၤ ဖိထဲလၢအဖျါလၢခိလၢအဒိးတၢ်ကူးတရံးထဲလၢနီၢ်ခိဧိၤန့ၣ်ဘၣ်.

ရိမ့ၤ 6:4

မ့မ့ၢ်ဒ်န့ၣ်ဒီး, လၢပတၢ်ဒိးဘျၢပသးအဃိပဘၣ် တၢ်ခူၣ်လီၤဃုာ်ဒီးအီၤဒီးပသံဃုာ်ဒီးအီၤဒ်သိး, ဒ်ခရံာ်ဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံခီဖျိပၢ်အစိကမီၤလၢအပှဲၤဒီးအလၤကပီၤ အသိးန့ၣ်, ပကအိၣ်ဒီးတၢ်အိၣ်မူအသီဒ်န့ၣ်အသိးစ့ၢ် ကီးလီၤ.

ရိမ့ၤ 8:1

ခဲကနံၣ်အံၤ, ပှၤလၢအအိၣ်မူလၢယ့ၣ်ၡူးခရံာ်အပူၤတဖၣ်န့ၣ်, တၢ်စံၣ်ညီၣ်ဃၣ်တအိၣ်လၢအဂီၢ်ဘၣ်.

1 ကရံၣ်သူး 7:19

အဂ့ၢ်ဒ်အံၤ, ပှၤတဂၤဒိးတၢ်ကူးတရံးမ့ၢ်ဂ့ၤ, တဒိးတၢ်ကူးတရံး မ့ၢ်ဂ့ၤ, အခီပညီတအိၣ်တၢ်နီတမံၤဘၣ်. တၢ်လၢအကါဒိၣ်န့ၣ်, မ့ၢ်တၢ်ကစူၢ်ကစၢ်ယွၤအတၢ်မၤလိာ်တဖၣ်လီၤ.

၂ ကရံၣ်သူး 5:17

ဖဲပှၤတဂၤဂ့ၤတဂၤဂ့ၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်, အဝဲဒၣ်မ့ၢ်ပှၤအသီတဂၤလီၤ. တၢ်အလီၢ်လံၤလီၤမၢ်ကွံာ်ဝဲ, တၢ်အသီဟဲတုၤလံဝဲလံ.

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

အ့းဖ့းစူး 2:10

အဂ့ၢ်ဒ်အံၤ, ပမ့ၢ်ကစၢ်ယွၤအစုအတၢ်ဘၣ်တ့, တ့လီၤဝဲလၢပကမူလၢယ့ၣ်ၡူးခရံာ်အပူၤ, လၢတၢ်မၤဂ့ၤတၢ်အတၢ်အိၣ်မူလၢအဝဲကတီၤပာ်စၢၤဝဲလၢပဂီၢ် အပူၤန့ၣ်လီၤ.

အ့းဖ့းစူး 2:15

အဝဲတြူာ်ကွံာ်ပှၤယူဒၤဖိအတၢ်သိၣ်တၢ်သီဃုာ်ဒီးအတၢ်မၤ လိာ်ဒီးအတၢ်ဘျၢတဖၣ်ဒ်သိးအကဒုးကဲထီၣ်ပှၤခံကလုာ်လၢပှၤ တကလုာ်ဃီလၢအဝဲအပူၤ, ဒီးလၢကျဲဒ်အံၤအပူၤဒုးအိၣ်ထီၣ်တၢ် ဃူတၢ်ဖိးလီၤ.

အ့းဖ့းစူး 4:24

ဒီးသုဘၣ်ကူထီၣ်သိးထီၣ်နီၢ်အသီ, လၢအဘၣ်တၢ်တ့လီၤအီၤလီၤဂာ်ဒီးကစၢ်ယွၤ, ဒီးလီၣ်ဖျါထီၣ်အသးလၢတၢ်အိၣ်မူလၢအမ့ၢ်အတီ အပူၤ, လၢအစီဝဲဆှံဝဲဒီးတီဝဲလိၤဝဲန့ၣ်လီၤ.

ဖံလံးပံၤ 3:3

ပှၤလၢအဒိးတ့ၢ်တၢ်ကူးတရံးနီၢ်နီၢ်န့ၣ်မ့ၢ်ပဝဲသ့ၣ်တဖၣ်လီၤ. တမ့ၢ်အဝဲသ့ၣ်ဘၣ်. အဂ့ၢ်ဒ်အံၤ, ပဘူၣ်ထီၣ်ဘါထီၣ်ကစၢ်ယွၤခီဖျိယွၤအသးဒီးပသူၣ်ခုသးခုလၢ ပအိၣ်မူပဝဲလၢယ့ၣ်ၡူးခရံာ်အပူၤအဃိန့ၣ်လီၤ. ပတပာ်ပတၢ်နာ်လၢတၢ်အလုၢ်အလၢ်လၢအအိၣ်ဖျါလၢခိတဖၣ်န့ၣ် အလိၤနီတစဲးဘၣ်.

လံာ်စီၤယိၤၡူ 5:5

ပှၤလၢအဟးထီၣ်ခဲလၢာ်ဘၣ်တၢ်ကူးတရံးအီၤသနာ်က့, ပှၤလၢအအိၣ်ဖျဲၣ်ထီၣ်လၢကျဲလၢပှၢ်မုၢ်ကနၢအပူၤလၢအဟးထီၣ်လၢ ကီၢ်အဲၤကူပတူးဝံၤအလီၢ်ခံတဖၣ်တဘၣ်တၢ်ကူးတရံးအီၤဒံးဘၣ်.

လံာ်လီၣ်ဖျါ 21:5

အန့ၣ်ဝံၤအလီၢ်ခံပှၤတဂၤလၢအဆ့ၣ်နီၤလၢလီၢ်ပစိာ် အဖီခိၣ်စံးဝဲ, “ဒီးခဲကနံၣ်အံၤ ယမၤတၢ်အသီခဲလၢာ် လီၤ.” အဝဲဒၣ်စံးဘၣ်စ့ၢ်ကီးယၤ, “ကွဲးတၢ်အံၤ တက့ၢ်. အဂ့ၢ်ဒ်အံၤ တၢ်စံးတၢ်ကတိၤတဖၣ်အံၤမ့ၢ်ဝဲတီဝဲဒီး တၢ်နာ်န့ၢ်အီၤသ့ဝဲဒၣ်လီၤ.”