ကလၤတံ 5:7 - Sgaw Karen Common Bible

⁷ သုမၤတ့ၢ်တၢ်ဂ့ၤမးလီၤ. မ့ၢ်မတၤတဂၤထိၣ်ဂဲၤသုဒ်သိး သုကဆိကတီၢ်ကွံာ်သုတၢ်စူၢ်တၢ်မ့ၢ်တၢ်တီန့ၣ်လဲၣ်. အဝဲဒၣ်ကွဲန့ၢ်လွဲန့ၢ်သုလၢကျဲဒ်လဲၣ်.

ကလၤတံ 5:7 Iomraidhean Croise

လံာ်မးသဲ 13:21

ဘၣ်ဆၣ်ဒီး, အဂံၢ်တယိာ်ဘၣ်သတးဒီး, တမူယံာ်ယံာ်ဘၣ်. တုၤတၢ်နးတၢ်ဖှီၣ်ဒီး တၢ်မၤအၢမၤနးအိၣ်ထီၣ်လၢတၢ်ကစီၣ် အဃိဒီး, အဝဲသ့ၣ်အသးဟးဂီၤတဘျီဃီလီၤ.

မၤတၢ် 6:7

အန့ၣ်သတးဒီးကစၢ်ယွၤအကလုၢ်ကထါရၤလီၤအသးအါထီၣ်ဝဲကွ့ၢ် ကွ့ၢ်လီၤ. အပျဲၢ်အဘီၣ်အနီၣ်ဂံၢ်လၢဝ့ၢ်ယရူၤၡလ့ၣ်အပူၤအါထီၣ်ဂီၢ် ထီၣ်ဒိၣ်ဒိၣ်ကလဲာ်, ဒီးပှၤလုၢ်တၢ်အခိၣ်တဘျုးဒံတဘျုးဂၤစူၢ် က့ၤနာ်က့ၤတၢ်လီၤ.

ရိမ့ၤ 10:16

ဘၣ်ဆၣ်ဒီး, ပှၤတတူၢ်လိာ်တၢ်သးခုအကစီၣ်အံၤကိးဂၤ ဒဲးဘၣ်. ဝံယၡါယၤအကစၢ်ဒၣ်ဝဲစံး, “ကစၢ်ဧၢ, မ့ၢ်မတၤစူၢ်က့ၤနာ်က့ၤပတၢ်ကစီၣ်လဲၣ်” (ၡါ ၅၃:၁)

ရိမ့ၤ 15:18

ယကအိၣ်ဒီးတၢ်သးဒူဒီးကတိၤထဲတၢ်ဂ့ၢ်ဘၣ်ဃးတၢ်လၢခရံာ် မၤတ့ၢ်ဝဲခီဖျိယၤဒ်သိးယကဆှၢပှၤကလုာ်ဂၤတဖၣ်ဆူတၢ်စူၢ် ကစၢ်ယွၤခီဖျိယတၢ်ကတိၤဒီးယတၢ်မၤ,

ရိမ့ၤ 16:26

ဘၣ်ဆၣ်ခဲအံၤ, တၢ်မ့ၢ်တၢ်တီအဝဲန့ၣ်ဘၣ်တၢ်ထုးထီၣ်ပာ်ဖျါ အီၤခီဖျိဝံအတၢ်ကွဲးတဖၣ်, ဒီးခီဖျိကစၢ်ယွၤအထူအယိာ်တဂၤ အတၢ်မၤလိာ်န့ၣ်, ဘၣ်တၢ်ဒုးသ့ၣ်ညါအီၤလၢပှၤကိးကလုာ်ဒဲး, ဒ်သိးပှၤခဲလၢာ်ကစူၢ်က့ၤနာ်က့ၤတၢ်အဂီၢ်န့ၣ်လီၤ.

ရိမ့ၤ 2:8

ပှၤအဂၤတနီၤမ့ၢ်ပှၤလၢအအဲၣ်လီၤအသးဒီးတတူၢ်လိာ် တၢ်လၢအဘၣ်မ့ၢ်ဒ်သိးအကလူၤပိာ်ထွဲတၢ်လၢအကမၣ် န့ၣ်လီၤ. ယွၤကလူလီၤအတၢ်သးဒိၣ်ဒီးအတၢ်သးကဲၤထီၣ်လၢ အဝဲသ့ၣ်အလိၤန့ၣ်လီၤ.

ရိမ့ၤ 6:17

ဘၣ်ဆၣ်ဒီးပစံးဘျုးကစၢ်ယွၤဒိၣ်မးလီၤ. အဂ့ၢ်ဒ်လဲၣ်န့ၣ်, တဘျီသုမ့မ့ၢ်တ့ၢ်တၢ်ဒဲးဘးအကုၢ်တဖၣ်နာ်သက့, လၢသုသးဒီဖျၢၣ်ညါန့ၣ်သုဒိကနၣ်တ့ၢ်တၢ်မ့ၢ်တၢ်တီ တဖၣ်လၢအဘၣ်တၢ်ထံၣ်န့ၢ်အီၤလၢတၢ်သိၣ်လိလၢ သုဒိးန့ၢ်အီၤအပူၤန့ၣ်လံ.

1 ကရံၣ်သူး 9:24

သုသ့ၣ်ညါသုဝဲကစီဒီလီၤ. လၢတၢ်ဃ့ၢ်ပြၢတဘျီအပူၤန့ၣ်, ပှၤပြၢတၢ်ဖိအိၣ်ဝဲအါဂၤ, ဘၣ်ဆၣ်ဒီးပှၤဒိးန့ၢ်ဘၣ်ခိၣ်ဖးအိၣ်ဝဲထဲ တဂၤဧိၤလီၤ. မ့မ့ၢ်ဒ်န့ၣ်ဒီး ဃ့ၢ်သုဝဲဒ်သိးသုဒိးန့ၢ်ခိၣ်ဖးကသ့ဝဲ အဂီၢ်တက့ၢ်.

၂ ကရံၣ်သူး 10:5

ပဒုးလီၤမၢ်ကွံာ်ကယဲၢ်တၢ်တြီမၤတံာ်တာ်လၢအအိၣ်ဒီးတၢ်ပာ် ကဖၢလၢသးတမံၤလၢ်လၢ်, လၢအဘၣ်တၢ်ယူာ်ထီၣ်အီၤထီဒါတၢ်သ့ၣ်ညါဘၣ်ဃးဒီး ကစၢ်ယွၤ, ပဖီၣ်န့ၢ်ကယဲၢ်တၢ်ဆိကမိၣ်တမံၤလၢ်လၢ်ဒီးစူၢ်အီၤလၢ ခရံာ်အကလုၢ်န့ၣ်လီၤ.

ကလၤတံ 2:2

ယလဲၤဖဲန့ၣ်န့ၣ်, မ့ၢ်လၢကစၢ်ယွၤလီၣ်ဖျါထီၣ်န့ၢ်ယၤလၢယကြၢးလဲၤယဲ အဃိလီၤ. ပထံၣ်လိာ်ပသးကစုဒုဒီးပှၤခိၣ်ပှၤနၢ်တဖၣ်ဒီးယတဲဖျါ ဘၣ်ဃးတၢ်သးခုကစီၣ်လၢယစံၣ်တဲၤတဲလီၤယဲလၢပှၤ ကလုာ်ဂၤတဖၣ်အသိးအကျါလီၤ. ယတသးအိၣ်လၢယတၢ်ဖံးတၢ်မၤလၢအပူၤကွံာ်မ့ၢ်ဂ့ၤ, အခဲအံၤမ့ၢ်ဂ့ၤကကဲထီၣ်တၢ်ကလီကလီန့ၣ်ဘၣ်.

ကလၤတံ 3:1

ပှၤဟးဂီၤပှၤကလၤတံဖိသ့ၣ်ဧၢ, မ့ၢ်မတၤမၤကဒါသုမဲာ်တဂၤ လဲၣ်. သုဘၣ်တၢ်ပာ်ဖျါထီၣ်န့ၢ်သုဖျါဖျါဘၣ်ဃးဒီးယ့ၣ်ၡူးခရံာ် အတၢ်သံလၢထူၣ်စုညါအလိၤလီၤ.

ကလၤတံ 5:10

ဘၣ်ဆၣ်ဒီး ယနာ်ဒံးယဲသုလီၤ. ပတၢ်အိၣ်မူလၢတၢ်တမံၤဃီဒီး ကစၢ်အပူၤန့ၣ်, ဒုးနာ်ယၤလၢသုတၢ်ထံၣ်တလီၤဆီဒီးယၤဘၣ်, ဒီးပှၤလၢအမၤတံာ်တာ်သုတဂၤမ့ၢ်မတၤဂ့ၤမတၤဂ့ၤန့ၣ်, ကဘၣ်တၢ်စံၣ်ညီၣ်အီၤလၢကစၢ်ယွၤန့ၣ်လီၤ.

၂ သ့းစၤလနံ 1:8

ဒီးဟဲလီၤလၢမ့ၣ်အူလၣ်အပူၤ, ဒ်သိးအကစံၣ်ညီၣ်ပှၤတဖၣ်လၢအတအၢၣ်လီၤအီလီၤ ကစၢ်ယွၤဒီးတတူၢ်လိာ်တၢ်သးခုကစီၣ်ဘၣ်ဃးပကစၢ် ယ့ၣ်ၡူးန့ၣ်လီၤ.

ဧ့ၤဘြံၤ 11:8

တၢ်စူၢ်တၢ်နာ်န့ၣ် ဒုးစူၢ်စီၤအၤဘြၤဟၣ်အတၢ်ဖဲကစၢ်ယွၤကိးထီၣ် အီၤဒ်သိးအကလဲၤဆူကီၢ်လၢကစၢ်ယွၤအၢၣ်လီၤတ့ၢ်အီၤလၢ ကဟ့ၣ်အီၤန့ၣ်လီၤ. အဝဲဟးထီၣ်လၢ အထံအကီၢ်ဒၣ်ဝဲအပူၤဒီးကလဲၤဖဲလဲၣ်ဖဲလဲၣ်န့ၣ် တသ့ၣ်ညါဝဲဘၣ်.

ဧ့ၤဘြံၤ 12:1

မၤသးဒ်န့ၣ်ဒီး, ပအိၣ်ဒီးပှၤအုၣ်အသးအါမးဝးတရံးပှၤသတးဒီး မ်ပပာ်လီၤကွံာ်ကယဲၢ်တၢ်အဃၢတမံၤလၢ်လၢ်ဒီးတၢ်ဒဲးဘးလၢ အအိၣ်စဲဘူးဒီးပှၤ, ဝံၤတၢ်ဃ့ၢ်လၢအအိၣ်လၢပမဲာ်ညါန့ၣ်, မ်ပဃ့ၢ်သကိးလၢတၢ်သးစူၤအပူၤန့ၣ်တက့ၢ်.

ဧ့ၤဘြံၤ 5:9

တုၤအဝဲဒၣ်လၢထီၣ်ပှဲၤထီၣ်ဝဲဒီးကဲထီၣ်လၢတၢ်အုၣ်က့ၤ ခီၣ်က့ၤအထူအယိာ်အကစၢ်လၢပှၤခဲလၢာ်လၢအစူၢ်အီၤ တဖၣ်အဂီၢ်.

၁ ပ့းတရူး 1:22

ခဲအံၤ, မ့ၢ်လၢသုစူၢ်တၢ်မ့ၢ်တၢ်တီအဃိသုမၤကဆှီထီၣ်သုသး ဒီးသုတုၤဃီၤလၢတၢ်အဲၣ်နီၢ်နီၢ်လၢပှၤစူၢ်က့ၤနာ်က့ၤတၢ်ကဒဲ ကဒဲဒီးသုသတးဒီး, အဲၣ်လိာ်ကွံလိာ်သုသးတဂၤဒီးတဂၤနီၢ်နီၢ်လၢသုသးဒီဖျၢၣ် ညါန့ၣ်တက့ၢ်.