ကလၤတံ 5:4 - Sgaw Karen Common Bible

⁴ သုဝဲသ့ၣ်တဖၣ်လၢအဂုာ်ကျဲးစၢးမၤလိၤမၤဘၣ်သုသးဒီး ကစၢ်ယွၤခီဖျိတၢ်စူၢ်တၢ်သိၣ်တၢ်သီန့ၣ်, သုထုးဖးကွံာ်သုသးလၢာ်လၢာ်ဆ့ဆ့ဒီးခရံာ်လီၤ. သုလီၤတဲာ်ကွံာ်လၢကစၢ်ယွၤအဘျုးအဖှိၣ်အပူၤ,

ကလၤတံ 5:4 Iomraidhean Croise

ရိမ့ၤ 11:6

အတၢ်ဃုထၢအံၤသန့ၤထီၣ်အသးလၢအဘျုးအဖှိၣ်ဒီး တမ့ၢ်လၢတၢ်လၢအဝဲသ့ၣ်မၤတ့ၢ်လံဝဲတဖၣ်အဖီခိၣ်ဘၣ်. အဂ့ၢ်ဒ်လဲၣ်န့ၣ်, ကစၢ်ယွၤအတၢ်ဃုထၢမ့ၢ်သန့ၤထီၣ်အသး လၢတၢ်လၢပှၤကညီမၤတ့ၢ်လံဝဲတဖၣ်အဖီခိၣ်ဒီးအဘျုး အဖှိၣ်ဝဲန့ၣ်တမ့ၢ်အဘျုးအဖှိၣ်အမ့ၢ်အတီလၢၤဘၣ်.

ရိမ့ၤ 3:20

မ့ၢ်အဂ့ၢ်ဒ်လဲၣ်န့ၣ်, ပှၤကညီတဘၣ်တၢ်ပာ်တီပာ်လိၤအီၤလၢ ကစၢ်ယွၤအမဲာ်ညါလၢအမၤထွဲတၢ်သိၣ်တၢ်သီအခံအဃိနီ တဂၤဘၣ်. မ့မ့ၢ်တၢ်လၢတၢ်သိၣ်တၢ်သီမၤဝဲန့ၣ်, မ့ၢ်တၢ်ဒုးသ့ၣ်ညါပှၤဟီၣ်ခိၣ်ဖိလၢအဝဲမၤတၢ်ဒဲးဘးလံန့ၣ်လီၤ.

ကလၤတံ 2:21

ယတပာ်ကွံာ်ကစၢ်ယွၤအဘျုးအဖှိၣ်န့ၣ်ဘၣ်. ဘၣ်ဆၣ်ဒီး, ပှၤတဂၤဂၤမ့ၢ်ဘၣ်တၢ်မၤလိၤမၤဘၣ်အီၤဒီးကစၢ်ယွၤ ခီဖျိတၢ်သိၣ်တၢ်သီဒီး, အခီပညီခရံာ်တူၢ်သံအသးမ့ၢ်တၢ် ကလီကလီလီၤ.

ကလၤတံ 5:2

ဒိကနၣ်တက့ၢ်. ယၤ, စီၤပီလူးယစံးဘၣ်တဲဘၣ်သုလၢ, သုမ့ၢ်ဒိးတၢ်ကူးတရံးဒီး, အခီပညီခရံာ်မ့ၢ်တၢ်လၢအဘျုးတအိၣ်လၢသုဂီၢ်နီတမံၤ ဘၣ်န့ၣ်လီၤ.

ဧ့ၤဘြံၤ 12:15

ပလီၢ်သုသးဒ်သိးပှၤသုတဃၣ်ဒူချၢကွံာ်အသးလၢ ကစၢ်ယွၤအဘျုးအဖှိၣ်နီတဂၤတဂ့ၤ, ဒီးဒ်သိးတၢ်အခၣ်တမုၢ်န့ၣ်အသုတမဲထီၣ်လၢသုသိးသုကျါဒီး ကဲထီၣ်တၢ်ကီတၢ်ခဲလၢသုဂီၢ်ဒီးတၢ်မၤဘၣ်အၢသုန့ၣ်တဂ့ၤ.

ဧ့ၤဘြံၤ 4:1

လၢတၢ်န့ၣ်အဃိဖဲကစၢ်ယွၤအတၢ်စံးပာ်ဘၣ်ဃးဒီးတၢ်လဲၤ နုာ်ဆူအတၢ်အိၣ်ဘှံးအပူၤအိၣ်ဒံးဝဲလၢပဂီၢ်အဖၢမုၢ်အံၤ, မ်ပကပလီၢ်ပသးဒ်သိးပသုတဘၣ်တၢ်ထံၣ်န့ၢ်ပှၤလၢပလီၤ တိၢ်ကွံာ်လၢတၢ်ဒိးန့ၢ်ဘၣ်တၢ်အိၣ်ဘှံးအဝဲန့ၣ်နီတဂၤတဂ့ၤ အဂီၢ်န့ၣ်တက့ၢ်.

လံာ်လီၣ်ဖျါ 2:5

နလီၤဃံၤတ့ၢ်လံနဲဆံးအါလဲၣ်န့ၣ်ကွၢ်ဆိကမိၣ်တက့ၢ်. ဃၣ်ကွံာ်လၢနတၢ်ဒဲးဘးဒီးမၤတၢ်လၢနမၤတ့ၢ်လံနဲလၢ အပူၤကွံာ်န့ၣ်တက့ၢ်. နမ့ၢ်တဃၣ်ကွံာ်လၢနတၢ်ဒဲးဘးဒီးပီၢ်ယၢ်လီၤက့ၤနသးဘၣ်န့ၣ်, ယကဟဲဆူနအိၣ်ဒီးထုးထီၣ်ကွံာ်မ့ၣ်အူဒၢလၢအလီၢ်န့ၣ်လီၤ.