ကလၤတံ 5:3 - Sgaw Karen Common Bible

³ မၤကဒီးယဟ့ၣ်ပလီၢ်ပှၤတဂၤလၢ်လၢ်လၢအဒိးတၢ်ကူးတရံး န့ၣ်, လၢအဝဲကဘၣ်စူၢ်တၢ်သိၣ်တၢ်သီခဲလၢာ်လီၤ.

ကလၤတံ 5:3 Iomraidhean Croise

လံာ်စီၤနဃ့မယၤ 9:34

ပမိၢ်ပၢ်ဖံဖုလၢပျၢၤတဖၣ်, ပစီၤပၤတဖၣ်, ပခိၣ်ပနၢ်တဖၣ်, ပပှၤလုၢ်တၢ်အခိၣ်တဖၣ် တတိၢ်န့ၢ်ဖံးဃာ်ဘၣ်နတၢ်သိၣ်တၢ်သီ လၢပှၤယူဒၤဖိအဂီၢ်ဘၣ်. အဝဲသ့ၣ်တဒိကနၣ်နတၢ်မၤလိာ်ဒီးနတၢ်ဟ့ၣ်ပလီၢ်သ့ၣ်တဖၣ်န့ၣ်ဘၣ်.

လံာ်မးသဲ 23:16

သုဘၣ်အဖှီၣ်လီၤ. ပှၤဆှၢတၢ်လၢအမဲာ်ဘျီၣ်သ့ၣ်ဧၢ, သုစံးလၢပှၤမ့ၢ်ဆိၣ်လီၤပှၤအသးလၢတၢ်လုၢ်ဟံၣ်အမံၤန့ၣ်, အသယၢၢ်တအိၣ်ဘၣ်. မ့မ့ၢ်သုစံးလၢပှၤလၢအဆိၣ်လီၤအသးလၢ တၢ်လုၢ်ဟံၣ်အထူအလွဲအမံၤန့ၣ်, အတၢ်ဆိၣ်လီၤအသးအံၤအိၣ်ဒီး အသယၢၢ်လၢအဟံးဃာ်အီၤလီၤ.

လံာ်မးသဲ 23:18

သုစံးသုဝဲလၢ, ပှၤတဂၤမ့ၢ်ဆိၣ်လီၤအသးလၢတၢ်လုၢ်လီၢ်အမံၤန့ၣ်, အတၢ်ဆိၣ်လီၤအသးန့ၣ်အသယၢၢ်တအိၣ်ဘၣ်. ဘၣ်ဆၣ်မ့ၢ်ဆိၣ်လီၤအသးလၢတၢ်လုၢ်လၢအဘၣ်တၢ်ပာ်ထီၣ်အီၤလၢတၢ် လုၢ်လီၢ်အဖီခိၣ်အမံၤဒီး, အတၢ်ဆိၣ်အဝဲန့ၣ်အိၣ်ဒီးအသယၢၢ်လၢကဟံးဃာ်အီၤလီၤ.

လံာ်လူၤကၣ် 16:28

ဖဲယဒီပုၢ်ဝဲၢ်ပိာ်ခွါအိၣ်ဝဲယဲၢ်ဂၤန့ၣ်တက့ၢ်. ပျဲအဝဲဒၣ်လဲၤဒီးဟ့ၣ်ပလီၢ်အဝဲသ့ၣ်, ဒ်သိးအဝဲသ့ၣ်အသုတဟဲဘၣ်စ့ၢ်ကီးဖဲတၢ်ဘၣ်တူၢ်တၢ်အလီၢ်တတီၤ အံၤတဂ့ၤန့ၣ်တက့ၢ်.’

မၤတၢ် 15:1

အန့ၣ်ဝံၤအလီၢ်ခံ, ပှၤတနီၤဟဲလၢကီၢ်ယူဒၤဆူဝ့ၢ်အၣ်တံၤအီာ်ဒီး သိၣ်လီၤသီလီၤပှၤစူၢ်က့ၤနာ်က့ၤတၢ်တဖၣ်ဒီးစံး, “သုမ့ၢ်တဒိးတၢ်ကူးတရံးဒ်စီၤမိၤၡ့အတၢ်သိၣ်တၢ်သီ အိၣ်ဝဲအသိးဘၣ်န့ၣ်, သုဒိးန့ၢ်တၢ်အုၣ်က့ၤခီၣ်က့ၤတသ့ဘၣ်.”

မၤတၢ် 2:40

စီၤပ့းတရူးအုၣ်အသးလၢအဝဲသ့ၣ်အမဲာ်ညါ, ဒီးလၢတၢ်စံးတၢ်ကတိၤအါထံၣ်အါဘီအပူၤမၢန့ၢ်ဆီၣ်ခံ အဝဲသ့ၣ်ဒီးစံး, “မၤပူၤဖျဲးသုသးလၢတၢ်စံၣ်ညီၣ်ဃၣ်လၢ အကဟဲဘၣ်ပှၤတစိၤအံၤလၢအအၢအသီန့ၣ်တက့ၢ်.”

မၤတၢ် 20:21

ယဟ့ၣ်ပလီၢ်ပှၤယူဒၤဖိဒီးပှၤကလုာ်ဂၤခံဖုလၢာ်သပှၢ်ပှၢ်ဒ်သိးအဝဲသ့ၣ် ကညိကွံာ်အတၢ်ဒဲးဘးဒီးဃၣ်က့ၤအသးဆူကစၢ်ယွၤအအိၣ်, ဒီးစူၢ်က့ၤနာ်က့ၤပကစၢ်ယ့ၣ်ၡူးန့ၣ်လီၤ.

ရိမ့ၤ 2:25

နမ့ၢ်တိၢ်န့ၢ်ယူဒၤအတၢ်သိၣ်တၢ်သီဒီးနတၢ်ကူးတရံးနသးန့ၣ်, အလုၢ်အပှ့ၤအိၣ်ဝဲလီၤ. ဘၣ်ဆၣ်နမ့ၢ်လုၣ်သ့ၣ်ခါပတာ် တၢ်သိၣ်တၢ်သီဒီး, နမ့ၢ်တဒိးကူးတရံးတ့ၢ်နသးတခီကဂ့ၤဒိၣ်ဒၣ်တၢ် တက့ၢ်န့ၣ်လီၤ.

ကလၤတံ 3:10

ပှၤတဖၣ်လၢအသန့ၤအသးလၢတၢ်ဒိကနၣ်တၢ်သိၣ်တၢ်သီန့ၣ်, အိၣ်မူလၢတၢ်ဆိၣ်အၢအဖီလာ်န့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤဂၤမ့ၢ်တအိၣ်မူပိာ်ထွဲတၢ်သိၣ်တၢ်သီ လၢတၢ်ကွဲးဃာ်အီၤကိးထံၣ်ဒဲးန့ၣ်, ကတူၢ်ဘၣ်ကစၢ်ယွၤ အတၢ်စံၣ်ညီၣ်လီၤ” (သိၣ်သီ ၂၇:၂၆).

ကလၤတံ 5:2

ဒိကနၣ်တက့ၢ်. ယၤ, စီၤပီလူးယစံးဘၣ်တဲဘၣ်သုလၢ, သုမ့ၢ်ဒိးတၢ်ကူးတရံးဒီး, အခီပညီခရံာ်မ့ၢ်တၢ်လၢအဘျုးတအိၣ်လၢသုဂီၢ်နီတမံၤ ဘၣ်န့ၣ်လီၤ.

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

အ့းဖ့းစူး 4:17

မ့ၢ်လၢတၢ်အံၤအဃိ, လၢကစၢ်အမံၤအပူၤန့ၣ်, ယမၢန့ၢ်ဆီၣ်ခံသုလၢသုသုတအိၣ်မူလၢၤဒ်ပှၤတစူၢ်တနာ်ယွၤလၢ အတၢ်ဆိကမိၣ်ဆိကမးအဘျုးတအိၣ်ဘၣ်တဖၣ်အသိးန့ၣ်တဂ့ၤ.

လံာ်သိၣ်လီၤသီလီၤတၢ် 27:26

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢတစူၢ်ဘၣ်ကယဲၢ်ကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီတဖၣ် ဒီးတၢ်သိၣ်လိတဖၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 31:21

ဒီးတၢ်တတၢးတနါတဖၣ်လၢအလီၤပျံၤလီၤဖုးအါမံၤကလီၤဘၣ်လၢ အဝဲသ့ၣ်အလိၤန့ၣ်လီၤ. မ့မ့ၢ်တၢ်သးဝံၣ်အံၤကဘၣ်တၢ်သးဝံၣ်ဒံးအီၤ, ဒီးကအိၣ်ဂၢၢ်ကျၢၤဒံးဝဲဒ်တၢ်အုၣ်အသးထီဒါအဝဲသ့ၣ်အသိးန့ၣ် လီၤ. ခဲအံၤဒၣ်လဲာ်, တချုးဒံးဘၣ်လၢယဆှၢနုာ်အဝဲသ့ၣ်ဆူ ကီၢ်န့ၣ်အပူၤ, လၢယအၢၣ်လီၤတ့ၢ်လၢယကဟ့ၣ်အဝဲသ့ၣ်ဘၣ်န့ၣ်, ယသ့ၣ်ညါတၢ်လၢအဝဲသ့ၣ်ဆိကမိၣ်ဝဲန့ၣ်လီၤ.”

လံာ်သိၣ်လီၤသီလီၤတၢ် 8:19

သးပ့ၤနီၣ်ကွံာ်ယွၤ, သုကစၢ်မ့ၢ်ဂ့ၤ, ဃၣ်ကွံာ်သုသးဆူ ကစၢ်အဂၤတဖၣ်အအိၣ်လၢတၢ်ဘူၣ်ထီၣ်ဘါထီၣ်အီၤဒီးမၤအတၢ်အဂီၢ် မ့ၢ်ဂ့ၤန့ၣ်နီတစုတဂ့ၤ. သုမ့ၢ်မၤဒီး, အန့ၣ်တစု, ယဟ့ၣ်ပလီၢ်သုမုၢ်မဆါတနံၤအံၤလၢသုကဘၣ်တၢ်မၤဟးဂီၤကွံာ်သု သပှၢ်ကတၢၢ်န့ၣ်လီၤ.

၁ သ့းစၤလနံ 4:6

ဖဲလၢအဘၣ်ဃးဒီးတၢ်ဂ့ၢ်အံၤန့ၣ်, ပှၤတဘၣ်မၤကမၣ်ဒီးဃုအဘျုးဒၣ်ဝဲလၢအဒီပုၢ်ဝဲၢ် ပှၤစူၢ်က့ၤနာ်က့ၤတၢ်အဖီခိၣ်နီတဂၤဘၣ်. ပစံးဘၣ်တဲဘၣ်တ့ၢ်လံသုလၢအပူၤကွံာ်, ဒီးပဟ့ၣ်ပလီၢ်သုဆူၣ်ဆူၣ်ကလဲာ်လၢကစၢ်ကစံၣ်ညီၣ်ပှၤလၢ အမၤတၢ်န့ၣ်တဖၣ်လီၤ.

၁ ယိၤဟၣ် 4:14

ဒီးပထံၣ်လံဒီးပစံးဘၣ်တဲဘၣ်ပှၤဂၤတဖၣ်လၢ ပၢ်မၢလီၤအဖိခွါဒ်သိးအကကဲထီၣ်ပှၤလၢကအုၣ် က့ၤခီၣ်က့ၤဟီၣ်ခိၣ်အဂီၢ်လီၤ.