ကလၤတံ 5:26 - Sgaw Karen Common Bible

²⁶ ပတဘၣ်ပာ်ထီၣ်ထီပသး, မ့တမ့ၢ်မၤအ့န့လိာ်ပသးတဂၤဒီး တဂၤ, မ့တမ့ၢ်သူၣ်က့ၣ်သးကါလိာ်ပသးတဂၤဒီးတဂၤန့ၣ်ဘၣ်.

ကလၤတံ 5:26 Iomraidhean Croise

လံာ်လူၤကၣ် 14:10

မ့မ့ၢ်ဖဲတၢ်ကွဲနၤန့ၣ်, လဲၤဒီးဆ့ၣ်နီၤလၢတၢ်လီၢ်လၢအဖုၣ်ကတၢၢ်, ဒ်သိးဟံၣ်ကစၢ်လၢအကွဲနၤတဂၤန့ၣ်ကဟဲဆူနအိၣ်ဒီးစံးဝဲ, ‘တံၤသကိးဧၢ, ဟဲထီၣ်ဆ့ၣ်နီၤလၢတၢ်လီၢ်အဂ့ၤတက့ၢ်.’ တုၤနုၤတစုနကဒိးန့ၢ်တၢ်လၤတၢ်ကပီၤလၢပှၤသမှံၤအဂၤခဲလၢာ် အမဲာ်ညါလီၤ.

1 ကရံၣ်သူး 3:7

ပှၤတဂၤလၢအဖှံလီၤတၢ်ချံမ့ၢ်ဂ့ၤ, ပှၤတဂၤလၢအလူထံမ့ၢ်ဂ့ၤ, တမ့ၢ်တၢ်လၢအကါဒိၣ်နီၢ်နီၢ်ဘၣ်. ပှၤလၢအကါဒိၣ်န့ၣ်မ့ၢ်ကစၢ်ယွၤ, အဂ့ၢ်မ့ၢ်လၢအဝဲဒုးဒိၣ်ထီၣ်တၢ်မုၢ်တၢ်ဘိအဃိန့ၣ်လီၤ.

ကလၤတံ 5:15

ဘၣ်ဆၣ်ဒီး, သုမ့ၢ်မၤသုသးဒ်ဆၣ်ဖိကီၢ်ဖိအမံၤတဖၣ်, ဒီးမၤဘၣ် ဒိဘၣ်ထံး, မၤဆူးမၤဆါလိာ်သုသးန့ၣ်, ပလီၢ်သုသးတက့ၢ်. မ့တမ့ၢ်ဘၣ်ဒီးသုကမၤဟးဂီၤလိာ်သုသးတဂၤဒီးတဂၤလၢာ်လၢာ် ဆ့ဆ့န့ၣ်လီၤ.

ဖံလံးပံၤ 4:15

သုဝဲပှၤဖံလံးပံၤဖိတဖၣ်သုသ့ၣ်ညါသုဝဲဂ့ၤဂ့ၤလၢဖဲ ယဟးထီၣ်လၢကီၢ်မၤက့းဒနံလၢယစံၣ်တဲၤတဲလီၤသီခရံာ် အတၢ်သးခုကစီၣ်ဝံၤအလီၢ်ခံန့ၣ်, သုမ့ၢ်တၢ်အိၣ်ဖှိၣ်ထဲတဖုဧိၤလၢအမၤစၢၤယၤလီၤ. သုမ့ၢ်ပှၤထဲတဖုဧိၤလၢအဟ့ၣ်တၢ်ဒီးဒိးန့ၢ်ဃုာ်တၢ်ဒီး ယၤန့ၣ်လီၤ.

ယၤကိာ် 4:16

ဘၣ်ဆၣ်ဒီး, ခဲအံၤသုပာ်ကဖၢလၢသုသးဒီးသုကတိၤဒိၣ် ကတိၤသွါတၢ်လီၤ. တၢ်ကတိၤဒ်န့ၣ်သိးခဲလၢာ်ကမၣ်ဝဲလီၤ.

၁ ပ့းတရူး 5:5

လၢကျဲဒ်န့ၣ်အသိး, သုဝဲလၢအသးစၢ်တဖၣ်သုကဘၣ်ဆီၣ်လီၤသုသးလၢပှၤ သးပှၢ်သ့ၣ်တဖၣ်အဖီလာ်န့ၣ်လီၤ. ဒီးသုဝဲသ့ၣ်ခဲလၢာ်သုကဘၣ်ကူထီၣ်သိးထီၣ်တၢ်ဆီၣ်လီၤသး အဆ့ကၤလၢသုကမၤစၢၤလိာ်သုသးတဂၤဒီးတဂၤအဂီၢ် န့ၣ်လီၤ. အဂ့ၢ်ဒ်အံၤ, တၢ်ကွဲးအသးစံးဝဲ, “ကစၢ်ယွၤထီဒါ ပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသး တဖၣ်န့ၣ်လီၤ” (ကူၣ်သ့ ၃:၃၄),