ကလၤတံ 5:25 - Sgaw Karen Common Bible

²⁵ ယွၤအသးဟ့ၣ်ပှၤတၢ်မူဒီးပကဘၣ်ပျဲအဝဲဒၣ်ပၢပတၢ်အိၣ်မူ တဖၣ်စ့ၢ်ကီးလီၤ.

ကလၤတံ 5:25 Iomraidhean Croise

လံာ်ယိၤဟၣ် 6:63

တၢ်လၢအဟ့ၣ်တၢ်မူန့ၣ်မ့ၢ်ကစၢ်ယွၤအသး လီၤ. ပှၤကညီအစိအကမီၤဟ့ၣ်တၢ်အံၤတသ့ ဘၣ်. တၢ်ကတိၤတဖၣ်လၢယစံးဘၣ်တဲဘၣ်သုန့ၣ်, ဟ့ၣ်သုလၢကစၢ်ယွၤအသးလၢအဒုးမူပှၤန့ၣ်လီၤ.

ရိမ့ၤ 8:10

ဘၣ်ဆၣ်, ခရံာ်မ့ၢ်မူလၢသုပူၤဒီး, လၢတၢ်ဒဲးဘးအဃိသုနီၢ်ခိတဖၣ်မ့ၢ်သံသနာ်က့, ယွၤအသးမ့ၢ်တၢ်မူလၢသုဂီၢ်အဂ့ၢ်မ့ၢ်လၢသုဘၣ် တၢ်ပာ်တီပာ်လိၤသုအဃိန့ၣ်လီၤ.

ရိမ့ၤ 8:2

အဂ့ၢ်ဒ်လဲၣ်န့ၣ်ယွၤအသးအတၢ်သိၣ်တၢ်သီလၢအဟဲစိာ် န့ၢ်ပှၤတၢ်အိၣ်မူလၢယ့ၣ်ၡူးခရံာ်အပူၤန့ၣ်, မၤထူၣ်ဖျဲးကွံာ်လံယၤလၢတၢ်ဒဲးဘးဒီးတၢ်သံအတၢ် သိၣ်တၢ်သီန့ၣ်လီၤ.

1 ကရံၣ်သူး 15:45

အဂ့ၢ်ဒ်အံၤ, တၢ်ကွဲးအသးစံးဝဲ, “ပှၤကညီအဆိကတၢၢ် တဂၤ, စီၤအၤဒၣ်ဘၣ်တၢ်တ့လီၤပာ်လီၤအီၤဒ်သးလၢအမူဝဲ,” မ့မ့ၢ်စီၤအၤဒၣ်လၢခံကတၢၢ်တဂၤမ့ၢ်ဝဲသးလၢအဟ့ၣ်တၢ်မူန့ၣ်လီၤ.

၂ ကရံၣ်သူး 3:6

အဝဲဒၣ်မ့ၢ်ပှၤလၢအဟ့ၣ်ပှၤတၢ်သ့တၢ်ဘၣ်လၢပကမၤတၢ်ခ့ တၢ်ပှၤအတၢ်မၤလၢတၢ်အၢၣ်လီၤအီလီၤအသီအဂီၢ်, တၢ်အၢၣ်လီၤအီလီၤအသီလၢအတဘၣ်ဃးဒီးတၢ်သိၣ် တၢ်သီအလံာ်မဲာ်ဖျၢၣ်လၢအဘၣ်တၢ်ကွဲးအီၤန့ၣ်ဘၣ်. မ့မ့ၢ်ဘၣ်ဃးဒီးယွၤအသးန့ၣ်လီၤ. အဂ့ၢ်ဒ်အံၤ, တၢ်သိၣ်တၢ်သီအလံာ်မဲာ်ဖျၢၣ်လၢအဘၣ်တၢ်ကွဲးအီၤ န့ၣ်ဒုးအိၣ်ထီၣ်တၢ်သံ, မ့မ့ၢ်ယွၤအသးန့ၣ် ဟ့ၣ်ပှၤတၢ်မူလီၤ.

ကလၤတံ 5:16

တၢ်လၢယစံးမ့ၢ်တၢ်အံၤလီၤ. ပျဲယွၤအသးပၢဆှၢသုတၢ်အိၣ်မူ တဖၣ်တက့ၢ်. ဒီးသုတမၤလၢထီၣ်ပှဲၤထီၣ်သုဖံးသုညၣ်အတၢ်သူၣ် လီသးကွံတဖၣ်တဂ့ၤ.

ဖံလံးပံၤ 3:3

ပှၤလၢအဒိးတ့ၢ်တၢ်ကူးတရံးနီၢ်နီၢ်န့ၣ်မ့ၢ်ပဝဲသ့ၣ်တဖၣ်လီၤ. တမ့ၢ်အဝဲသ့ၣ်ဘၣ်. အဂ့ၢ်ဒ်အံၤ, ပဘူၣ်ထီၣ်ဘါထီၣ်ကစၢ်ယွၤခီဖျိယွၤအသးဒီးပသူၣ်ခုသးခုလၢ ပအိၣ်မူပဝဲလၢယ့ၣ်ၡူးခရံာ်အပူၤအဃိန့ၣ်လီၤ. ပတပာ်ပတၢ်နာ်လၢတၢ်အလုၢ်အလၢ်လၢအအိၣ်ဖျါလၢခိတဖၣ်န့ၣ် အလိၤနီတစဲးဘၣ်.

၁ ပ့းတရူး 4:6

လၢတၢ်န့ၣ်အဃိ, တၢ်သးခုကစီၣ်ဘၣ်တၢ်စံၣ်တဲၤတဲလီၤအီၤစ့ၢ်ကီးလၢပှၤသံ အဂီၢ်, ပှၤတဖၣ်လၢတၢ်စံၣ်ညီၣ်တ့ၢ်လံအီၤလၢအဝဲသ့ၣ် အတၢ်အိၣ်မူနီၢ်ခိနီၢ်ခီအပူၤဒ်ပှၤတဂၤလၢ်လၢ်ဘၣ်တၢ် စံၣ်ညီၣ်တ့ၢ်လံအီၤအသိးန့ၣ်လီၤ. တၢ်စံၣ်တဲၤတဲလီၤန့ၢ်အဝဲသ့ၣ်ဒ်သိးလၢအဝဲသ့ၣ် အတၢ်အိၣ်မူလၢသူၣ်လၢသးအပူၤ, အဝဲသ့ၣ်ကအိၣ်မူဝဲဒ်ယွၤအိၣ်မူဝဲအသိးအဂီၢ်န့ၣ်လီၤ.

လံာ်လီၣ်ဖျါ 11:11

ဖဲသၢသီဒီးနံၤတဝာ်ပူၤကွံာ်န့ၣ်, တၢ်သါလၢအဟ့ၣ်တၢ်မူ, ဟဲလၢကစၢ်ယွၤအအိၣ်ဒီးနုာ်လီၤဆူအဝဲသ့ၣ်အပူၤ, ဒီးအဝဲသ့ၣ် ဂဲၤဆၢထၢၣ်, ဒီးပှၤကိးဂၤဒဲးလၢအထံၣ်ဘၣ်အဝဲသ့ၣ်တဖၣ်န့ၣ် အသူၣ်ပျံၤသးဖုးဝဲန့ၣ်လီၤ.