ကလၤတံ 5:22 - Sgaw Karen Common Bible

²² မ့မ့ၢ်ယွၤအသးန့ၣ်, ဒုးအိၣ်ထီၣ်တၢ်အဲၣ်တၢ်ကွံ, တၢ်သူၣ်ခုသးခု, တၢ်ဃူတၢ်ဖိး, တၢ်ဝံသးစူၤ, တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်သးတီ,

ကလၤတံ 5:22 Iomraidhean Croise

စံးထီၣ်ပတြၢၤ 1:3

ဒီးကလီၤဂာ်ဒ်သ့ၣ်သူၣ်လီၤအသးလၢ ထံဖိကျိအနံၤ, လၢအသၣ်ထီၣ်လၢအကတီၢ်ဒၣ်ဝဲ, ဒီးအလၣ်တလီၤညွံးဘၣ်အသိးန့ၣ်လီၤ. တၢ်မၤတမံၤလၢ်လၢ်လၢအမၤဝဲန့ၣ် ကကဲထီၣ်လိၣ်ထီၣ်ဝဲလီၤ.

စံးထီၣ်ပတြၢၤ 92:14

လၢအသၣ်ထီၣ်တုၤလီၤလၢ အသးပှၢ်အကတီၢ်ဒၣ်လဲာ်, ဒီးလါဟ့ဒီးသံကစဲာ်ဝဲထီဘိန့ၣ်လီၤ.

လံာ်ပှၤစံၣ်တဲၤတဲလီၤတၢ် 7:8

တၢ်တမံၤမံၤအကတၢၢ်န့ၣ်ဂ့ၤဒိၣ်န့ၢ်ဒံးအတၢ်ကဲထီၣ်အခီၣ်ထံး တက့ၢ်လီၤ. တၢ်ဝံသးစူၤန့ၣ်ဂ့ၤန့ၢ်ဒံးတၢ်ပာ်ထီၣ်ထီသးတက့ၢ်လီၤ.

လံာ်ယံးရမံယၤ 33:6

ဘၣ်ဆၣ်ဒီး, ယကမၤဘျါက့ၤဝ့ၢ်အံၤဒီး အပှၤဂီၢ် မုၢ်ဒီး ဟ့ၣ်က့ၤအဝဲသ့ၣ်တၢ်အိၣ်ဆူၣ်အိၣ်ချ့န့ၣ်လီၤ. ယကဒုးနဲၣ်အဝဲသ့ၣ်လၢ တၢ်ဃူတၢ်ဖိးဒီး တၢ်ဘံၣ် တၢ်ဘၢအါအါကလဲာ်လီၤ.

လံာ်ဟိၤၡ့ 14:8

ကီၢ်အံၣ်စရ့လးအပှၤဂီၢ်မုၢ်တဘၣ်ဃးလၢၤဒီးတၢ်ဂီၤတဖၣ်လၢကမၤ ဝဲအတၢ်န့ၣ်ဘၣ်. ယကစံးဆၢအဝဲသ့ၣ်အတၢ်ထုကဖၣ်ဒီးအံးထွဲကွၢ်ထွဲ အဝဲသ့ၣ်လီၤ. ဒ်သ့ၣ်ဆှိသံကစဲာ်တထံးအသိးယကဟ့ၣ်အဝဲသ့ၣ်လၢတၢ်ကဒုလီၤ. ယကမ့ၢ်တၢ်ဆိၣ်ဂ့ၤခဲလၢာ်အဂံၢ်ထံးလၢအဝဲသ့ၣ်အဂီၢ်လီၤ.

လံာ်မးသဲ 12:33

ဒ်သိးနကန့ၢ်ဘၣ်သ့ၣ်သၣ်လၢအဂ့ၤန့ၣ်, နကဘၣ်အိၣ်ဒီးသ့ၣ်လၢ အဂ့ၤလီၤ. သ့ၣ်လၢအတဂ့ၤန့ၣ်ဟ့ၣ်ထီၣ်သ့ၣ်သၣ်လၢအတဂ့ၤလီၤ. အဂ့ၢ်ဒ်အံၤ, သ့ၣ်မ့ၢ်တၢ်ဒ်လဲၣ်န့ၣ်အသၣ်လီၣ်ဖျါထီၣ်အီၤလီၤ.

လံာ်လူၤကၣ် 13:9

သ့ၣ်န့ၣ်မ့ၢ်သၣ်ထီၣ်တၤသၣ်လၢခံတနံၣ်ဒီး, ကဂ့ၤဒိၣ်ဒၣ်တၢ်တက့ၢ်လီၤ. မ့ၢ်တသၣ်ထီၣ်ဘၣ်တခီကူာ်လီၤကွံာ်အီၤ တက့ၢ်.’ ”

လံာ်ယိၤဟၣ် 15:16

သုတဃုထၢယၤဘၣ်. မ့မ့ၢ်ယဃုထၢသုဒီးပာ်လီၤသုလၢသု ကလဲၤဒီးသၣ်ထီၣ်ဝဲဒၣ်အါဖျၢၣ်, တၤသၣ်တကလုာ်လၢ အအိၣ်ဂၢၢ်ဆိးကျၢၤလီၤ. ဒီးပၢ်ကဟ့ၣ်လီၤသုတၢ်တမံၤဂ့ၤ တမံၤဂ့ၤလၢသုဃ့အီၤလၢယမံၤအပူၤန့ၣ်လီၤ.

လံာ်ယိၤဟၣ် 15:2

ကယဲၢ်ဒ့လၢယလိၤလၢအတသၣ်ထီၣ်ဘၣ်ဝဲန့ၣ်, အဝဲကျီကွံာ်ဝဲ, ဒီးကယဲၢ်ဒ့လၢအသၣ်ထီၣ်ဝဲန့ၣ်, အဝဲပဲာ်ဟိကဆှီထီၣ်ဝဲဒ်သိးအကကဆှီထီၣ်ဒီး ကသၣ်အါထီၣ်ဝဲအဂီၢ်လီၤ.

လံာ်ယိၤဟၣ် 15:5

ယဲဒၣ်အံၤယမ့ၢ်စပံးမုၢ်, ဒီးသုဝဲသ့ၣ်အံၤသုမ့ၢ်အဒ့တဖၣ် လီၤ. ပှၤတဂၤလၢ်လၢ်လၢအအိၣ်ဆိးလၢယပူၤဒီးယအိၣ် ဆိးလၢအပူၤန့ၣ်, ကသၣ်ထီၣ်ဝဲဒၣ်အါဖျၢၣ်လီၤ. မ့တမ့ၢ် ဘၣ်လၢယၤဘၣ်ဒီး, သုမၤတၢ်တသ့ဘၣ်နီတမံၤဘၣ်.

ရိမ့ၤ 14:17

အဂ့ၢ်ဒ်လဲၣ်န့ၣ်, ယွၤအဘီအမုၢ်တမ့ၢ်တၢ်လၢအဘၣ်ဃးဒီး တၢ်အီၣ်တၢ်အီဘၣ်. မ့မ့ၢ်ဘၣ်ဃးဒီးတၢ်တီတၢ်လိၤ, တၢ်ဃူတၢ်ဖိး, ဒီးတၢ်သးခုလၢသးစီဆှံဟ့ၣ်ဝဲန့ၣ်လီၤ.

ရိမ့ၤ 15:14

ယဒီပုၢ်ဝဲၢ်သ့ၣ်ဧၢ, ယကစၢ်ဒၣ်ယဲယနာ်လၢသုလၢပှဲၤဒီးတၢ်ဂ့ၤတၢ်ဝါ, ဒီးတၢ်သ့ၣ်ညါအိၣ်ပှဲၤသုပူၤ ဒီးသုသိၣ်လိလိာ်သုသးတဂၤ ဒီးတဂၤသ့ဝဲန့ၣ်လီၤ.

ရိမ့ၤ 15:3

အဂ့ၢ်ဒ်လဲၣ်န့ၣ်, ခရံာ်တလူၤအသးဒၣ်ဝဲဘၣ်. အခိၣ်တလိာ်ဒ်တၢ်ကွဲးအသးစီဆှံစံးဝဲအသိး, ‘တၢ်ဒုၣ်ဒွဲၣ်တဖၣ်လၢပှၤဂၤတဖၣ်ဒုၣ်ဒွဲၣ်နၤန့ၣ်လီၤဘၣ်လၢ ယလိၤလံ.’

ရိမ့ၤ 15:30

ဒီပုၢ်ဝဲၢ်သ့ၣ်ဧၢ, ခီဖျိပကစၢ်ယ့ၣ်ၡူးခရံာ်ဒီးခီဖျိတၢ်အဲၣ်တၢ်ကွံလၢ ကစၢ်ယွၤအသးဟ့ၣ်လီၤဝဲန့ၣ်, ယသဆၣ်ထီၣ်သုခံလၢသုကဃ့ထုကဖၣ်ယွၤသပှၢ်ပှၢ်ဃုာ်ဒီးယၤလၢ ယဂီၢ်န့ၣ်လီၤ.

ရိမ့ၤ 6:22

ဘၣ်ဆၣ်ဒီး, ခဲအံၤသုဘၣ်တၢ်မၤထူၣ်ဖျဲးထီၣ်ကွံာ်သုလၢတၢ် ဒဲးဘးအပူၤဒီးသုကဲထီၣ်ကစၢ်ယွၤအကုၢ်တဖၣ်လံ. တၢ်ဘျုးလၢသုဂီၢ်မ့ၢ်တၢ်အိၣ်မူလၢအဘၣ်တၢ်ပာ်စီဆှံ အီၤလၢာ်လၢာ်ဆ့ဆ့လၢကစၢ်ယွၤအဂီၢ်, ဒီးအကတၢၢ် မ့ၢ်တၢ်မူအထူအယိာ်လီၤ.

ရိမ့ၤ 7:4

ဒီပုၢ်ဝဲၢ်သးဘိသ့ၣ်ဧၢ, တၢ်အဝဲန့ၣ်မ့ၢ်တၢ်တမံၤဃီလၢအမၤ အသးဒီးသုန့ၣ်လီၤ. သုသံသဒၣ်ကွံာ်စ့ၢ်ကီးတၢ်သိၣ်တၢ် သီမ့ၢ်လၢသုဘၣ်ဃးဒီးခရံာ်အနီၢ်ခိအဃိ, ဒီးခဲအံၤသုဘၣ်ဃးဒီးယ့ၣ်ၡူးလၢအဘၣ်တၢ်ဒုးဂဲၤဆၢ ထၢၣ်က့ၤအီၤလၢတၢ်သံတဂၤ, ဒ်သိးပကကဲဘျုးလၢကစၢ်ယွၤအတၢ်မၤအဂီၢ်လီၤ.

ရိမ့ၤ 8:5

ပှၤလၢအအိၣ်မူဝဲဒ်အပှၤဟီၣ်ခိၣ်ဖိအန့ဆၢၣ်အတၢ်မၢအီၤ အသိးတဖၣ်န့ၣ်, အတၢ်ဆိကမိၣ်ဘၣ်တၢ်ပၢအီၤလၢဟီၣ်ခိၣ်ဖိ အန့ဆၢၣ်အတၢ်မိၣ်န့ၢ်သးလီတဖၣ်န့ၣ်လီၤ. မ့မ့ၢ်, ပှၤလၢအအိၣ်မူဝဲဒ်ကစၢ်ယွၤအသးမၢအီၤအသိးတဖၣ်န့ၣ်, အတၢ်ဆိကမိၣ်ဘၣ်တၢ်ပၢအီၤလၢကစၢ်ယွၤအသးအတၢ် အဲၣ်ဒိးတဖၣ်န့ၣ်လီၤ.

1 ကရံၣ်သူး 13:13

မ့မ့ၢ်, ဖဲဆၢကတီၢ်ခဲကနံၣ်အံၤန့ၣ်, တၢ်သၢမံၤအံၤလၢအမ့ၢ်ဝဲတၢ်နာ်, တၢ်မုၢ်လၢ်, ဒီးတၢ်အဲၣ်တၢ်ကွံတဖၣ်အိၣ်ဒံးဒၣ်တၢ်, ဒီးအဒိၣ်ကတၢၢ်လၢအကျါန့ၣ်မ့ၢ်ဝဲတၢ်အဲၣ်တၢ်ကွံလီၤ.

ကလၤတံ 5:13

မ့မ့ၢ်သုဝဲယဒီပုၢ်ဝဲၢ်သ့ၣ်ဧၢ, သုဘၣ်တၢ်ကိးသုဒ်သိးသုကဒိး န့ၢ်တၢ်သဘျ့လီၤ. ဘၣ်ဆၣ်တဘၣ်ပျဲသုတၢ်သဘျ့အံၤကဲထီၣ်တၢ် ကတိၤပူၤဖျဲးသုသးလၢသုကပျဲသုနီၢ်ခိအတၢ်အဲၣ်ဒိးတဖၣ် ပၢၤသုတဂ့ၤ. အခိၣ်တလိာ်, ပျဲတၢ်အဲၣ်တၢ်ကွံမၤတၢ်လၢသုကမၤစၢၤလိာ်သုသးတဂၤဒီး တဂၤန့ၣ်တက့ၢ်.

အ့းဖ့းစူး 4:23

သုသးဒီးသုတၢ်ဆိကမိၣ်ကြၢးဘၣ်တၢ်မၤသီထီၣ်အီၤလၢ လၢပှဲၤပှဲၤ,

အ့းဖ့းစူး 5:9

အဂ့ၢ်ဒ်အံၤ, တၢ်ကပီၤမ့ၢ်တၢ်လၢအဟ့ၣ်ထီၣ်ကယဲၢ်မ့ၢ်တၢ် အဂ့ၤ, တၢ်တီတၢ်လိၤဒီးတၢ်အမ့ၢ်အတီခဲလၢာ်လီၤ.

ဖံလံးပံၤ 1:11

သုတၢ်အိၣ်မူတဖၣ်ကဘၣ်တၢ်မၤပှဲၤအီၤဒီးတၢ်ဂ့ၤ တၢ်ဝါနီၢ်နီၢ်တဖၣ်လၢထဲဒၣ်ယ့ၣ်ၡူးခရံာ်ဒုးအိၣ်ထီၣ် အီၤသ့, လၢယွၤလၤကပီၤဒီးတၢ်စံးထီၣ်ပတြၢၤကစၢ်ယွၤ အဂီၢ်န့ၣ်လီၤ.

ကလီးစဲ 1:10

ဒ်သိးသုကအိၣ်မူတၢ်အိၣ်မူလၢအကြၢးဒီးကစၢ်, တၢ်အိၣ်မူလၢအမၤမုာ်အီၤသတးဒီးသုတၢ်အိၣ်မူ ကဟ့ၣ်ထီၣ်တၢ်မၤအဂ့ၤကိးကလုာ်ဒဲး, ဒီးသုကဒိၣ်ထီၣ်လၢတၢ်သ့ၣ်ညါကစၢ်ယွၤအပူၤအဂီၢ်န့ၣ်လီၤ.

၂ သ့းစၤလနံ 3:2

ဃ့ဘါထုကဖၣ်စ့ၢ်ကီးလၢကစၢ်ယွၤကဒုးပူၤဖျဲးပှၤဒီးပှၤတတီတလိၤ, ဒီးပှၤအၢပှၤသီတဖၣ်န့ၣ်တက့ၢ်. အဂ့ၢ်ဒ်အံၤပှၤကိးဂၤဒဲးတနာ်တၢ်ကစီၣ်အံၤဘၣ်.

၁ တံၤမသ့း 3:11

ပိာ်မုၣ်တဖၣ်စ့ၢ်ကီးကဘၣ်အိၣ်ဒီးသကဲာ်ပဝးလၢအဂ့ၤ, ဒီးတဘၣ်မ့ၢ်ပှၤလၢအသီၣ်ဝံသဲကလၤတဖၣ်န့ၣ်ဘၣ်. အဝဲသ့ၣ်ကဘၣ်ပာ်အသးသညူးသပှၢ် ဒီးကဘၣ်မ့ၢ်ပှၤလၢ အကလုၢ်တီဝဲလၢတၢ်ခဲလၢာ်အပူၤန့ၣ်လီၤ.

၁ တံၤမသ့း 4:12

တဘၣ်ပျဲပှၤနီတဂၤကွၢ်တလီၤနၤမ့ၢ်လၢနမ့ၢ်ပှၤသးစၢ်အဃိ တဂ့ၤ. မ့မ့ၢ်ကဲထီၣ်တၢ်ဒိဂ့ၤတဲာ်ဘၣ်လၢပှၤစူၢ်က့ၤနာ်က့ၤတၢ် တဖၣ်အဂီၢ်လၢနတၢ်ကတိၤ, လၢနတၢ်မၤ, လၢနတၢ်အဲၣ်တၢ်ကွံ, လၢတၢ်စူၢ်တၢ်နာ်, ဒီးတၢ်စီတၢ်ဆှံအပူၤန့ၣ်တက့ၢ်.

၁ ပ့းတရူး 1:22

ခဲအံၤ, မ့ၢ်လၢသုစူၢ်တၢ်မ့ၢ်တၢ်တီအဃိသုမၤကဆှီထီၣ်သုသး ဒီးသုတုၤဃီၤလၢတၢ်အဲၣ်နီၢ်နီၢ်လၢပှၤစူၢ်က့ၤနာ်က့ၤတၢ်ကဒဲ ကဒဲဒီးသုသတးဒီး, အဲၣ်လိာ်ကွံလိာ်သုသးတဂၤဒီးတဂၤနီၢ်နီၢ်လၢသုသးဒီဖျၢၣ် ညါန့ၣ်တက့ၢ်.

၁ ပ့းတရူး 1:8

သုတထံၣ်ဘၣ်ဒံးအီၤသနာ်က့သုအဲၣ်အီၤ, ဒီးသုတထံၣ်အီၤခဲအံၤသနာ်က့သုနာ်အီၤ န့ၣ်လီၤ. လၢတၢ်န့ၣ်အဃိ, သုသူၣ်ခုသးခုလၢတၢ်သးခုဖးဒိၣ်ဒီးတၢ်သးခုလၢ အပှဲၤဒီးတၢ်လၤကပီၤလၢပစံးကတိၤလၢအဂ့ၢ်တသ့ဘၣ်.

၁ ပ့းတရူး 5:12

ယကွဲးန့ၢ်သုလံာ်ပရၢဖုၣ်ကိာ်ဖိအံၤခီဖျိစီၤစံလၤလၢယပာ်အီၤဒ် ဒီပုၢ်ဝဲၢ်လၢအသးတီဒီးယၤတဂၤအတၢ်မၤစၢၤယၤအပူၤန့ၣ်လီၤ. ယသးအိၣ်ဟ့ၣ်ဆူၣ်ထီၣ်သုဂံၢ်သုဘါဒီးဟ့ၣ်ယတၢ်အုၣ်ယသး လၢတၢ်အံၤမ့ၢ်ကစၢ်ယွၤအဘျုးအဖှိၣ်နီၢ်နီၢ်လီၤ. ဆၢထၢၣ်ဂၢၢ်ကျၢၤလၢတၢ်အံၤအပူၤန့ၣ်တက့ၢ်.