ကလၤတံ 5:19 - Sgaw Karen Common Bible

¹⁹ တၢ်လၢတၢ်ဖံးတၢ်ညၣ်အတၢ်မၤန့ၣ်, အိၣ်ဖျါဝဲဒၣ်ဆှံဆှံလီၤ. အိၣ်ဖျါဝဲဒၣ်ခီဖျိတၢ်မၤကမၣ်မုၣ်ကမၣ်ခွါ, တၢ်အိၣ်မူတကဆှီ, တၢ်ကလုာ်ကလိၤတဖၣ်,

ကလၤတံ 5:19 Iomraidhean Croise

စံးထီၣ်ပတြၢၤ 17:4

ယတကတိၤတၢ်အၢတၢ်သီ, ဒ်ပှၤဂၤစံးကတိၤအသိးန့ၣ်ဘၣ်. ယဒိကနၣ်တ့ၢ်နတၢ်မၤလိာ် ဒီးတလူၤပိာ်ထွဲယဲ တၢ်စုဆူၣ်ခီၣ်တကးအကျဲန့ၣ်ဘၣ်.

လံာ်ယိၤဟၣ် 3:6

ပှၤကညီတဂၤအိၣ်ဖျဲၣ်ထီၣ်ဝဲနီၢ်ခိနီၢ်ခီလၢမိၢ်ပၢ်လၢအအိၣ် ဒီးသွံၣ်ထံဖံးညၣ်လီၤ. ဘၣ်ဆၣ်ဒီး, အဝဲအိၣ်ဖျဲၣ်ထီၣ်လၢသူၣ် လၢသး, လၢယွၤအသးန့ၣ်လီၤ.

ရိမ့ၤ 7:18

ဒ်ယအိၣ်ဒီးပှၤကညီအန့ဆၢၣ်အသိး, ယသ့ၣ်ညါလၢတၢ်ဂ့ၤတၢ်ဝါတမူလၢယပူၤဘၣ်. အဂ့ၢ်ဒ်လဲၣ်န့ၣ်, သးလၢအဆၢမၤဂ့ၤတၢ်အိၣ်လၢယပူၤသနာ်က့, ယမၤထွဲအီၤ တသ့ဘၣ်.

ရိမ့ၤ 7:25

စံးဘျုးကစၢ်ယွၤလၢအမၤတၢ်အံၤခီဖျိပကစၢ်ယ့ၣ်ၡူးခရံာ် အဃိတက့ၢ်. တၢ်လၢအမၤအသးဒီးယၤမ့ၢ်ဒ်အံၤလီၤ. လၢသူၣ်လၢသးန့ၣ်, ယမၤထွဲကစၢ်ယွၤအတၢ်သိၣ်တၢ်သီအခံ, မ့မ့ၢ်လၢနီၢ်ခိနီၢ်ခီန့ၣ်ယမၤထွဲတၢ်ဒဲးဘးအတၢ်သိၣ်တၢ်သီ အခံအဃိန့ၣ်လီၤ.

ရိမ့ၤ 7:5

မ့ၢ်အဂ့ၢ်ဒ်လဲၣ်န့ၣ်, ဖဲပအိၣ်မူဒ်ပှၤဟီၣ်ခိၣ်ဖိအန့ဆၢၣ်အသိး န့ၣ်, တၢ်ဒဲးဘးအတၢ်သူၣ်လီသးကွံတဖၣ်လၢတၢ်သိၣ်တၢ် သီထိၣ်ဂဲၤအီၤန့ၣ်, မၤတၢ်လၢပနီၢ်ခိတဖၣ်အပူၤဒီးပကဲဘျုး လၢတၢ်သံအတၢ်မၤအဂီၢ်လီၤ.

ရိမ့ၤ 8:13

အဂ့ၢ်ဒ်အံၤ, သုမ့ၢ်အိၣ်မူဒ်ဟီၣ်ခိၣ်ဖိအန့ဆၢၣ်မၢသု အသိးဒီးသုကသံလီၤ. ဘၣ်ဆၣ်ဒီးခီဖျိလၢယွၤအသးန့ၣ် သုမ့ၢ်မၤသံကွံာ်သုတၢ်ဒဲးဘးအတၢ်ဖံးတၢ်မၤတဖၣ်န့ၣ် ဒီးသုကမူလီၤ.

ရိမ့ၤ 8:3

မ့ၢ်လၢပှၤကညီအန့ဆၢၣ်အဂံၢ်စၢ်ဘါစၢ်အဃိ, တၢ်လၢတၢ်သိၣ်တၢ်သီမၤတသ့ဘၣ်န့ၣ်ကစၢ်ယွၤမၤဝဲလီၤ. အဝဲစံၣ်ညီၣ်ဃၣ်တၢ်ဒဲးဘးလၢပှၤကညီအန့ဆၢၣ်အပူၤ, ခီဖျိအတၢ်ဆှၢလီၤအဖိခွါဒၣ်ဝဲအိၣ်ဒီးန့ဆၢၣ်လၢအမ့ၢ် ပှၤကညီအတၢ်ဒဲးဘးအန့ဆၢၣ်ဒ်သိးအကတြူာ် ကွံာ်တၢ်ဒဲးဘးအဂီၢ်န့ၣ်လီၤ.

ရိမ့ၤ 8:5

ပှၤလၢအအိၣ်မူဝဲဒ်အပှၤဟီၣ်ခိၣ်ဖိအန့ဆၢၣ်အတၢ်မၢအီၤ အသိးတဖၣ်န့ၣ်, အတၢ်ဆိကမိၣ်ဘၣ်တၢ်ပၢအီၤလၢဟီၣ်ခိၣ်ဖိ အန့ဆၢၣ်အတၢ်မိၣ်န့ၢ်သးလီတဖၣ်န့ၣ်လီၤ. မ့မ့ၢ်, ပှၤလၢအအိၣ်မူဝဲဒ်ကစၢ်ယွၤအသးမၢအီၤအသိးတဖၣ်န့ၣ်, အတၢ်ဆိကမိၣ်ဘၣ်တၢ်ပၢအီၤလၢကစၢ်ယွၤအသးအတၢ် အဲၣ်ဒိးတဖၣ်န့ၣ်လီၤ.

ရိမ့ၤ 8:9

ဘၣ်ဆၣ်ဒီးယွၤအသးမ့ၢ်မူလၢသုပူၤနီၢ်နီၢ်န့ၣ်, သုတအိၣ်မူဒ်ဟီၣ်ခိၣ်ဖိအန့ဆၢၣ်အတၢ်မၢသု အသိးန့ၣ်ဘၣ်. သုအိၣ်မူဒ်ကစၢ်ယွၤအသးအတၢ်မၢသု အသိးန့ၣ်လီၤ. ပှၤတဂၤလၢ်လၢ်လၢခရံာ်အသးတအိၣ် လၢအပူၤဘၣ်န့ၣ်, တဘၣ်ဃးဒီးခရံာ်ဘၣ်.

1 ကရံၣ်သူး 3:3

အဂ့ၢ်ဒ်အံၤ, သုအိၣ်မူဒံးသုဝဲဒ်ပှၤလၢအဘၣ်ဃးဒီးဟီၣ်ခိၣ်တဘ့ၣ် အံၤအိၣ်မူဝဲအသိးလီၤ. ဖဲတၢ်သူၣ်က့ၣ်သးကါအိၣ်လၢသုသိးသုကျါ, ဒီးသုအ့ၣ်လိာ်ဆိးက့လိာ်သုသးတဂၤဒီးတဂၤန့ၣ်, မ့ၢ်အမၤဖျါထီၣ်လၢသုဘၣ်ဃးဒီးဟီၣ်ခိၣ်တဘ့ၣ်အံၤ, ဒီးသုအိၣ်မူသုဝဲဒ်အနီၣ်ထိၣ်အိၣ်ဝဲအသိးတမ့ၢ်ဘၣ်ဧါ.

1 ကရံၣ်သူး 6:18

ဟးဆှဲးတၢ်မၤကမၣ်မုၣ်ကမၣ်ခွါတက့ၢ်. တၢ်ဒဲးဘးအဂၤတမံၤမံၤလၢပှၤကညီတဂၤမၤဝဲန့ၣ်, တမၤဘၣ်ဒိဘၣ်ထံးအနီၢ်ခိဘၣ်. မ့မ့ၢ်ပှၤတဂၤလၢအမၤ ကမၣ်မုၣ်ကမၣ်ခွါန့ၣ်, မၤဘၣ်တၢ်ဒဲးဘးထီဒါအနီၢ်ခိဒၣ်ဝဲန့ၣ်လီၤ.

ကလၤတံ 5:13

မ့မ့ၢ်သုဝဲယဒီပုၢ်ဝဲၢ်သ့ၣ်ဧၢ, သုဘၣ်တၢ်ကိးသုဒ်သိးသုကဒိး န့ၢ်တၢ်သဘျ့လီၤ. ဘၣ်ဆၣ်တဘၣ်ပျဲသုတၢ်သဘျ့အံၤကဲထီၣ်တၢ် ကတိၤပူၤဖျဲးသုသးလၢသုကပျဲသုနီၢ်ခိအတၢ်အဲၣ်ဒိးတဖၣ် ပၢၤသုတဂ့ၤ. အခိၣ်တလိာ်, ပျဲတၢ်အဲၣ်တၢ်ကွံမၤတၢ်လၢသုကမၤစၢၤလိာ်သုသးတဂၤဒီး တဂၤန့ၣ်တက့ၢ်.

ကလၤတံ 5:17

အဂ့ၢ်ဒ်အံၤ, ပဖံးပညၣ်အတၢ်သူၣ်လီသးကွံန့ၣ် ထီဒါလိာ်အသးဒီးယွၤအသးအတၢ်အဲၣ်ဒိး, ဒီးယွၤအသးအတၢ်အဲၣ်ဒိးန့ၣ်ထီဒါလိာ်အသးဒီးပဖံးပညၣ် အတၢ်သူၣ်လီသးကွံန့ၣ်လီၤ. တၢ်ခံမံၤအံၤထီဒုၣ်ထီဒါလိာ် အသးအဃိ, တၢ်လၢသုဆၢမၤန့ၣ်သုမၤသုဝဲတသ့ဘၣ်.

ကလၤတံ 6:8

အဂ့ၢ်ဒ်အံၤ, အဝဲဒၣ်မ့ၢ်သူၣ်လီၤဖျးလီၤတၢ်လၢအတၢ်သူၣ်လီ သးကွံတဖၣ်အပူၤန့ၣ်, တၢ်လၢအကကူးဘၣ်က့ၤဝဲမ့ၢ်တၢ်သံ န့ၣ်လီၤ. မ့မ့ၢ်အဝဲဒၣ်မ့ၢ်သူၣ်လီၤဖျးလီၤတၢ်လၢယွၤအသး အပူၤဒီး, ယွၤအသးကမၤစၢၤအီၤဒ်သိးအကကူးဘၣ်က့ၤဝဲတၢ်မူ အထူအယိာ်န့ၣ်လီၤ.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.

ဧ့ၤဘြံၤ 13:4

မ်တၢ်န့ၢ်မါန့ၢ်ဝၤဒီးလီၢ်မံတဘၣ်အၢဘၣ်န့ၣ်, အိၣ်ဒီးအလၤကပီၤလၢပှၤခဲလၢာ်အကျါတက့ၢ်. အဂ့ၢ်ဒ်အံၤ, ကစၢ်ယွၤကစံၣ်ညီၣ်ပှၤလၢအမၤကမၣ်ပိာ်မုၣ် ပိာ်မၢၤဒီးပှၤလၢအအဲၣ်ဘၢတၢ်န့ၣ်လီၤ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”

လံာ်လီၣ်ဖျါ 22:15

မ့မ့ၢ်, ဖဲဝ့ၢ်အချၢန့ၣ်, ပှၤလၢအဘၣ်တၢ်ဘိးဃၣ်အီၤဆူတၢ် အၢတၢ်သီတဖၣ်, ဒီးပှၤသ့ၣ်တဖၣ်လၢအဟိၣ်တၢ်ယီတၢ်, ပှၤမၤကမၣ်မုၣ်ကမၣ်ခွါဒီးပှၤမၤသံမၤဝီတၢ်တဖၣ်, ပှၤလၢအဘါတၢ်ဂီၤတၢ်ဖီၣ်တဖၣ်ဒီးပှၤသ့ၣ်တဖၣ်လၢ အလီတၢ်, လၢတၢ်စံးတၢ်ကတိၤ, ဒီးတၢ်ဖံးတၢ်မၤခံမံၤလၢာ်န့ၣ်, အိၣ်ဝဲဒၣ်လီၤ.