ကလၤတံ 4:7 - Sgaw Karen Common Bible

⁷ မၤသးဒ်န့ၣ်ဒီး နတမ့ၢ်လၢၤကုၢ်တဂၤဘၣ်. နမ့ၢ်ဖိခွါတဂၤလီၤ. ဒီးဒ်နမ့ၢ်အဝဲဒၣ်အဖိအသိးန့ၣ်, ကစၢ်ယွၤကဟ့ၣ်နၤတၢ်လၢ အအိၣ်ဒီးအီၤခဲလၢာ်လၢအဖိခွါတဖၣ်အဂီၢ်န့ၣ်လီၤ.

ကလၤတံ 4:7 Iomraidhean Croise

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

စံးထီၣ်ပတြၢၤ 16:5

နဲဒၣ်, ယွၤဧၢ, နမ့ၢ်ယတၢ်န့ၢ်သါ ဒီးနဟ့ၣ်ယၤတၢ်လၢယလိၣ်ဘၣ်ခဲလၢာ်လီၤ. ယတၢ်အိၣ်မူဆူညါအိၣ်လၢနစုပူၤလီၤ.

စံးထီၣ်ပတြၢၤ 73:26

ယသးဒီးယနီၢ်ခိအဂံၢ်အဘါကစၢ်လီၤဝဲ, ဘၣ်ဆၣ်ကစၢ်ယွၤမ့ၢ်ယဂံၢ်ယဘါလီၤ. အဝဲမ့ၢ်တၢ်ခဲလၢာ်လၢယန့ၢ်ဘၣ်အီၤ အလီၢ်အိၣ်ထီဘိန့ၣ်လီၤ.

လံာ်ယံးရမံယၤ 10:16

စီၤယၤကိာ်အကစၢ်ယွၤတလီၤဂာ်ဒီးအဝဲသ့ၣ်ဘၣ်. အဝဲမ့ၢ်ပှၤတဂၤလၢအတ့လီၤပာ်လီၤတၢ်ခဲလၢာ်, ဒီးအဝဲဃုထၢတ့ၢ်ပှၤအံၣ်စရ့လးဖိလၢကမ့ၢ်အဝဲအတၢ်န့ၢ်သါအပှၤဂီၢ် မုၢ်ဒၣ်ဝဲန့ၣ်လီၤ. သ့တၢ်လၢာ်ကစၢ်ယွၤ, မ့ၢ်အမံၤန့ၣ်လီၤ.

လံာ်ယံးရမံယၤ 31:33

တၢ်အၢၣ်လီၤအီလီၤ အသီလၢ ယကမၤဒီး ကီၢ်အံၣ်စရ့လး အပှၤဂီၢ်မုၢ်န့ၣ် ကမ့ၢ်အအံၤလီၤ. ယကပာ်ယတၢ်သိၣ်တၢ်သီ လၢအဝဲသ့ၣ်အသးကံၢ်ပူၤဒီး ကွဲးလီၤအီၤလၢ အဝဲသ့ၣ်အသး ဘ့ၣ်ဘၣ်အလိၤန့ၣ်လီ. ယကမ့ၢ်အဝဲသ့ၣ် အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်န့ၣ်လီၤ.

လံာ်သးသယုၢ်တၢ် 3:24

ယွၤမ့ၢ်တၢ်အိၣ်ဒီးယၤခဲလၢာ်လီၤ. မၤသးဒ်န့ၣ်ဒီး, ယကပာ်ယတၢ်မုၢ်လၢ်လၢအပူၤလီၤ.

လံာ်မးသဲ 6:24

ပှၤမၤတၢ်အခ့အပှၤအတၢ်မၤလၢကစၢ်ခံဂၤအဂီၢ်တသ့နီတဂၤဘၣ်. ကအဲၣ်ဝဲတဂၤဒီးကသးဟ့ဝဲတဂၤလီၤ. ကတီဝဲဒီးကစၢ်တဂၤဒီးကကွၢ်တလီၤဝဲအတဂၤန့ၣ်လီၤ. သုမၤကစၢ်ယွၤအတၢ်မၤဒီးကျိၣ်စ့အတၢ်မၤခံမံၤလၢာ်တသ့ဘၣ်.

ကလၤတံ 3:26

ခီဖျိတၢ်စူၢ်တၢ်နာ်န့ၣ်, သုဝဲခဲလၢာ်သုမ့ၢ်ကစၢ်ယွၤအဖိခွါတဖၣ်လၢတၢ်တမံၤဃီဒီး ယ့ၣ်ၡူးခရံာ်အပူၤန့ၣ်လီၤ.

ကလၤတံ 3:29

သုမ့ၢ်ဘၣ်ဃးဒီးခရံာ်ဒီး, သုမ့ၢ်စီၤအၤဘြၤဟၣ်အစၢၤအသွဲၣ်တဖၣ်ဒီးသုကဒိး န့ၢ်ဘၣ်တၢ်လၢကစၢ်ယွၤအၢၣ်လီၤတ့ၢ်န့ၣ်လီၤ.

ကလၤတံ 4:31

မ်ဒ်န့ၣ်ဒီး, ယဒီပုၢ်ဝဲၢ်သ့ၣ်ဧၢ, ပတမ့ၢ်ကုၢ်ပိာ်မုၣ်တဂၤအဖိ တဖၣ်ဘၣ်, မ့မ့ၢ် ပှၤသဘျ့မုၣ်တဂၤအဖိန့ၣ်လီၤ.

လံာ်လီၣ်ဖျါ 21:7

ပှၤတဂၤလၢ်လၢ်လၢအဒိးန့ၢ်တၢ်မၤနၢၤန့ၣ်ကဒိးန့ၢ် ဘၣ်တၢ်တမံၤအံၤလၢယအိၣ်လီၤ. ယကမ့ၢ်အဝဲဒၣ် အကစၢ်ယွၤ, ဒီးအဝဲဒၣ်ကမ့ၢ်ယဖိခွါလီၤ.