ကလၤတံ 4:29 - Sgaw Karen Common Bible

²⁹ ဖဲအဆၢကတီၢ်အဝဲန့ၣ်, ဖိခွါလၢအဘၣ်တၢ်ဆံးစၢ်ထီၣ်အီၤလၢ တၢ်ဖံးတၢ်ညၣ်အကျဲတဂၤန့ၣ်, မၤအၢမၤနးဖိခွါလၢအအိၣ်ဖျဲၣ် ထီၣ်လၢကစၢ်ယွၤအသးစီဆှံတဂၤန့ၣ်လီၤ. ဒီးအခဲအံၤ, တၢ်မၤအသးဒ်န့ၣ်အသိးစ့ၢ်ကီးလီၤ.

ကလၤတံ 4:29 Iomraidhean Croise

လံာ်တၢ်ကဲထီၣ်အခီၣ်ထံး 21:9

ဒီးဘၣ်မုၢ်တနံၤ, စီၤယံးၡမၤဧ့လးလၢအမ့ၢ်ဖိခွါလၢပှၤအဲၤ ကူပတူးဖိနီၢ်ဟၤကၢ်ဆံးစၢ်န့ၢ်လၢစီၤအၤဘြၤဟၣ်အဂီၢ်နံၤဘၣ်ဖၣ် လဲနီၢ်စၤရါအဖိခွါစီၤအံၤစဲးန့ၣ်လီၤ.

လံာ်ယိၤဟၣ် 15:9

ယအဲၣ်သုဒ်ပၢ်အဲၣ်ယၤအသိးလီၤ. အိၣ်ဆိးလၢယတၢ်အဲၣ် အပူၤတက့ၢ်.

လံာ်ယိၤဟၣ် 3:5

ယ့ၣ်ၡူးစံးဆၢဝဲ, “ယတဲဘၣ်နၤတီတီလိၤလိၤ, ပှၤမ့ၢ်တအိၣ်ဖျဲၣ်လၢထံဒီးယွၤအသးန့ၣ်ဘၣ်ဒီးပှၤလဲၤနုာ် ဆူကစၢ်ယွၤအဘီအမုၢ်အပူၤတသ့နီတဂၤဘၣ်.

ရိမ့ၤ 8:1

ခဲကနံၣ်အံၤ, ပှၤလၢအအိၣ်မူလၢယ့ၣ်ၡူးခရံာ်အပူၤတဖၣ်န့ၣ်, တၢ်စံၣ်ညီၣ်ဃၣ်တအိၣ်လၢအဂီၢ်ဘၣ်.

ရိမ့ၤ 8:13

အဂ့ၢ်ဒ်အံၤ, သုမ့ၢ်အိၣ်မူဒ်ဟီၣ်ခိၣ်ဖိအန့ဆၢၣ်မၢသု အသိးဒီးသုကသံလီၤ. ဘၣ်ဆၣ်ဒီးခီဖျိလၢယွၤအသးန့ၣ် သုမ့ၢ်မၤသံကွံာ်သုတၢ်ဒဲးဘးအတၢ်ဖံးတၢ်မၤတဖၣ်န့ၣ် ဒီးသုကမူလီၤ.

ကလၤတံ 4:23

အဝဲဒၣ်အဖိခွါလၢကုၢ်ပိာ်မုၣ်တဂၤန့ၣ်အိၣ်ဖျဲၣ်ထီၣ်ဒ်တၢ်ဖံး တၢ်ညၣ်အကျဲအသိးလီၤ. မ့မ့ၢ်အဖိခွါလၢသဘျ့မုၣ်တဂၤန့ၣ်အိၣ်ဖျဲၣ်ထီၣ်ဒ် ကစၢ်ယွၤအၢၣ်လီၤတ့ၢ်အသိးန့ၣ်လီၤ.

ကလၤတံ 5:11

မ့မ့ၢ်ယဲဒၣ်အံၤ, ယဒီပုၢ်ဝဲၢ်သ့ၣ်ဧၢ, ယမ့ၢ်စံၣ်တဲၤတဲလီၤဒံးလၢ တၢ်ဒိးတၢ်ကူးတရံးအလီၢ်အိၣ်န့ၣ်, ဘၣ်မနုၤအဃိ ပှၤမၤအၢမၤနးဒံးယၤလဲၣ်. မ့မ့ၢ်ဒ်န့ၣ်ဒီး, ယတၢ်စံၣ်တဲၤတဲလီၤဘၣ်ဃးခရံာ်အထူၣ်စုညါတဒုးအိၣ်ထီၣ် တၢ်ကီတၢ်ခဲဘၣ်.