ကလၤတံ 4:24 - Sgaw Karen Common Bible

²⁴ တၢ်သ့ၣ်တဖၣ်အံၤ, တၢ်နၢ်ပၢၢ်အီၤဒ်တၢ်ဒိတၢ်တဲာ်အသိး သ့ဝဲလီၤ. ပိာ်မုၣ်ခံဂၤန့ၣ်ပာ်ဖျါထီၣ်တၢ်အၢၣ်လီၤအီလီၤခံ ခါလီၤ. အဝဲတဂၤလၢအဖိတဖၣ်အိၣ်ဖျဲၣ်ထီၣ်ဒ်ကုၢ်န့ၣ်မ့ၢ်ဝဲနီၢ် ဟၤကၢ်, ဒီးအဝဲဒၣ်မ့ၢ်တၢ်အၢၣ်လီၤအီလီၤအီၤလၢအဘၣ် တၢ်မၤအီၤဖဲကစၢၢ်စံၤနါန့ၣ်လီၤ.

ကလၤတံ 4:24 Iomraidhean Croise

လံာ်တၢ်ကဲထီၣ်အခီၣ်ထံး 16:8

ဒီးစံးဘၣ်အီၤ, “နီၢ်စၤရဲအကုၢ်ပိာ်မုၣ်နီၢ်ဟၤကၢ်ဧၢ, နဟဲလၢလဲၣ်ဒီးနကလဲၤဆူလဲၣ်.” ဒီးနီၢ်ဟၤကၢ်စံးဆၢအီၤ, “ယဟးထီၣ်ဃ့ၢ်လၢယကစၢ်မုၣ်နီၢ်စၤ ရဲအအိၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 25:12

စီၤယံးၡမၤဧ့လး, လၢနီၢ်စၤရါအကုၢ်ပိာ်မုၣ်ပှၤအဲၤကူပတူး နီၢ်ဟၤကၢ်ဆံးစၢ်န့ၢ်ဝဲလၢစီၤအၤဘြၤဟၣ်အဂီၢ်န့ၣ်, အိၣ်ဒီးအဖိခွါသ့ၣ်တဖၣ်အံၤလီၤ.

လံာ်ယဃ့းစက့လး 20:49

ဘၣ်ဆၣ်ယကတိၤဂ့ၢ်လိာ်ဒီးစံး, “ယွၤပၢဘၣ်တၢ်ခဲလၢာ်ကစၢ်ဧၢ, တဘၣ်မၢယမၤတၢ်န့ၣ်တဂ့ၤ. ပှၤကိးဂၤဒဲးကဒူးကဒ့ၣ်လံတၢ်ဒီးစံးလၢထီဘိယကတိၤ တၢ်လၢတၢ်ပှိၤပှီၢ်တဖၣ်အပူၤန့ၣ်လီၤ.”

လံာ်ဟိၤၡ့ 11:10

ယပှၤဂီၢ်မုၢ်ကပိာ်ထွဲယခံဖဲယကညီၤအဝဲသ့ၣ် အဒုၣ်အဒါတဖၣ်ဒ်ခ့ယုၢ်တဒုအသိးအခါန့ၣ်လီၤ. အဝဲသ့ၣ်ကဟဲဆူယအိၣ်ချ့ချ့လၢမုၢ်နုာ်တကပၤ.

လံာ်မးသဲ 13:35

အဝဲမၤတၢ်အံၤမ့ၢ်ဒ်သိးဒီး တၢ်လၢဝံတဂၤစံးတ့ၢ်ဝဲ ကလၢထီၣ်ပှဲၤထီၣ်အဂီၢ်လီၤ. “ယကကတိၤတၢ်လၢတၢ်ကတိၤဒိ, တၢ်လၢအအိၣ်လီၤဘၢလၢဟီၣ်ခိၣ် အိၣ်ထီၣ်လံၤလံၤတဖၣ်န့ၣ်, ယကတဲဖျါထီၣ်န့ၢ်အဝဲသ့ၣ်လီၤ” (စံး. ၇၈:၂).

ရိမ့ၤ 8:15

အဂ့ၢ်ဒ်လဲၣ်န့ၣ်, ကစၢ်ယွၤအသးလၢအဘၣ်တၢ်ဟ့ၣ်လီၤ သုန့ၣ်တဒုးကဲထီၣ်သုလၢကုၢ်ဒီးဒုးအိၣ်ထီၣ်တၢ်ပျံၤတၢ်ဖုး လၢသုပူၤန့ၣ်ဘၣ်. မ့မ့ၢ်ကစၢ်ယွၤအသးဒုးကဲထီၣ်သုလၢ ကစၢ်ယွၤအဖိတဖၣ်ဒီးလၢအသးအစိကမီၤအပူၤပကိးထီၣ် ကစၢ်ယွၤ, “ပၢ်ဧၢ, ယပၢ်ဧၢ” န့ၣ်လီၤ.

1 ကရံၣ်သူး 10:11

တၢ်သ့ၣ်တဖၣ်အံၤခဲလၢာ်မၤအသးဒီးအဝဲသ့ၣ်ဒ်သိးအကကဲ ထီၣ်တၢ်အဒိအတဲာ်လၢပှၤဂၤတဖၣ်အဂီၢ်ဒီးဘၣ်တၢ်ကွဲးနီၣ် ကွဲးဃါအီၤဒ်သိးအကကဲထီၣ်တၢ်ဟ့ၣ်ပလီၢ်လၢပဂီၢ်လီၤ. အဂ့ၢ်ဒ်အံၤ, ပအိၣ်မူပဝဲဖဲဆၢကတီၢ်လၢတၢ်အကတၢၢ်ဘူး ကတုၤအိၣ်ပှၤလံန့ၣ်လီၤ.

1 ကရံၣ်သူး 10:4

ဒီးအီတၢ်ထံတခါဃီလၢအဘၣ်ဃးဒီးသးန့ၣ်လီၤ. အဝဲသ့ၣ်အီတၢ်လၢသးအလၢၢ်လၢအလဲၤဒီးအီၤတဖျၢၣ်န့ၣ် အပူၤ, ဒီးလၢၢ်န့ၣ် မ့ၢ်ခရံာ်အနီၢ်ကစၢ်ဒၣ်ဝဲလီၤ.

ကလၤတံ 4:25

နီၢ်ဟၤကၢ်, လၢအဘၣ်ထိၣ်သတြီၤအီၤဒီးကစၢၢ်စံၤနါလၢကီၢ်ဧ့ရ့းန့ၣ်, မ့ၢ်တၢ်ဒိတၢ်တဲာ်ဘၣ်ဃးမုၢ်မဆါတနံၤအံၤအဝ့ၢ် ယရူၤၡလ့ၣ်လီၤ. အဂ့ၢ်ဒ်အံၤအဝဲကဲကုၢ်ဒီးအဖိတဖၣ်လီၤ.

ကလၤတံ 4:3

ဒ်န့ၣ်အသိး, ပဝဲစ့ၢ်ကီးပကဲကုၢ်လၢသးတဖၣ်လၢအပၢ ဟီၣ်ခိၣ်မူခိၣ်အဖီလာ်တချုးပတုၤတၢ်ဒိၣ်တုာ်ခိၣ်ပှဲၤလၢ သူၣ်လၢသးန့ၣ်လီၤ.

ကလၤတံ 5:1

တၢ်လၢအအိၣ်ဒီးပှၤန့ၣ်မ့ၢ်တၢ်သဘျ့လီၤ. ခရံာ်ဒုးထူၣ်ဖျဲးထီၣ် ကွံာ်ပှၤလံ. လၢတၢ်န့ၣ်အဃိဒ်ပှၤသဘျ့တဖၣ်အသိး, အိၣ်ဂၢၢ်ဆိးကျၢၤဒီးသုတပျဲပှၤဒုးကဲထီၣ်ကဒီးသုလၢ ကုၢ်တဂ့ၤ.

လံာ်သိၣ်လီၤသီလီၤတၢ် 33:2

ယွၤဟဲဝဲလၢကစၢၢ်စံၣ်နါတခီ, အဝဲဟဲထီၣ်ဝဲဒ်မုၢ်အသိးလၢ ကီၢ်အဒိၣ်အဖီခိၣ်, ဒီးကပီၤထီၣ်ဝဲလၢအပှၤဂီၢ်မုၢ်အလိၤလၢကစၢၢ်ပၤရၣ်အဒီခိၣ် န့ၣ်လီၤ. ကလူးအဂၤတကလးအိၣ်ဒီးအီၤလၢအစုထွဲတကပၤ ဒ်မ့ၣ်အူလၣ်လၢအကဲၤကပီၤဝဲတခါအသိးန့ၣ်လီၤ.

ဧ့ၤဘြံၤ 11:19

အဝဲဆိကမိၣ်ပာ်စၢၤဝဲလၢအသးကံၢ်ပူၤလၢကစၢ်ယွၤ မၤမူထီၣ်က့ၤစီၤအံၤစဲးလၢတၢ်သံန့ၣ်သ့ဝဲဒီးဒ်န့ၣ်အသိး မၤအသးဒ်စီၤအၤဘြၤဟၣ်ဒိးန့ၢ်က့ၤစီၤအံၤစဲးလၢတၢ်သံ အပူၤန့ၣ်လီၤ.

ဧ့ၤဘြံၤ 12:24

ဒီးဆူယ့ၣ်ၡူးလၢအမ့ၢ်ပှၤတၢ်ဘၢၣ်စၢၤဘၣ်ဃးဒီးတၢ်အၢၣ်လီၤ အီလီၤအသီအအိၣ်, ဒီးတၢ်သွံၣ်လၢအဘၣ်တၢ်ဖှံလီၤအီၤလၢအကိးထီၣ်ဒိၣ်န့ၢ်ဒံး စီၤဟ့းဘ့းလးအသွံၣ်တက့ၢ်အအိၣ်န့ၣ်လီၤ.

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

ဧ့ၤဘြံၤ 7:22

အန့ၣ်ဒီးတၢ်လီၤဆီအံၤဒုးကဲထီၣ်စ့ၢ်ကီးယ့ၣ်ၡူးလၢတၢ် အၢၣ်လီၤအီလီၤလၢအဂ့ၤဒိၣ်ဒၣ်တၢ်တက့ၢ်အတၢ်အုၣ်ကီၤ န့ၣ်လီၤ.