ကလၤတံ 4:2 - Sgaw Karen Common Bible

² ဖဲအဝဲဒၣ်အသးစၢ်ဒံးအဆၢကတီၢ်န့ၣ်, ပှၤအိၣ်ဝဲဒၣ်လၢကကွၢ်ထွဲပၢဆှၢအီၤဒီးဟံးန့ၢ်မူဒါဘၣ်ဃး အတၢ်စုလီၢ်ခီၣ်ခိၣ်တုၤမုၢ်တနံၤလၢအပၢ်စံၣ်ညီၣ်ပာ်လီၤ တ့ၢ်ဃာ်ဝဲန့ၣ်လီၤ.

ကလၤတံ 4:2 Iomraidhean Croise

လံာ်ဒၤနံးယ့လး 11:29

တုၤတၢ်ဆၢကတီၢ်လၢကစၢ်ယွၤတိာ်ပာ်ထီၣ်ဘးဝဲန့ၣ်အဝဲကဟဲ က့ၤကဒီးဆူကီၢ်အဲၤကူပတူးန့ၣ်လီၤ. ဘၣ်ဆၣ်ဒီးအအံၤတစု တၢ်တမၤလၢၤဘၣ်အသးဒ်အမၤတ့ၢ်အသးလၢညါတဘျီ အသိးန့ၣ်လၢၤဘၣ်.

လံာ်ဃဘးကူာ် 2:3

ကွဲးလီၤတၢ်အံၤတက့ၢ်. အဂ့ၢ်ဒ်အံၤ, အဆၢကတီၢ်တဘၣ်ဒံးလၢကလၢ ထီၣ်ပှဲၤထီၣ်အဂီၢ်ဘၣ်. ဘၣ်ဆၣ်ဒီးတၢ်ဆၢကတီၢ်ဟဲဝဲချ့သဒံးဒီးတၢ်လၢယဒုးနဲၣ်နၤ ကလၢထီၣ်ပှဲၤထီၣ်လီၤ. အတၢ်ဟဲကအိၣ်ဖျါဃၢဝဲဘၣ်ဆၣ် အိၣ်ခိးအီၤတက့ၢ်. တၢ်အံၤကမၤအသးသပှၢ်ကတၢၢ်ဒီး တသုးနံၤသုးသီဘၣ်.”

လံာ်ယိၤဟၣ် 15:7

သုမ့ၢ်အိၣ်ဆိးလၢယပူၤဒီးယကလုၢ်ကထါမ့ၢ်အိၣ်ဆိး လၢသုပူၤန့ၣ်, သုကဃ့တၢ်တမံၤဂ့ၤတမံၤဂ့ၤလၢသုသး လီဒီးသုကဒိးန့ၢ်ဘၣ်အီၤလီၤ.

1 ကရံၣ်သူး 4:15

အဂ့ၢ်ဒ်အံၤ, လၢသုတၢ်အိၣ်မူဒ်ခရံာ်ဖိအသိးအပူၤန့ၣ်, သုမ့ၢ်အိၣ်ဒီးပှၤသိၣ်သီပၢဆှၢသုအဂၤတကလးသနာ်က့သုပၢ် အိၣ်ဒၣ်ထဲတဂၤဧိၤလီၤ. အဂ့ၢ်ဒ်အံၤ, လၢသုတၢ်အိၣ်မူပာ်ဖှိၣ်ဃုာ်သုသးဒီးယ့ၣ်ၡူးခရံာ်အပူၤန့ၣ် ယကဲထီၣ်တ့ၢ်ယဲလၢသုပၢ်, ခီဖျိယဟဲစိာ်တၢ်သးခုကစီၣ်ဆူသုအိၣ် န့ၣ်လီၤ.

ကလၤတံ 3:24

လၢတၢ်န့ၣ်အဃိ, တုၤလၢခရံာ်ဟဲတစုန့ၣ်, တၢ်သိၣ်တၢ်သီ ပၢၤဃာ်ပှၤဒ်သိးပကဘၣ်တၢ်မၤလိၤမၤဘၣ်ပှၤဒီးယွၤခီဖျိ တၢ်စူၢ်တၢ်နာ်န့ၣ်လီၤ.

ကလၤတံ 4:1

ခဲကနံၣ်အံၤ, တၢ်လၢယကစံးကတိၤအါထီၣ်မ့ၢ်ဒ်အံၤလီၤ. ဖိခွါတဂၤလၢအကဒိးန့ၢ်ဘၣ်အပၢ်အတၢ်စုလီၢ်ခီၣ်ခိၣ်န့ၣ်, ဖဲအသးစၢ်ဒံးအခါတၢ်ပာ်အီၤဒ်ကုၢ်တဂၤအသိးလီၤ. အနီၢ်နီၢ်တခီတၢ်စုလီၢ်ခီၣ်ခိၣ်ခဲလၢာ်မ့ၢ်အဝဲဒၣ်အတၢ်လီၤ.

ကလၤတံ 4:3

ဒ်န့ၣ်အသိး, ပဝဲစ့ၢ်ကီးပကဲကုၢ်လၢသးတဖၣ်လၢအပၢ ဟီၣ်ခိၣ်မူခိၣ်အဖီလာ်တချုးပတုၤတၢ်ဒိၣ်တုာ်ခိၣ်ပှဲၤလၢ သူၣ်လၢသးန့ၣ်လီၤ.