ကလၤတံ 4:18 - Sgaw Karen Common Bible

¹⁸ ဒီးခဲကနံၣ်အံၤတၢ်တိာ်ပာ်မ့ၢ်ဂ့ၤဒီး, တၢ်အိၣ်ဒီးတၢ်သးအိၣ်အဒိၣ်အယိာ်ဒ်သိးအံၤမ့ၢ်တၢ်လၢ အဂ့ၤလီၤ. အဝဲအံၤမ့ၢ်ဝဲတီဝဲထီဘိဒီးတမ့ၢ်ထဲလၢယအိၣ်ဒီး သုအခါဧိၤဘၣ်.

ကလၤတံ 4:18 Iomraidhean Croise

စံးထီၣ်ပတြၢၤ 119:139

ယတၢ်သးဒိၣ်ထီၣ်အီၣ်တၢ်လၢယပူၤဒ်မ့ၣ်အူအသိး မ့ၢ်လၢယဒုၣ်ယဒါတဖၣ်တဒိကနၣ် နတၢ်မၤလိာ်တဖၣ်အဃိန့ၣ်လီၤ.

စံးထီၣ်ပတြၢၤ 69:9

အဂ့ၢ်ဒ်အံၤ, ယတၢ်သးဆူၣ်လၢနဟံၣ်အဂီၢ်န့ၣ် အီၣ်ကွံာ်ယၤဒ်မ့ၣ်အူအသိး ဒီးပှၤအတၢ်ဒုၣ်ဒွဲၣ်နၤန့ၣ် လီၤဘၣ်လၢယလိၤလီၤ.

လံာ်ယၡါယၤ 59:17

အဝဲကကူထီၣ်သိးထီၣ်တၢ်စံၣ်ညီၣ်တီဒ်ဆ့ကၤဖီခိၣ်သဃိးတဘ့ၣ် အသိးဒီးကကုာ်ထီၣ်တၢ်အုၣ်က့ၤခီၣ်က့ၤအစိကမီၤဒ်ခိၣ်ကုာ်သုး တဖျၢၣ်အသိးလီၤ. အဝဲကကူထီၣ်ကၤထီၣ်ဝဲတၢ်သးအိၣ် နီၢ်နီၢ်လၢတၢ်မၤလိၤမၤဘၣ်က့ၤတၢ်အဂီၢ်ဒီးကစံၣ်ညီၣ်ဒီး ဟ့ၣ်ကၣ်ဆၢက့ၤတၢ်ကမၣ်တဖၣ်လၢပှၤဂီၢ်မုၢ်တူၢ်ဘၣ်ဝဲန့ၣ်လီၤ.

လံာ်ယိၤဟၣ် 2:17

အပျဲၢ်အဘီၣ်တဖၣ်သ့ၣ်နီၣ်ထီၣ်ယွၤအကလုၢ်ကထါ လၢအစံးဝဲ, “ကစၢ်ယွၤဧၢ, ယတၢ်သးဆူၣ်လၢနဟံၣ် အဂီၢ်န့ၣ်, အီၣ်ဂီၤကွံာ်လံယၤလံ” (စံး. ၆၉:၉).

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

ကလၤတံ 4:13

ယစံၣ်တဲၤတဲလီၤန့ၢ်သုတၢ်သးခုကစီၣ်, အဆိကတၢၢ်တဘျီလၢမနုၤအဃိလဲၣ်န့ၣ်, သုသ့ၣ်နီၣ်ထီၣ်က့ၤလီၤ. မ့ၢ်ဒၣ်လၢယအိၣ်တဆူၣ်အဃိလီၤ.

ကလၤတံ 4:17

ပှၤအဂၤသ့ၣ်တဖၣ်အံၤဒုးနဲၣ်အတၢ်သးအိၣ်အဒိၣ်အယိာ်လၢ သုပူၤ, ဘၣ်ဆၣ်အဝဲသ့ၣ်အတၢ်တိာ်သူၣ်ပာ်သးတဖၣ်တမ့ၢ် တၢ်လၢအဂ့ၤဘၣ်. တၢ်လၢအဝဲသ့ၣ်သးအိၣ်န့ၣ်, မ့ၢ်ဒၣ်အကမၤလီၤဖးသုဒီးယၤဒ်သိးသုကအိၣ်ဒီးတၢ်သးအိၣ်လၢ အဝဲသ့ၣ်အပူၤ, ဒ်အဝဲသ့ၣ်အိၣ်ဒီးတၢ်သးအိၣ်လၢသုပူၤအသိး န့ၣ်လီၤ.

ကလၤတံ 4:20

ယဆၢမးလၢယကအိၣ်ဘၣ်ဒီးသုခဲကနံၣ်အံၤ, ဒ်သိးယကဒုးနဲၣ်ယတၢ်ပာ်သူၣ်ပာ်သးနီၢ်နီၢ်လၢသုဖီခိၣ်မ့ၢ်တၢ် ဒ်လဲၣ်န့ၣ်လီၤ. ယသးကိၢ်လၢသုဃိဒိၣ်မးလီၤ.

ဖံလံးပံၤ 1:27

အခဲအံၤ, တၢ်လၢအကါဒိၣ်န့ၣ်မ့ၢ်ဝဲသုတၢ်အိၣ်မူအကျဲကြၢးမ့ၢ်ဝဲဒ် ခရံာ်အတၢ်သးခုကစီၣ်လိၣ်ဘၣ်ဝဲအသိး, ဒ်သိးယလဲၤထံၣ်လိာ် သုသ့မ့ၢ်ဂ့ၤ, တသ့မ့ၢ်ဂ့ၤ, ယကနၢ်ဟူဘၣ်ယဲလၢသုဆၢထၢၣ်ဂၢၢ်ကျၢၤအိၣ်ဒီးတၢ်တိာ်ပာ် တမံၤဃီဒီးလၢတၢ်အဲၣ်ဒိးတမံၤဃီအပူၤ, သုဒုးသကိးတၢ်လၢတၢ်စူၢ်တၢ်နာ်ဘၣ်ဃးဒီးတၢ်သးခုကစီၣ် အဂီၢ်န့ၣ်လီၤ.

ဖံလံးပံၤ 2:12

လၢတၢ်န့ၣ်အဃိ, တံၤသကိးသးဘိသ့ၣ်ဧၢ, ဖဲယအိၣ်ဒီးသုအဆၢကတီၢ်သုဒိကနၣ်ယၤထီဘိအသိးန့ၣ်, ခဲကနံၣ်အံၤဖဲယအိၣ်ယံၤဒီးသုအဆၢကတီၢ်န့ၣ်, အကါဒိၣ်တက့ၢ်လၢသုဒိကနၣ်ယၤန့ၣ်လီၤ. ဂုာ်ကျဲးစၢးမၤတၢ်လၢတၢ်ပျံၤတၢ်ဖုးဒီးတၢ်ကနိးကစုာ်အပူၤ လၢတၢ်မၤလၢထီၣ်ပှဲၤထီၣ်သုတၢ်အုၣ်က့ၤခီၣ်က့ၤအဂီၢ်န့ၣ်တက့ၢ်.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

လံာ်လီၣ်ဖျါ 3:19

ပှၤလၢယအဲၣ်န့ၣ်, ယသိၣ်ဃီၣ်သီဃီၣ်, ဒီးစံၣ်ညီၣ်အီၤကိးဂၤဒဲးလီၤ. လၢတၢ်န့ၣ်အဃိ, ပာ်နသးသပှၢ်ပှၢ်, ဒီးဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ်တက့ၢ်.