ကလၤတံ 4:17 - Sgaw Karen Common Bible

¹⁷ ပှၤအဂၤသ့ၣ်တဖၣ်အံၤဒုးနဲၣ်အတၢ်သးအိၣ်အဒိၣ်အယိာ်လၢ သုပူၤ, ဘၣ်ဆၣ်အဝဲသ့ၣ်အတၢ်တိာ်သူၣ်ပာ်သးတဖၣ်တမ့ၢ် တၢ်လၢအဂ့ၤဘၣ်. တၢ်လၢအဝဲသ့ၣ်သးအိၣ်န့ၣ်, မ့ၢ်ဒၣ်အကမၤလီၤဖးသုဒီးယၤဒ်သိးသုကအိၣ်ဒီးတၢ်သးအိၣ်လၢ အဝဲသ့ၣ်အပူၤ, ဒ်အဝဲသ့ၣ်အိၣ်ဒီးတၢ်သးအိၣ်လၢသုပူၤအသိး န့ၣ်လီၤ.

ကလၤတံ 4:17 Iomraidhean Croise

လံာ်မးသဲ 23:15

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, ဒ်သိးသုကမၤန့ၢ်ဘၣ်ပှၤတဂၤလၢအတမ့ၢ်ဘၣ်ပှၤယူဒၤဖိ ဆူသုတၢ်ဘူၣ်တၢ်ဘါအပူၤအဂီၢ်န့ၣ်, သုဒိးထီၣ်ကဘီဒီးခီပီၣ်လဲၣ်ပီၣ်တြီၤဒီးထံကီၢ်တဖၣ်လီၤ. ဒီးတုၤသုမၤအီၤန့ၢ်လံဒီး, သုဒုးကဲထီၣ်အီၤလၢပှၤတဂၤလၢအကြၢးလီၤဘၣ်ဆူလရာ်အပူၤ ဒိၣ်န့ၢ်ဒံးသုကစၢ်ဒၣ်သုဝဲခံစးန့ၣ်လီၤ.

ရိမ့ၤ 10:2

ယအုၣ်ယသးလၢအဝဲသ့ၣ်အဂီၢ်လၢအဝဲသ့ၣ်အဲၣ်ကစၢ်ယွၤ နီၢ်နီၢ်လီၤ. ဘၣ်ဆၣ်ဒီးအတၢ်အဲၣ်ကစၢ်ယွၤန့ၣ်တသန့ၤထီၣ် အသးလၢတၢ်သ့ၣ်ညါအမ့ၢ်အတီအလိၤဘၣ်.

ရိမ့ၤ 16:18

အဂ့ၢ်ဒ်လဲၣ်န့ၣ်, ပှၤလၢအမၤတၢ်ဒ်အံၤတဖၣ်တမၤပကစၢ် ခရံာ်အတၢ်မၤဘၣ်, မ့မ့ၢ်မၤတၢ်လၢအဟၢဖၢဒၣ်ဝဲအဂီၢ်န့ၣ်လီၤ. ခီဖျိလၢအတၢ်ကတိၤအမုာ်အဆၢတဖၣ်ဒီးအတၢ်ကတိၤအူ သဖှိထီၣ်တၢ်န့ၣ်, အဝဲသ့ၣ်လီန့ၢ်ပှၤလၢအသးဂ့ၤအသးညီ တဖၣ်န့ၣ်လီၤ.

1 ကရံၣ်သူး 11:2

ယစံးထီၣ်ပတြၢၤသုလီၤ. အဂ့ၢ်ဒ်အံၤ, ထီဘိန့ၣ်သုသ့ၣ်နီၣ် ထီၣ်ယၤဒီးပိာ်ထွဲတၢ်သိၣ်လီၤသီလီၤလၢယဟ့ၣ်လီၤတ့ၢ်ယဲဆူ သုအိၣ်တဖၣ်လီၤ.

1 ကရံၣ်သူး 4:18

သုဝဲတနီၤသုကဲထီၣ်တ့ၢ်ပှၤသးထီၣ်ထီ, အဂ့ၢ်မ့ၢ်လၢသုဆိကမိၣ် တ့ၢ်သုဝဲလၢယတဟဲအိၣ်သကိးသုဘၣ်အဃိလီၤ.

1 ကရံၣ်သူး 4:8

တၢ်လၢသုလိၣ်ဘၣ်န့ၣ်သုဒိးန့ၢ်ဘၣ်တ့ၢ်လံသုဝဲခဲလၢာ်လံဧါ. မ့ၢ်သုထူးထီၣ်တီၤထီၣ်တ့ၢ်လံသုဝဲလံဧါ. ပဝဲတဖၣ်ပတမ့ၢ် စီၤပၤသနာ်က့, မ့ၢ်သုကဲထီၣ်တ့ၢ်လံစီၤပၤတဖၣ်လံဧါ. ဒီးယဆၢလၢသုကမ့ၢ်နီၢ်နီၢ်စီၤပၤတဖၣ်, ဒ်သိးပမ့ၢ်စီၤပၤတပူၤဃီဒီးသုကသ့ဝဲအဂီၢ်လီၤ.

၂ ကရံၣ်သူး 11:3

ယဘၣ်ယိၣ်ဘၣ်ဘီလၢသုသူၣ်သုသးကဘၣ်တၢ်မၤဟးဂီၤကွံာ် အီၤဒီးသုကညိကွံာ်သုတၢ်ဟ့ၣ်လီၤသးလၢာ်လၢာ်ဆ့ဆ့စီစီ ဆှံဆှံဆူခရံာ်အအိၣ်လၢကျဲတဘိဃီလၢနီၢ်အံၣ်အုဘၣ်တၢ် လီန့ၢ်အီၤခီဖျိဂုၢ်သ့ၣ်အတၢ်ကတိၤကဘျံးကဘျၣ်တၢ်သ့သ့ ဘၣ်ဘၣ်တဖၣ်န့ၣ်လီၤ.

ကလၤတံ 4:16

ယစံးဘၣ်တဲဘၣ်သုတၢ်မ့ၢ်တၢ်တီအဃိအခဲအံၤ, မ့ၢ်ယကဲထီၣ်သုဒုၣ်သုဒါလံဧါ.

ကလၤတံ 4:18

ဒီးခဲကနံၣ်အံၤတၢ်တိာ်ပာ်မ့ၢ်ဂ့ၤဒီး, တၢ်အိၣ်ဒီးတၢ်သးအိၣ်အဒိၣ်အယိာ်ဒ်သိးအံၤမ့ၢ်တၢ်လၢ အဂ့ၤလီၤ. အဝဲအံၤမ့ၢ်ဝဲတီဝဲထီဘိဒီးတမ့ၢ်ထဲလၢယအိၣ်ဒီး သုအခါဧိၤဘၣ်.

ဖံလံးပံၤ 2:21

ပှၤအဂၤကိးဂၤဒဲးကွၢ်တၢ်ထဲလၢအနီၢ်ကစၢ်ဒၣ်ဝဲအတၢ်ဂ့ၢ်တဖၣ် အဂီၢ်ဒီးတမ့ၢ်လၢယ့ၣ်ၡူးခရံာ်အဂ့ၢ်န့ၣ်ဘၣ်.

၂ ပ့းတရူး 2:18

အဝဲသ့ၣ်ကတိၤဒိၣ်ကတိၤသွါတၢ်လၢအခီပညီတအိၣ် တဖၣ်, ဒီးသူဝဲနီၢ်ခိအတၢ်သူၣ်ကတၢသးကတၢလုၢ်လၢ်အၢသီ တဖၣ်လၢအကကွဲန့ၢ်လွဲန့ၢ်ပှၤလၢအထူၣ်ဖျဲးထီၣ်သီလၢပှၤလၢ အအိၣ်မူလၢတၢ်ကမၣ်အပူၤတဖၣ်အကျါန့ၣ်လီၤ.

၂ ပ့းတရူး 2:3

ဒီးလၢအတၢ်သူၣ်လီသးကွံဒိၣ်အပူၤ, သရၣ်အဘျၣ် တဖၣ်အံၤကဃုအဘျုးလၢသုဖီခိၣ်ခီဖျိအစံးဘၣ်တဲဘၣ် သုပူလၢပှၤကညီဒုးကဲထီၣ်အီၤတဖၣ်လီၤ. အဝဲသ့ၣ်အပှၤစံၣ်ညီၣ်ကွီၢ်အိၣ်ကတဲာ်ကတီၤအသးယံာ် တ့ၢ်လံ, ဒီးပှၤလၢအကမၤဟးဂီၤအီၤတဂၤန့ၣ်တမံသပ့ၤ ဝဲဘၣ်.