ကလၤတံ 4:16 - Sgaw Karen Common Bible

¹⁶ ယစံးဘၣ်တဲဘၣ်သုတၢ်မ့ၢ်တၢ်တီအဃိအခဲအံၤ, မ့ၢ်ယကဲထီၣ်သုဒုၣ်သုဒါလံဧါ.

ကလၤတံ 4:16 Iomraidhean Croise

လံာ်စီၤပၤအခီၣ်ထံးတဘ့ၣ် 21:20

တုၤစီၤအၤဃာ်ထံၣ်ဘၣ်စီၤအ့ၤလံယၤန့ၣ်, အဝဲစံးဝဲ, “ယဒုၣ်ယဒါဧၢ, မ့ၢ်နချုးန့ၢ်ယၤလံဧါ.” စီၤအ့ၤလံယၤစံးဆၢဝဲ, “မ့ၢ်ယချုးန့ၢ်နၤလံ. နဟ့ၣ်လီၤတ့ၢ်လံနသးလၢာ်လၢာ်ဆ့ဆ့လၢနကမၤတၢ်လၢအကမၣ်လၢယွၤ အမဲာ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:27

တဲဘၣ်အဝဲသ့ၣ်လၢကဒၢနုာ်အီၤဆူဃိာ်ပူၤဒီးလုၢ်အီၣ်လုၢ်အီ လၢကိၣ်ဒီးထံတုၤလၢယဟဲက့ၤတုၤမုာ်မုာ်န့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 22:8

စီၤအၤဃာ်စံးဆၢဝဲ, “ဝံအိၣ်ဒံးဝဲတဂၤ, လၢအမ့ၢ်စီၤယံးမလၤအဖိခွါစီၤမံၤကါယၤန့ၣ်လီၤ. ဘၣ်ဆၣ်ယသးဟ့အီၤ, မ့ၢ်လၢအဝဲတကတိၤတၢ်လၢဝံအကျိာ်အဂ့ၤနီ တမံၤလၢယဂီၢ်ဘၣ်. မ့မ့ၢ်, ထီဘိမ့ၢ်ထဲတၢ်အၢတမံၤမံၤအဃိန့ၣ်လီၤ.” စီၤယဟိၡၤဖးစံးဆၢဝဲ, “နတကြၢးစံးကတိၤတၢ်ဒ်န့ၣ်ဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 25:16

စီၤအမၤစယါမၤတံာ်တာ်ကွံာ်ဝံအတၢ်ကတိၤဒီးစံးဝဲ, “ပဒုးကဲထီၣ်နၤလၢပှၤဟ့ၣ်ကူၣ်စီၤပၤန့ၣ်, စးထီၣ်အခါဖဲလဲၣ်. ဆိကတီၢ်ကတိၤတၢ်တက့ၢ်. မ့တမ့ၢ်ယကမၢပှၤမၤသံဘၣ်နၤလီၤ.” တချုးလၢဝံဆိကတီၢ်ကွံာ်အတၢ်ကတိၤန့ၣ်, ဝံစံးဝဲဒၣ်, “ခဲအံၤယသ့ၣ်ညါလၢကစၢ်ယွၤပာ်လီၤလံအသးလၢ ကမၤဟးဂီၤကွံာ်နၤ, မ့ၢ်လၢနမၤတ့ၢ်ကယဲၢ်တၢ်ခဲလၢာ်အံၤဒီးတပာ်ကဲဘၣ်ယတၢ်ဟ့ၣ်ကူၣ် အဃိန့ၣ်လီၤ.”

စံးထီၣ်ပတြၢၤ 141:5

မ်ပှၤအတီအလိၤတီၢ်ယၤ မ့တမ့ၢ်သိၣ်ဃီၣ်ယၤလၢ တၢ်သးကညီၤအပူၤန့ၣ်တက့ၢ်. မ်ပှၤအအၢအသီအသိအသုတဘၣ်တၢ်ဖှူအီၤလၢ ယခိၣ်နီတဘျီတဂ့ၤ. အဂ့ၢ်ဒ်အံၤ, ယထုကဖၣ်တၢ်ထီဒါ အတၢ်အၢတၢ်သီတဘိယူၢ်ဃီန့ၣ်လီၤ.

တၢ်ကတိၤဒိ. 9:8

သိၣ်က့ၤသီက့ၤပှၤပာ်ထီၣ်ထီအသးတဂၤနီတစုတဂ့ၤ. ကသးဟ့နၤလၢတၢ်န့ၣ်အဃိလီၤ. မ့မ့ၢ်သိၣ်က့ၤသီက့ၤပှၤလၢအအိၣ်ဒီးတၢ်ကူၣ်သ့တဂၤတက့ၢ်. ဒီးအဝဲကပာ်ကဲနၤလီၤ.

လံာ်ဧၤမိၣ် 5:10

သုဝဲသ့ၣ်အံၤ, သုသးဟ့ကယဲၢ်ပှၤလၢအတၤတၢ်တတီတလိၤဒီးကတိၤ တၢ်မ့ၢ်တၢ်တီလၢကွီၢ်ဘျီၣ်ပူၤန့ၣ်လီၤ.

လံာ်ယိၤဟၣ် 7:7

ဟီၣ်ခိၣ်သးဟ့သုတသ့ဘၣ်. ဘၣ်ဆၣ်သးဟ့ယၤလီၤ. မ့ၢ်လၢယစံးဘၣ်တဲဘၣ်အီၤတလီၢ်လီၢ်လၢ အကျဲတဖၣ်န့ၣ်အၢဝဲသီဝဲအဃိလီၤ.

လံာ်ယိၤဟၣ် 8:45

ဘၣ်ဆၣ်မ့ၢ်ယစံးဘၣ်တဲဘၣ်သုတၢ်မ့ၢ်တၢ်တီအဃိသတး ဒီး, သုတစူၢ်က့ၤနာ်က့ၤယၤဘၣ်.

ကလၤတံ 2:14

ဖဲယထံၣ်ဘၣ်လၢအဝဲသ့ၣ်တလဲၤတၢ်လၢကျဲအဘျၢလၢအလီၤ ပလိာ်ဒီးတၢ်သးခုကစီၣ်အတၢ်မ့ၢ်တၢ်တီဘၣ်န့ၣ်, ယစံးဘၣ်စီၤပ့းတရူးလၢအဝဲသ့ၣ်ခဲလၢာ်အမဲာ်ညါ, “နမ့ၢ်ပှၤယူဒၤဖိတဂၤဘၣ်ဆၣ်နအိၣ်မူဒ်ပှၤကလုာ်ဂၤ တဂၤအသိးဒီးတမ့ၢ်ဒ်ပှၤယူဒၤဖိတဂၤအသိးန့ၣ်ဘၣ် လီၤ. မ့မ့ၢ်ဒ်န့ၣ်ဒီးနဂုာ်ကျဲးစၢးမၢဆူၣ်ပှၤကလုာ်ဂၤတဖၣ်လၢ ကအိၣ်မူလီၤဂာ်ဒီးပှၤယူဒၤဖိတဖၣ်ကသ့ဝဲလၢကျဲဒ်လဲၣ်.”

ကလၤတံ 2:5

ဘၣ်ဆၣ်ဒီး, ဒ်သိးတၢ်မ့ၢ်တၢ်တီဘၣ်ဃးတၢ်သးခုကစီၣ်ကအိၣ် ကဆိးဒီးသုအဂီၢ်န့ၣ်, ပတအၢၣ်လီၤပိာ်ထွဲအဝဲသ့ၣ်ထဲတစိၢ်ဖိဒၣ် လဲာ်ဘၣ်လီၤ.

ကလၤတံ 4:15

သုသူၣ်ခုသးခုတ့ၢ်ဒိၣ်မးလီၤ. အခဲအံၤတၢ်မနုၤမၤအသး န့ၣ်လဲၣ်. ယကစၢ်ဒၣ်ယဲယစံးသ့လၢသုအူခွဲးထီၣ်သုမဲာ်ချံ တဖၣ်မ့ၢ်သ့ဒီးသုကအူခွဲးထီၣ်ဒီးဟ့ၣ်လီၤယၤန့ၣ်လီၤ.

ကလၤတံ 4:17

ပှၤအဂၤသ့ၣ်တဖၣ်အံၤဒုးနဲၣ်အတၢ်သးအိၣ်အဒိၣ်အယိာ်လၢ သုပူၤ, ဘၣ်ဆၣ်အဝဲသ့ၣ်အတၢ်တိာ်သူၣ်ပာ်သးတဖၣ်တမ့ၢ် တၢ်လၢအဂ့ၤဘၣ်. တၢ်လၢအဝဲသ့ၣ်သးအိၣ်န့ၣ်, မ့ၢ်ဒၣ်အကမၤလီၤဖးသုဒီးယၤဒ်သိးသုကအိၣ်ဒီးတၢ်သးအိၣ်လၢ အဝဲသ့ၣ်အပူၤ, ဒ်အဝဲသ့ၣ်အိၣ်ဒီးတၢ်သးအိၣ်လၢသုပူၤအသိး န့ၣ်လီၤ.

ကလၤတံ 5:7

သုမၤတ့ၢ်တၢ်ဂ့ၤမးလီၤ. မ့ၢ်မတၤတဂၤထိၣ်ဂဲၤသုဒ်သိး သုကဆိကတီၢ်ကွံာ်သုတၢ်စူၢ်တၢ်မ့ၢ်တၢ်တီန့ၣ်လဲၣ်. အဝဲဒၣ်ကွဲန့ၢ်လွဲန့ၢ်သုလၢကျဲဒ်လဲၣ်.