ကလၤတံ 4:15 - Sgaw Karen Common Bible

¹⁵ သုသူၣ်ခုသးခုတ့ၢ်ဒိၣ်မးလီၤ. အခဲအံၤတၢ်မနုၤမၤအသး န့ၣ်လဲၣ်. ယကစၢ်ဒၣ်ယဲယစံးသ့လၢသုအူခွဲးထီၣ်သုမဲာ်ချံ တဖၣ်မ့ၢ်သ့ဒီးသုကအူခွဲးထီၣ်ဒီးဟ့ၣ်လီၤယၤန့ၣ်လီၤ.

ကလၤတံ 4:15 Iomraidhean Croise

လံာ်လူၤကၣ် 8:13

တၢ်ချံလၢအလီၤလၢလၢၢ်ခိၣ်ပာ်ဖျါထီၣ်ပှၤတဖၣ်လၢအနၢ်ဟူ ဘၣ်တၢ်အကလုၢ်ကထါဒီးတူၢ်လိာ်ဝဲလၢတၢ်သးခုအပူၤလီၤ. ဘၣ်ဆၣ်မၤအသးဒ်တၢ်ချံလၢအဂံၢ်တအိၣ်သူၣ်လီၤအသး ယိာ်ယိာ်ဘၣ်န့ၣ်လီၤ. အဝဲသ့ၣ်စူၢ်တၢ်နာ်တၢ်ထဲတစိၢ်ဖိဧိၤ, ဒီးဖဲတၢ်မၤကွၢ်အဆၢကတီၢ်ဟဲန့ၣ်, အဝဲသ့ၣ်လီၤဃံၤကွံာ်ဝဲလီၤ.

ရိမ့ၤ 10:2

ယအုၣ်ယသးလၢအဝဲသ့ၣ်အဂီၢ်လၢအဝဲသ့ၣ်အဲၣ်ကစၢ်ယွၤ နီၢ်နီၢ်လီၤ. ဘၣ်ဆၣ်ဒီးအတၢ်အဲၣ်ကစၢ်ယွၤန့ၣ်တသန့ၤထီၣ် အသးလၢတၢ်သ့ၣ်ညါအမ့ၢ်အတီအလိၤဘၣ်.

ရိမ့ၤ 15:13

မ်ကစၢ်ယွၤ, လၢအမ့ၢ်တၢ်မုၢ်လၢ်အဂံၢ်ထံး, မၤပှဲၤသုဒီးကယဲၢ်တၢ်သးခုဒီးတၢ်ဃူတၢ်ဖိးခီဖျိသုတၢ် စူၢ်တၢ်နာ်အီၤ, ဒ်သိးသုတၢ်မုၢ်လၢ်ကဒိၣ်ထီၣ်အါထီၣ်ခီဖျိသး စီဆှံအစိကမီၤန့ၣ်တက့ၢ်.

ရိမ့ၤ 5:2

အဝဲဆှၢပှၤ, ခီဖျိတၢ်နာ်, ဆူတၢ်လဲၤခီဖျိကလၢၢ်ဘၣ်ကစၢ် ယွၤအဘျုးအဖှိၣ်လၢပအိၣ်မူလၢအပူၤခဲအံၤန့ၣ်လီၤ. သတးဒီး ပသးခုဒီးပာ်ကဖၢလၢပသးလၢပအိၣ်ဒီးတၢ်မုၢ်လၢ်လၢ ပကဒိးန့ၢ်ဃုာ်ကစၢ်ယွၤအလၤကပီၤအဃိန့ၣ်လီၤ.

ရိမ့ၤ 9:3

လၢအဝဲသ့ၣ်အဃိ, ယဆၢယဲဒၣ်လၢယကအိၣ်လၢကစၢ်ယွၤ အတၢ်ဆိၣ်အၢအဖီလာ်ဒီးအိၣ်လီၤဖးဒီးခရံာ်န့ၣ်လီၤ.

၂ ကရံၣ်သူး 8:3

ယစံးဘၣ်သုနီၢ်ကတုၤသ့ဝဲ, လၢအဝဲသ့ၣ်ဟ့ၣ်တၢ်ဖဲ အဟ့ၣ်ဝဲသ့, ဒီးအါန့ၢ်အဟ့ၣ်ဝဲသ့တက့ၢ်လီၤ. လၢအတၢ်သး ဆူၣ်ဒၣ်ဝဲအပူၤန့ၣ်

ကလၤတံ 3:14

ခရံာ်မၤတၢ်အံၤန့ၣ်, မ့ၢ်ဒ်သိးတၢ်ဆိၣ်ဂ့ၤလၢယွၤစံးပာ်လၢအကဟ့ၣ်လီၤ စီၤအၤဘြၤဟၣ်န့ၣ်ကဘၣ်တၢ်ဟ့ၣ်စ့ၢ်ကီးအီၤဆူပှၤကလုာ်ဂၤ တဖၣ်ခီဖျိယ့ၣ်ၡူးခရံာ်, ဒ်သိးခီဖျိတၢ်စူၢ်တၢ်နာ်န့ၣ်ပကဒိးန့ၢ်ဘၣ်ယွၤအသးလၢ ကစၢ်ယွၤအၢၣ်လီၤလၢအကဟ့ၣ်ပှၤအဂီၢ်န့ၣ်လီၤ.

ကလၤတံ 4:14

ဘၣ်ဆၣ်ဒီး, ယနီၢ်ခိအတၢ်ဆူးအတၢ်ဆါမ့ၢ်ကဲထီၣ်တၢ်ကီ တၢ်ခဲဖးဒိၣ်လၢသုဂီၢ်သနာ်က့သုတကွၢ်တလီၤယၤမ့ၢ်ဂ့ၤညိ ကွံာ်ယၤမ့ၢ်ဂ့ၤန့ၣ်ဘၣ်. မ့မ့ၢ်သုတူၢ်လိာ်ယၤဒ်သုကတူၢ်လိာ်ကလူးလၢမူခိၣ် အသိး, ဒီးသုတူၢ်လိာ်ယၤဒ်သုကတူၢ်လိာ်ယ့ၣ်ၡူးခရံာ် အသိးလီၤ.

ကလၤတံ 4:16

ယစံးဘၣ်တဲဘၣ်သုတၢ်မ့ၢ်တၢ်တီအဃိအခဲအံၤ, မ့ၢ်ယကဲထီၣ်သုဒုၣ်သုဒါလံဧါ.

ကလၤတံ 4:19

ယဖိဆံးသးဘိသ့ၣ်ဧၢ, ဒ်မိၢ်တဂၤလၢအဆံးစၢ်ထီၣ်အဖိအသိး န့ၣ်, ယတူၢ်ဘၣ်တၢ်ဆါတမံၤဃီလၢသုဂီၢ်တုၤခရံာ်အက့ၢ်အဂီၤ ကဲထီၣ်လိၣ်ထီၣ်လၢသုပူၤန့ၣ်လီၤ.

ကလၤတံ 5:22

မ့မ့ၢ်ယွၤအသးန့ၣ်, ဒုးအိၣ်ထီၣ်တၢ်အဲၣ်တၢ်ကွံ, တၢ်သူၣ်ခုသးခု, တၢ်ဃူတၢ်ဖိး, တၢ်ဝံသးစူၤ, တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်သးတီ,

ကလၤတံ 6:4

ပှၤတဂၤဘၣ်တဂၤကြၢးစံၣ်ညီၣ်အကစၢ်ဒၣ်ဝဲအသကဲာ်ပဝးဒီး အတၢ်မၤန့ၣ်လီၤ. တၢ်လၢအမၤတ့ၢ်ဝဲမ့မ့ၢ်တၢ်အဂ့ၤဒီးအဝဲပာ်ကဖၢလၢအသး လၢတၢ်လၢအမၤတ့ၢ်ဝဲအဃိသ့, ဒီးအလီၢ်တအိၣ်လၢအကထိၣ်သတြီၤဝဲဒီးတၢ်လၢပှၤဂၤတဖၣ် မၤတ့ၢ်ဝဲန့ၣ်ဘၣ်.

ကလီးစဲ 4:13

ယအုၣ်ယသးလၢယနီၢ်ကစၢ်ဒၣ်ယဲသ့ဝဲလၢအဝဲမ့ၢ်ပှၤလၢ အကျဲးစၢးတၢ်ဒိၣ်မးလၢသုဂီၢ်, ဒီးလၢပှၤအိၣ်လၢဝ့ၢ်လီၤဒံၤကံဒီးဝ့ၢ်ဟံၣ်ရိးပလံတဖၣ် အဂီၢ်န့ၣ်လီၤ.

၁ သ့းစၤလနံ 2:8

မ့ၢ်လၢပအဲၣ်ဘၣ်သုအဃိပအိၣ်ကတဲာ်ကတီၤပသးတမ့ၢ်ထဲလၢ ပကဒုးသ့ၣ်ညါသုလၢတၢ်သးခုကစီၣ်အဂ့ၢ်န့ၣ်ဘၣ်. မ့မ့ၢ်ပအိၣ်ကတဲာ်ကတီၤဒၣ်လဲာ်ပသးလၢပကဟ့ၣ်လီၤ ပသးသမူလၢသုဂီၢ်လီၤ. သုလုၢ်ဒိၣ်ပှ့ၤဒိၣ်ဒိၣ်မးလၢပဂီၢ်လီၤ.

၁ သ့းစၤလနံ 5:13

အဝဲသ့ၣ်တဖၣ်န့ၣ်, ယူးယီၣ်ပာ်ဒိၣ်ဒီးအဲၣ်အီၤကွံအီၤဒိၣ်ဒိၣ် ကလဲာ်, မ့ၢ်လၢတၢ်ခဲလၢာ်လၢအမၤဝဲအဃိန့ၣ်တက့ၢ်. အိၣ်ဃူအိၣ်ဖိးလိာ်သုသးသကိးသကိးတက့ၢ်.