ကလၤတံ 4:1 - Sgaw Karen Common Bible

¹ ခဲကနံၣ်အံၤ, တၢ်လၢယကစံးကတိၤအါထီၣ်မ့ၢ်ဒ်အံၤလီၤ. ဖိခွါတဂၤလၢအကဒိးန့ၢ်ဘၣ်အပၢ်အတၢ်စုလီၢ်ခီၣ်ခိၣ်န့ၣ်, ဖဲအသးစၢ်ဒံးအခါတၢ်ပာ်အီၤဒ်ကုၢ်တဂၤအသိးလီၤ. အနီၢ်နီၢ်တခီတၢ်စုလီၢ်ခီၣ်ခိၣ်ခဲလၢာ်မ့ၢ်အဝဲဒၣ်အတၢ်လီၤ.

ကလၤတံ 4:1 Iomraidhean Croise

လံာ်စီၤပၤခံဘ့ၣ်တဘ့ၣ် 11:12

ဝံၤဒီးစီၤယဟိယဒါဆှၢထီၣ်စီၤယိၤအၣ်ဆူတၢ်ချၢ, ဒီးပာ်ထီၣ်ခိၣ်သလုးလၢအဝဲအခိၣ်လိၤ, ဒီးဟ့ၣ်လီၤအီၤစီၤပၤအတၢ်ပၢအတၢ်သိၣ်တၢ်သီတဖၣ်အလံာ်တဘ့ၣ် န့ၣ်လီၤ. ဝံၤဒီးစီၤယိၤအၣ်ဘၣ်တၢ်ဖှူအီၤဒီးဘၣ်တၢ်ဘိးဘၣ်သ့ၣ်ညါအီၤ ဒ်စီၤပၤအသိးန့ၣ်လီၤ. ပှၤဂီၢ်မုၢ်ဒဲအစုတဖၣ်ဒီးကိးထီၣ်ဝဲ, “မ်စီၤပၤမူဝဲလီၤစိၤလီၤထီတက့ၢ်.”

လံာ်စီၤပၤခံဘ့ၣ်တဘ့ၣ် 12:2

အဝဲမၤတၢ်ဘၣ်ယွၤအသးလၢအမုၢ်နံၤမုၢ်သီတဖၣ်ဖဲပှၤလုၢ်တၢ် အခိၣ်စီၤယဟိယဒါသိၣ်လိနဲၣ်ယူၤအီၤအပူၤန့ၣ်လီၤ.

ကလၤတံ 3:29

သုမ့ၢ်ဘၣ်ဃးဒီးခရံာ်ဒီး, သုမ့ၢ်စီၤအၤဘြၤဟၣ်အစၢၤအသွဲၣ်တဖၣ်ဒီးသုကဒိး န့ၢ်ဘၣ်တၢ်လၢကစၢ်ယွၤအၢၣ်လီၤတ့ၢ်န့ၣ်လီၤ.

ကလၤတံ 4:2

ဖဲအဝဲဒၣ်အသးစၢ်ဒံးအဆၢကတီၢ်န့ၣ်, ပှၤအိၣ်ဝဲဒၣ်လၢကကွၢ်ထွဲပၢဆှၢအီၤဒီးဟံးန့ၢ်မူဒါဘၣ်ဃး အတၢ်စုလီၢ်ခီၣ်ခိၣ်တုၤမုၢ်တနံၤလၢအပၢ်စံၣ်ညီၣ်ပာ်လီၤ တ့ၢ်ဃာ်ဝဲန့ၣ်လီၤ.

ကလၤတံ 4:23

အဝဲဒၣ်အဖိခွါလၢကုၢ်ပိာ်မုၣ်တဂၤန့ၣ်အိၣ်ဖျဲၣ်ထီၣ်ဒ်တၢ်ဖံး တၢ်ညၣ်အကျဲအသိးလီၤ. မ့မ့ၢ်အဖိခွါလၢသဘျ့မုၣ်တဂၤန့ၣ်အိၣ်ဖျဲၣ်ထီၣ်ဒ် ကစၢ်ယွၤအၢၣ်လီၤတ့ၢ်အသိးန့ၣ်လီၤ.

ကလၤတံ 4:29

ဖဲအဆၢကတီၢ်အဝဲန့ၣ်, ဖိခွါလၢအဘၣ်တၢ်ဆံးစၢ်ထီၣ်အီၤလၢ တၢ်ဖံးတၢ်ညၣ်အကျဲတဂၤန့ၣ်, မၤအၢမၤနးဖိခွါလၢအအိၣ်ဖျဲၣ် ထီၣ်လၢကစၢ်ယွၤအသးစီဆှံတဂၤန့ၣ်လီၤ. ဒီးအခဲအံၤ, တၢ်မၤအသးဒ်န့ၣ်အသိးစ့ၢ်ကီးလီၤ.

၁ ယိၤဟၣ် 5:10

လၢတၢ်န့ၣ်အဃိ, ပှၤလၢအစူၢ်က့ၤနာ်က့ၤကစၢ်ယွၤအဖိခွါ န့ၣ်အိၣ်ဒီးတၢ်အုၣ်အသးအံၤလၢအသးကံၢ်ပူၤ, ဘၣ်ဆၣ်ဒီးပှၤလၢအတစူၢ်တနာ်ကစၢ်ယွၤန့ၣ်ဒုးကဲထီၣ် ယွၤလၢပှၤလီတၢ်, မ့ၢ်လၢအဝဲတနာ်ယွၤအတၢ်အုၣ်အသးဘၣ်ဃးဒီးအဖိခွါ အဂ့ၢ်အကျိၤဘၣ်အဃိလီၤ.