ကလၤတံ 3:8 - Sgaw Karen Common Bible

⁸ တၢ်ကွဲးအသးပာ်ဖျါထီၣ်ဆိပာ်စၢၤလၢကစၢ်ယွၤကမၤလိၤ မၤဘၣ်က့ၤပှၤကလုာ်ဂၤတဖၣ်ဒီးအကစၢ်ဒၣ်ဝဲခီဖျိတၢ်စူၢ် တၢ်နာ်န့ၣ်လီၤ. လၢတၢ်န့ၣ်အဃိ, တၢ်ကွဲးအသးဘိးဘၣ်သ့ၣ်ညါတၢ်သးခုကစီၣ်ဆူစီၤအၤဘြၤဟၣ် အအိၣ်ဒီးစံးဝဲ, “ခီဖျိနၤန့ၣ်, ကစၢ်ယွၤကဆိၣ်ဂ့ၤပှၤဟီၣ်ခိၣ်ဖိ ခဲလၢာ်လီၤ” (ကဲထီၣ် ၁၂:၃).

ကလၤတံ 3:8 Iomraidhean Croise

လံာ်တၢ်ကဲထီၣ်အခီၣ်ထံး 12:3

ဒီးပှၤလၢအဆိၣ်ဂ့ၤနၤန့ၣ်ယကဆိၣ်ဂ့ၤအီၤဒီးပှၤလၢအဆိၣ်အၢနၤ န့ၣ်ယကဆိၣ်အၢအီၤလီၤ. ဒီးခီဖျိနၤန့ၣ်ယကဆိၣ်ဂ့ၤကယဲၢ်ပှၤကလုာ်တဖၣ်ခဲလၢာ်န့ၣ်လီၤ.”

လံာ်တၢ်ကဲထီၣ်အခီၣ်ထံး 18:18

အစၢၤအသွဲၣ်တဖၣ်ကကဲထီၣ်ပှၤကလုာ်ဖးဒိၣ်ဒီးအဂံၢ်ဆူၣ်ဘါဆူၣ်, ဒီးခီဖျိအီၤန့ၣ်ယကဆိၣ်ဂ့ၤပှၤကလုာ်ခဲလၢာ်လီၤ.

လံာ်တၢ်ကဲထီၣ်အခီၣ်ထံး 22:18

ကယဲၢ်ပှၤကလုာ်တဖၣ်ခဲလၢာ်ကဃ့ယၤလၢယကဆိၣ်ဂ့ၤအဝဲသ့ၣ်ဒ်ယဆိၣ် ဂ့ၤတ့ၢ်နစၢၤနသွဲၣ်တဖၣ်အသိးလီၤ. တၢ်ခဲလၢာ်အံၤမ့ၢ်လၢနစူၢ်တ့ၢ်ယကလုၢ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 26:4

ယကဟ့ၣ်နၤနစၢၤနသွဲၣ်တဖၣ်အါဝဲဒ်ဆၣ်ဧိၤဖီဧိၤလၢမူခိၣ်အသိး ဒီးယကဟ့ၣ်အဝဲသ့ၣ်လၢတၢ်လီၢ်ခဲလၢာ်အံၤန့ၣ်လီၤ. ကယဲၢ်ပှၤကလုာ်ခဲလၢာ်ကဃ့ယၤလၢယကဆိၣ်ဂ့ၤအဝဲသ့ၣ်ဒ်ယဆိၣ်ဂ့ၤ တ့ၢ်နစၢၤနသွဲၣ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 28:14

အဝဲသ့ၣ်အနီၣ်ဂံၢ်ကအါဝဲဂီၢ်ဝဲဒ်ဟီၣ်ခိၣ်အကမူၣ်ကမှံၤအဖီးတဖၣ် လၢဟီၣ်ခိၣ်လိၤအသိးန့ၣ်လီၤ. ဒီးကမၤလဲၢ်ထီၣ်အကီၢ်ဆူတၢ်လီၢ်ကိးကပၤဒဲးဒီးယကဆိၣ်ဂ့ၤပှၤ ကလုာ်ခဲလၢာ်ခီဖျိနၤဒီးနစၢၤနသွဲၣ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

စံးထီၣ်ပတြၢၤ 72:7

လၢအမုၢ်နံၤတဖၣ်အပူၤန့ၣ်, ပှၤတီပှၤလိၤကဘီၣ်ထီၣ်ညီထီၣ်, ဒီးတၢ်ဃူတၢ်ဖိးကအိၣ်တုၤ လါတအိၣ်လၢၤဘၣ်န့ၣ်လီၤ.

လံာ်ယၡါယၤ 6:13

လၢပှၤအဂၤတဆံအကျါပှၤမ့ၢ်အိၣ်လီၤတဲာ်တ့ၢ်ထဲတဂၤဧိၤ လၢထံကီၢ်အံၤအပူၤဒၣ်လဲာ်, အဝဲစ့ၢ်ကီးကဘၣ်တၢ်မၤဟးဂီၤ ကွံာ်အီၤလီၤ. အဝဲကလီၤဂာ်ဒ်သ့ထိးဖၣ်အခိၣ် ဆၢၣ်လၢအအိၣ်လီၤတဲာ်ဖဲတၢ်ကူၢ်လီၤအီၤဝံၤအလီၢ်ခံလီၤ.” (သ့ၣ်ခိၣ်ဆၢၣ်မ့ၢ်တၢ်ဒိလီၤတၢ်စးထီၣ်အသီတမံၤလၢယွၤ အပှၤဂီၢ်မုၢ်အဂီၢ်န့ၣ်လီၤ.)

လံာ်ယၡါယၤ 65:9

ယကဆိၣ်ဂ့ၤပှၤအံၣ်စရ့လးဖိတဖၣ်လၢအဘၣ်ဃးဒီးယူဒၤ အဒူၣ်, ဒီးအဝဲသ့ၣ်အစၢၤအသွဲၣ်တဖၣ်ကန့ၢ်သါဘၣ် ယကီၢ်လၢအပှဲၤဒီးကစၢၢ်ကလိတဖၣ်လီၤ. ယပှၤဂီၢ်မုၢ်လၢယဃုထၢအီၤလၢအမၤယတၢ်ခ့တၢ်ပှၤ အတၢ်မၤတဖၣ်ကအိၣ်ကဆိးဖဲန့ၣ်န့ၣ်လီၤ.

လံာ်ယံးရမံယၤ 4:2

ကမ့ၢ်တၢ်အတီအဘၣ်လၢသုဂီၢ်လၢသုကဆိၣ်တၢ်လၢယမံၤအပူၤ န့ၣ်လီၤ. အန့ၣ်ဒီး, ပှၤကလုာ်တဖၣ်ခဲလၢာ်ကမၢယဆိၣ်ဂ့ၤ အဝဲသ့ၣ်ဒီးအဝဲသ့ၣ်ကစံးထီၣ်ပတြၢၤယၤလီၤ.”

လံာ်ယိၤဟၣ် 19:37

ဒီးတၢ်ကွဲးအသးအဂၤတတီၤစံးဝဲ, “ပှၤကကွၢ်ပှၤလၢအဝဲသ့ၣ်ဆဲးထူၣ်ဖျိဝဲတဂၤန့ၣ်လီၤ” (ကၤ ၁၂:၁၀).

လံာ်ယိၤဟၣ် 7:38

ဒ်တၢ်ကွဲးအသးစံးဝဲအသိး, “ပှၤတဂၤလၢ်လၢ်လၢအစူၢ်က့ၤနာ် က့ၤယၤန့ၣ်, ထံမူကျိတဖၣ်ကယွၤလီၤလၢအသးပူၤလီၤ.”

လံာ်ယိၤဟၣ် 7:42

တၢ်ကွဲးအသးစံးဝဲဒၣ်လၢခရံာ်ကမ့ၢ်ပှၤဟဲလီၤစၢၤလၢ စီၤပၤဒၤဝံးဒီးကအိၣ်ဖျဲၣ်ထီၣ်လၢဝ့ၢ်ဘ့ၤသလ့ဃ့ၣ်, ဝ့ၢ်လၢစီၤပၤဒၤဝံးအိၣ်ဝဲန့ၣ်လီၤ.”

မၤတၢ် 2:35

တုၤယပာ်လီၤနဒုၣ်နဒါတဖၣ်ဒ်ခီၣ်ယီၢ်လီၢ်အသိးလၢနခီၣ်အဖီ လာ်တစုန့ၣ်တက့ၢ်.’

ရိမ့ၤ 9:17

အဂ့ၢ်ဒ်လဲၣ်န့ၣ်, တၢ်ကွဲးအသးစီဆှံစံးဘၣ်ဖၤရိၤ, “ယဒုးကဲထီၣ်နၤစီၤပၤလၢယကသူနၤလၢယကဒုးနဲၣ် ယစိကမီၤအဂီၢ်, ဒီးလၢယမံၤကဘၣ်တၢ်သ့ၣ်ညါအီၤလၢ ဟီၣ်ခိၣ်ဒီဘ့ၣ်အဂီၢ်န့ၣ်လီၤ.”

ရိမ့ၤ 9:30

မ့မ့ၢ်ဒ်န့ၣ်ဒီးပကစံးဒ်လဲၣ်. ပှၤကလုာ်ဂၤတဖၣ်လၢအတကျဲးစၢးမၤလိၤမၤဘၣ်အသးဒီး ကစၢ်ယွၤန့ၣ်, ဘၣ်တၢ်ပာ်တီပာ်လိၤအီၤခီဖျိတၢ်နာ်န့ၣ်လီၤ.

ကလၤတံ 3:16

အခဲအံၤ, ကစၢ်ယွၤမၤတၢ်အၢၣ်လီၤအီလီၤတဖၣ်ဒီးစီၤအၤဘြၤဟၣ် ဒီးအစၢၤအသွဲၣ်အကျါတဂၤလီၤ. တၢ်ကွဲးအသးစီဆှံတသူတၢ် ကတိၤ “အစၢၤအသွဲၣ်တဖၣ်” လၢအခီပညီမ့ၢ်ဝဲပှၤအါဒံအါဂၤဘၣ်, မ့မ့ၢ်သူဝဲတၢ်ကတိၤ “အစၢၤအသွဲၣ်” အခီပညီမ့ၢ်ဝဲထဲတဂၤ ဧိၤ, လၢအမ့ၢ်ဝဲဒၣ်ခရံာ်န့ၣ်လီၤ(ကဲထီၣ် ၂၂:၁၈).

ကလၤတံ 3:22

ဘၣ်ဆၣ်ဒီး, တၢ်ကွဲးအသးစီဆှံစံးဝဲဒၣ်လၢဟီၣ်ခိၣ်ဒီဘ့ၣ် အိၣ်လၢတၢ်ဒဲးဘးအစိကမီၤအဖီလာ်လီၤ. လၢတၢ်န့ၣ်အဃိ တၢ်ဟ့ၣ်လၢအဘၣ်တၢ်အၢၣ်လီၤအီလီၤအီၤလၢတၢ်စူၢ်တၢ်နာ် ယ့ၣ်ၡူးခရံာ်အပူၤန့ၣ်, ဘၣ်တၢ်ဟ့ၣ်လီၤအီၤလၢပှၤတဖၣ်လၢ အနာ်တၢ်န့ၣ်လီၤ.

ကလၤတံ 4:30

ဘၣ်ဆၣ်ဒီးတၢ်ကွဲးအသးစံးဒ်လဲၣ်. စံးဝဲ, “ဟီထီၣ်ကွံာ်ကုၢ်ပိာ်မုၣ်ဒီးအဖိခွါတက့ၢ်. အဂ့ၢ်ဒ်အံၤ, ကုၢ်ပိာ်မုၣ်အဖိခွါတဒိးန့ၢ်ဃုာ်ပၢ်အတၢ်စုလီၢ်ခီၣ်ခိၣ်ဒီး သဘျ့မုၣ်အဖိခွါန့ၣ်ဘၣ်.”

ဧ့ၤဘြံၤ 4:2

အဂ့ၢ်ဒ်အံၤပဒိးန့ၢ်လံတၢ်သးခုကစီၣ်ဒ်အဝဲသ့ၣ်အသိးလီၤ. ဘၣ်ဆၣ်ဒီးတၢ်အကစီၣ်လၢအဝဲသ့ၣ်နၢ်ဟူဝဲန့ၣ်တကဲဘျုးလၢ အဝဲသ့ၣ်အဂီၢ်ဘၣ်. အဂ့ၢ်မ့ၢ်လၢအဝဲသ့ၣ်တတူၢ်လိာ်ဘၣ်ဝဲလၢတၢ်နာ်အပူၤ အဃိန့ၣ်လီၤ.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”