ကလၤတံ 3:5 - Sgaw Karen Common Bible

⁵ ကစၢ်ယွၤဟ့ၣ်သုအသးစီဆှံဒီးမၤတၢ်လီၤလးလၢသုသိးသုကျါ န့ၣ်, မ့ၢ်လၢသုမၤထွဲတၢ်သိၣ်တၢ်သီအခံအဃိဧါ. မ့တမ့ၢ်ဘၣ်ဒီးမ့ၢ်လၢသုနၢ်ဟူဘၣ်တၢ်သးခုကစီၣ်ဒီးသုနာ်အီၤ အဃိဧါ.

ကလၤတံ 3:5 Iomraidhean Croise

မၤတၢ် 14:3

ပှၤတၢ်မၢဖိခံဂၤအံၤအိၣ်ဖဲန့ၣ်ဖးယံာ်လီၤ. အဝဲသ့ၣ်စံးကတိၤတၢ်ဒူဒူဘၣ်ဃးဒီးကစၢ်အဂ့ၢ်ဒီးအတၢ် ကစီၣ်ဘၣ်ဃးဒီးကစၢ်အဘျုးအဖှိၣ်အံၤမ့ၢ်တၢ်မ့ၢ်တၢ်တီအဂ့ၢ်န့ၣ်, ကစၢ်အုၣ်အသးခီဖျိအဟ့ၣ်တၢ်စိတၢ်ကမီၤလၢတၢ်မၤတၢ်လီၤလးဒီး တၢ်ပနီၣ်လီၤလးတဖၣ်န့ၣ်လီၤ.

ရိမ့ၤ 10:17

သတးဒီး, တၢ်စူၢ်တၢ်နာ်အိၣ်ထီၣ်ဝဲလၢတၢ်နၢ်ဟူဘၣ်တၢ် ကစီၣ်အဃိ, ဒီးတၢ်ကစီၣ်အံၤဟဲခီဖျိတၢ်စံၣ်တဲၤတဲလီၤခရံာ် န့ၣ်လီၤ.

ရိမ့ၤ 15:19

ခီဖျိတၢ်ပနီၣ်လီၤလးတဖၣ်ဒီးတၢ်လီၤလးတဖၣ်, ဒီးခီဖျိယွၤအသးစီဆှံအစိအကမီၤန့ၣ်လီၤ. ဒီးလၢတၢ်န့ၣ်အဃိ, လၢယတၢ်လဲၤကျဲဒီဘိညါစးထီၣ်လၢဝ့ၢ်ယရူၤၡလ့ၣ်ဒီးတုၤလၢ ဝ့ၢ်အံးလူၤရံကူးန့ၣ်, ယစံၣ်တဲၤတဲလီၤတၢ်သးခုကစီၣ်ဘၣ်ဃးဒီးခရံာ်လၢလၢပှဲၤပှဲၤန့ၣ်လီၤ.

1 ကရံၣ်သူး 12:10

သးစီဆှံဟ့ၣ်ပှၤတဂၤတၢ်စိတၢ်ကမီၤလၢအကမၤတၢ်လီၤလးတဖၣ်, ပှၤအဂၤတဂၤ, တၢ်ဟ့ၣ်ဘၣ်ဃးတၢ်ကတိၤတၢ်လၢဝံအကျိာ်, ဒီးပှၤတဂၤဒၣ်တၢ်သ့တၢ်ဘၣ်လၢအကပဲာ်ဖးနီၤဖးတၢ်ဟ့ၣ်တဖၣ်လၢ အဟဲလၢသးစီဆှံအအိၣ်ဒီးတၢ်ဟ့ၣ်တဖၣ်လၢအတဟဲလၢသးစီဆှံ အအိၣ်န့ၣ်အတၢ်လီၤဆီလီၤ. ဆူပှၤတဂၤအအိၣ်န့ၣ်, အဝဲဟ့ၣ်တၢ်သ့တၢ်ဘၣ်လၢအကတဲဖျါထီၣ်တၢ်လၢအဘၣ်တၢ်စံး ကတိၤလၢကျိာ်လၢပှၤတနၢ်ပၢၢ်အီၤတဖၣ်, ဒီးဆူပှၤတဂၤဒၣ် အဝဲဟ့ၣ်တၢ်သ့တၢ်ဘၣ်လၢအကတဲဖျါထီၣ်တၢ်လၢအဘၣ် တၢ်စံးကတိၤလၢကျိာ်လၢပှၤတနၢ်ပၢၢ်ဘၣ်တဖၣ်အခီပညီန့ၣ်လီၤ.

၂ ကရံၣ်သူး 10:4

တၢ်စုကဝဲၤလၢပသူအီၤလၢပတၢ်ဒုးအပူၤတဖၣ်န့ၣ်, တမ့ၢ်ဟီၣ်ခိၣ်အတၢ်စုကဝဲၤတဖၣ်ဘၣ်. မ့မ့ၢ်, မ့ၢ်ဝဲကစၢ်ယွၤအတၢ်စုကဝဲၤအသဟီၣ်ဆူၣ်တဖၣ်, လၢပသူအီၤဒ်သိးပကမၤလီၤပှီၢ်ကွံာ်တိာ်ဧိၤတာ်ဧိၤအဒိၣ် အသွါတဖၣ်အဂီၢ်န့ၣ်လီၤ. ပမၤဟးဂီၤကွံာ်တၢ်ဂ့ၢ်လိာ်ဘှီလိာ်အတမ့ၢ်တတီတဖၣ်လီၤ.

၂ ကရံၣ်သူး 12:12

တၢ်လီၤလးဒီးတၢ်လီၤတိၢ်လီၤဆီအါမံၤလၢအအုၣ်အသးဘၣ်ဃးဒီး ယမ့ၢ်ပှၤတၢ်မၢဖိတဂၤန့ၣ်, ဘၣ်တၢ်မၤအီၤလၢတၢ်သူၣ်စူၤသးစူၤ လၢာ်လၢာ်ဆ့ဆ့အပူၤလၢသုသိးသုကျါလီၤ.

၂ ကရံၣ်သူး 13:3

သုကဒိးန့ၢ်ဘၣ်တၢ်အုၣ်အသးလၢသုသးလီသုဝဲခဲလၢာ်လၢ ခရံာ်ကတိၤတၢ်ခီဖျိယၤအဂ့ၢ်န့ၣ်လီၤ. ဖဲအဝဲဒၣ်ထံၣ်လိာ်ဖံးမၤတၢ်ဘၣ်ဃးဒီးသုန့ၣ်, အဝဲအဂံၢ်အဘါ တစၢ်ဘၣ်. အခိၣ်တလိာ်အဝဲပာ်ဖျါထီၣ်အတၢ်စိတၢ်ကမီၤလၢ သုသိးသုကျါလီၤ.

၂ ကရံၣ်သူး 3:8

တၢ်လၤကပီၤလၢအဘၣ်ဃးဒီးယွၤအသးအတၢ်ဖံးတၢ်မၤန့ၣ် ကဒိၣ်န့ၢ်အန့ၣ်တက့ၢ်ဆံးဒိၣ်လဲၣ်.

၂ ကရံၣ်သူး 9:10

ဒီးကစၢ်ယွၤလၢအဟ့ၣ်တၢ်ချံလၢတၢ်ကဖှံလီၤအီၤအဂီၢ်, ဒီးကိၣ်လၢတၢ်ကအီၣ်အီၤအဂီၢ်န့ၣ်, ကဟ့ၣ်စ့ၢ်ကီးသုတၢ်ချံလၢသုလိၣ်ဘၣ်အီၤခဲလၢာ်ဒီးကဒုးမဲ ထီၣ်အီၤဒီးဒုးအိၣ်ထီၣ်အသူအသၣ်အါအါဂီၢ်ဂီၢ်ခီဖျိတၢ်ဟ့ၣ် တၢ်အါအါဂီၢ်ဂီၢ်လၢတၢ်သးအိၣ်အပူၤန့ၣ်လီၤ.

ကလၤတံ 3:2

စံးဘၣ်ယၤထဲတၢ်တမံၤအံၤတက့ၢ်. မ့ၢ်သုဒိးန့ၢ်ဘၣ်ကစၢ်ယွၤအသးခီဖျိတၢ်မၤထွဲတၢ်သိၣ်တၢ်သီ အခံဧါ. မ့တမ့ၢ်ဘၣ်ဒီးခီဖျိတၢ်နၢ်ဟူတၢ်သးခုကစီၣ် ဒီးစူၢ်က့ၤနာ်က့ၤအီၤန့ၣ်ဧါ.

ဖံလံးပံၤ 1:19

အဂ့ၢ်ဒ်အံၤယသ့ၣ်ညါယဲဒၣ်လၢခီဖျိသုတၢ်ထုကဖၣ်ဒီးတၢ်မၤ စၢၤလၢအဟဲလၢယ့ၣ်ၡူးခရံာ်အသးန့ၣ်, ယကဘၣ်တၢ်မၤထူၣ် ဖျဲးယၤန့ၣ်လီၤ.