ကလၤတံ 3:27 - Sgaw Karen Common Bible

²⁷ သုဘၣ်တၢ်ဒိးဘျၢသုလၢထံဆူတၢ်တမံၤဃီဒီးခရံာ်အပူၤ, ဒီးခဲအံၤသုကူထီၣ်သိးထီၣ်ခရံာ်အကစၢ်ဒၣ်ဝဲအတၢ်မူန့ၣ်လီၤ.

ကလၤတံ 3:27 Iomraidhean Croise

လံာ်စီၤယိၤဘး 29:14

ယမၤတၢ်လၢတၢ်စံၣ်ညီၣ်တီဒီးတၢ်တီတၢ်လိၤအပူၤထီဘိန့ၣ်လီၤ.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်လူၤကၣ် 15:22

ဘၣ်ဆၣ်ဒီးပၢ်ကိးဃီၤအတၢ်ခ့တၢ်ပှၤတဖၣ်ဒီးစံး, ‘မၤချ့ချ့တက့ၢ်. ဟဲစိာ်ဆ့ကၤဖးထီအဂ့ၤကတၢၢ်တဘ့ၣ်ဒီးဒုးကၤထီၣ်အီၤတက့ၢ်. ဖျီၣ်လီၤပသံးတဘိလၢအစုမုၢ်လိၤဒီးဒုးဒိးထီၣ်အီၤခီၣ်ဖံးတက့ၢ်.

မၤတၢ် 16:15

အဝဲဒၣ်ဒီးအပှၤဟံၣ်ဖိဃီဖိတဖၣ်ဘၣ်တၢ်ဘျၢအီၤလၢထံလီၤ. အန့ၣ်ဝံၤအလီၢ်ခံအဝဲဒၣ်ကွဲပှၤဒီးစံးဝဲ, “သုမ့ၢ်ပာ်ယၤလၢယမ့ၢ်ပှၤစူၢ်က့ၤနာ်က့ၤကစၢ်နီၢ်နီၢ်န့ၣ်, ဟဲအိၣ်လၢယဟံၣ်တက့ၢ်.” ဒီးအဝဲဒၣ်ကိးပှၤသပှၢ်ပှၢ်တုၤ ပလဲၤတစုလီၤ.

မၤတၢ် 2:38

စီၤပ့းတရူးစံးဘၣ်အဝဲသ့ၣ်, သုဝဲဒၣ်ကိးဂၤဒဲးသုဘၣ်ပီၢ်ယၢ်ဒီးဃၣ်လိၤက့ၤသုသးဆူယွၤ အအိၣ်, ဒီးသုဘၣ်ဒိးဘျၢသုသးလၢထံလၢယ့ၣ်ၡူးခရံာ်အမံၤအပူၤ, ဒ်သိးသုကဒိးန့ၢ်ဘၣ်တၢ်ပျၢ်သုတၢ်ဒဲးဘးဒီးကစၢ်ယွၤအတၢ်ဟ့ၣ် လၢအမ့ၢ်သးစီဆှံန့ၣ်လီၤ.

မၤတၢ် 8:16

အဂ့ၢ်မ့ၢ်လၢသးစီဆှံတဟဲလီၤလၢအဝဲသ့ၣ်နီတဂၤအလိၤဒံးဘၣ်. မ့ၢ်ဒၣ်အဝဲသ့ၣ်ဘၣ်တၢ်ဘျၢအီၤလၢထံလၢကစၢ်ယ့ၣ်ၡူးအမံၤ အပူၤဧိၤလီၤ.

မၤတၢ် 9:18

တကီၢ်ခါဖဲန့ၣ်, တၢ်လၢအလီၤဂာ်ဒီးညၣ်သဒံၣ်တဖၣ်ဟဲလီၤတဲာ်ကွံာ်လၢစီၤ စီလူးအမဲာ်ချံဒီးအဝဲဒၣ်ထံၣ်ထီၣ်က့ၤတၢ်လီၤ. အဝဲဒၣ်ဂဲၤဆၢထၢၣ်ဒီးဘၣ်တၢ်ဘျၢအီၤလၢထံလီၤ.

ရိမ့ၤ 13:14

မ့မ့ၢ်ဟံးထီၣ်ကစၢ်ယ့ၣ်ၡူးခရံာ်အစုကဝဲၤတဖၣ်ဒီးဆိ ကတီၢ်သုတၢ်မၤမံသူၣ်မံသးလီၤက့ၤသုနီၢ်ခိဒီးအတၢ် မိၣ်န့ၢ်သးလီတဖၣ်န့ၣ်တက့ၢ်.

ရိမ့ၤ 3:22

ကစၢ်ယွၤပာ်တီပာ်လိၤပှၤဟီၣ်ခိၣ်ဖိခီဖျိအဝဲသ့ၣ်အတၢ်စူၢ်တၢ်နာ် ယ့ၣ်ၡူးခရံာ်န့ၣ်လီၤ. ကစၢ်ယွၤမၤတၢ်အံၤလၢပှၤလၢအစူၢ်က့ၤနာ်က့ၤခရံာ်ကိးဂၤဒဲးအဂီၢ်, မ့ၢ်လၢတၢ်လီၤဆီတအိၣ်ဘၣ်လၢပှၤယူဒၤဖိဒီးပှၤကလုာ်ဂၤ တဖၣ်အဘၢၣ်စၢၤအဃိလီၤ.

1 ကရံၣ်သူး 10:2

လၢတၢ်အၢၣ်အပူၤ, ဒီးလၢပီၣ်လဲၣ်အပူၤန့ၣ် အဝဲသ့ၣ်ကိးဂၤဒဲးဘၣ်တၢ်ဒိးဘျၢအီၤ ဒ်ပှၤပိာ်စီၤမိၤၡ့အခံတဖၣ်အသိးလီၤ.

1 ကရံၣ်သူး 12:13

လၢကျဲတဘိဃီန့ၣ်, ပဝဲကိးနီၢ်ဂၤဒဲး, ပှၤယူဒၤဖိမ့ၢ်ဂ့ၤ, ပှၤကလုာ်ဂၤမ့ၢ်ဂ့ၤ, ကုၢ်မ့ၢ်ဂ့ၤ, ပှၤသဘျ့မ့ၢ်ဂ့ၤ, ပဘၣ်တၢ်ဒိးဘျၢတ့ၢ်ပှၤဆူနီၢ်ခိတဂၤဃီလၢသးစီဆှံတဂၤဃီ, ဒီးပဝဲကိးဂၤဒဲးပဘၣ်တၢ်ဟ့ၣ်တ့ၢ်ပှၤသးစီဆှံတဂၤဃီ လၢပကအီအီၤအဂီၢ်န့ၣ်လီၤ.

အ့းဖ့းစူး 4:24

ဒီးသုဘၣ်ကူထီၣ်သိးထီၣ်နီၢ်အသီ, လၢအဘၣ်တၢ်တ့လီၤအီၤလီၤဂာ်ဒီးကစၢ်ယွၤ, ဒီးလီၣ်ဖျါထီၣ်အသးလၢတၢ်အိၣ်မူလၢအမ့ၢ်အတီ အပူၤ, လၢအစီဝဲဆှံဝဲဒီးတီဝဲလိၤဝဲန့ၣ်လီၤ.

ကလီးစဲ 3:10

ဒီးသုတူၢ်လိာ်စိာ်မူတ့ၢ်လံတၢ်အိၣ်မူအသီလၢအဘၣ် တၢ်မၤသီထီၣ်အီၤတဘိယူၢ်ဃီလၢကစၢ်ယွၤဒ်အက့ၢ်အဂီၤအသိး ဆူတၢ်သ့ၣ်ညါယွၤအလၢအပှဲၤအပူၤန့ၣ်လီၤ.

၁ ပ့းတရူး 3:21

လၢအမ့ၢ်တၢ်ပနီၣ်လၢအနဲၣ်ပှၤဆူတၢ်ဒိးဘျၢလၢအခဲအံၤ အုၣ်က့ၤခီၣ်က့ၤသုန့ၣ်လီၤ. တမ့ၢ်တၢ်သ့စီကွံာ်နီၢ်ခိအတၢ်ဘၣ်အၢတဖၣ်န့ၣ်ဘၣ်, မ့မ့ၢ်, မ့ၢ်ပသးလၢအသ့ၣ်ညါဒၣ်တၢ်လၢအဂ့ၤအတၢ်အၢၣ်လီၤကစၢ်ယွၤ လၢတၢ်သးမံအပူၤန့ၣ်လီၤ. တၢ်အံၤအုၣ်က့ၤခီၣ်က့ၤသုခီဖျိယ့ၣ်ၡူးခရံာ်အတၢ်ဂဲၤဆၢထၢၣ် သမူထီၣ်က့ၤ,