ကလၤတံ 3:23 - Sgaw Karen Common Bible

²³ ဘၣ်ဆၣ်ဒီးတချုးလၢတၢ်ဆၢကတီၢ်လၢတၢ်စူၢ်တၢ်နာ်အဂီၢ် တုၤဃီၤဒံးဘၣ်န့ၣ်, တၢ်သိၣ်တၢ်သီဒုးဃာ်ပှၤဒ်ပှၤဃိာ်ဖိတဖၣ် အသိး, တုၤတၢ်စူၢ်တၢ်နာ်လၢအကဟဲအံၤဘၣ်တၢ်လီၣ်ဖျါထီၣ်အီၤ တစုန့ၣ်လီၤ.

ကလၤတံ 3:23 Iomraidhean Croise

လံာ်ယိၤဟၣ် 3:34

ပှၤလၢယွၤမၢလီၤအီၤတဂၤန့ၣ်, ကတိၤကစၢ်ယွၤအကလုၢ် ကထါတဖၣ်မ့ၢ်လၢကစၢ်ယွၤဟ့ၣ်အီၤကစၢ်ယွၤအသး လၢလၢပှဲၤပှဲၤအဃိလီၤ.

ရိမ့ၤ 11:32

အဂ့ၢ်ဒ်လဲၣ်န့ၣ်, ကစၢ်ယွၤဒုးကဲထီၣ်ပှၤခဲလၢာ်လၢတၢ်တဒိကနၣ် အကုၢ်အပှၤဒ်သိးကဒုးနဲၣ်တၢ်သးကညီၤလၢအဝဲသ့ၣ်ခဲလၢာ် န့ၣ်လီၤ.

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.

ကလၤတံ 3:19

မ့မ့ၢ်ဒ်န့ၣ်ဒီး, တၢ်သိၣ်တၢ်သီအတၢ်တိာ်ပာ်မ့ၢ်တၢ်မနုၤလဲၣ်. တၢ်သိၣ်တၢ်သီဘၣ်တၢ်ဟ့ၣ်လီၤအီၤဒ်သိးအကဒုးနဲၣ်တၢ်မၤ ကမၣ်တၢ်မ့ၢ်တၢ်မနုၤလဲၣ်န့ၣ်လီၤ. ဒီးတၢ်တိာ်ပာ်အီၤလၢအကအိၣ်ဂၢၢ်ကျၢၤတုၤလၢ စီၤအၤဘြၤဟၣ်အစၢၤအသွဲၣ်လၢတၢ်အၢၣ်လီၤတ့ၢ်အီၤဟဲတုၤ တစုလီၤ. တၢ်သိၣ်တၢ်သီန့ၣ်ဘၣ်တၢ်ဟ့ၣ်လီၤအီၤခီဖျိမူခိၣ် ကလူးတဖၣ်ဒီးပှၤကညီတဂၤကဲပှၤတၢ်ဘၢၣ်စၢၤဖိန့ၣ်လီၤ.

ကလၤတံ 4:21

ပျဲယသံကွၢ်သုဝဲလၢအအဲၣ်ဒိးအိၣ်လၢတၢ်သိၣ်တၢ်သီအဖီလာ် တဖၣ်ဒ်အံၤတက့ၢ်. တၢ်သိၣ်တၢ်သီစံးဝဲဒ်လဲၣ်န့ၣ်မ့ၢ်သုတနၢ် ဟူဘၣ်ဧါ.

ကလၤတံ 5:18

ယွၤအသးမ့ၢ်ဆှၢသုဒီး, သုတအိၣ်လၢတၢ်သိၣ်တၢ်သီအဖီ လာ်ဘၣ်.

ဧ့ၤဘြံၤ 11:13

ပှၤသ့ၣ်တဖၣ်အံၤခဲလၢာ်သံဝဲလၢတၢ်စူၢ်တၢ်နာ်အပူၤလီၤ. အဝဲသ့ၣ်တဒိးန့ၢ်ဘၣ်ကစၢ်ယွၤအတၢ်စံးပာ်နာ်သက့, အဝဲသ့ၣ်ထံၣ်စိဝဲလၢအယံၤဒီးတူၢ်လိာ်မုာ်တ့ၢ်လံဝဲဒီး အၢၣ်လီၤဝဲလၢအဝဲသ့ၣ်မ့ၢ်ပှၤသမှံၤဒီးပှၤတခီဘီမုၢ်ဖိ လၢဟီၣ်ခိၣ်ချၢလီၤ.

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.