ကလၤတံ 3:22 - Sgaw Karen Common Bible

²² ဘၣ်ဆၣ်ဒီး, တၢ်ကွဲးအသးစီဆှံစံးဝဲဒၣ်လၢဟီၣ်ခိၣ်ဒီဘ့ၣ် အိၣ်လၢတၢ်ဒဲးဘးအစိကမီၤအဖီလာ်လီၤ. လၢတၢ်န့ၣ်အဃိ တၢ်ဟ့ၣ်လၢအဘၣ်တၢ်အၢၣ်လီၤအီလီၤအီၤလၢတၢ်စူၢ်တၢ်နာ် ယ့ၣ်ၡူးခရံာ်အပူၤန့ၣ်, ဘၣ်တၢ်ဟ့ၣ်လီၤအီၤလၢပှၤတဖၣ်လၢ အနာ်တၢ်န့ၣ်လီၤ.

ကလၤတံ 3:22 Iomraidhean Croise

စံးထီၣ်ပတြၢၤ 143:2

ပျဲယၤ, နခ့နပှၤ ဘၣ်တၢ်လိာ်ကွီၢ်တဂ့ၤ. လၢနမဲာ်ညါပှၤလၢအတၢ်ကမၣ်တအိၣ်ဘၣ်န့ၣ် တအိၣ်နီတဂၤဘၣ်.

လံာ်မၢ်ကူး 16:16

ပှၤတဂၤလၢ်လၢ်လၢအနာ်တၢ်သးခုအကစီၣ်အံၤဒီးဒိးဘျၢ အသးလၢထံန့ၣ်, ကဘၣ်တၢ်အုၣ်က့ၤခီၣ်က့ၤအီၤ, မ့မ့ၢ်ပှၤတဂၤလၢ်လၢ်လၢအတနာ်ဝဲဘၣ်န့ၣ် ကဘၣ်တၢ်စံၣ်ညီၣ်ဃၣ်အီၤလီၤ.

လံာ်ယိၤဟၣ် 12:46

ယဟဲနုာ်ဆူဟီၣ်ခိၣ်ချၢဒ်တၢ်ကပီၤအသိး, ဒ်သိးပှၤလၢအစူၢ်က့ၤနာ်က့ၤယၤတဂၤလၢ်လၢ်န့ၣ်, အသုတအိၣ်လၢၤလၢတၢ်ခံးကျါတဂ့ၤအဂီၢ်လီၤ.

လံာ်ယိၤဟၣ် 20:31

ဘၣ်ဆၣ်တၢ်သ့ၣ်တဖၣ်အံၤဘၣ်တၢ်ကွဲးဃာ်အီၤ, မ့ၢ်ဒ်သိးသုကနာ်လၢယ့ၣ်ၡူးမ့ၢ်ခရံာ်, ကစၢ်ယွၤအဖိခွါ, ဒီးခီဖျိသုတၢ်နာ်အီၤန့ၣ်, သုကန့ၢ်ဘၣ်တၢ်မူအဂီၢ်န့ၣ်လီၤ.

လံာ်ယိၤဟၣ် 3:36

ပှၤလၢအစူၢ်က့ၤနာ်က့ၤဖိခွါန့ၣ်အိၣ်ဒီးတၢ်မူအထူအယိာ် လီၤ. မ့မ့ၢ်ပှၤလၢတဒိကနၣ်ဒီးတစူၢ်တနာ်ဘၣ်ဖိခွါန့ၣ်, တအိၣ်ဒီးတၢ်မူန့ၣ်ဘၣ်. ဒီးကအိၣ်ဒၣ်လၢကစၢ်ယွၤအတၢ် စံၣ်ညီၣ်အဖီလာ်တထံၣ်ဃီန့ၣ်လီၤ.”

လံာ်ယိၤဟၣ် 5:24

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအနၢ်ဟူယတၢ်စံးတၢ် ကတိၤတဖၣ်ဒီးစူၢ်က့ၤနာ်က့ၤပှၤလၢအမၢလီၤယၤန့ၣ်, အိၣ်ဒီးတၢ်မူအထူအယိာ်လံန့ၣ်လီၤ. အဝဲသ့ၣ်တဘၣ်တၢ်စံၣ်ညီၣ် အီၤဘၣ်. အဂ့ၢ်မ့ၢ်လၢအခီဂာ်တ့ၢ်လံတၢ်သံ ဒီးနုာ်လီၤဆူတၢ်မူအပူၤလံအဃိန့ၣ်လီၤ.

လံာ်ယိၤဟၣ် 6:40

အဂ့ၢ်ဒ်အံၤ, ယပၢ်အတၢ်ဘၣ်အသးမ့ၢ်ဒ်သိးကယဲၢ်ပှၤလၢ အထံၣ်ဖိခွါဒီးစူၢ်က့ၤနာ်က့ၤအီၤတဂၤလၢ်လၢ် ကဒိးန့ၢ်ဘၣ်တၢ်မူအထူအယိာ်န့ၣ်လီၤ. ဒီးယကဒုးဂဲၤဆၢထၢၣ်က့ၤအဝဲသ့ၣ်ဆူတၢ်မူလၢ မုၢ်နံၤခံကတၢၢ်န့ၣ်လီၤ.”

မၤတၢ် 16:31

အဝဲသ့ၣ်စံးဘၣ်အီၤ, “စူၢ်က့ၤနာ်က့ၤကစၢ်ယ့ၣ်ၡူးတက့ၢ်. ဒီးနကဘၣ်တၢ်အုၣ်က့ၤခီၣ်က့ၤနၤ, နဝဲဒီး နပှၤဟံၣ်ဖိဃီဖိ တဖၣ်န့ၣ်လီၤ.”

ရိမ့ၤ 10:9

နမ့ၢ်အၢၣ်လီၤလၢနထးခိၣ်လၢယ့ၣ်ၡူးမ့ၢ်ကစၢ်လီၤ, ဒီးနမ့ၢ်နာ်လၢနသးကံၢ်ပူၤလၢကစၢ်ယွၤဒုးဂဲၤဆၢထၢၣ်က့ၤအီၤ လၢတၢ်သံန့ၣ်ဒီး, နကဘၣ်တၢ်အုၣ်က့ၤခီၣ်က့ၤနၤလီၤ.

ရိမ့ၤ 11:32

အဂ့ၢ်ဒ်လဲၣ်န့ၣ်, ကစၢ်ယွၤဒုးကဲထီၣ်ပှၤခဲလၢာ်လၢတၢ်တဒိကနၣ် အကုၢ်အပှၤဒ်သိးကဒုးနဲၣ်တၢ်သးကညီၤလၢအဝဲသ့ၣ်ခဲလၢာ် န့ၣ်လီၤ.

ရိမ့ၤ 3:22

ကစၢ်ယွၤပာ်တီပာ်လိၤပှၤဟီၣ်ခိၣ်ဖိခီဖျိအဝဲသ့ၣ်အတၢ်စူၢ်တၢ်နာ် ယ့ၣ်ၡူးခရံာ်န့ၣ်လီၤ. ကစၢ်ယွၤမၤတၢ်အံၤလၢပှၤလၢအစူၢ်က့ၤနာ်က့ၤခရံာ်ကိးဂၤဒဲးအဂီၢ်, မ့ၢ်လၢတၢ်လီၤဆီတအိၣ်ဘၣ်လၢပှၤယူဒၤဖိဒီးပှၤကလုာ်ဂၤ တဖၣ်အဘၢၣ်စၢၤအဃိလီၤ.

ရိမ့ၤ 3:23

ပှၤဟီၣ်ခိၣ်ဖိခဲလၢာ်မၤတၢ်ဒဲးဘးဒီးတချုးန့ၢ်ထီၣ်ဘးကစၢ်ယွၤ အလၤကပီၤဘၣ်.

ရိမ့ၤ 5:12

တၢ်ဒဲးဘးဟဲနုာ်ဆူဟီၣ်ခိၣ်ခီဖျိပှၤတဂၤ, ဒီးအဝဲအတၢ်ဒဲးဘးဟဲစိာ်ဃုာ်တၢ်သံန့ၣ်လီၤ. လၢတၢ်န့ၣ်အဃိ, တၢ်သံတုၤအိၣ်ပှၤဟီၣ်ခိၣ်ဖိ ခဲလၢာ်မ့ၢ်လၢပှၤခဲလၢာ်မၤတ့ၢ်တၢ်ဒဲးဘးအဃိ လီၤ.

ကလၤတံ 3:14

ခရံာ်မၤတၢ်အံၤန့ၣ်, မ့ၢ်ဒ်သိးတၢ်ဆိၣ်ဂ့ၤလၢယွၤစံးပာ်လၢအကဟ့ၣ်လီၤ စီၤအၤဘြၤဟၣ်န့ၣ်ကဘၣ်တၢ်ဟ့ၣ်စ့ၢ်ကီးအီၤဆူပှၤကလုာ်ဂၤ တဖၣ်ခီဖျိယ့ၣ်ၡူးခရံာ်, ဒ်သိးခီဖျိတၢ်စူၢ်တၢ်နာ်န့ၣ်ပကဒိးန့ၢ်ဘၣ်ယွၤအသးလၢ ကစၢ်ယွၤအၢၣ်လီၤလၢအကဟ့ၣ်ပှၤအဂီၢ်န့ၣ်လီၤ.

ကလၤတံ 3:17

တၢ်လၢယအဲၣ်ဒိးစံးန့ၣ်မ့ၢ်ဝဲ, ကစၢ်ယွၤမၤတၢ်အၢၣ်လီၤအီလီၤဒီးစီၤအၤဘြၤဟၣ်ဒီး အၢၣ်လီၤအီလီၤလၢကမၤလၢပှဲၤဝဲလီၤ. တၢ်သိၣ်တၢ်သီလၢအဘၣ်တၢ်ဟ့ၣ်လီၤအီၤလၢခံ အနံၣ်လွံၢ်ကယၤသၢဆံန့ၣ်, မၤဟးဂီၤကွံာ်တၢ်အၢၣ်လီၤအီလီၤအဝဲန့ၣ်ဒီးကစၢ်ယွၤ အတၢ်စံးပာ်တသ့ဘၣ်.

ကလၤတံ 3:23

ဘၣ်ဆၣ်ဒီးတချုးလၢတၢ်ဆၢကတီၢ်လၢတၢ်စူၢ်တၢ်နာ်အဂီၢ် တုၤဃီၤဒံးဘၣ်န့ၣ်, တၢ်သိၣ်တၢ်သီဒုးဃာ်ပှၤဒ်ပှၤဃိာ်ဖိတဖၣ် အသိး, တုၤတၢ်စူၢ်တၢ်နာ်လၢအကဟဲအံၤဘၣ်တၢ်လီၣ်ဖျါထီၣ်အီၤ တစုန့ၣ်လီၤ.

ကလၤတံ 3:29

သုမ့ၢ်ဘၣ်ဃးဒီးခရံာ်ဒီး, သုမ့ၢ်စီၤအၤဘြၤဟၣ်အစၢၤအသွဲၣ်တဖၣ်ဒီးသုကဒိး န့ၢ်ဘၣ်တၢ်လၢကစၢ်ယွၤအၢၣ်လီၤတ့ၢ်န့ၣ်လီၤ.

၂ တံၤမသ့း 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိဒ်ကစၢ်ယွၤအတၢ်ဘၣ် အသးအသိး, လၢတၢ်မၢလီၤအီၤလၢအကတဲဖျါတၢ်အိၣ်မူလၢအဘၣ် တၢ်စံးပာ်တ့ၢ်အီၤလၢယ့ၣ်ၡူးခရံာ်အပူၤ,

ဧ့ၤဘြံၤ 9:15

လၢတၢ်န့ၣ်အဃိခရံာ်မ့ၢ်ပှၤလၢအဒုးအိၣ်ထီၣ်တၢ်အၢၣ်လီၤအီလီၤ အသီဒ်သိးဒီးပှၤလၢကစၢ်ယွၤကိးထီၣ်တ့ၢ်လံအီၤတဖၣ်ကန့ၢ် သါဘၣ်တၢ်ဆိၣ်ဂ့ၤအထူအယိာ်လၢကစၢ်ယွၤစံးပာ်တ့ၢ်လံဝဲ အဂီၢ်န့ၣ်လီၤ. တၢ်အံၤမၤအသးသ့ဝဲမ့ၢ်လၢပှၤသံတ့ၢ်ဝဲတဂၤ အဃိလီၤ. အဝဲအတၢ်သံမၤထူၣ်ဖျဲးထီၣ်ပှၤဂီၢ်မုၢ်လၢအတၢ် ကမၣ်လၢအမၤတ့ၢ်လံဝဲ, ဖဲအအိၣ်ဒံးလၢတၢ်အၢၣ်လီၤအီလီၤအခီၣ်ထံးတခါအဖီလာ် အဆၢကတီၢ်န့ၣ်လီၤ.

၂ ပ့းတရူး 1:4

လၢကျဲဒ်အံၤန့ၣ်, အဝဲဟ့ၣ်လီၤလံစ့ၢ်ကီးပှၤလၢတၢ် ဟ့ၣ်အဒိၣ်အမုၢ်ဒီးလုၢ်ဒိၣ်ပှ့ၤဒိၣ်တဖၣ်လၢအအၢၣ်လီၤ တ့ၢ်ဝဲ, ဒ်သိးခီဖျိတၢ်ဟ့ၣ်တဖၣ်အံၤသုကထူၣ်ဖျဲး ထီၣ်လၢတၢ်သးကွံလၢအအိၣ်လၢဟီၣ်ခိၣ်အံၤ အပူၤလၢအမၤဟးဂီၤတၢ်, ဒီးသုကဒိးန့ၢ်ဃုာ်ကစၢ်ယွၤ အန့ဆၢၣ်အဂီၢ်န့ၣ်လီၤ.

၂ ပ့းတရူး 3:13

ဘၣ်ဆၣ်ဒီး, ပအိၣ်ခိးကွၢ်လၢ်တၢ်လၢကစၢ်ယွၤစံးပာ်တ့ၢ်လံဝဲလၢ အမ့ၢ်မူခိၣ်အသီဒီးဟီၣ်ခိၣ်အသီဖဲတၢ်တီတၢ်လိၤကအိၣ်ဝဲ ဆိးဝဲန့ၣ်လီၤ.

၁ ယိၤဟၣ် 2:25

ဒီးတၢ်လၢခရံာ်အကစၢ်ဒၣ်ဝဲအၢၣ်လီၤလၢအကဟ့ၣ်ပှၤ အံၤန့ၣ်, မ့ၢ်တၢ်မူအထူအယိာ်န့ၣ်လီၤ.