ကလၤတံ 3:20 - Sgaw Karen Common Bible

²⁰ ဘၣ်ဆၣ် ပှၤမ့ၢ်အိၣ်ဒၣ်ထဲတဂၤဧိၤန့ၣ်, ပှၤတၢ်ဘၢၣ်စၢၤဖိအလီၢ် တအိၣ်ဘၣ်. ဒီးကစၢ်ယွၤမ့ၢ်ဒၣ်ပှၤတဂၤဧိၤန့ၣ်လီၤ.

ကလၤတံ 3:20 Iomraidhean Croise

လံာ်တၢ်ကဲထီၣ်အခီၣ်ထံး 15:18

တုၤနုၤတစု, ယွၤမၤတၢ်အၢၣ်လီၤအီလီၤဒီးစီၤအၤဘြၣ်ဖဲန့ၣ် လီၤ. ဒီးယွၤစံးဘၣ်စီၤအၤဘြၣ်, “ယအၢၣ်လီၤလၢယကဟ့ၣ်လီၤနစၢၤနသွဲၣ် တဖၣ်လၢထံကီၢ်ဒီဘ့ၣ်အံၤစးထီၣ်လၢကီၢ်အဲၤကူပတူးအဆၢဒီး တုၤလီၤဆူထံကျိဖရၤသး,

လံာ်စီၤယိၤဘး 9:33

ဘၣ်ဆၣ်ပှၤကဆၢထၢၣ်လၢပဘၢၣ်စၢၤတအိၣ်နီတဂၤ, ပှၤလၢကစံၣ်ညီၣ်ကစၢ်ယွၤဒီးယၤ တအိၣ်နီတဂၤဘၣ်.

မၤတၢ် 12:20

စီၤဟ့ၤရိာ်အသးထီၣ်ဘၣ်ပှၤထါယၢၣ်ဖိဒီးပှၤစံဒိၣ်ဖိတဖၣ်အဒိၣ် အအါလီၤ. လၢတၢ်န့ၣ်အဃိအဝဲသ့ၣ်လဲၤတပူၤဃီဒ်သိးအကထံၣ်လိာ်အသး ဒီးစီၤဟ့ၤရိာ်အဂီၢ်လီၤ. အဆိကတၢၢ်အဝဲသ့ၣ်ထုးန့ၢ်စီၤဘျၤစတူးအသးဆူအအိၣ်လၢ အကမၤစၢၤအီၤအဂီၢ်, အဂ့ၢ်မ့ၢ်လၢအဝဲမ့ၢ်ပှၤကွၢ်ထွဲစီၤပၤအနူၢ်အစီၤ အဃိလီၤ. အန့ၣ်ဝံၤအလီၢ်ခံအဝဲသ့ၣ်လဲၤဆူစီၤပၤဟ့ၤရိာ်အအိၣ်ဒီး ဃ့တၢ်ဃူတၢ်ဖိးလၢအီၤ, အဂ့ၢ်မ့ၢ်လၢအဝဲသ့ၣ်အထံအကီၢ်ဒိးန့ၢ်ဘၣ်အတၢ်အီၣ်တၢ်အီလၢ စီၤပၤအထံအကီၢ်အအိၣ်အဃိန့ၣ်လီၤ.

ကလၤတံ 3:17

တၢ်လၢယအဲၣ်ဒိးစံးန့ၣ်မ့ၢ်ဝဲ, ကစၢ်ယွၤမၤတၢ်အၢၣ်လီၤအီလီၤဒီးစီၤအၤဘြၤဟၣ်ဒီး အၢၣ်လီၤအီလီၤလၢကမၤလၢပှဲၤဝဲလီၤ. တၢ်သိၣ်တၢ်သီလၢအဘၣ်တၢ်ဟ့ၣ်လီၤအီၤလၢခံ အနံၣ်လွံၢ်ကယၤသၢဆံန့ၣ်, မၤဟးဂီၤကွံာ်တၢ်အၢၣ်လီၤအီလီၤအဝဲန့ၣ်ဒီးကစၢ်ယွၤ အတၢ်စံးပာ်တသ့ဘၣ်.

လံာ်သိၣ်လီၤသီလီၤတၢ် 6:4

ကီၢ်အံၣ်စရ့လးဧၢ, သ့ၣ်နီၣ်ထီၣ်တၢ်အံၤတက့ၢ်. ယွၤ, ဒီးထဲယွၤတဂၤဧိၤမ့ၢ်ပကစၢ်ယွၤန့ၣ်လီၤ.

၁ တံၤမသ့း 2:5

အဂ့ၢ်ဒ်အံၤကစၢ်ယွၤအိၣ်တဂၤ, ဒီးပှၤအိၣ်ဝဲတဂၤလၢအမၤဃူလိာ်ဖိးလိာ်က့ၤယွၤဒီး ပှၤကညီဒီးအဝဲဒၣ်မ့ၢ်ပှၤကညီ, ယ့ၣ်ၡူးခရံာ်,

ဧ့ၤဘြံၤ 12:24

ဒီးဆူယ့ၣ်ၡူးလၢအမ့ၢ်ပှၤတၢ်ဘၢၣ်စၢၤဘၣ်ဃးဒီးတၢ်အၢၣ်လီၤ အီလီၤအသီအအိၣ်, ဒီးတၢ်သွံၣ်လၢအဘၣ်တၢ်ဖှံလီၤအီၤလၢအကိးထီၣ်ဒိၣ်န့ၢ်ဒံး စီၤဟ့းဘ့းလးအသွံၣ်တက့ၢ်အအိၣ်န့ၣ်လီၤ.

ဧ့ၤဘြံၤ 8:6

ဘၣ်ဆၣ်ဒီးခဲအံၤယ့ၣ်ၡူးဘၣ်တၢ်ဟ့ၣ်လီၤအီၤလၢပှၤလုၢ် တၢ်အခိၣ်အတၢ်ဖံးတၢ်မၤလၢအဂ့ၤဒိၣ်န့ၢ်အဝဲသ့ၣ်အတၢ်မၤ တက့ၢ်, ဒ်သိးဒၣ်တၢ်အၢၣ်လီၤအီလီၤလၢအဝဲဒုးအိၣ်ထီၣ်ဝဲလၢ ကစၢ်ယွၤဒီးအပှၤဂီၢ်မုၢ်အဘၢၣ်စၢၤမ့ၢ်တၢ်လၢအဂ့ၤဒိၣ်ဒၣ် တၢ်တက့ၢ်, မ့ၢ်လၢအသူၣ်လီၤအသးလၢတၢ်စံးပာ်တဖၣ်လၢ အဘၣ်ဃးဒီးတၢ်ဂ့ၤဒိၣ်ဒၣ်တၢ်တဖၣ်အဖီခိၣ်အဃိန့ၣ်လီၤ.

ဧ့ၤဘြံၤ 9:15

လၢတၢ်န့ၣ်အဃိခရံာ်မ့ၢ်ပှၤလၢအဒုးအိၣ်ထီၣ်တၢ်အၢၣ်လီၤအီလီၤ အသီဒ်သိးဒီးပှၤလၢကစၢ်ယွၤကိးထီၣ်တ့ၢ်လံအီၤတဖၣ်ကန့ၢ် သါဘၣ်တၢ်ဆိၣ်ဂ့ၤအထူအယိာ်လၢကစၢ်ယွၤစံးပာ်တ့ၢ်လံဝဲ အဂီၢ်န့ၣ်လီၤ. တၢ်အံၤမၤအသးသ့ဝဲမ့ၢ်လၢပှၤသံတ့ၢ်ဝဲတဂၤ အဃိလီၤ. အဝဲအတၢ်သံမၤထူၣ်ဖျဲးထီၣ်ပှၤဂီၢ်မုၢ်လၢအတၢ် ကမၣ်လၢအမၤတ့ၢ်လံဝဲ, ဖဲအအိၣ်ဒံးလၢတၢ်အၢၣ်လီၤအီလီၤအခီၣ်ထံးတခါအဖီလာ် အဆၢကတီၢ်န့ၣ်လီၤ.