ကလၤတံ 3:19 - Sgaw Karen Common Bible

¹⁹ မ့မ့ၢ်ဒ်န့ၣ်ဒီး, တၢ်သိၣ်တၢ်သီအတၢ်တိာ်ပာ်မ့ၢ်တၢ်မနုၤလဲၣ်. တၢ်သိၣ်တၢ်သီဘၣ်တၢ်ဟ့ၣ်လီၤအီၤဒ်သိးအကဒုးနဲၣ်တၢ်မၤ ကမၣ်တၢ်မ့ၢ်တၢ်မနုၤလဲၣ်န့ၣ်လီၤ. ဒီးတၢ်တိာ်ပာ်အီၤလၢအကအိၣ်ဂၢၢ်ကျၢၤတုၤလၢ စီၤအၤဘြၤဟၣ်အစၢၤအသွဲၣ်လၢတၢ်အၢၣ်လီၤတ့ၢ်အီၤဟဲတုၤ တစုလီၤ. တၢ်သိၣ်တၢ်သီန့ၣ်ဘၣ်တၢ်ဟ့ၣ်လီၤအီၤခီဖျိမူခိၣ် ကလူးတဖၣ်ဒီးပှၤကညီတဂၤကဲပှၤတၢ်ဘၢၣ်စၢၤဖိန့ၣ်လီၤ.

ကလၤတံ 3:19 Iomraidhean Croise

စံးထီၣ်ပတြၢၤ 106:23

ဖဲကစၢ်ယွၤစံးလၢ ကမၤဟးဂီၤကွံာ် အပှၤဂီၢ်မုၢ်န့ၣ်, အခ့အပှၤလၢအဃုထၢဝဲစီၤမိၤၡ့ ဂဲၤဆၢထၢၣ်ထီဒါကစၢ်ယွၤ, ဒီးတြီဃာ်အတၢ်သးထီၣ်လၢ ကမၤဟးဂီၤအဝဲသ့ၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:32

တၢ်အံၤမ့ၢ်တၢ်သိၣ်တၢ်ဘျၢဘၣ်ဃးဒီးပိာ်ခွါလၢအိၣ်ဒီးတၢ်ယွၤ လီၤလၢအဆံၣ်ကျိၤဒီးအချံအသၣ်ဘၣ်ဃးဒီးအမံဃုာ်တၢ်အယွၤလီၤဝဲမ့ၢ်ဂ့ၤ,

လံာ်လူၤကၣ် 16:31

ဘၣ်ဆၣ်ဒီးစီၤအၤဘြၤဟၣ်စံးဝဲ, ‘အဝဲသ့ၣ်မ့ၢ်တစူၢ်စီၤမိၤၡ့ဒီးဝံတဖၣ်အတၢ်ကွဲးန့ၣ်, ပှၤတဂၤမ့ၢ်ဂဲၤဆၢထၢၣ်က့ၤလၢတၢ်သံသနာ်က့, တမ့ၢ်အဝဲသ့ၣ်ကစူၢ်ကနာ်တၢ်ဘၣ်.’ ”

လံာ်ယိၤဟၣ် 1:17

ကစၢ်ယွၤဟ့ၣ်လီၤတၢ်သိၣ်တၢ်သီခီဖျိစီၤမိၤၡ့, မ့မ့ၢ်တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီန့ၣ် ဟဲခီဖျိယ့ၣ်ၡူးခရံာ်န့ၣ်လီၤ.

လံာ်ယိၤဟၣ် 15:22

ယမ့ၢ်တဟဲဒီးကတိၤတၢ်ဒီးအဝဲသ့ၣ်ဘၣ်န့ၣ်, တမ့ၢ်လၢအဝဲသ့ၣ်အတၢ်ဒဲးဘးကအိၣ်ဘၣ်. မ့မ့ၢ်ခဲအံၤ, အဝဲသ့ၣ်ကတိၤပူၤဖျဲးအသးလၢအတၢ်ဒဲးဘးန့ၣ် တသ့လၢၤဘၣ်.

မၤတၢ် 7:38

အဝဲဒၣ်အံၤမ့ၢ်ပှၤလၢအအိၣ်လၢပှၤအံၣ်စရ့လးဖိတဖၣ် အကျါ, ဖဲအဝဲသ့ၣ်တဖၣ်ပာ်ဖှိၣ်ထီၣ်အသးလၢပှၢ်မုၢ်ကနၢန့ၣ်လီၤ. အိၣ်ဝဲဖဲန့ၣ်ဒီးပမိၢ်ပၢ်ဖံဖုလၢပျၢၤတဖၣ်, ဒီးအိၣ်ဝဲဒီးကလူးလၢအကတိၤတၢ်ဒီးအီၤလၢကစၢၢ်စံၤနါအဒီ ခိၣ်, ဒီးဒိးန့ၢ်ဘၣ်ဝဲကစၢ်ယွၤအကလုၢ်ကထါလၢအမူဝဲတဖၣ်လၢ အကဟ့ၣ်ယုၢ်လီၤပဝဲဒၣ်တဖၣ်အဂီၢ်လီၤ.

မၤတၢ် 7:53

တၢ်သိၣ်တၢ်သီလၢအဟဲလၢကစၢ်ယွၤအအိၣ်ဒီးသုဒိးန့ၢ်ဘၣ် အီၤခီဖျိကလူးတဖၣ်န့ၣ်, သုတဒိကနၣ်ဘၣ်အီၤဘၣ်.”

ရိမ့ၤ 2:13

အဂ့ၢ်ဒ်လဲၣ်န့ၣ်, ပှၤကညီဘၣ်တၢ်ပာ်တီပာ်လိၤအီၤလၢကစၢ် ယွၤအမဲာ်ညါ, တမ့ၢ်လၢအနၢ်ဟူဘၣ်တၢ်သိၣ်တၢ်သီအဃိဘၣ်. မ့မ့ၢ်, မ့ၢ်လၢအမၤထွဲတၢ်သိၣ်တၢ်သီအဃိန့ၣ်လီၤ.

ရိမ့ၤ 4:15

တၢ်သိၣ်တၢ်သီဒုးအိၣ်ထီၣ်ကစၢ်ယွၤအတၢ်သးထီၣ်ဒီးဖဲ တၢ်သိၣ်တၢ်သီတအိၣ်ဘၣ်န့ၣ်, တၢ်လုၣ်သ့ၣ်ခါပတာ် တၢ်သိၣ်တၢ်သီတအိၣ်ဘၣ်လီၤ.

ကလၤတံ 3:16

အခဲအံၤ, ကစၢ်ယွၤမၤတၢ်အၢၣ်လီၤအီလီၤတဖၣ်ဒီးစီၤအၤဘြၤဟၣ် ဒီးအစၢၤအသွဲၣ်အကျါတဂၤလီၤ. တၢ်ကွဲးအသးစီဆှံတသူတၢ် ကတိၤ “အစၢၤအသွဲၣ်တဖၣ်” လၢအခီပညီမ့ၢ်ဝဲပှၤအါဒံအါဂၤဘၣ်, မ့မ့ၢ်သူဝဲတၢ်ကတိၤ “အစၢၤအသွဲၣ်” အခီပညီမ့ၢ်ဝဲထဲတဂၤ ဧိၤ, လၢအမ့ၢ်ဝဲဒၣ်ခရံာ်န့ၣ်လီၤ(ကဲထီၣ် ၂၂:၁၈).

လံာ်သိၣ်လီၤသီလီၤတၢ် 33:2

ယွၤဟဲဝဲလၢကစၢၢ်စံၣ်နါတခီ, အဝဲဟဲထီၣ်ဝဲဒ်မုၢ်အသိးလၢ ကီၢ်အဒိၣ်အဖီခိၣ်, ဒီးကပီၤထီၣ်ဝဲလၢအပှၤဂီၢ်မုၢ်အလိၤလၢကစၢၢ်ပၤရၣ်အဒီခိၣ် န့ၣ်လီၤ. ကလူးအဂၤတကလးအိၣ်ဒီးအီၤလၢအစုထွဲတကပၤ ဒ်မ့ၣ်အူလၣ်လၢအကဲၤကပီၤဝဲတခါအသိးန့ၣ်လီၤ.

လံာ်သိၣ်လီၤသီလီၤတၢ် 5:5

အကတီၢ်ဖဲန့ၣ်, ယဆၢထၢၣ်လၢသုဝဲဒီးယွၤအဘၢၣ်စၢၤ, လၢယကတဲဘၣ်သုတၢ်လၢအဝဲဒၣ်စံးတ့ၢ်ဝဲန့ၣ်လီၤ. အဂ့ၢ်ဒ်အံၤ, သုပျံၤဘၣ်မ့ၣ်အူဒီးသုတလဲၤထီၣ်ဘၣ်ဆူကစၢၢ်လိၤဘၣ်. ယွၤစံးဝဲဒၣ်,

ဧ့ၤဘြံၤ 2:2

တၢ်ကစီၣ်လၢကလူးတဖၣ်ဟ့ၣ်လီၤပမိၢ်ပၢ်ဖံဖုလၢပျၢၤ တဖၣ်မ့ၢ်တၢ်လၢအတီဒီးပှၤတဂၤလၢ်လၢ်လၢအတစူၢ်ဒီး ဒိကနၣ်အီၤတဖၣ်ဘၣ်တၢ်စံၣ်ညီၣ်အီၤဒ်အကြၢးအဘၣ်ဝဲ အသိးန့ၣ်လီၤ.

ဧ့ၤဘြံၤ 2:5

ကစၢ်ယွၤတပာ်ဘၣ်ကလူးတဖၣ်လၢအကပၢဟီၣ်ခိၣ် အသီလၢအကဟဲ, ဟီၣ်ခိၣ်လၢပစံးတ့ၢ်လၢအဂ့ၢ်န့ၣ်ဘၣ်.