ကလၤတံ 3:15 - Sgaw Karen Common Bible

¹⁵ ယဒီပုၢ်ဝဲၢ်သ့ၣ်ဧၢ, ယကသူမုၢ်ဆ့ၣ်မုၢ်ဂီၤအတၢ်အဒိအတဲာ် တမံၤလီၤ. ဖဲပှၤခံဂၤအၢၣ်လီၤအီလီၤလိာ်အသးလၢတၢ်ဂ့ၢ် တမံၤဒီးဆဲးလီၤအမံၤလၢတၢ်အၢၣ်လီၤအီလီၤအဂီၢ်န့ၣ်, ပှၤမၤဟးဂီၤကွံာ်အီၤမ့ၢ်ဂ့ၤ, ပှၤဒၢနုာ်အါထီၣ်အီၤမ့ၢ်ဂ့ၤ တသ့နီတဂၤဘၣ်.

ကလၤတံ 3:15 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:16

တၢ်အၢၣ်လီၤအီလီၤန့ၣ်မ့ၢ်တၢ်လၢကစၢ်ယွၤမၤဝဲဒီးစီၤအၤဘြၣ်ဟၣ် ဒီးမ့ၢ်တၢ်အၢၣ်လီၤလၢအမၤဝဲဒီးစီၤအံၤစဲးန့ၣ်လီၤ.

မၤတၢ် 1:15

လၢခံစှၤသီန့ၣ်စီၤပ့းတရူးဂဲၤဆၢထၢၣ်ကတိၤတၢ်လၢပှၤ စူၢ်က့ၤနာ်က့ၤယ့ၣ်ၡူးတဖၣ်အမဲာ်ညါ, ပှၤခဲလၢာ်လၢအပာ်ဖှိၣ်ထီၣ်အသးကအိၣ်အဂၤတကယၤခံဆံ, ဒီးစံးဝဲ,

ရိမ့ၤ 1:13

ယဒီပုၢ်ဝဲၢ်သ့ၣ်ဧၢ, သုကဘၣ်သ့ၣ်နီၣ်ထီၣ်လၢအါစုအါဘျီ ယတိာ်ပာ်လၢယကလဲၤဆူသုအိၣ်, ဘၣ်ဆၣ်တၢ်မၤတံာ်တာ်ယကျဲအိၣ်ထီၣ်ဝဲထီဘိလီၤ. ယသးအိၣ်မၤန့ၢ်စ့ၢ်ကီးသးသမူတဖၣ်လၢသုကျါ, ဒ်ယမၤန့ၢ်လၢပှၤကလုာ်ဂၤတဖၣ်အကျါအသိးန့ၣ်လီၤ.

ရိမ့ၤ 3:5

ဘၣ်ဆၣ်ဒီး, ပတၢ်မၤကမၣ်တၢ်န့ၣ်မ့ၢ်မၤဖျါထီၣ်ကစၢ်ယွၤ အတၢ်မၤလၢအဘၣ်န့ၣ်ဒီးဆှံဆှံပစံးမနုၤကသ့န့ၣ်လဲၣ်. မ့ၢ်ပကစံးလၢကစၢ်ယွၤမၤကမၣ်တၢ်ဖဲအဝဲစံၣ်ညီၣ်ပှၤန့ၣ်ဧါ. (ယကတိၤတၢ်ဒ်ပှၤကညီအသိးလီၤ.)

ရိမ့ၤ 6:19

(ယကတိၤတၢ်ကတိၤမုၢ်ဆ့ၣ်မုၢ်ဂီၤတဖၣ်မ့ၢ်လၢသုမ့ၢ် ပှၤဟီၣ်ခိၣ်ဖိ, ဒီးသုတၢ်သ့ၣ်ညါနၢ်ပၢၢ်တထီၣ်ဘးအဃိ လီၤ.) တဘျီန့ၣ်သုဟ့ၣ်လီၤသုသးလၢာ်လၢာ်ဆ့ဆ့ဒ်တၢ် တစီတဆှံဒီးတၢ်အၢတၢ်သီအကုၢ်တဖၣ်အသိးအိၣ် ဒီးတၢ်တိာ်အအၢအသီတဖၣ်န့ၣ်လီၤ. လၢကျဲဒ်န့ၣ်အသိး, အခဲအံၤသုကဘၣ်ဟ့ၣ်လီၤသုသးလၢာ်လၢာ်ဆ့ဆ့ဒ် တၢ်တီတၢ်လိၤအကုၢ်တဖၣ်အိၣ်ဒီးတၢ်တိာ်အစီအဆှံ တဖၣ်န့ၣ်လီၤ.

1 ကရံၣ်သူး 15:32

ဒ်တၢ်မၤအသးအသိး, ယမ့ၢ်ဒုးတ့ၢ်တၢ်ဒီး “ဆၣ်ဖိကီၢ်ဖိ အဒူအဃိၤ” ဖဲအံၤလၢဝ့ၢ်အ့းဖ့းစူးအိၣ်ဒၣ်ဒီးပှၤကညီ အတၢ်ပာ်သူၣ်ပာ်သးတဖၣ်န့ၣ်, မ့ၢ်ယကမၤန့ၢ်တ့ၢ်ယဲတၢ်ဘျုး တၢ်ဖှိၣ်မနုၤလဲၣ်. မ့မ့ၢ်ပှၤသံတဖၣ်မ့ၢ်တဘၣ်တၢ်ဒုးဂဲၤဆၢထၢၣ် သမူထီၣ်အီၤဘၣ်ဒီး, ဒ်တၢ်ကတိၤအိၣ်ဝဲအသိး, “မ်ပကအီၣ်သကိးအီသကိးတက့ၢ်. အဂ့ၢ်ဒ်အံၤ, ခဲမုၢ်ဆ့ၣ်န့ၣ်ပကသံလီၤ.”

ကလၤတံ 6:18

ယဒီပုၢ်ဝဲၢ်သ့ၣ်ဧၢ, မ်ပကစၢ်ယ့ၣ်ၡူးခရံာ်အဘျုးအဖှိၣ်အိၣ်ဒီး သုခဲလၢာ်န့ၣ်တက့ၢ်. အၤမ့ၣ်.

ဧ့ၤဘြံၤ 6:13

ဖဲကစၢ်ယွၤစံးပာ်တၢ်ဒီးစီၤအၤဘြၤဟၣ်န့ၣ်အဝဲဆိၣ်လီၤ အသးလၢကမၤလၢပှဲၤတၢ်စံးပာ်အံၤန့ၣ်လီၤ. အဂ့ၢ်ဒ်အံၤ, ပှၤဒိၣ်န့ၢ်အီၤတအိၣ်ဘၣ်ဒီးယွၤသူအမံၤဒၣ်ဝဲလၢ အတၢ်ဆိၣ်လီၤအသးအပူၤ,

ဧ့ၤဘြံၤ 6:16

ဖဲပှၤကညီဆိၣ်လီၤအသးန့ၣ်, အဝဲသ့ၣ်သူပှၤလၢအဒိၣ်န့ၢ် အဝဲသ့ၣ်အမံၤဒီးတၢ်ဆိၣ်မ့ၢ်တၢ်လၢအမၤကတၢၢ်ကွံာ် တၢ်ဂ့ၢ်လိာ်ဘှီလိာ်ခဲလၢာ်လီၤ.

ဧ့ၤဘြံၤ 9:17

အဂ့ၢ်ဒ်အံၤဖဲပှၤကွဲးတၢ်တဂၤအံၤမူဝဲအဖၢမုၢ်န့ၣ်လံာ်အံၤ အဘျုးတအိၣ်ဘၣ်. အဘျုးအိၣ်ဒၣ်ဖဲပှၤကွဲးတ့ၢ်တၢ်တဂၤ သံဝံၤအလီၢ်ခံန့ၣ်လီၤ.