ကလၤတံ 2:9 - Sgaw Karen Common Bible

⁹ စီၤယၤကိာ်, စီၤပ့းတရူးဒီးစီၤယိၤဟၣ်, လၢအမ့ၢ်ပှၤခိၣ်ပှၤနၢ်တဖၣ်ထံၣ်သ့ၣ်ညါဝဲလၢကစၢ်ယွၤ ဟ့ၣ်တ့ၢ်ယၤတၢ်မၤလီၤဆီအဝဲအံၤန့ၣ်လီၤ. လၢတၢ်န့ၣ် အဃိအဝဲသ့ၣ်ဟံးစုကွၢ်မဲာ်စီၤဘၢ်နါဘၤဒီးယၤဒ်အမ့ၢ် တၢ်ပနီၣ်လၢပဝဲသ့ၣ်ခဲလၢာ်ပမ့ၢ်ပှၤမၤသကိးတၢ်တဖၣ် န့ၣ်လီၤ. ပအၢၣ်လီၤသကိးလၢစီၤဘၢ်နါဘၤဒီးယၤ ပကမၤတၢ်လၢပှၤကလုာ်ဂၤတဖၣ်အကျါဒီးအဝဲသ့ၣ်တခီလၢ ပှၤယူဒၤဖိတဖၣ်အကျါလီၤ.

ကလၤတံ 2:9 Iomraidhean Croise

လံာ်စီၤပၤခံဘ့ၣ်တဘ့ၣ် 10:15

စီၤယ့ၤဟူစးထီၣ်လဲၤကဒီးတၢ်, ဒီးလၢကျဲန့ၣ်အဝဲဘၣ်တၢ်ဟဲ သဂၢၢ်အီၤလၢစီၤရ့ကာ်အဖိခွါစီၤယိၤနဒာ်န့ၣ်လီၤ. စီၤယ့ၤဟူဆၢဂ့ၤဆၢဝါအီၤဒီးစံးဘၣ်ဝဲ, “နၤဒီးယၤပဆိကမိၣ်တၢ်ဒ်သိးသိးလီၤ. မ့ၢ်နကဆီၣ်ထွဲ မၤစၢၤယၤဧါ.” စီၤယိၤနဒာ်စံးဆၢအီၤ, “မ့ၢ်, ယကမၤလီၤ.” စီၤယ့ၤဟူစံးဆၢဝဲ, “မ့မ့ၢ်ဒ်န့ၣ်ဒီး, ဟ့ၣ်ယၤနစုတက့ၢ်. အဝဲသ့ၣ်စှီၤတံၢ်လိာ်အစု, ဒီးစီၤယ့ၤဟူမၤစၢၤအီၤလၢကထီၣ်ဆူလ့ၣ်ကဟၣ်အပူၤ,

လံာ်မးသဲ 16:18

ဒီးယဲဒၣ်အံၤယစံးလၢနမ့ၢ်ပ့းတရူး, လၢၢ်တဖျၢၣ်, ဒီးလၢလၢၢ်အံၤအဖီခိၣ်န့ၣ်, ယကသူၣ်ထီၣ်ယတၢ်အိၣ်ဖှိၣ်, ဒီးတၢ်သံအစိကမီၤဒၣ်လဲာ်မၤနၢၤအီၤတန့ၢ်ဘၣ်လီၤ.

လံာ်လူၤကၣ် 22:8

ယ့ၣ်ၡူးမၢလီၤစီၤပ့းတရူးဒီးစီၤယိၤဟၣ်ဒီးမၤလိာ်အဝဲသ့ၣ်ဒ်အံၤ, “လဲၤဒီးကတဲာ်ကတီၤပာ်ပဘူၣ်လဲၤကပာ်အတၢ်အီၣ်လၢ ပကအီၣ်အီၤအဂီၢ်န့ၣ်တက့ၢ်.”

လံာ်ယိၤဟၣ် 1:42

ဒီးအဝဲဒၣ်လဲၤဆှၢစီၤၡံမိၣ်ဆူယ့ၣ်ၡူးအအိၣ်န့ၣ်လီၤ. ဒီးယ့ၣ်ၡူးကွၢ်ဃီၤအီၤဒီးစံးဝဲ, “နမံၤမ့ၢ်စီၤၡံမိၣ်ဒီးနပၢ်အမံၤမ့ၢ် စီၤယိၤနါန့ၣ်လီၤ. ဘၣ်ဆၣ်တၢ်ကကိးက့ၤနၤလၢစီၤက့ၤဖးန့ၣ်လီၤ.” (မ့ၢ်တမံၤဃီဒီးစီၤပ့းတရူးလၢအခီပညီမ့ၢ်လၢၢ်လီၤ.)

မၤတၢ် 12:17

အဝဲဒၣ်ဒုးနဲၣ်အစုဒ်သိးအဝဲသ့ၣ်ကအိၣ်ဘှီၣ်, ဒီးတဲနၢ်ပၢၢ်အဝဲသ့ၣ်ဘၣ်ဃးကစၢ်ထုးထီၣ်ကွံာ်တ့ၢ်အီၤ လၢဃိာ်ပူၤဒ်လဲၣ်အဂ့ၢ်န့ၣ်လီၤ. အဝဲဒၣ်စံးဝဲ, “တဲဘၣ်စီၤယၤကိာ်ဒီးပှၤစူၢ်က့ၤနာ်က့ၤတၢ်ဖိအဂၤတဖၣ်လၢ တၢ်တမံၤအံၤအဂ့ၢ်န့ၣ်တက့ၢ်.” ဝံၤဒီးဟးထီၣ်လဲၤဆူတၢ်လီၢ် အဂၤတပူၤလီၤ.

မၤတၢ် 15:13

ဖဲအဝဲသ့ၣ်ကတိၤတၢ်ဝံၤန့ၣ်, စီၤယၤကိာ်ကတိၤထီၣ်တၢ်ဒီးစံးဝဲ, “ဒီပုၢ်ဝဲၢ်သ့ၣ်ဧၢ, ကနၣ်တၢ်လၢယစံးဘၣ်သုန့ၣ်တက့ၢ်.

မၤတၢ် 15:7

တၢ်ကတိၤဂ့ၢ်လိာ်ဘှီလိာ်အိၣ်ဝဲဒၣ်ဖးယံာ်ဝံၤအလီၢ်ခံ, စီၤပ့းတရူးဂဲၤဆၢထၢၣ်ဒီးစံးဝဲ, “ယဒီပုၢ်ဝဲၢ်သ့ၣ်ဧၢ, သုသ့ၣ်ညါလၢအပူၤကွံာ်ဖးယံာ်န့ၣ်, ကစၢ်ယွၤဃုထၢထီၣ် ယၤလၢသုကျါဒ်သိးယကစံၣ်တဲၤတဲလီၤတၢ်သးခုအကစီၣ် လၢပှၤကလုာ်ဂၤတဖၣ်, ဒ်သိးအဝဲသ့ၣ်ကနၢ်ဟူဒီးစူၢ်က့ၤနာ်က့ၤယ့ၣ်ၡူးအဂီၢ်လီၤ.

မၤတၢ် 4:36

စီၤယိၤစ့ၣ်ပှၤလ့ၤဝံဖိလၢအအိၣ်ဖျဲၣ်ထီၣ်လၢကီးကူပြူးအပူၤ, လၢပှၤတၢ်မၢဖိတဖၣ်ယုၢ်န့ၢ်အမံၤလၢစီၤဘၢ်နါဘၤ (အခီပညီ, ပှၤလၢအဟ့ၣ်ဆူၣ်ထီၣ်ပှၤဂံၢ်ပှၤဘါ) တဂၤ

ရိမ့ၤ 1:5

ခီဖျိအီၤန့ၣ်, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်ဒီးတၢ် ခွဲးတၢ်ယာ်လၢယကကဲထီၣ်ဘၣ်တၢ်မၢဖိတဂၤလၢခရံာ် အဂီၢ်, ဒ်သိးယကဆှၢက့ၤပှၤကလုာ်တဖၣ်ခဲလၢာ်ဆူ တၢ်စူၢ်က့ၤနာ်က့ၤအီၤအဂီၢ်န့ၣ်လီၤ.

ရိမ့ၤ 12:3

ဒီးမ့ၢ်ယွၤအတၢ်ဟ့ၣ်ဘျုးဟ့ၣ်ဖှိၣ်ယၤအဃိ, ယစံးဘၣ် တဲဘၣ်သုခဲလၢာ်လီၤ. တဘၣ်ဆိကမိၣ်လီၤသုသးဒိၣ်န့ၢ်ဒံး သုကြၢးဆိကမိၣ်န့ၣ်တဂ့ၤ. မ့မ့ၢ်တခီ, ဆိကမိၣ်လီၤသုသးဖဲ အဘၣ်အဘၣ်, ဒီးသုဝဲတဂၤဒီးတဂၤစံၣ်ညီၣ်လီၤသုသးဒ် တၢ်စူၢ်တၢ်နာ်လၢကစၢ်ယွၤဟ့ၣ်လီၤသုအသိးန့ၣ်တက့ၢ်.

ရိမ့ၤ 15:15

ဘၣ်ဆၣ်ဒီး လၢတၢ်ကွဲးအံၤအပူၤယကွဲးတၢ်ဒူဒူဘၣ်ဃးတၢ် ဂ့ၢ်တနီၤလၢယဒုးသ့ၣ်နီၣ်ထီၣ်တ့ၢ်လံသုန့ၣ်လီၤ. ယပာ်ဒူ ယသးမ့ၢ်လၢကစၢ်ယွၤဟ့ၣ်တ့ၢ်ယၤတၢ်ခွဲးတၢ်ယာ်,

1 ကရံၣ်သူး 15:10

ဘၣ်ဆၣ်ဒီးခီဖျိကစၢ်ယွၤအဘျုးန့ၣ်, ယမ့ၢ်တၢ်လၢယမ့ၢ်ဒီးတၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်ယၤန့ၣ် တကဲတၢ်ကလီကလီဘၣ်. မ့မ့ၢ်ယဖံးမၤတ့ၢ်တၢ်ဆူၣ်န့ၢ်ပှၤတၢ်မၢဖိအဂၤတဖၣ်ခဲလၢာ်လီၤ. ဘၣ်ဆၣ်ဒီးတမ့ၢ်ယတၢ်မၤဒၣ်ယဲနီၢ်နီၢ်ဘၣ်, မ့မ့ၢ်တခီမ့ၢ်ဝဲယွၤအဘျုးအဖှိၣ်ဖံးမၤတၢ်ဒီးယၤလီၤ.

၂ ကရံၣ်သူး 11:5

ယတဆိကမိၣ်လၢယဆံးန့ၢ်သုပှၤလီၤတိၢ်လီၤဆီမးတဖၣ် လၢတၢ်ကိးအီၤလၢသု “ပှၤတၢ်မၢဖိတဖၣ်” ထဲတစဲး ဧိၤဒၣ်လဲာ်န့ၣ်ဘၣ်.

၂ ကရံၣ်သူး 12:11

ယမၤယသးဒ်တၢ်ပျုၢ်တဂၤအသိးလီၤ, ဘၣ်ဆၣ်ဒီးမ့ၢ်ဒၣ်လၢ သုဃိလီၤ. သုမ့ၢ်ပှၤတဖၣ်လၢအကြၢးပာ်ဖျါသုတၢ်ဘၣ်သူၣ်ဘၣ် သးယၤလီၤ. အဂ့ၢ်ဒ်အံၤ, ယမ့တမ့ၢ်တၢ်နီတမံၤသနာ်က့, လၢကျဲတဘိအပူၤဒၣ်လဲာ်ယတဆံးန့ၢ်သု “ပှၤတၢ်မၢဖိ” လီၤတိၢ်လီၤဆီမးတဖၣ်န့ၣ်ဘၣ်.

၂ ကရံၣ်သူး 8:4

အဝဲသ့ၣ်ဃ့ကညးပှၤဒီးဃ့န့ၢ်တၢ်အခွဲးအယာ်လၢအကမၤသကိး ဘၣ်တၢ်လၢတၢ်မၤစၢၤကစၢ်ယွၤအပှၤဂီၢ်မုၢ်ဖဲကီၢ်ယူဒၤအပူၤန့ၣ်လီၤ.

ကလၤတံ 1:16

လၢအကလီၣ်ဖျါထီၣ်အဖိခွါလၢယၤ, ဒ်သိးယကစံၣ်တဲၤတဲလီၤ တၢ်သးခုကစီၣ်ဘၣ်ဃးဒီးအီၤဆူပှၤကလုာ်ဂၤတဖၣ်န့ၣ်, ယတဃ့ပှၤကညီအတၢ်ဟ့ၣ်ကူၣ်ဟ့ၣ်ဖးနီတဂၤဘၣ်.

ကလၤတံ 1:18

သၢနံၣ်ဝံၤအလီၢ်ခံယလဲၤဆူဝ့ၢ်ယရူၤၡလ့ၣ်ဒ်သိးယကမၤန့ၢ်တၢ် ကစီၣ်လၢစီၤပ့းတရူးအအိၣ်ဒီးယအိၣ်ဒီးအီၤခံနွံလီၤ.

ကလၤတံ 2:1

ဖဲတဆံလွံၢ်နံၣ်လဲၤပူၤကွံာ်န့ၣ်, ယက့ၤကဒါက့ၤဆူဝ့ၢ်ယရူၤၡလ့ၣ်ဃုာ်ဒီးစီၤဘၢ်နါဘၤ, ဒီးယက့ၤကိးဃုာ်စီၤတံတူးလီၤ.

ကလၤတံ 2:2

ယလဲၤဖဲန့ၣ်န့ၣ်, မ့ၢ်လၢကစၢ်ယွၤလီၣ်ဖျါထီၣ်န့ၢ်ယၤလၢယကြၢးလဲၤယဲ အဃိလီၤ. ပထံၣ်လိာ်ပသးကစုဒုဒီးပှၤခိၣ်ပှၤနၢ်တဖၣ်ဒီးယတဲဖျါ ဘၣ်ဃးတၢ်သးခုကစီၣ်လၢယစံၣ်တဲၤတဲလီၤယဲလၢပှၤ ကလုာ်ဂၤတဖၣ်အသိးအကျါလီၤ. ယတသးအိၣ်လၢယတၢ်ဖံးတၢ်မၤလၢအပူၤကွံာ်မ့ၢ်ဂ့ၤ, အခဲအံၤမ့ၢ်ဂ့ၤကကဲထီၣ်တၢ်ကလီကလီန့ၣ်ဘၣ်.

ကလၤတံ 6:3

ပှၤတဂၤဂၤမ့ၢ်ဆိကမိၣ်လီၤအသးလၢအမ့ၢ်တၢ်တမံၤမံၤဖဲ အဝဲနီၢ်နီၢ်တမ့ၢ်တၢ်နီတမံၤဘၣ်န့ၣ်, အဝဲလီလီၤဒၣ်အသးဒၣ်ဝဲန့ၣ်လီၤ.

အ့းဖ့းစူး 2:20

သုဘၣ်တၢ်သူၣ်ထီၣ်သုလၢတၢ်ခီၣ်ထံးလၢအမ့ၢ် ပှၤတၢ်မၢဖိဒီးဝံတဖၣ်အဖီခိၣ်, ယ့ၣ်ၡူးခရံာ်အနီၢ်ကစၢ် မ့ၢ်ဟံၣ်န့ၣ်အလၢၢ်သနၢၣ်,

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,

ကလီးစဲ 1:29

လၢတၢ်အံၤအဂီၢ်ယဂုာ်မၤယဲလၢာ်ဂံၢ်လၢာ်ဘါဒ်ခရံာ်မၤ ဆူၣ်ထီၣ်ယသးဒိၣ်ဒိၣ်ကလဲာ်အသိးန့ၣ်လီၤ.

၁ တံၤမသ့း 3:15

ဘၣ်ဆၣ်ဒီးယမ့ၢ်ဘၣ်တံာ်တာ်ဘၣ်ဖုးန့ၣ်, လံာ်ပရၢအဝဲအံၤကဒုးသ့ၣ်ညါနၤလၢပဂ့ၤအိၣ်မူဒ်လဲၣ်ဒ် လဲၣ်လၢကစၢ်ယွၤအဒူၣ်ပူၤထၢပူၤ, လၢအမ့ၢ်ကစၢ်ယွၤလၢအမူဝဲတဂၤအတၢ်အိၣ်ဖှိၣ်, ဟံၣ်ထူၣ်ဒီးတၢ်ပၢၢ်ဃာ်လၢအစိာ်ဂၢၢ်စိာ်ကျၢၤတၢ်မ့ၢ် တၢ်တီန့ၣ်လီၤ.

၁ ယိၤဟၣ် 1:3

တၢ်လၢပထံၣ်ဘၣ်ဒီးနၢ်ဟူဘၣ်တ့ၢ်လံန့ၣ်, ပစံးဘၣ်တဲဘၣ် စ့ၢ်ကီးသု, ဒ်သိးသုကရ့လိာ်မုာ်လိာ်သုသးဒီးပှၤန့ၣ်လီၤ. ပတၢ်ရ့လိာ်အံၤမ့ၢ်ပရ့လိာ်ပသးဒီးပၢ်, ဒီးအဖိခွါယ့ၣ်ၡူးခရံာ် န့ၣ်လီၤ.

လံာ်လီၣ်ဖျါ 3:12

ပှၤလၢအမၤနၢၤတၢ်န့ၣ်, ယကဒုးကဲအီၤဟံၣ်ထူၣ်တထူၣ်လၢယကစၢ်ယွၤအတၢ်လုၢ်ဟံၣ် အပူၤ, ဒီးအဝဲဒၣ်တဟးထီၣ်လၢအပူၤနီတစုဘၣ်လီၤ. လၢအဝဲဒၣ်အလိၤန့ၣ်ယကကွဲးလီၤယကစၢ်ယွၤအမံၤ, ဒီး ယကစၢ်ယွၤအဝ့ၢ်အမံၤ, ဝ့ၢ်ယရူၤၡလ့ၣ်အသီတဖျၢၣ်လၢ အကဟဲလီၤလၢမူခိၣ်လၢယကစၢ်ယွၤအအိၣ်န့ၣ်လီၤ. ယကကွဲးလီၤစ့ၢ်ကီးယမံၤအသီတဖျၢၣ်လၢအဝဲဒၣ်အလိၤန့ၣ်လီၤ.