ကလၤတံ 2:8 - Sgaw Karen Common Bible

⁸ အဂ့ၢ်ဒ်အံၤ, လၢကစၢ်ယွၤအစိကမီၤအဃိန့ၣ်, ယဘၣ်တၢ်ဒုးကဲယၤလၢပှၤတၢ်မၢဖိဆူပှၤကလုာ်ဂၤတဖၣ် အအိၣ်, ဒ်စီၤပ့းတရူးဘၣ်တၢ်ဒုးကဲအီၤပှၤတၢ်မၢဖိဆူပှၤ ယူဒၤဖိတဖၣ်အအိၣ်အသိးန့ၣ်လီၤ.

ကလၤတံ 2:8 Iomraidhean Croise

မၤတၢ် 1:25

လၢအကဟံးန့ၢ်စီၤယူဒၤအလီၢ်ဒ်ပှၤတၢ်မၢဖိတဂၤအသိးအဂီၢ်န့ၣ် တက့ၢ်. စီၤယူဒၤညိကွံာ်တ့ၢ်တၢ်လီၢ်န့ၣ်လၢအကလဲၤဆူအလီၢ် အကျဲဒၣ်ဝဲန့ၣ်လီၤ.”

မၤတၢ် 1:8

မ့မ့ၢ်တုၤသးစီဆှံဟဲလီၤလၢသုလိၤဝံၤဒီးသုကလၢ ထီၣ်ပှဲၤထီၣ်ဒီးတၢ်စိတၢ်ကမီၤ, ဒီးသုကကဲထီၣ်ပှၤအုၣ်အသးတဖၣ်လၢယဂီၢ်လၢဝ့ၢ် ယရူၤရှလ့ၣ်အပူၤ, လၢကီၢ်ယူဒၤဒီကီၢ်ညါဒီးကီၢ်ၡၤမရံ ဒီးပၢၢ်တုၤလၢဟီၣ်ခိၣ်အကတၢၢ်န့ၣ်လီၤ.”

မၤတၢ် 15:12

ပှၤဒီဖုညါအိၣ်ဘှ့ၣ်အိၣ်ဘှီၣ်ဒီးဒိကနၣ်စီၤဘၢ်နါဘၤဒီး စီၤပီလူးအတၢ်ကတိၤတဲဖျါတၢ်ပနီၣ်လီၤလးဒီးတၢ်လီၤလး တဖၣ်လၢကစၢ်ယွၤမၤတ့ၢ်ဝဲခီဖျိအဝဲသ့ၣ်လၢပှၤကလုာ်ဂၤတဖၣ် အသိးအကျါန့ၣ်လီၤ.

မၤတၢ် 19:26

သုကထံၣ်ဘၣ်ဒီးနၢ်ဟူဘၣ်လၢသုနီၢ်ကစၢ်ဒၣ်သုဝဲတၢ်လၢ စီၤပီလူးမၤဝဲန့ၣ်လီၤ. အဝဲဒၣ်စံးလၢယွၤတဖၣ်လၢပှၤကညီဘှီလၢအစုန့ၣ်, တမ့ၢ်ယွၤနီၢ်နီၢ်ဘၣ်. ဒီးပှၤအါဒံအါဂၤဖဲအံၤလၢဝ့ၢ်အ့းဖ့းစူးဒီး လၢကီၢ်အၤစံဒီဘ့ၣ်ဃၣ်ဃၣ်အပူၤစ့ၢ်ကီးနာ်အဝဲအတၢ်ကတိၤလံ.

မၤတၢ် 21:19

စီၤပီလူးကတိၤဆၢဂ့ၤဆၢဝါအဝဲသ့ၣ်ဝံၤဒီး, တဲဖျါထီၣ်ဝဲလၢလၢပှဲၤပှဲၤတၢ်ခဲလၢာ်လၢကစၢ်ယွၤမၤတ့ၢ်ဝဲ လၢပှၤကလုာ်ဂၤတဖၣ်အကျါခီဖျိအဝဲဒၣ်အတၢ်ဖံးတၢ်မၤ န့ၣ်လီၤ.

မၤတၢ် 22:21

ကစၢ်စံးဘၣ်ယၤ, ‘လဲၤတက့ၢ်. အဂ့ၢ်ဒ်အံၤ, ယကဆှၢလီၤနၤဆူတၢ်လီၢ်အယံၤဆူပှၤကလုာ်ဂၤတဖၣ် အအိၣ်န့ၣ်လီၤ.’ ”

မၤတၢ် 4:4

ဘၣ်ဆၣ်ဒီးပှၤအါဂၤလၢအနၢ်ဟူဘၣ်တၢ်ကစီၣ်န့ၣ်, စူၢ်က့ၤနာ်က့ၤယ့ၣ်ၡူးသတးဒီး, ပှၤစူၢ်က့ၤနာ်က့ၤတၢ်ခဲလၢာ်ကပှဲၤထီၣ်ယဲၢ်ကထိဂၤဃၣ်ဃၣ်န့ၣ်လီၤ.

မၤတၢ် 8:17

အန့ၣ်ဒီးစီၤပ့းတရူးဒီးစီၤယိၤဟၣ်ပာ်ထီၣ်အစုလၢအဝဲသ့ၣ်အခိၣ် ဖီခိၣ်, ဒီးအဝဲသ့ၣ်ဒိးန့ၢ်ဘၣ်သးစီဆှံန့ၣ်လီၤ.

မၤတၢ် 9:15

ကစၢ်စံးဘၣ်အီၤ, “လဲၤဘၣ်တက့ၢ်. အဂ့ၢ်ဒ်အံၤယဃုထၢတ့ၢ်အီၤလၢယကမၢလီၤအီၤလၢအကစံး ဘၣ်တဲဘၣ်ပှၤကလုာ်ဂၤတဖၣ်ဒီးစီၤပၤတဖၣ်, ဒီးပှၤအံၣ်စရ့လးဖိတဖၣ်လၢယဂ့ၢ်အဂီၢ်လီၤ.

1 ကရံၣ်သူး 15:10

ဘၣ်ဆၣ်ဒီးခီဖျိကစၢ်ယွၤအဘျုးန့ၣ်, ယမ့ၢ်တၢ်လၢယမ့ၢ်ဒီးတၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်ယၤန့ၣ် တကဲတၢ်ကလီကလီဘၣ်. မ့မ့ၢ်ယဖံးမၤတ့ၢ်တၢ်ဆူၣ်န့ၢ်ပှၤတၢ်မၢဖိအဂၤတဖၣ်ခဲလၢာ်လီၤ. ဘၣ်ဆၣ်ဒီးတမ့ၢ်ယတၢ်မၤဒၣ်ယဲနီၢ်နီၢ်ဘၣ်, မ့မ့ၢ်တခီမ့ၢ်ဝဲယွၤအဘျုးအဖှိၣ်ဖံးမၤတၢ်ဒီးယၤလီၤ.

1 ကရံၣ်သူး 9:2

ပှၤဂုၤပှၤဂၤတဖၣ်မ့ၢ်တတူၢ်လိာ်ယၤဒ်ပှၤတၢ်မၢဖိတဂၤအသိး ဒၣ်လဲာ်န့ၣ်, သပှၢ်ကတၢၢ်သုဝဲသုတူၢ်လိာ်ကစီဒီလီၤ. ခီဖျိသုတၢ်အိၣ်မူပာ်ဖှိၣ်ဃုာ်သုသးဒီးကစၢ်န့ၣ်, သုနီၢ်ကစၢ်ဒၣ်သုဝဲသုမ့ၢ်တၢ်အုၣ်အသးဘၣ်ဃးဒီးယမ့ၢ်ပှၤတၢ် မၢဖိတဂၤအဂ့ၢ်န့ၣ်လီၤ.

ကလၤတံ 3:5

ကစၢ်ယွၤဟ့ၣ်သုအသးစီဆှံဒီးမၤတၢ်လီၤလးလၢသုသိးသုကျါ န့ၣ်, မ့ၢ်လၢသုမၤထွဲတၢ်သိၣ်တၢ်သီအခံအဃိဧါ. မ့တမ့ၢ်ဘၣ်ဒီးမ့ၢ်လၢသုနၢ်ဟူဘၣ်တၢ်သးခုကစီၣ်ဒီးသုနာ်အီၤ အဃိဧါ.

ကလီးစဲ 1:29

လၢတၢ်အံၤအဂီၢ်ယဂုာ်မၤယဲလၢာ်ဂံၢ်လၢာ်ဘါဒ်ခရံာ်မၤ ဆူၣ်ထီၣ်ယသးဒိၣ်ဒိၣ်ကလဲာ်အသိးန့ၣ်လီၤ.

၁ သ့းစၤလနံ 2:13

ဒီးတၢ်ဂ့ၢ်အိၣ်ဒံးဝဲအဂၤတမံၤလၢဘၣ်မနုၤအဃိပစံးဘျုးစံး ဖှိၣ်ကစၢ်ယွၤထီဘိတဘိယူာ်ဃီလဲၣ်န့ၣ်လီၤ. ဖဲပဟဲဆှၢန့ၢ်သုကစၢ်ယွၤအတၢ်ကစီၣ်န့ၣ်, သုနၢ်ဟူဒီးတူၢ်လိာ်အီၤဒ်တၢ်ကစီၣ်ဟဲလၢကစၢ်ယွၤအအိၣ်အသိး, ဒီးတမ့ၢ်ဝဲဒ်တၢ်ကစီၣ်ဟဲလၢပှၤကညီအအိၣ်အသိးဘၣ်လီၤ. သပှၢ်ကတၢၢ်, တၢ်ကစီၣ်အဝဲအံၤဟဲလၢကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, ကစၢ်ယွၤမၤတၢ်လၢသုဝဲလၢအစူၢ်က့ၤနာ်က့ၤတၢ် တဖၣ်အပူၤန့ၣ်လီၤ.