ကလၤတံ 2:4 - Sgaw Karen Common Bible

⁴ သနာ်က့ပှၤတနီၤအဲၣ်ဒိးဝဲလၢအဝဲဒၣ်ကမၤဝဲန့ၣ်လီၤ. ပှၤသ့ၣ်တဖၣ်အံၤပာ်မၤအသးဒ်အမ့ၢ်ပှၤစူၢ်က့ၤနာ်က့ၤတၢ် သကိးသကိးဒီးပှၤဒီးနုာ်လီၤဆူပကျါဒ်ပှၤကွၢ်ဟုၣ်ကွၢ်စုာ် တၢ်တဖၣ်အသိး, ဒ်သိးအကဃုသ့ၣ်ညါတၢ်သဘျ့လၢ အအိၣ်ဒီးပှၤခီဖျိပတၢ်မ့ၢ်တၢ်တမံၤဃီဒီးယ့ၣ်ၡူးခရံာ် န့ၣ်လီၤ. အဝဲသ့ၣ်အသးအိၣ်လၢပကကဲထီၣ်တၢ်အကုၢ် အပှၤလီၤ.

ကလၤတံ 2:4 Iomraidhean Croise

စံးထီၣ်ပတြၢၤ 119:45

ဒီးယကလဲၤတၢ်လၢတၢ်သဘျ့အလၢအပှဲၤအပူၤလီၤ. အဂ့ၢ်ဒ်အံၤ, ယဃုတ့ၢ်လံ နတၢ်သိၣ်တၢ်သီတဖၣ်န့ၣ်လံ.

စံးထီၣ်ပတြၢၤ 51:12

ဒုးအိၣ်ထီၣ်က့ၤန့ၢ်ယၤလၢနတၢ်အုၣ်က့ၤခီၣ်က့ၤ အတၢ်သူၣ်ခုသးခု ဒီးမၤစၢၤယၤဒ်သိးယကဒိကနၣ်နၤန့ၣ်တက့ၢ်.

လံာ်ယၡါယၤ 51:23

ယကဟ့ၣ်လီၤအီၤဆူ, ပှၤတဖၣ်လၢအမၤအၢမၤနးသု, လၢအမၢသုမံလီၤလၢကျဲဘိတဖၣ်အပူၤ ဒီးယီၢ်တံၢ်သုဒ်ဟီၣ်ခိၣ်ကမူၣ်အသိး, အအိၣ်န့ၣ်လီၤ.”

လံာ်လူၤကၣ် 5:38

မ့မ့ၢ်စပံးထံအသီန့ၣ်, ကြၢးဘၣ်တၢ်ဒၢနုာ်အီၤလၢစပံးထံဒၢတၢ်ဖံးအသီတဖၣ်အပူၤလီၤ.

မၤတၢ် 15:1

အန့ၣ်ဝံၤအလီၢ်ခံ, ပှၤတနီၤဟဲလၢကီၢ်ယူဒၤဆူဝ့ၢ်အၣ်တံၤအီာ်ဒီး သိၣ်လီၤသီလီၤပှၤစူၢ်က့ၤနာ်က့ၤတၢ်တဖၣ်ဒီးစံး, “သုမ့ၢ်တဒိးတၢ်ကူးတရံးဒ်စီၤမိၤၡ့အတၢ်သိၣ်တၢ်သီ အိၣ်ဝဲအသိးဘၣ်န့ၣ်, သုဒိးန့ၢ်တၢ်အုၣ်က့ၤခီၣ်က့ၤတသ့ဘၣ်.”

မၤတၢ် 15:24

ပနၢ်ဟူဘၣ်လၢပှၤလၢပသိးပကျါတနီၤလဲၤမၤတံာ်တာ်ဒီး မၤဟးဂီၤသုသးခီဖျိအတၢ်စံးတၢ်ကတိၤန့ၣ်လီၤ. ဘၣ်ဆၣ်ဒီး, အဝဲသ့ၣ်တမ့ၢ်ပှၤလၢပမၢလီၤအီၤဒ်သိးအကလဲၤ မၤတၢ်ဒ်န့ၣ်ဘၣ်.

မၤတၢ် 20:30

ဆၢကတီၢ်ကတုၤဃီၤဝဲဖဲပှၤတနီၤလၢသုသိးသုကျါဒၣ်ဝဲ ကလီန့ၢ်တၢ်ဒ်သိးအကကွဲန့ၢ်လွဲန့ၢ်အပျဲၢ်အဘီၣ်တဖၣ်ဆူ အအိၣ်လီၤ.

ရိမ့ၤ 8:15

အဂ့ၢ်ဒ်လဲၣ်န့ၣ်, ကစၢ်ယွၤအသးလၢအဘၣ်တၢ်ဟ့ၣ်လီၤ သုန့ၣ်တဒုးကဲထီၣ်သုလၢကုၢ်ဒီးဒုးအိၣ်ထီၣ်တၢ်ပျံၤတၢ်ဖုး လၢသုပူၤန့ၣ်ဘၣ်. မ့မ့ၢ်ကစၢ်ယွၤအသးဒုးကဲထီၣ်သုလၢ ကစၢ်ယွၤအဖိတဖၣ်ဒီးလၢအသးအစိကမီၤအပူၤပကိးထီၣ် ကစၢ်ယွၤ, “ပၢ်ဧၢ, ယပၢ်ဧၢ” န့ၣ်လီၤ.

၂ ကရံၣ်သူး 11:13

ပှၤသ့ၣ်တဖၣ်န့ၣ်တမ့ၢ်ပှၤတၢ်မၢဖိနီၢ်နီၢ်ဘၣ်. အဝဲသ့ၣ်မ့ၢ်ပှၤတၢ်မၢဖိအဘျၣ်တဖၣ်, လၢအကတိၤကဘျံးကဘျၣ်တၢ်ဘၣ်ဃးအတၢ်ဖံးတၢ်မၤအဂ့ၢ်, ဒီးပျိာ်လီၤဆီအသးဒ်သိးအကလီၤဂာ်ဒီးခရံာ်အတၢ်မၢဖိနီၢ် နီၢ်တဖၣ်လီၤ.

၂ ကရံၣ်သူး 11:17

သပှၢ်ကတၢၢ်, တၢ်လၢယစံးကတိၤယဲခဲကနံၣ်အံၤန့ၣ် တမ့ၢ်ဝဲဒ်ကစၢ်အဲၣ်ဒိးယကကတိၤအီၤအသိးန့ၣ်ဘၣ်. ဖဲလၢအဘၣ်ဃးဒီးတၢ်ကတိၤတၢ်ကဖၢလၢဒ်အံၤအသိး န့ၣ်ယကတိၤစဲဃဲၤယဲတၢ်ဒ်တၢ်ပျုၢ်တဂၤအသိးလီၤ.

၂ ကရံၣ်သူး 11:20

သုဝံသးစူၤပှၤတဂၤဂၤလၢအမၢထီၣ်မၢလီၤသုဆူအံၤ ဆူဘး, မ့တမ့ၢ်ဟံးန့ၢ်တၢ်အခွဲးအယာ်လၢသုဖီခိၣ်, မ့တမ့ၢ်ဃုဖီၣ်န့ၢ်သု, မ့တမ့ၢ်ကွၢ်တလီၤသု, မ့တမ့ၢ်ဒဲသုမဲာ်န့ၣ်လီၤ.

၂ ကရံၣ်သူး 11:26

လၢယတၢ်လဲၤတၢ်က့ၤအါစုအါဘျီအပူၤန့ၣ်, ယအိၣ်တ့ၢ်လၢတၢ်ဘၣ်ယိၣ်တၢ်လီၤပျံၤအလီၢ်ဘၣ်ဃးဒီးထံ လုၣ်ဘၢတၢ်ဒီးတမျိးတမျာ်, တၢ်ဘၣ်ယိၣ်အလီၢ်ဘၣ်ဃးပှၤယူဒၤဖိသကိးပှၤယူဒၤဖိ အတၢ်ထီဒါဒီးပှၤကလုာ်ဂၤတဖၣ်အတၢ်ထီဒါန့ၣ်လီၤ. တၢ်ဘၣ်ယိၣ်အလီၢ်အိၣ်တ့ၢ်ဝဲလၢယဂီၢ်ဖဲပှၤခူပူၤ ဝ့ၢ်ပူၤ, လၢပှၢ်လၢ်ကျါ, လၢပီၣ်လဲၣ်ပူၤ, ဒီးတၢ်လီၤပျံၤ အလီၢ်အိၣ်လၢယဂီၢ်ခီဖျိတံၤသကိးအတမ့ၢ်တတီတဖၣ်လီၤ.

၂ ကရံၣ်သူး 3:17

ခဲကနံၣ်အံၤ, “ကစၢ်” လၢတၢ်ကွဲးတတီၤအံၤအပူၤန့ၣ်မ့ၢ်ဝဲယွၤ အသးစီဆှံလီၤ. ဒီးဖဲယွၤအသးစီဆှံအိၣ်ဝဲအလီၢ်န့ၣ်တၢ်သဘျ့ အိၣ်ဝဲလီၤ.

ကလၤတံ 1:7

နီၢ်နီၢ်န့ၣ် “တၢ်သးခုကစီၣ်အဂၤ” တအိၣ်နီတခါဘၣ်. မ့မ့ၢ်ယစံးတၢ်အံၤန့ၣ်, မ့ၢ်လၢပှၤအိၣ်ဝဲဒၣ်တနီၤလၢအမၤကဒံကဒါသုသးဒီးဂုာ်ကျဲး စၢးလဲလိာ်တၢ်သးခုကစီၣ်ဘၣ်ဃးခရံာ်အဃိန့ၣ်လီၤ.

ကလၤတံ 4:25

နီၢ်ဟၤကၢ်, လၢအဘၣ်ထိၣ်သတြီၤအီၤဒီးကစၢၢ်စံၤနါလၢကီၢ်ဧ့ရ့းန့ၣ်, မ့ၢ်တၢ်ဒိတၢ်တဲာ်ဘၣ်ဃးမုၢ်မဆါတနံၤအံၤအဝ့ၢ် ယရူၤၡလ့ၣ်လီၤ. အဂ့ၢ်ဒ်အံၤအဝဲကဲကုၢ်ဒီးအဖိတဖၣ်လီၤ.

ကလၤတံ 4:3

ဒ်န့ၣ်အသိး, ပဝဲစ့ၢ်ကီးပကဲကုၢ်လၢသးတဖၣ်လၢအပၢ ဟီၣ်ခိၣ်မူခိၣ်အဖီလာ်တချုးပတုၤတၢ်ဒိၣ်တုာ်ခိၣ်ပှဲၤလၢ သူၣ်လၢသးန့ၣ်လီၤ.

ကလၤတံ 5:1

တၢ်လၢအအိၣ်ဒီးပှၤန့ၣ်မ့ၢ်တၢ်သဘျ့လီၤ. ခရံာ်ဒုးထူၣ်ဖျဲးထီၣ် ကွံာ်ပှၤလံ. လၢတၢ်န့ၣ်အဃိဒ်ပှၤသဘျ့တဖၣ်အသိး, အိၣ်ဂၢၢ်ဆိးကျၢၤဒီးသုတပျဲပှၤဒုးကဲထီၣ်ကဒီးသုလၢ ကုၢ်တဂ့ၤ.

ကလၤတံ 5:10

ဘၣ်ဆၣ်ဒီး ယနာ်ဒံးယဲသုလီၤ. ပတၢ်အိၣ်မူလၢတၢ်တမံၤဃီဒီး ကစၢ်အပူၤန့ၣ်, ဒုးနာ်ယၤလၢသုတၢ်ထံၣ်တလီၤဆီဒီးယၤဘၣ်, ဒီးပှၤလၢအမၤတံာ်တာ်သုတဂၤမ့ၢ်မတၤဂ့ၤမတၤဂ့ၤန့ၣ်, ကဘၣ်တၢ်စံၣ်ညီၣ်အီၤလၢကစၢ်ယွၤန့ၣ်လီၤ.

၂ တံၤမသ့း 3:6

အဝဲသ့ၣ်တနီၤလဲၤနုာ်ဆူပှၤအဟံၣ်ပူၤဒီးကွဲန့ၢ်လွဲန့ၢ်ပိာ် မုၣ်ဂံၢ်စၢ်ဘါစၢ်တဖၣ်လၢအအိၣ်ဒီးတၢ်ဒဲးဘးအတၢ်ဝံ တၢ်ယိးဒီးပိာ်ထွဲတၢ်သူၣ်လီသးကွံအကလုာ်ကလုာ် အခံန့ၣ်လီၤ.

ယၤကိာ် 1:25

ဘၣ်ဆၣ်ဒီးပှၤတဂၤဂ့ၤတဂၤဂ့ၤလၢအကွၢ်ထံတၢ်သိၣ်တၢ်သီ အလၢအပှဲၤလၢအမၤထူၣ်ဖျဲးပှၤကညီ, လၢအကွၢ်ထံမၤလိဝဲ တထံၣ်ဃီ, ဒီးတမ့ၢ်ထဲအဒိကနၣ်ဝဲဒီးသးပ့ၤနီၣ်ကွံာ်အီၤန့ၣ်ဘၣ်, မ့မ့ၢ်အိၣ်မူမၤထွဲဝဲန့ၣ်, ကစၢ်ယွၤကဆိၣ်ဂ့ၤအီၤလၢအတၢ်ဖံး တၢ်မၤအပူၤန့ၣ်လီၤ.

၁ ပ့းတရူး 2:16

အိၣ်မူဒ်ပှၤလၢအသဘျ့တဖၣ်အသိးတက့ၢ်. ဘၣ်ဆၣ်ဒီး, တဘၣ်သူသုတၢ်သဘျ့လၢတၢ်ကးဘၢတၢ်အၢတၢ်သီတမံၤဂ့ၤ တမံၤဂ့ၤအဂီၢ်န့ၣ်တဂ့ၤ. အိၣ်မူဒ်ကစၢ်ယွၤအကုၢ်တဖၣ်အသိးန့ၣ်တက့ၢ်.

၂ ပ့းတရူး 2:19

သရၣ်အဘျၣ်တဖၣ်အံၤအၢၣ်လီၤအဝဲသ့ၣ်လၢကဟ့ၣ် အီၤတၢ်သဘျ့, မ့မ့ၢ်အဝဲသ့ၣ်အကစၢ်ဒၣ်ဝဲတခီကဲကုၢ်လၢလုၢ်လၢ် အၢသီလၢအမၤဟးဂီၤတၢ်တဖၣ်အဖီလာ်, အဂ့ၢ်ဒ်လဲၣ်န့ၣ်, ပှၤတဂၤဂၤမ့ၢ်ဒိးမၢအသးလၢတၢ်တမံၤမံၤဒီးအဝဲဒၣ် ကဲထီၣ်တၢ်တမံၤန့ၣ်အကုၢ်လီၤ.

၁ ယိၤဟၣ် 4:1

ယတံၤသကိးသးဘိသ့ၣ်ဧၢ, ပှၤလၢအစံးလီၤအသးလၢအအိၣ်ဒီးယွၤအသးခဲလၢာ်န့ၣ်, နာ်အီၤတဂ့ၤ. မ့မ့ၢ်, မၤကွၢ်အီၤဒ်သိးသုကထံၣ်သ့ၣ်ညါသးလၢအအိၣ်ဒီးအဝဲသ့ၣ်, မ့ၢ်အဟဲလၢကစၢ်ယွၤအအိၣ်ကစီဒီဧါအဂီၢ်န့ၣ်တက့ၢ်. အဂ့ၢ်ဒ်လဲၣ်န့ၣ်, ဝံအဘျၣ်အါဂၤအိၣ်ထီၣ်ဝဲလၢဟီၣ်ခိၣ်ချၢလံ.

ယူဒၤ 1:4

အဂ့ၢ်ဒ်လဲၣ်န့ၣ်, ပှၤလၢအတယူးတယီၣ်ယွၤတဖၣ်ဟဲနုာ်လီၤခူသူၣ်တ့ၢ်လံလၢပကျါ, ဒီးမ့ၢ်ပှၤတဖၣ်လၢအဘိးကဒါကွံာ်တၢ်ကစီၣ်ဘၣ်ဃး ပကစၢ်ယွၤအဘျုးအဖှိၣ်ဒ်သိးကကတိၤပူၤဖျဲးအသးလၢ အတၢ်အိၣ်မူလီၤရၢၢ်လီၤစၢၢ်, ဒီးမ့ၢ်ပှၤတဖၣ်လၢအသမၢ ယ့ၣ်ၡူးခရံာ်, ပခိၣ်ဒီးပကစၢ်ထဲတဂၤဧိၤန့ၣ်လီၤ. တၢ်ကွဲးအသးစီဆှံတဖၣ်တဲဆိပာ်တၢ်စံၣ်ညီၣ်ဃၣ်လၢ အဝဲသ့ၣ်ဒိးန့ၢ်ဝဲအဂ့ၢ်ယံာ်တ့ၢ်လံန့ၣ်လီၤ.