ကလၤတံ 2:3 - Sgaw Karen Common Bible

³ စီၤတံတူးလၢအအိၣ်ဒီးယၤန့ၣ်, မ့ၢ်ပှၤကြံးခ်ဖိတဂၤသနာ်က့ အဝဲဒၣ်တဘၣ်တၢ်မၢဆူၣ်အီၤလၢအကဒိးတၢ်ကူးတရံး,

ကလၤတံ 2:3 Iomraidhean Croise

မၤတၢ် 15:24

ပနၢ်ဟူဘၣ်လၢပှၤလၢပသိးပကျါတနီၤလဲၤမၤတံာ်တာ်ဒီး မၤဟးဂီၤသုသးခီဖျိအတၢ်စံးတၢ်ကတိၤန့ၣ်လီၤ. ဘၣ်ဆၣ်ဒီး, အဝဲသ့ၣ်တမ့ၢ်ပှၤလၢပမၢလီၤအီၤဒ်သိးအကလဲၤ မၤတၢ်ဒ်န့ၣ်ဘၣ်.

မၤတၢ် 16:3

စီၤပီလူးအသးအိၣ်လၢအဝဲဒၣ်ကကဲထီၣ်ပှၤလဲၤဃုာ်တၢ်ဒီး အီၤသတးဒီး, ကူးတရံးအီၤလီၤ. အဝဲမၤတၢ်ဒ်သိးအံၤန့ၣ်, မ့ၢ်လၢပှၤယူဒၤဖိလၢအအိၣ်အဆိးဖဲတၢ်လီၢ်တၢ်ကျဲတဖၣ် န့ၣ်အပူၤအဃိ, အဂ့ၢ်မ့ၢ်လၢအဝဲသ့ၣ်ခဲလၢာ်သ့ၣ်ညါလၢ စီၤတံၤမသ့းအပၢ်မ့ၢ်ပှၤကြံးခ်ဖိတဂၤအဃိန့ၣ်လီၤ.

၂ ကရံၣ်သူး 2:13

ဘၣ်ဆၣ်ဒီး, ယသူၣ်အုးသးအုးယဲအဒိၣ်အအါ မ့ၢ်လၢယတထံၣ်ပဒီပုၢ်ဝဲၢ်စီၤတံတူးဘၣ်အဃိလီၤ. လၢတၢ်န့ၣ် အဃိ, ယဆၢဂ့ၤဆၢဝါပှၤဝ့ၢ်ဖိတဖၣ်ဒီးပာ်တီၢ်အဝဲသ့ၣ်, ဒီးလဲၤကဒီးယဲဆူကီၢ်မၤက့းဒနံန့ၣ်လီၤ.

ကလၤတံ 2:1

ဖဲတဆံလွံၢ်နံၣ်လဲၤပူၤကွံာ်န့ၣ်, ယက့ၤကဒါက့ၤဆူဝ့ၢ်ယရူၤၡလ့ၣ်ဃုာ်ဒီးစီၤဘၢ်နါဘၤ, ဒီးယက့ၤကိးဃုာ်စီၤတံတူးလီၤ.

တံတူး 1:4

ယကွဲးလံာ်ဆူစီၤတံတူးလၢအမ့ၢ်ယဖိခွါနီၢ်နီၢ်လၢတၢ်စူၢ်တၢ် နာ်တမံၤဃီဒီးပှၤအပူၤတဂၤအအိၣ်, မ်ပၢ်ကစၢ်ယွၤဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်ဟ့ၣ် နၤတၢ်ဘျုးတၢ်ဖှိၣ်ဒီးတၢ်ဃူတၢ်ဖိးတက့ၢ်.